فضفضة قلب


الواحد عمال يفكر يكتب في ايه دلوقتي لما مرسيدس تكتب شوية بوستات جامدة كدة!!

مش عارفة الصراحة انا فكرت في حاجات كتير اكتبها وبعدين ماعرفتش اعمل ايه اللي في دماغي دلوقتي اني اكتب عني انا وهوندا

لأ مش انا وهوندا بس انا وهوندا وريري وروز وهمس بما انهم ظهروا معانا اهو ومش دول بس ..لأ ناس كتير الصراحة..ولو انت مش من صحابنا المشتركين ..يبقى مش يهمك البوست ده ونفضله احسن اسيبكم مع البوست

فضفضة قلب


البداية

---------

مش فاكرة اتقابلت مع هوندا ازاي..كل اللي فاكراه اني كنت عضو في منتدى والمنتدى كان لسة صغير والناس اللي غاوية منتديات عارفة يعني ايه لما يبقى جروب كدة ظاهر في منتدى لسة صغير ..تلاقي في جروب كدة مهتم ببعضه وشوية شوية تلاقيهم مع بعض على طول على الشات..


اول لقاء مش فاكراه ....بس اللي اعرفه اني صبحت في يوم لاقيت نفسي مشرف على قسم وبقى ليا دور في المنتدى ..وبسبب الدور ده لازم تتواصل مع بقيت المشرفين..طب لما تلاقي نفسك مشرف عام!! ممممم مش حاحكيلكم بقى الناس اللي حترد هي حتقول المهم بقينا جروب كبير ..على الاقل بالنسبالي ححاول اذكر بعض الشخصيات اللي ظهرت في حياتي واصبحت شخصيات مهمة ..الشخصيات دي مش كلها لكن المؤثرة في حياتي فعلا واعتقد دي فرصة جيدة للناس دي تعرف مكانتها الحقيقية عندي والترتيب ححاول يكون ابجدي وبترتيب الادارة ايامها عشان ماحدش يزعل ويارب ماانسى حد


جمعه : اخويا السكندري..بعتبره العقل الالكتروني بتاعنا من قبل مااعرفه ..يكفيني كلام مؤمن وهو بيمدح فيه يوم ماشافه في اسكندرية..جمعه بحترمك جدا وبدعيلك على طول
روز : رزة حبيبتي ..مافيش كلام يتقال عليكي ..بيني وبينها شارع واحد وماشفتهاش غير مرة واحدة..بحبك يارزة ونفسي اشوفك وعارفة اني مقصرة معاكي عشان كدة بشوفك على الشات بتكسف اكلمك

مؤمن : غني عن التعريف ..مؤمن بالنسبالي شخصية كويسة نفسه يعمل حاجة في البلد..مع بعض التحفظات لنظرته للبنات...اللي كانت سبب خلافي معاه وغير كدة انا مازلت غير ملمة بالاحداث..ربنا يوفقك يامؤمن ويسعدك في دنياك ويقلل مقابلتك مع البنات ..احنا فينا اللي مكفينا



عز : الاب الروحي بالنسبالي في عالم المدونات...اكتر الناس اللي اتشرف اني عرفتها فعلا ..مابتكتبش كلمة الا وكانت قيمة وفي مكانها وصح..الشخص المحترم ،الحليم، الرايق والطيب ..ربنا يحميك لشبابك يامستر ازز

مريم : حد يقدر ينسى مريم احباط ..الثورجية..عالم مريم المثالي..بعتبرك جبل شامخ يصعب زحزحته..جميله زي الريحان..صعبة زي الورد البلدي في شوكه..بحبك يامريم ونفسي اشوفك ونفسي ابقى في نص جرأتك وثقتك بنفسك ..ربنا يوفقك


انجينيرنج : اخويا الكبير اللي بيخاف على اخواته البنات .. بص يا محمد انت عبارة عن الاحترام بيتكلم..مافيش كلام يوصفك فعلا ..ربنا يكرمك ويحفظك يارب

جنكيز: عمرو ..بص انت الصديق وقت الضيق..برتاح فعلا وانا بتكلم معاك..وبلاقيك دايما موجود لما بحتاج لحد ..مازلت متأثرة بالخبر ومش مصدقة..والله مهما تعمل مش متخيلة..ربنا يوفقك وان شاء الله يعوضك خير

جوش : والله ياابني وحشتني طلتك انت واختك ...مسيري حقابلكم.

غريب : رمز الخير بالنسبالي ... ياابني انا بحترمك جدا من ايام كلام مؤمن عليك وهو بيشكرلي فيك..ولما عرفتك ...تأكدت انك انسان قمة في الخلق تستاهل كل اللي سمعته عنك :)

ماس اوبتك:الدوك...ماعدش في المنتدى كتير ...بس لسة في بينا كلام ولو حتى بسيط...مقصرة معاك ياماس ..انا اسفة فعلا

هبة فاروق: الباشمهندسة المختفية...مسيري حاقبلك زي همس كدة واكلمك .........شكلي انا اللي مش بدخل ولا ايه

همس : مسيري حشوفك ...ساعتها حبقى ااقولك كل حاجة...بحبك ومستنية اليوم اللي حتطلعيلي تاني على الماسنجر ..مستنياكي

هوندا: لألألأ دي ابعدو عنها...مافيش كلام يتقال اساسا


انريكي: ابو المجد ..بداية معرفتنا كانت سيئة :) كانت ايام وراحت..بس اعتقد انك من الناس اللي ماينفعش اشوفها واطنشها ابدا..عندك كمية ذوق كبيرة اوي..بطل استفراد بيها ووزعها بقى دي تكفي بلد بحالها ياشيخ ...مسيرك حتنزل اسكندرية ابقى هات انجينيرنج معاك .. ربنا يكرمك يارب

ريري: هو انتي شايفة انك مستاهلة كلام ياهانم..ربنا يخليكي ليا يارب

مهند: المغترب..ده بقى اخويا الكبير اللي فعلا نفسي اشوفه...مستنية الخطوبة بتاعتك عشان احضرها ....ربنا يحميك ويرجعك اجازة تشوف اهلك وترجع تاني ..نصيحة اياك ترجع البلد لتتعب..مهند :انا وانت عارفين ان انت حالة خاصة لا يمكن الاقتراب ناحيتها..ربنا يخليك ليا..مش حكلم عليك لأني اخاف موفكش حقك..ربنا يوفقك يااااارب

غريبة في دنيا عجيبة ومكاوي وغفران: مش حقول غير انكم شيلتم عني كتير اوي..كنا عيلة في بيت العيلة..وزعلانة اني سيبتكم



يارب ماكنش نسيت حد ..فعلا دول اثروا فيا اغلبهم تأثير حلو واتشرف اني عرفتهم ..وناس اتعلمت منها كتير واتعلمت ان الحياة فيها كتير..واني لسة ماشفتش حاجة والجاي اكتر من اللي راح


النهاية

----------

معظمنا اتفرق ....حصل

معظمكم مابشفهوش....حصل

شوية منكم عمل منتدى تاني نتجمع فيه...حصل

مش بدخل عليه...معاكم حق بس تقدرو تقولو عقدة من اللي حصل

كل اللي ااقدر ااقوله اني فعلا قضيت وقت جميل في وجودكم ..وطلعت بصحبه حلوة اوي ..ربنا يدومها بأذن الله....بس انتم تكفوني مش عايزة منتديات تاني خلاص


دي كانت فضفضة طلعتها لما حبيت اكتب حاجة في بلوج يجمعني انا وهوندا ..افتكرت اني اتجمعت بيها في المنتدى وفي شات قبل ماابقى معاها في بلوج..هوندا ربنا يدوم معرفتي بيكي يارب بحبك اوي اوي


بس في الاخر اكتشفت ان مش كل معرفة النت ناس وحشة وناس بتخدع ..لأ في ناس كويسة وتستاهل ان الواحد يعرفها ويصاحبها
دي فضفضة قلب خاصة بيا

عني وعن هوندا وصحابنا و اسفة لو طولت على حد ماكنش ليه علاقة بالموضوع ..انا قلتلك من الاول ماتقراش البوست

11 comments:

  1. بت ياطمطم انا فاكرة اتعرفت عليكى امتى يوم ما السيرفر بتاع المنتدى وقع ههههههه وقلتيلى بالمناسبة انا اسفة اننا اتعرفنا فى يوم زى ده كنتى عامله فيها زوق قبل ماعرف حقيقتك انا بردو مش هعرف اتكلم علييكى لان الى جوايا ميتقالش فى كلام اشوفك بس وانتى هتعرفى كل حاجة :)وانتى م الناس الى طلعت بيهم م المنتدى وناس كده شوية هبقا اتكلم عنهم زيك

    ReplyDelete
  2. انتي ادرى هو دماغي دفتر...:P

    وايه قبل مااعرف حقيقيتك دي
    ماشي ياهوندا
    ماردودالك

    ReplyDelete
  3. بلوج جميل اوى يا طمطم
    واسلوبكو حلو انتى و هوندا
    بجد انتوا مجموعة حلوة وانا سعيد انى اتعرفت على ناس زيكوا

    ربنا يوفقكوا

    والى الامام

    ReplyDelete
  4. ادحنا اتكلمنا النهاردة يا طمطم وشوفتينى وهنتقابل اخيرا يوم الاربع ائااااا يا اللى ف بالى انتى عارفة نفسك خلى المنصورة تنفعك

    ReplyDelete
  5. معلش ياطمطم الحكيكة مرة :( ومتشكرين يا مادازيزو واحنا اسعد بمشاركتك لينا اما انتى بقا ياناموسة ماااااااااشى اقولك اتفقو عشان تجولى تتفقو عليا اخث ع الاصحاب :( :(

    ReplyDelete
  6. موتى بغييييييييييييييظك يا هوندا

    ReplyDelete
  7. بسم الله الرحمن الرحيم

    الاول اهنيكم بالبلوج الجميل يا طمطم انتى وهوندا

    وبشكرك يا طمطم على الكلام الجميل اللى قولتيه ربنا يكرمك ويبارك فيكى

    هوندا : انسانة محترمة جدا طيبة عندها اهداف كثيرة نفسها تحققها وانا متأكد انها هتوصلها

    وانتى كمان يا طمطم ربنا يكرمك ويوفقك

    ReplyDelete
  8. madazizo
    --------
    ربنا يخليك يازيزو
    والله انا اسعد اني اتعرفت عليك
    هي شيمو كدة ماتعرفش غير الناس الكويسين

    ماتبقاش تنسانا بقى وعدي علينا دايما
    سلام

    همس
    --
    انا لو اعرف اني حقابلكم انتي وهبة في يوم واحد بعد ماانزل البلوج بدقيقة !!..كنت نزلته من 4 شهور
    قولي بأذن الله وسيبك من المنصورة دي في حمايتي انا

    honda
    -----
    الحكيكة!! ضاعت مفرادات اللغة
    هو انتم تبقو حلوين اوي على الشات وتيجو تمسكو في بعض قدام الناس
    صبرني يارب

    همس
    --
    انتي تاني
    ماشي

    Anonymous
    ---------
    طب مش تقولي انت مين عشان ابقى عارفة
    على العموم انا كتبت الكلام اللي انا بحسه ناحية كل شخص
    حطيته هنا كأني بأرخ لفترة في حياتي
    المنتدى كان فعلا حلو اوي وصحبته ناس محترمة اوي من اكبر واحد لأصغر واحد
    اه في خلافات ..في اي حته في خلافات
    احنا مش ملايكة
    على العموم ربنا يوفقكم كلكم
    سلام

    ReplyDelete
  9. همس امشى من هنا يلا ياماما رشينا بيرسول الشخص الزائر ولو انى عرفتك بس ربنا يكرمك وانت كمان تحقق اهدافك اما انتى ياطمطم حسابى معاكى مش هنا اصل الحساب تقل :p

    ReplyDelete
  10. انا كمان عرفت مين الشخص الزائر وبيرسول ايه انتى شكلك عايزة تتزيتى مرسيدس من مخلفات الحرب صحيح هههههههههه
    احنا كدا مش هنتقابل يا طمطم البت هنادى قرت علينا ومتقبلناش تانى علشان نحدد

    ReplyDelete
  11. واضح ان البوست قديم شويتين او انا اللى جاية متأخرة شويتين (كالعاده يعنى)
    المهم يا طمطم انه تحفة وبجد فكرنى بحاجات كتير اوى كلها حلوة
    مع ان فى اخر ايام المنتدى كان فى حاجات كتير مش حلوة
    بس المهم انى عرفتك وعرفت هوندا والشريرة هبه

    وعلى رأيك مش كل معرفة النت ناس وحشة انا عرفت من على النت ناس كتير كويسة اوى واستفدت منهم كتير اوى
    والله يا طمطم ربنا يخليكى على البوست الجامد اللى فكرنى بحاجات كتير اوى
    كلها جميلة

    ReplyDelete

 
لـلـرغـى فـنــون - Blogger Templates, Wordpress Templates Free - by Templates para novo blogger HD TV Watch Entourage Online. Featured on Local Business Singapore