تاج من طنطن


مسيز طنطن اهديتنى هذا التاج شنكر لاهتمامك وياريت المرة الجاية تبقى تجيبى تاج صغنن شوية لحسن راسى كانت هتقع من تقله اتفضلو ياجماعه افقعو معايا:)

1-هل كنت طالبه شاطره في المدرسة؟

اه يختى الحمدلله كنت الى حد ما وكنت باخد جوايز بالهبل بس طبعا عمري مارتبت اخر محطة نجاح ليا كانت فى الثانوية العامة فى تانية ثانوى 94% وفى تالتة 91% وفى اولى جامعه دبلرت فى هندسة زراعية وحولت تربية نوعية كمبيوتر :( انا مخبتش الما دخلت الكلية يااااه كانت ايام حلوة والله لما الواحد كان فالح يلا الحمدلله

2-ايه كانت احب مادة و اكره مادة ليكى فى المدرسة و الكلية؟

احب مادة ليا فى المدرسة كانت الرياضيات فى كل مراحل التعليم كونت بكره الجغرافيا والتاريخ والفلسفة اععععع

الكلية بقا والله لما كنت فى هندسة زراعية كنت بكره مواد الكلية كلها ماعدا الرسم الهندسى ومواد الرياضيات بس لما حولت تربية نوعية بقيت بكره مواد التربوى كلها النظرى دى ملييش فيها وبحب مواد البرمجة لغات البرمجة يعنى اى كانت

3- كنت عايزة تتطلعى ايه وأنتى صغيره ؟

بصراحة انا كنت كل شوية بحلم بس كان نفسى ابقا مهندسة فى اى حاجة نفسى

4- دائما ما تطالب المرأة بالحصول على حريتها فما مفهوم الحرية عند المرأة؟

بصى انا الصراحة ملييش فى موضوع حرية المرأة والكلام ده لان مفهومها بيختلف من واحدة للتانية فى ناس بتشوفها انها تسافر لوحدها انها تلبس الى هيا عيزاه انها تخرج مع ولاد

بالنسبة لى انا ان ربنا خلقنى انسانة حرة محدش بقا يتحكم فيا ولا يفرض رأيه عليه وبصراحة انا شايفة ان حقوقى موجودة فى دينى ولو الى حواليا التزمو بيها عمر ماحد هيحس انه مخنوق بس المشكلة ان مفاهيم غربية بدأت تتسرب لمجتمعنا ع انها حرية بس المقياس الاول والاخير بالنسبة لى الدين والحمدلله البيت الى انا فيه ادالى الحرية الى انا حساها انى اعمل الى انا عيزاه طالما ماتعدتش حدود الى ربنا امرنى بيها ولا بأذى حد يعنى اختارت الدراسة الى انا عيزاها اختارت الجامعه الى انا عيزاها بخرج -باخد كورسات -بشترك فى عمل تطوعى

5- متى احسستى بنفسك "خائنة"؟

بصراحة مش فاكرة اذا كنت حسيت بالاحساس ده امتى بس الصراحة لما بحس انى هخيب ظن حد فيا او حد وثق فيا اوى واحس انى بدات اعمل حاجة ممكن تخليه يفقد الثقة دى بحس بالاحساس ده وقتها وبحاول اظبط نفسى وامنع الموضوع ده

6- هل يمكن ان تحب المرأة رجلين في نفس الوقت؟ نقول الحب و ليس الاعجاب

بصراحة معرفس اصلى مجربتش بس اعتقد لا الا لواختلف درجة الحب يعنى حب الزوج مثلا وحب الاخ او الاب

7- ماذا ترتدين فى أول لقاء لكِ مع حبيبكِ بالوصف التفصيلي؟

الصراحة ملييش حبيب :)

8- سؤال بالعربية الفصحى الى العربية الفصحى، أيعقل أن تكون هيفا وهبي المرأة العربيةمن المحيط إلى الخليج، ماذا يمكن أن تفعلن لتغيير هذه الصورة، و كيف بامكاننا أن نساعدكن ؟

طبعا الى يقول كده يبقا انسان هاااااايف زيها :) لأن المرأة مش بشكلها يعنى دى وهيا ام هطلع اجيال عاملين ازاى ؟؟؟ بس الاكيد ان لو الناس بتراعى ربنا مفيش حد هيديها الهيلمان ده كله الله يكون فى عونها بجد بتصعب عليا شايله ذنوب بشر:( اللهم أحفظنا

9-إذا عجبك شاب، بتجربي تلفتيلو انتباهو، كيف؟

بصى الصراحة انا مبتفرقش معايا مبحبش ألفت نظر حد اصلن بحب اكون ع طبيعتى انا كده ومفيش غير كده عندى مفيش حل تانى لو عجبك عجبك مش عجبك سيبنى فى حالى

10- إذا عجبك شاب وما بادلك الاعجاب، شو بتعملي؟

مبعملش لانى لو حتى أعجبت بحد هيكون اعجاب بينى وبين نفسى وهينتهى جوه نفسى بردو

11- في مرشد بيقول انو البنت بترغب الشاب طالما انو بيشكل تحدي , شو رأيك؟

تحدى ازاى يعنى ؟؟؟ انا ياحبيبتشى لا ارغب فى اى حد الى عايزنى بيتنا مفتوح وشبابكنا مقفولة

وعلى راى واحدة معرفة انا معرفش غير مرشد السياحة ومرشد الإخوان:)))

12- هيفاء وهبي، شادية، وفاتن حمامة: مع من تتماهين أكثر؟ بصراحة ومن دون مثاليات)؟

ولو انى معرفش يعنى ايه تتماهين بس احتياطن لادى ولادى ولادى

13- انتقي شخصية رجالية معروفة تتمتع بالكاريزما (برأيك) وتكلمي عنها ؟

لا مبحبش اتكلم عن حد مش ناقصيين نميمة:) بس انا ميعجبنيش غير الى الرسول قدوته :)

14-لماذا تنفخ المرأة في كل الزبادي كلما لسعتها الشوربة؟

الاحتياط واجب بردو

15-هل صحيح أن المرأة تختار الشخص غير المناسب في فترة المراهقة والشباب ثم تندب حظها بعد ذلك؟

مجربتش بردو بس اكيد ان كل ماالواحدة بتطلع مرحلة عقلها بينضج اكتر م الاول وبتختلف مقاييش الشخص الى تحب انها ترتبط بيه لو ندبت حظها بقا فهيا تستاهل محدش ضربها ع ايدها

16- ما هو أسوأ موعد غرامي مر بك؟ وما هو أكثر جزء ضايقك في هذا الموعد؟

مرة اديت ميعاد لواحدة صحبتى بحبها قوى وكان عندها امتحان فطلعت مضايقة وسافرت بلدهم وقلبتنى :(

17- لماذا تدعي اغلب النساء انهن لا يجدن الطبخ؟

ياسلاااااام أول مرة اعرف المعلومة دى انا كنت مفكرة العكس ع اساس ان اقصر طريق لقلب الرجل معدته بس يمكن لما تحب تفرقع عريس تقوله كده:)

18- ذكرى وظروف أول قبلة ؟

الصراحة مش فاكرة اصل انا لما ماما ولدتنى العيلة كلها باستنى

19- هل تقبلين بأستمرار العلاقة التي تربطك بشخص (زوج)في حال مات الحب بينكما؟؟

بيتهىء لى ان لو الحب مات فده هيكون عيب منى انا مش منه هو اكيد انا لو اتقيت ربنا فيه هيحبنى :)

20- هل يستحق الرجل التضحية بكل شيء من اجله والبدء معه بحياة جديدة تبدأين فيها من الصفر؟؟

الرجل ده لو تقصدى الزوج فاكيد طبعن يستحك وبجدارة كمان لو يستاهل يعنى انما لو اى واحد متربطنيش بيه علاقة شرعية فطبعن لا يستحك بتاع ايه يعنى وانا ايه ضمنى

21- هل تسعدى عندما يمرر لك احدهم تاج؟

ابسلوتلى لان بكتشف حاجات فى نفسى ماخدتش بالى منها قبل كده لما بشوف اسئلة مش متعودة عليها

22- هل مقدار سعادتك أو شعورك ايا كان عند تمرير التاج لك يختلف حسب المدون

لا هو احساس بالسعادة طبعن والله اعلم بالنوايا :))

23- هل تستمتعى عند إجابتك عن أسئلة التاج؟

طبعن انتى ناسية ان هوايتنى الاولى والاخيرى الرغىىىىى

24- هل ترى للتاج أهمية حقيقية؟

اه شغال بيظهر جوانب كتيرة الشخصية الى قدامك

25- هل فكرت في عمل تاج خاص لك من قبل؟

الصراحة لع انا لسه اول مرة اعرف النهاردة يعنى ايه تاج بس بعد التاج ده واسئلته الفظيعة دى اكيد هعمل واحد عشان مرارة البنى ادمين فى خطر:)

26- هل تفضل قراءة اجوبة التاج عند المدونين الاخرين؟ أم لا تهتم سوى بالتدوينات الأخرى فقط؟

حسب المدون

27- عندما ترد على التاج ما الذي تراعيه اكثر؟

انه يكون فعلن بيعبر عن سخصيتى

28- هل تحرص على قراءة اجابات من تمرر لهم التاج ؟ و هل تغير إجابتهم للتاج شيئا في ادراكك لهم؟

اكيد لانى هعرفهم من جوه اكتر

29- هل تلتزم حرفيا بأسئلة التاج؟

والله فى اسئلة تشل بعديها.

30- ما هي نوعية التاجات التي تفضلها؟

الصراحة انا بكره اى حاجة ليها نوعية لانها بتفكرنى بكليتى تربية نوعيةJ.

31- إلى من تحرص على تمرير التاج؟

للبنى ادمين الى بحبهم طبعن.

32-تمرر التاج ده لمين؟

ربنا يسامحك ياطنطن ايه الاسئلة الخرافة دىىىىىىىىىى

4 comments:

  1. مبروك عليكي التاج ياهانم
    شوفي حبة من الشلل اللي شوفته
    :)))

    ReplyDelete
  2. شوفت يختى شوفت :))

    ReplyDelete
  3. اولا مبروك على البلوج يا هنوده
    انا لسه شايفها
    ثانيا مبروووووووووك على التاج
    وابقى افتكرنى يا ناسيني

    ReplyDelete
  4. الله يبارك فيكى يامنووووس منورة :))
    زى ماقلتلك ع الماسنجير افتكر نفسى الاول هههههههههههههه وعقبال مشمت فيكى بتاج :P

    ReplyDelete

 
لـلـرغـى فـنــون - Blogger Templates, Wordpress Templates Free - by Templates para novo blogger HD TV Watch Entourage Online. Featured on Local Business Singapore