لـلـرغـى فـنــون

رفوف مخفيه

من فترة شفت طريقة ظريفه للرفوف الكتب اسمها

Invisible Shelves

شكلها شيك جداً

ده فيديو لطريقة تثبيت الرفوف متخدوش فى بالكم الاخ العاقل الى بيقدمه
:D

How To Install Invisible Shelves

*.*هوندا*.*

أغلبنا عارف ان العقل لما بيسمع مصطلحات إيجابية أو بيفكر أفكار إيجابية بينجذب ليها وبيكون نتاجها إيجابى والعكس صحيح

وأنك محتاج تقرأ جمل أو كلمات إيجابية بصوت عالى كتير عشان تغذى عقلك أو تبرمجه بأفكار إيجابية

فكرة جميلة جداً شوفتها على أحد المواقع لزيادة إنتاجيتك وتحمسك

للتحميل بالحجم الكبير

خلفية لسطح المكتب مكتوب فيها كلمات إيجابية كتير

وطبعا لك الحرية انك تعدل فى الصورة دى لكن حاول تطبق الفكرة والاجمل لو عملنها فى لوحة كبيرة وعلقناها فى أوضتنا هتبقا تحفة بجد

*.*
هوندا
*.*

دكتور جلال أمين

شخصيات أثرتنى, من يومياتى 5 comments

دكتور جلال أمين
من كتابى المفضلين ذو الفكر الراقى المحترم عرفت كتبه من أواخر العام الماضى عن طريق الأصدقاء فى موقع
Good Reads
منذ يومين حضرت له لقاء فى مكتبه حنين
كانت المرة الأولى لحضور لقاء له وكانت الأولى من نوعها لى أحببت أن أدخل فى هذا العالم حتى أحتك مع هذه الفئه الثقافيه،لذلك استمتعت باليوم خصوصا فى ظل صحبة مهتمه بنفس المجال كان معى فاطمه وأختها دكتورة أمل صاحبة رساله دكتوراه شيقه الموضوع عن "المثقف المصرى" واستمتعت بحوارنا ومناقشتنا للأمسية

كان اللقاء مريح ومفتوح للجميع فالدكتور جلال قادم على أنه حفل توقيع فقط بينما نحن قادمون على أنه لقاء معه
:D
ولكن لم تكن مشكله على الإطلاق حيث تم اللقاء والتوقيع

كان معظم الحوار يدورحول الوضع الاقتصادى فى مصر والطبقة الوسطى وأحوال المصريين وتحدث أيضاً عن كتاب ماذا علمتنى الحياة وذكريات له مع والده الكاتب أحمد أمين

وأشار أنه بصدد الإنتهاء من جزء ثانى لسيرته الذاتيه وتحدث أيضاً عن كتابه الاخير مصر والمصريون فى عصر مبارك الذى اعتبره البعض جزء ثانى من كتاب ماذا حدث للمصريون؟

فأشار فى بداية الحديث أنه هناك عنصرين فى المجتمع يبعثو عليه التفائل من تحسين وضع المجتمع وهو ازدياد دور المرأه فى المجتمع وحصولها على حقوق كثيرة لها وهذا سيؤثر بدوره على الشباب وعلى الرجال والمجتمع وكنت أتفق معه فى هذه النقطة بشده

والنقطة الأخرى طموح الطبقة الوسطى فى تحسين أحوالها فهو يسمع مراراً على لسان الشباب الرغبة فى إقامة مشاريع وعلى لسان سائقى التاكسى رغبته فى حصول ابنه على دورات لتحسين لغته الإنجليزية فهو يؤكد على انعدام هذه الرغبات والطموحات فى فتره شبابه بين فئه الطبقة الوسطى وقال "هما كانو راضيين بحالهم كده"

كان الهدف من اللقاء هو كسر الحواجز بين الكاتب والقراء وهذا ماأكد عليه الدكتور جلال وقال أيضاُ إن الغرض ان الناس تحس اننا كلنا شبه بعض وان مفيش حاجة غريبة أو زيادة عند الكاتب مش موجودة عند الناس
وبصراحة نجح الكاتب فى كسر الحواجز لذلك كان الكل يشارك فى طرح الأسئله كما أنه كان حريص على أن لا يدخل فى تفاصيل كثيرة للسؤال الواحد حتى يعطى الوقت للإجابة على الجميع

من النقط التى علقت بذهنى كانت فى آخر اللقاء حيث أكد على أننا نحتاج بعث روحى من جديد حتى نعيد لأنفسنا الرغبة فى الإصلاح كما أكد على أهمية دور ملهمى العصر حتى نستمد منهم الرغبة فى الإصلاح كما كان موجود من قبل رفاعه الطهطاوى , جمال الأفغانى , محمد عبده ...إلخ

من المقارنات المحزنة بين عصر مبارك والعصور الأخرى هو انتشار الفساد فى كل مظاهر الحياة وانها كانت تحدث فى العهود الأخرى على استحياء وكانت أقل بكثير من الآن ! وبأن المشجع الأساسى لذلك السلطة من النقط التى اتفق معه بشدة هيا "مش هتفرق كتير إذا كان الحكم انتقل بالتوريث أو غيره " المهم احنا نتغير ومنعلقش كل المشاكل على انتقال الحكم بالتوريث

فى النهاية كنا بناخد صور معاه فلحقتلى صورة بس جت على غفله
:D

فى بداية اللقاء لم أشعر بأى سؤال يخطر فى ذهنى ولكن فى النهاية وجدت ثلاث أسئلة طرحتها أمامه وكان من حسن حظى فعلا لأنها عجبته فسألنى عن اسمى وظن غلط انى خريجة إعلام
:D
وأحرجت جداً لما حبيت أصححله المعلومة إنى طالبه فى تربية ونوعيه وقالى ايه تربية نوعية دى؟ واضح ان الكلية الرائعه دى شبحها هيطاردنى كتير :@
قلتله مش مشكله خلى الكلية ع جمب
:D

واشتريت كتاب مصر والمصريون فى عصر مبارك عشان استغل الفرصة ويوقعلى على الكتاب
وبصراحة حبيت أقرأ الكتاب ده كنوع من ثوتيق العصر الى من يوم ماتولدت وانا فيه

كنت مبسوطة هو وبيوقعلى جداً ولما خلص قالى أنا كتبتلك ولك التقدير عشان أسئلتك كان ممتازة
:)

بجد شخصية بسيطة ومتواضعه وخفيفه الظل وتستحق الاحترام
وشكرا لمكتبة حنين على استضافته وحسن التنظيم والرغبة المستمرة طوال القاء لتنظيم عرض الأسئله وإعطاء الفرص للجميع

*.*
هوندا
*.*

ToDoList

أفكار 4 comments

To Do List

من أشهر المفاهيم فى عالم الإنترنت لزيادة إنتاجية الفرد وتحسين إدارته لوقته الفكرة بتتلخص انك تستعمل القوائم لكل حاجة فى يومك

لدرجة ان فى كاتبه مهووسة بالفكرة عملت كتاب اسمه
ToDoList
الكتاب عبارة عن تجميع لقوائم ناس مختلفة لحاجات عايزين يعملوها فى يومهم أو حياتهم

يعنى تكتبى انهردة مثلا الصبح أنا عايز ألعب رياضة وافطر وانضف الشقة واتطبخ واذاكر ساعة واقرأ ساعتين ووووو
:D
وتيجى فى نهاية اليوم تشوف انجزت ايه
الفكرة دى بتنظم الأفكار جداً كمان كل فترة لما تبص على المهام الى مطلوبة منك انهردة هتحمسك انك تشتغل عشان تنهيها وتساعدك ع انك تدخل فى مود الشغل والاستفادة م الوقت لو كنت خرجت منه

لأنك ممكن يكون عندى افكار كتير جدا بتتصارع فتنسى حاجات تانية واليوم يخلص من غير ماتعمل حاجة واحدة مفيدة
كمان ودى عن خبرة لما تبص على القواءم دى كل فترة اسبوع شهر سنة هتتحمس جااااامد وتقول يااااه هو انا عملت كل ده

فى اقتراحات كتير للقوائم الى هتستعملها فى المنظم العادى بيكون أجندة زى كده وانت تمخمخ فيها مع نفسك

وفى ناس بتحب تكتب فى ورق

وفى ويب ابلكيشنز كتييييييييييير زى
Remember the milk

وممكن تخليه على سطح المكتب كمان

Remember the milk @ur desktop

وفى برامج كتيييييييييير ممكن تنزلها عندك ع الجهاز زى
MiniTask

وفى فكرة ظريفة عاجبانى اوى
انك تعمل لوحه فيها كروت صغيره او ورق صغير وتكتب المهام بتاعتك بالاسبوع مثلا

DIY note card task board

ممكن تنفذ الفكرة فى أوضتك وهتحتاج خامات بسيطة خالص

وده فيديو عبيط اوى بيتكلم ع الفكره

:D

*.*هوندا*.*

عصر العلم

شخصيات أثرتنى, من أجمل ماقرأت 4 comments

عصر العلم by أحمد زويل

rating: 5 of 5 stars

من أروع الكتب الى تقد تقراها فى حياتك

أحاول أن أصف لكم ماشعرت به وأنا اقرأه ولكن لا يسعنى التعبير كالعادة ولكم أكره هذه العاده
:S

لنقول كأنك تركب فى قطار وتواكب مراحل وخطوط سير هذا القطار الذى يقوده دكتور زويل ولكنك مشاهد فقط فينطلق من قرية دسوق ويمر بالإسكندرية ثم السفر إلى الولايات المتحددة

من يقرأ الكتاب ولم يشعر بدوافع حماسيه فأكرمله ميكملش الكتاب
:D

برغم عدم اندماجى فى المقدمة إلا انى اندمجت وانجذبت من أول سطر فى سرد ذكريات دكتور زويل ومع كل صفحة تزداد رغبتى فى القراءة فكم جميل أن تشعر بأنك ترافق قصة نجاح عالم وتشعر بأن هؤلاء العلماء أشخاص طبيعيه وغير مختلفين عنا غير فى العمل بجدية ونظام وإرادة استمتعت جدا بمسيرة دكتور زويل وزاد إعجابى بشخصيته فعن طريق هذا الكتاب كان بداية معرفتى لتفاصيل كثيرة فى مسيرة دكمتور زويل

وكم ازدت فخرا به وتمنيت ان نجد فى مصرنا الكثير والكثير منه ,كما ازددت حزنا لتدنى مستوى التعليم وتقدير العلماء المنتشر فى بلادنا

ستدرك ماأقصد عندما تقرأ فى الكتاب عن ما يتم توفيره للدكتور زويل من قبل أن يفوز بالجائزة لمجرد انه باحث ومحب للعلم ,فالغرب حقا يقدر العلماء بدرجة لا نتخيلها

بعد قرأتى لوصف دكتور زويل لحظات ماقبل واثناء تسلم جائزة نوبل شعرت برغبة فى مشاهدة الفيديو وبالفعل بحثت عنه ووجدته على يوتيوب وجدت المزيد من الفيديوهات التى تجعلك فخورا بهذا العالم

سيرة ذاتية سريعه

لقاء فى العاشرة مساءً

فى لقاء أجنبى

تسلم جائزة النيل العظمى

تسلم جائزة نوبل

الآن أدركت قيمة أن نقرأ عن شخصيات ناجحه
أكتر حاجة تحمس الإنسان ان يشوف نموذج النجاح متجسد قدامه فعلا فى صورة أشخاص مقولة أؤمن بها بشده منذ قالها عمرو خالد فى صناع الحياة

اقرأ أيضاً

كتاب عصر العلم لـ د. أحمد زويل .. وحديثي مع الحجر !

"عصر العلم" ما لا نعرفه عن الدكتور زويل

زويل يكتب عن ثروة الأمم وثورة الفكر

*.*هوندا*.*

*.*هوندا*.*

يا Willcome

شطحاتى, يحدث فى مصر فقط 10 comments

امبارح وانا بتمشى فى المنصورة ولانى بحب ابص حواليا كتير لقيت فرصة لقطة انى أخد صورة تحفة لحاجة جميلة جداً
:D

اكتشفت مدى الثقافة الإنجليزية الفزززززززيعة الى عندنا نحن الشعب المصرى

طيب بأمانة لو انا حبيت اطلب من حد يعدلها عشان المنظر العام اكلم مين؟؟؟

انا مرة قرأت انيس منصور عمل حركة زى دى كانت كلمة تنس مكتوبة غلط وعايزة اقلده ولو حد سبقنى وقلده مش هزعل المهم ان الكارثه دى تختفى

:@

هوندا