سؤال كل ترم؟؟؟

بتعملو فينا كدا ليه؟؟؟؟؟



معلش انى النهارد ة فى قمة القرف والخنقه هقرفكم معاكى حبيتين سامعه حد بيقول وايه الجديد عليكى هقوله محدش قلك تفتح البلوج مش نقصاك
انا النهاردة ببعت استغاثة لوزارة التربية والتعليم كلها وللدكاترة ولاى حد مسئول عن البهدلة بتاعتى بتاعة كل ترم انا واحدة زى بقيت الوحدات والواحيد الى بيكرهو كليتهم هو فى حد بيحب كليته اصلن؟؟؟؟ نفسى اقابل هذه الشخصيه الواحد من صغره يقعد يحلم ويحلم ويعيش فى الدور ويدح وف الاخر يلبس نضارة زى حالاتى بعد مروره بالثانوية العامه وبعد ده كلللللللللللله بيدخل كلية فى الغالب مش الى كان نفسه فيها عشان نصف درجة وحتى لو دخلها يتصدم لما يعاصر الى بيحصل فيها ويبدا يدرس المواد الى ملهاش علاقة بالحياة والى بتتفنن فى تربسة دماغه وتقفلها من جميع النواحى تقفيل مصر مش يابانى المرة دى طب ياريت نقفل الدماغ يابانى احنا نطول بلانيلة انا هتكلم ع حاجتين م الى بردو بيقرقضوا فى بقايا مرارتى
1- الموااااااااااااد الى بندرسها بجد حرااااااااااام

انتو ليه بتعملو فينا كده هتكلم عن تجربتى السخصيه لحسن اطلع بظلم بقيت الكليات التانية انا فى 2 تربية نوعية قسم كمبيوتر بدرس نوعين من المواد مواد تربوى نظرا لانى فى تربيه والمفروض انى اطلع مدرسة يادى النهار الهنا والجزء التانى الى هما مواد التخصص الى بتتعلق بالكمبيوتر المفروض نمسكها واحدة واحدة


1- مواد التربوى

انا بكرها كره العمى لانها عبارة عن مواد نظرى غبيه مكلعكعه متفهمش منها حاجة وكمان منفصله عن واقع الحياة الى احنا فيها يقعد يقولك المفروض المدرس يعمل كذا وكذا ويستعمل كذا وبناخد علم نفس لان المفروض ان المدرس يفهم نفسيه الطالب الشكل العام هتقولو ان المواد ظريفة اهو يابنتى ده انتى ممكن تستفيدى ،المشكلة ياسيدى م يوم مادخلت الحضانه لحد ذات اللحظه عمرى ماشفت حد بيعمل الى فى المواد ده هتقولولى طب خليكى فتكه واعملى الى فيها ياستى هقلك انى مش ناويه ابقى مدرسه وحتى لو كنت ناوية فالتركيبه كلها غلط لان احنا مطالبين بدش الكلام من غير مانفهمه ولا نطبقه عملى لانها معموله باسلوب قديم جدن وغبى ميفهمش لازم نفهم كل كلمة ونشغل دماغنا الحاجة النظرى دى رخمة اوى فى حاجات اخدتها فى كورسات تنمية بشريه بس اسلوب يواكب العصر انما دى كلها حاجات قديمة مش مرتبطه بحاجة دلوقتى طب بناخدها ليه مفهمش الدكتور الى بيدرس المادة مبيطبقش الى فيها اصلن يعنى مفيش مصداقيه ويديك شيت يطلع الروح من كتر الكتابه وانت مش مستفيد حاجة دش الكلام وخلاص بغض النظر عن ان كل كتب المواد دى مكتوبه بالاله الكاتبه يعنى يشحور النظر وكتاب ب35 جنيه ع ايه معرفش وكل سنة ناخد نفس المواد باسماء مختلفه مع بعض الحنكشه والنعكشه


3-مواد الكمبيوتر


الله اكبر مقدرش افتح بقى لان مفيش كلام اقوله غير حسبى الله ونعم الوكيل لما اكون واحده فى قسم كمبيوتر ومباخدش غير مادتين عملى بحتك بالكمبيوتر بيهم بغض النظر انى مباخدش السكاشن حتى لو اتاخدت بتبقا سكه يعنى مثلن الترم ده عندى مادة صيانه مخدتش غير سكشن واحد فى الترم مقدمة بسيطه وبندرس ازاى نفك ونجمع الجهاز طب تمام علمونا بقا لا مينفعش ممنوع حد يقرب لاجهزة المعمل ويفكها بتوع الاكاديميه بس الى يتفكلهم اجهزه (فى اكاديميه معموله سنتين باين فبيجو يخدو عندنا فى الكلية والشهاده بردو من معانا )اصلهم بيدفعو مصاريف الكليه 500 جنيه امممممممم الى يدفع اكتر يتعلم اكتر يعنى وياريت المرة الجاية الى عنده اسكانر او كاميرا ويب او ديجيتال يجيبها عشان نوريها لاصحابكم طب سؤال معلش كليه طويلة عريضه فيها قسم كمبيوتر هل يعقل الا يوجد بها سكانر لا يابنتى بتتكلمى ازاى موجود طبعا بس عهده مبيطلعش للطلبه طب تمام اوى انا كده اتطمنت انه دخل الكليه نيجى بقا لمواد الكمبيوتر النظرى طبعا حد رفع حواجبه بغباء وقال هو فى حاجاة اسمها نظرى هقولك اااااااه انت فى مصر ياسيدى اخدت 3 مرات ماده اسمها تصميم وتحليل النظم كلام دش كده عمرى مافهمته غير من قريب لما حضرت مره فى كورس وعرفت ان النظم دى الى هيا
DATABASE SYSTEM
لما تيجى تعمل سيستم لشركه اوكده تخزن عليها بيانات الشركه كلها اعتقد اننا لو اخدنا مشروع صغير نطبق بيه الماده ديه هنستفيد منها الى حد ما انا بقالى سنتين كان نفسى اعرف يعنى ايه نظام وربنا 3 مرات مافهمت حاجة بالكلام الى باخده بالعربى ولما حضرت مره وفهمت الليله بالانجليزى استمتع بيها وربنا مش عارفه بناخدها بالعربى ليه متتفهمش خالص ياجدعان خدو العلم بلغة اهله

ولا مادة وندوز 2000 الى باخدها كل ترم نفسى بجد افهم الغرض من تكرار المواد والى هيا بردو حاجات قديمة جدن مفيش مانع انى اخد خلفيه عن حاجات قديمة فى مادة اتنين بس مش كل ترم كل سنه اعمل بيهم ايه يعنى لما اتخرج لا والناس بقا بتفتكر ان الى فى قسم كمبيوتر ايه ياما هنا ياماهناك ييجو يشوفو خيبتنا احنا الى بناخده ده قياسا بعلم الكمبيوتر الى الدنيا شغاله بيه 10من ميه ومش ببالغ احنا بناخد المواد الى المفروض تتفهم باسلوب احفظ واقلب ودشها كده وخلاص عشان تتطلع فى ورقة اخر السنة وللاسف مبعرفش ادش حاجة مش فاهمها فده السبب الى بيخلينى اطلع بتقدير متواضع عن بقيت الدفعه لانهم بيعرفو يدشو احسن منى

نييجى بقا للغات البرمجة ودى للناس الى متفهمش فى الكمبيوتر المفروض انها لغة التحدث للكمبيوتر زى مانت لك لغه بتتحدث للبشر بيها لغات البرمجة دى المفروض انها بتعلمك تصمم برامج ع مزاجك زى البرامج الى بتنزلوها لاى حاجة فى الكمبيوتر اللغات دى علم غربى بردو انا بخدها بالعربىىىىى وما ادراكم بلغات البرمجة بالعربى حاجة تحفة كده تحس انك بتدرس لغات لكائنات الفضاء اخدت لغتين ومكنتش فهمه منين يودى ع فين الطبيعى الشرح ضعيف جدن محاضرات او سكاشكن وبصى يابنتى احفظى البرامج الى فى الكتاب ودشيهم فى ورقه الامتحان يعنى متحاوليش تشغلى دماغك فى مادة تشغيل الدماغ فيها متعه ولغات كيو بيزك وفيجول بيزك 6 لغات منقرضه كمان كنت بروح لواحده صحبتى كل ترم تشرحالهى بس هيا فى هندسه ففاهمه شوية كنت بعتبر المرة الى بروحلها فيها يوم تنفيض الدماغ المؤقت من الغباء لما كانت تشرحلى كنت بفهم منها طب تمام اهو ييجى منى والله انا كده اتطمنت ان العيب م الكلية مش منى كان مرة دكتور بحكلنا انه عشان يدرس لغة سى بلس بلس بالانجليزى لدفعه رابعه بذل مجهود جبار لانه بيواجه مشاكل مع الايحه(اللائحة) الله يخسف الايحه لما اعتمدت على مصادر بره الكليه بتعلم صح بالانجليزى وبدات اقرا كتب شوية بقيت افهم ده ريحنى الترم ده انى افهم لغه الجافا الى عندى الى حد ما لولا كده كان زمانى ببصم

بجد انا مش عارفه اعمل ايه انا بتعذب كل ترم انى اذاكر المواد دى وللاسف انى اجيب تقدير كويس اخر طموحاتى الشخصيه ومبقتش تهمنى اصلن وكل طموحاتى انى اخدت كورسات بره تعلينى فى مجال الكمبيوتر انا اكتشفت انى الكلية بتاعتى ليها شعار تعلم كيف تكون غبيا انا فعلن حسيت ان دماغى اتقفلت خالص ومبقتش بعرف افكر بس من شهر 2 الى فات لما بدات اركز انى اتعلم برمجه صح واجهت صعوبة جدن فى انى افكر ومازلت اعانى م المشكله دى بس ادينى بقيت احاول اقرا كتب عن تنمية قدرات العقل وانى اقرا الكتب كلها بالانجليزى ودى مشكلة مش لانى جاهله انجليزى بس لاننا بنكسل نقرا كتب بيه فى حاجز وهمى كده انك تقرا بالانجليزى منتشر فى المجتمع بس لما اجبرت انى اتحط فى الموقف لقيت الدنيا شغاله واهو ييجى منى بردو

بجد حرام عدد الناس الى بتدخل التعليم دماغها بتتدمر وده سر اننا متاخرين والناس بتاخدنا ع قفانا وبتعيب ع جهلنا الدنيا بتتقدم كل دقيقه كل ثانيه واحنا بنتاخر كل دقيقه وكل ثانيه العقل قدراته جباره والتعليم بالشكل ده بيدفنها لو احنا اعتدمنا ع الدراسة ككليه بس رحنا فى سكة الغباء
انا مره عملت فيها شجاعه واتكلمت مع دكتور كانت اول محاضره فبندردش عادى وقفت قلتله ليه مبنعملش محاضرات فى الكلية عامة نستفيد منها نعرف الدنيا شغاله ازاى ايه الجديد بدل ماحنا مدفونين كده انا كل مابطلع لبره شوية بكتشف ان احنا متخلفين اوى قالى انا والله حاولت قبل كده بس الكلية متساعدش والمدرجات مفيش وانا ايامى مش عارفه ايه قلتله فى سرى شكرن رسالة الاحباط الى انت عاوز توصلها وصلت بس انا مش هستقبلها لانى مش ناقصه انتو احرار اعتمد ع نفسى بقا مفيش امل ولا عمر
الحاجه التانيه هبقا اقولكم عليها بعدين عشان مطولش اكتر من كده وادعولى اعدى الترم ده ربنا يستر

16 comments:

  1. هوندااااا ايه يابنتي الكلام اللي بتقوليه ده حد برده يضايق من كليته "اسمعي كلامي البوستات دي كلها متراقبه" بص ياريس ياللي سامعني انا عارف
    1-الحياه حلوة واحنا في بلد ديمقراطية واشطة يعني.
    2-التعليم حلووو قوي احلي من الكنافه والدكاتره شربات ومبخنقوش علينا وبيعاملونا زي "زي ما بحلم بيك بلاقيك كل اللي بتمناه في عينيك".
    3-كل حاجة رخيصة السكر والشاي والبقدونس والفاصوليا والشاي باللبن لدرجة ياريس اني باكل كل يوم 3 وجبات صحصيح ممكن تكون نص بوقصمتايه متقسمه علي اليوم او زتونه مخرومة بس انت هتعملنا ايه يعني ماحنا اللي وحشين ومتسالنيش وحشين ليه انت ادري ياريس وكل اللي تقوله حلو وكميل ".
    4-هنادي دي المفروض تعدموها عشان مش بترضي بقليلها ودايما متمرده وبتكتب بوستات تعارض النظام ومعهاش كارنيه الحزب الوثني الديمقراطي ومبتشجعش الاهلي هذا والله اعلي واعلم والسلام عليكم ورحمه الله وبركاته"

    ReplyDelete
  2. واضح انك بتحبى البرمجة جاااااااامد يا هوندا لأنك بتقولى
    "
    مادة تشغيل الدماغ فيها متعه
    "
    وهى دى الفكرة فى الموضوع , البرمجة متعة ,وعشان تتدرس صح لازم تتدرس على الأساس أنها متعة مش مجرد دش وخلاص , لازم تتاخد بمزاج وحب

    وطبعا عندك حق وخصوصا فى موضوع العربى .. مع احترامى للغة العربية واللى بيكتب كتب برمجة بالعربى أو يدرسها بالعربى لكن بيبقى المحتوى والمحصلة تعبانة جداا الا ما رحم ربى


    ان شاء الله ربنا هيوفقك

    :)

    ReplyDelete
  3. المشكلة و الله مش عندك انتى بس دي موجودة في كل الكليات ...المواد عقيمة و الاسلوب معقد و معظم المواد مالهاش لزمة..
    أنا مثلا كنت في كلية هندسة و كل شغلى بالكمبيوتر كنا بنتحايل على الدكاترة انهم ياخدوا مننا الشغل بالكمبيوتر ما كنوش بيرضوا علشان هما أصلا مش بيعرفوا فيه ..طب ما يعلموا الدكاترة طيب قبل ما يخلوهم يدرسوا للطلبة ..
    انتى عارفةانى اول ما اشتغلت الناس بتوع الشغل ما سالونيش انتى تقديرك كام و لا كنتى بتاخدي ايه في الكلية ..أول حاجة سألونى عليها بتعرفي الكمبيوتر و لا لأ ...و لولا انى كنت واخدة كورسات برة ماكنتش عرفت اشتغل لغاية دلوقتى ....
    نفسي بقى الناس دول يشوفوا التعليم برة عامل ازاي .
    على العموم ربنا معاكي ...هو كاس و داير على الكل ...شدي حيلك بس و اعصري على نفسك 3 كيلو ليمون و انتى بتذاكري و ربنا يكرمك
    سلام

    ReplyDelete
  4. احلي حاجة في البوست انك بتقولي ان في واحده * عشان في هندسة * فهي فاهمة شوية!!!! انا معترض

    مفيش اي حد بيفهم حاجة في الكلية و الاساتذة كل ترم بيتأكدوا من كدة في الامتحانات
    اصل لو فيه حد فهم حاجة يبقي هيكتشف ان الدكاترة مش فاهمين اي حاجة :)

    ReplyDelete
  5. Kabodah
    مش حضراك بردو الى كاتب البوست الى فات متتكلمش بقا وانا ثابته ع رايى انا مبهاجمش حد انا بوضحلهم الصورة اكيد هما مش واخدين بالهم وبيحتاجو ارانا بردو نحن فى بلد ديموقراسى
    >-------<
    مبرمج حر
    انا فعلن بعشق البرمجة وبحاول امشى فيها ادعيلى بقا لان الدماغ متربسه وخالص
    وطبعا احنا بنحترم لغتنا العربية وكل حاجة بس خدو العلم بلغة اهله لو حد مثلا دخل فى الدين وحب يتعلم القران عشان يفهمو كويس بيتعلم اللغة العربية لانها لغته واهلا بيك :)
    >---------<
    Rodrigo
    اتمنى ان الترجمة تنزل قريب ياحلاوة البلوج بقا عالمى ولا ايه لول
    >--------<
    الحلم العربي
    انا مخلصة الليمون الى فى البلد يابنتى من كتر العصر :)
    >---------<
    LiNuXaWy
    انا اسفة جدن فهمتنى غلط انا عارفه ان محدش بيفهم حاجة فى اى كليه ههههههههههههه بس مقارنتا بكليتنا الجليله هتعرفو ان انتو بتفهمو وان الدكاترة بيشرحو :(

    ReplyDelete
  6. مرسيدس

    روحي العبي ياماما بعيد على الاقل اتي كنتي في حتة ونقلتي حتة تانية وبتلعبي بالكليات في ايدك

    اعمل انا ايه وانا اللي كنت بتمناها من وانا عيلة ودخلتها ومش ماشية فيها

    اصوت ولا الطم ولا الم عليا الناس

    يلا كلنا لها

    ادي حال الدنيا يابنتي

    طمطم بس مكسلة اسجل نفسي

    ReplyDelete
  7. طنطن
    الله اكبر هيا عدوة مكسله اسجل نفسك وصلتلك
    بس ايه بتلعبى بالكليات دى انتى بتحقدى عليا عشان بشم نفسى فى كل كلية شوية لحد ماجلى برد ههههههه انتى الى زيك وفى كليتك ده يحمد ربنا كل يوم انه لسه عايش قولى ياشيخة قولى الحمدلللللللللله

    ReplyDelete
  8. انا طبعا سايب التعليم من زمان اناراجل عجوز وشعري شايب بس اعتقد ان سبب الحالة اللي احنا فيها دي التعليم انا والدتي مدرسة وبتحكيلي قصص ولا قصص الف ليلة وليلة وعليه العوض في البلد حسسبي الله ونعم الوكيل

    ReplyDelete
  9. كليات المحروسةكلها كده يا هوندا يا أوختي
    برضه الواحد دخل اداب علشان بيحبها لكن كل اللي بيعمله انها بتكرهه في الادب
    بس يا ستي سيبك ، لما تكون هي نس المواد كل سنة هتبقى سهلة وتنجحي على طول وقشطة:)

    ReplyDelete
  10. sendbad اهلا
    فعلن الى احنا فيها طبعا السبب الرئيسى م التعليم لانه هو الى بيعمل البنى ادم
    >-------<
    متغيرة شوية
    لا يااوختى لما بتتكرر وهيا مواد رخمة اصلن وانا بلصمها كل ترم عاااااااا ربنا مايوريكى

    ReplyDelete
  11. ربنا يصبرك يا بنتى على تعليمنا العقيم و شدى حيلك فى الامتحانات صباحك سكر

    ReplyDelete
  12. بصى خلينا متفقين علشان تفرحي الناس بلاش تجيبى سيرة التعليم خاااااالص .
    رجعيني لايام المذاكرة والهم انا كنت بكره التعليم اوي .

    بس اللى هقولك ربنا يعين اي حد بيذاكر .

    ReplyDelete
  13. Ma-3lina
    فعلن تعليم عقيم دعواااااتك وصباحك عثل
    احمد رفعت
    انا بس بفضفض عن الكبت الى جوايا ومعاناتى الى بتحصلى كل ترم :(

    ReplyDelete
  14. مررت بمدونتك الجميلة

    فأحببت أن القي السلام

    تحياتي عزيزتي

    ReplyDelete
  15. صاحب البوابــة
    اهلا بيك:))

    ReplyDelete

 
لـلـرغـى فـنــون - Blogger Templates, Wordpress Templates Free - by Templates para novo blogger HD TV Watch Entourage Online. Featured on Local Business Singapore