أنا جربه !!!!!!!!!

معلش ياجماعه انا مشغوله اوى اليومين دول قلت بدل ماسيب البلوج كدا اجيب حاجة م الارشيف اهو لحد مافضى حبه يلا اسيبكم مع الجرب هههههههههههه

أنا جربة !!!!!

لا دى مش أنا ،عارفة مابتصدقو لا اطمنو انا علاقتى الى حد ما جيدة بالدش

دى كلمة واحد قالهالنا فى الميكروباص وأنا راحة الجامعه عارفين قالهالى عشان ل...... استنوا احكيلم م لول

الحكاية انى راحة الجامعة امبارح فركبت ميكروباص فى الكرسى الى ورا السواق ومكنش فى تباع فقلت هقعد براحتى مش مشكلة اى نعم كان فى ولدين على الكرسى الى جمبى قلت عادى هما بعيد عنى وخلاص

المهم واحنا فى نصف الطريق تقريبا شوية كدا اوفجأ ان فى تباع هيركب فطبعا الى حصل ان انا نزلت والاتنين الى جمبى عشان يبدلو القعدة وادخل انا جوه جمب الشباك يعنى وهما يبقو جمب التباع عشان مببقاش محاصرة التباع جمبى م اليمين والاخين التانين م الشمال المهمز


نزلنا والمفروض انى ادخل اركب فوجئت بكيس عيش من ابوشلن وواضح انه كان ب2 ج عشان كان كتير اوى تحت الكرسى فطبعا مش هقعد عليه يعنى ده غير انه واخد مساحة فمش هعرف اقعد حاولت اخرجه من تحت الكرسى عشان اعرف اقعد يعنى اعتقد ان ده شىء صغنن من حقى انى اقعد مرتاحة اشد فى الكيس مش راضى يخرج اشد من ايده يادى النيلة الايد اتقطعت والبنى ادميين وراي عايزين يقعدو انا معطله حركة المرور ولا ايه اخر مازهقت رحت شايلاه هيله بيله ولسه راحة احطه جمبى لقيت واحد بياخد منى ويحطه ع رجله الى هو الشخص الموحترم الى هيقعد جمبى المهم حسيت براحة فظيعة بعد معركة تخريج الكيس من تحت الكرسى وتنفست الصعداء حلوة الصعداء دى اصل كل مرة لازم لجرب مصطلح عربى فوصحى ، لقيت الشخص الموحترم الى جمبى بيقولى انى قطعتى الكييييييييس انا اتخضيت وايقنت ان نموى وقف خلاص ومعتش هطول وال2 سم الى كنت بحلم بيهم مش هييجو ابدا فبصتله كده وقلت له معلش بعدين طول ماالعربية ماشية فالشخص الموحترم ده ماشاء الله مليان ربنا يزيده وواخد تلت تربع الكرسى وانا يادوب واخده ربع صغنن كدا ع قدى وكمان كنت عامله زى الفرخة الكشه والله فطول الطريق طبيعى بيخبط فيا قلت وبعدين بقا كده مش هينفع انا لا عارفه استريح ومضايقه وكمان حرام مينفعش القعده الى كلها ذنوب دى قلت لازم اقوله يتاخر وايه يعنى هو انا هشحت منه قلتله

-لو سمحت ممكن تتاخر شوية عشان مش عارفه اقعد ؟

قالى:نعم ؟؟؟؟؟؟؟؟

انا قلت شكلى هضرب عملت فيها جامدة ومتهزتش وقلتله

- بقول لحضرتك انا مش عارفة اقعد اتاخر شوية!!!

قالى : تحبى احط كيس العيش بينى وبينك ؟

عرفت انه هيتظارف فمردتش لان الكيس طبعا كبير ومينفعش يتحط دورت وشى ناحية الشباك عشان متهورش عليه وانتو عارفين انا لما بتهور......بتعور :)


لقيت واحدة ورايا بتخبط عليا بصيتلها قالتلى خدى حطى دى جمبك اديتلى شنطة رفيعه كده يعنى احطها زى حاجز بينى وبينه خدتها وحطيتها وكنت مبسوطة البنت الزوق دى بس تخيلو ايه الى حصل؟؟؟؟؟؟؟؟؟؟؟؟؟

شىء لا يصدكه عكل على رأى شويكار

الشخص الموحترم اخد الشنطة ورماها ورا الكرسى ع اساس انها تيجى فى وش البنت الى اديتهالى بس جت فى وش البنت الى جمبها طبعا موقف محرجج جدااااااااااااااا للبنت الى اتخبطت ولصاحبة الشنطة وليا طبعا أس الموضوع كله وقام مزعق وقالنا

هو انا جربه ولا ايه ؟مش خير فى ايه يعنى

كان نفسى اقوله والله كل واحد ادرى بنفسه بس اتكتمت وكان هينفخ البنت بس ردت وقالتله ده الدين يااستاذ عجبنى ردها الصراحة قالها دين ايه وكان هيغلط لولا صاحبة الى جمبه سكته فانا بصيتله وقلتلها معلش ع أساس إنى السبب وقالتلى عادى ولا يهمك بعدين شوية راح الشخص الموحترم بصلها وقالها معلش ياابله
قلت كويس طلع فيه لمحت زوق ولقيته خدله جمب وكل شوية المكان بيوسع طب ماكان م الاول ولا لااااااازم نزعق والحمدلله قعدت براحتى كان يتاخر م الاول وخلاص والله رجاله عجيبة

انا اول مرة اضطر انى اقول لواحد كده ديما لو قعد جمبى واحد هو لوحده بيسيب مكان فاضى بينا المواصلات بقيت حاجة مقرفة جدا انا والله كل يوم بشيل هم انى انزل الجامعه عشان كدا انا تقريبا بقعد ربع ساعة لحد مالاقى القعده الى تريحنى لا اركب 4 ولا جمب التباع فعلا بقيت حاجة مملة اوى والناس الجشع معدش بيخليها تراعى حق ربنا ميهموش انتى بنات جمب ولاد ولا لا ممكن يقعد 4 بنات وولاد جمب معندوش مشكلة المهم انه يقعد اربعه :(

أول واخر مرة اتحط فى الموقف ده ان شاء الله اه ياانى يامتبهدلة فى مواصلاتك يابلدى اصبرو عليا بس ده انا هحكيلكم رويااااااات


12 comments:

  1. معلش ياهوندا

    ربنا يرحمنا من المواصلات وقرفها ياختي

    اختكم طماطم من قدام طبق السلطة:))

    ReplyDelete
  2. يارب يرحمنا يختى يارب:]

    ReplyDelete
  3. هههههههههه
    الاسلوووووب رووووووووعه بجد
    ----------

    المشكلة الناس مش بتحس انه حرام
    و لو كنتوا سيبتوه
    كان ممكن يبدع في الدين
    و يتطاول
    ربنا يهدي الجميع
    -----------
    تحياتي و تقديري لك ِ

    jasmin

    ReplyDelete
  4. اهلا ياسمين متشكرة اوى على الثناء ده ههههههه
    بصى ياستى انا شايفة ان فى حاجات اختلطت ع الناس ومبقوش يفكرو الحرام م الحلال والحياة بقيت ايزى عندهم
    بجد ربنا يسترها علينا
    واهلا بيكى :)

    ReplyDelete
  5. علي الرغم انك حكيتي الموقف بسخريه بس
    المشكله ديه كبيره جدا
    وبيتعرض ليها بنات وستات كتير
    حتي لو كان الانسان الي جنبك مقرب منك غصب عنه
    برضه مينفعش
    دين وعيب وحرام وحجات كتير اوووي
    وكمان للاسف علشان البنات والستات
    بيتحركوا كتير ما بين شغل وجامعه بقت المواقف ديه بتكرر كتير جدا
    لدرجه ان الناس مبقتش تهتم انها تتدخل
    حتي ولو كان الولد غلطان

    ReplyDelete
  6. محمود علي
    انا ممكن حكيته بسخريه بس انا فعلا كنت متغاطة لان زى مانت قلت حرام وفعلا ان عشان بقينا بنتحرك كتير فده بقا شىء بيتكرر خصوصا ان الناس معدتش بدقق وكله بقا عادى بس اعتقد ان لو كل واحد اخد باله وحاول يصلح الوضع على نفسه اولا ممكن الموضوع يقل

    ReplyDelete
  7. أنتوا لية بتركبوا المواصلات غريبة قوي

    أمال في عربية بابي !!!!!

    أسلوبك تحفة
    باين عليا حاجي هنا كتيير

    ReplyDelete
  8. سكتم بكتم
    بابى !!!! نعمل ايه شحتها للسواق
    بس للاشف مفيش متوافر عندنا غير ميكروباصات للجامعه
    واهلا بيك تشرفنا ههههههههههههه

    ReplyDelete
  9. ايه الشجاعه دى ؟؟؟
    :)
    وسّع مره واحده
    و الله جدعه انا لما بيحصل حاجه كده بانزل وخلاص ولا بعرف اقول ولا كلمه

    بس هاتعلم منك ويارب ماتعورش
    هههههههههههه

    ربنا يوسع الميكروباصات يا رب

    ReplyDelete
  10. بندقه
    يابنتى نتخفيش فى الحق طالما انتى صح محدش ليه عندك حاجة

    ReplyDelete
  11. عروس البحر
    انتى احلى :)

    ReplyDelete

 
لـلـرغـى فـنــون - Blogger Templates, Wordpress Templates Free - by Templates para novo blogger HD TV Watch Entourage Online. Featured on Local Business Singapore