الجزء التانى من سؤال كل ترم

انا اسفه ياجماعه متضطره اكملكم الجزء التانى من البوست الى فات يعنى هقرفكم معايا للمرة التانية اعذرونى عندى امتحانات ولازم اطلع الكبت وافضفض عشان اصفا للكلية واقدر استوعب حرف يمكن انجح واخلص بقا

قلتلكم ان فى حاجتين بيخنقونى م الكلية واتكلمت ع حاجة البوست الى فات والحاجة التانية الى هتكلم عنها النهارده هى

الامتحاااااااااااااااااااااااناااااااااااااااااااااااااات


ودى بقا بتنقسم لقسمين

ا- الامتحان الشفوى والعملى .


الامتحانات الشفوى والعملى اااااااااااااااااااااااه قمة عذابى فى موضوع الامتحانات دى ان اسمى اوله هاء وبعديه نون وترتيبه القبل الاخير فى الدفعه الامتحان يبدأ عشرة مثلا على ماييجى دورى بتكون الساعه3 او 4 والله انا ونصيبى بقا والمطلوب من ساعتى ان اكون موجوده م الساعه 10 ليه بقا لان احنا عندنا ماشاء الله الالتزام فى المواعيد جامد جدا ومفيش ترتيب يعنى السكشن بتاعى ممكن يدخل فى اى وقت لازم اكون موجوده ومستعده للمعركه انا فاكره ان اول ماده امتحنها الترم ده رحت الساعه 12 كده وفضلت قاعده للساعه 7 والجو كان حاااااااااااار جدا والكليه مشمسه ومفيش مكان البنى ادم يقعد فيه وسر التأخير ان الدكتور ربنا يكرمه امتحن دفعه سنه 3 قبلنا ومش مشكله احنا نولع ع الرغم ان قال فى المحاضرة تكونو موجودين م الساعه 10 انا عملت ناصحه ورحت 12 ومكنش بدأ مش عارفه ايه الى هيحصل لو الامتحان اتقسم يومين كل كام سكشن فى يوم زى مافى دكتور واحد بس عندنا بيعمل كده انا فعلن بعانى كل ترم مبملكش غير كلمة واحدة بس ربنا يسامحك يابابا انك سمتنى هنادى

اغرب موقف عدى عليا السنه الى فاتت كان فى دكتور بيدى درجات ع حسب جمال البنت الى قدامه يعنى لما كنت اسال حد م الدفعه الى قبلى نظام الدكتور ايه تقولى انتى بس ظبطى نفسك واضحكى وانتى داخله ومتنشنيش معاه وانتى هتعدى قلتلها ليه يعنى اشيل الماده ولا انى اسبله المهم انا جبت فيها مقبول معرفش ده عادى ولا شاف انى مش جميله كفايه انه يدينى جيد جدا مثلا حكم ....

ده غير بقا ان فى مواد تكون عملى وليها امتحان شفوى ازاى الله اعلم تلاقينا فى قمه الابداع بقا ماشاء الله
اخر ماده امتحنتها كانت برمجة اكسس المفترض انها مادة عملى ع الجهاز يعنى الدكتورة عملت امتحان عملى للمادة وامتحان نظرى فى المدرج وامتحان شفوى يعنى 3 الامتحان الشفوى كان عباره بقا عن ايه انها بتنده اسمك وتطلعى ورقه الاجابة بتاعت امتحان الصبح الى كان فى المدرج وتبصلك كده بصه ملهيا انا شفت خلقتك قبل كده فى المحاضرات بتاعتى ولا لا وانا من جواياه بقولها احساسك صح انا نيوفيس ومشرفتكيش قبل كده بطلعتى البهيه فى المحاضرات وبعدين تروح بصه بقرف فى ورقه الاجابه بتاعتى الى هيا للاسف ابيض م الصينى بعد غسيله اهو الواحد حتى يضمن درجتين ع نضافة الورقه وتقولى خلاص امسى شللل 3 ساعات مستنيه دورى عشان تتامل فى جمالى وتقولى امشى الصبرررررر


وكان فى مادة قبلها برمجة جافا بردو بس انا مكنش ليا مزاج اعمل الشيت كنت متلخبطه جدن كان عندى امتحان تانى يومها ومكنتش مركزة اجمع المادتين فى يوم واحد يفضلو سايبين الايام كتيير فاضيه ويروحو مرة واحدة مجمعين كل المواد فى ايام ورا بعض الواحد مش بيلحق ياخد نفسه المهم كان ممكن انقل الشيت زى بقيت الدفعه بس انا قلت لا يابت خليكى ع مبدأك اى نعم انتى مش فالحه ومش بتحضرى ولا بتذاكرى لكن المسأله لما توصل لشيت لازم تحليه بمجهودك والدكتور ده دونن عن بقيت الدكاترة طيب ومش هيقولك حاجة وفعلن دخلتله لان الامتحان الشفوى كان المفروض انه يسألنى فى الشيت وقلتله انى مجبتوش اجيبه لحضرتك امتى؟ قالى يوم الاتنين وكان فى اكتر من بنت معايا والميعاد كان 11 المفترض استنى من 11 لحد 3 مفيش امل والدكتور مجاش وانا مش عارفه اعمل ايه وامتحانى يوم السبت الجاى يعنى مش هنزل الكلية تانى قلت امشى وربك ييسرها بقا ابقا ادور عليه ايام الامتحانات بس طبعن فى قمة الخانقه لانهم مبيلتزموش بالميعاد وبيستهترو بينا

الامتحانات النظرى بقا

متعدش ع رخامتها عندى 7 مواد بمتحن يوم يوم يعنى 3 ايام فى الاسبوع كل مادة مدتها ساعتين بالتمام والكمال اى نعم انا ملييش تقل فى القاعده ع اللجان ويادوب بكمل ساعه بس فى مواد للامانه بتحتاج وقت طبعن كله فى الترلملم ده غير ان الفرق بين المادة والتانية يوم بس وفى مواد بتبقا محتاجة مش اقل من يومين او 3 بس اهو ربك بيسترها

تيجى بقا تبص لورقة الاسئله تحس انها ورقة انتقام كل سؤال عايز له صفحه ع الاقل تقعد تكتب وتكتب لحد ماايدك تورم وتكره اليوم الى اتمنيت تبقا فيه طالب جامعى وتدخل الكلية والظريف ان المواد الى اسئلتها بتتطلب دش اصلن هيا المواد العملى انما المواد التربوى محترمه وتلاقيها مبتتعبش البنى ادم
يعنى مرة فى مادة ال
word
تلاقيه يقولك ازاى تطبع مستند مع رسم النوافذ يعنى المفروض احفظ الشاشات الى بتظهر ع الكمبيوتر وارسمها حسبى الله حاجات تجيب العله والغريب ان المواد دى مش بنمتحنها عملى والعكس صحيح
طبعا الامتحانات دى الواحد بيدخلها وهو معبى شويه كلام كتيييير مابيصدق ايده تيجى ع ورقة الاجابه ويفضى كل الى فى مخه عشان يستريح ويخرج ابييييييييييض وهو بيفكر فى المادة الجايه وربك يسترها فى النتيجة متقدرش تتوقع لنفسك حاجة حليت فى مادة وحش يبقا هتجيب مش اقل من جيد حليت زى الفل يبقا اوبل(مقبول) حلو عليك اوى وعجبى
ارخم حاجة بقا المراقبين تلاقيهم داخلين عليكم بالوش الخشب ولاى معاه موبيل يقفله ميعملوش صامت عشان الازعاج وتعرفو تركزو الاقيلك يختى كل شوية موبيل حد م المراقبين يرن ويفتحه فى اللجنه عادى وممكن يرغى وممكن يرغى مع زميل او زميله فى اللجنة بردو بس لانى بحب الرخامه مبسكتش طبعن وبقول لو سمحت مش عارفه اركز طبعن بيتكتم وببقا سعيدة اوى انى طلعت غلى فى حد

بس انا كده شبه خلصت كان فى حاجات كتيرة نفسى احكيها بس المذاكره خلصت عليا ومعدش فيا حيل على الله ييجى بفايدة

سؤالى الاخير هنفضل كده لحد امتى؟؟؟؟؟؟؟؟

ادعولى بالله عليكم هبدأ امتحانات يوم السبت

15 comments:

  1. لغاية ما تروحي تقتلي واحد منهم يا أختي ويبقوا عروا مصيرهم لو معدلوش طريقتهم

    بس والنبي ابقى اقتلي دكاترة الشعر في كليتنا بالمرة

    ReplyDelete
  2. تقريبا الناس كلها عندها كبت اليومين دول..

    وبعدين شكل المراقبين عندكم طيبين
    انا غالبا بيطلع حظى فى مراقبات
    وما ادراكى ما المراقبات
    يقعدوا يتكلموا عن المحشى والكوسه والبتنجان وبنت الحاج محمود اللى اتجوزت وسافرت السعوديه
    وجوزها ياعينى طلقها ورماها فى الشارع
    الواحد بيبقا هيتجنن

    اما بالنسبه لنظام التعليم وهيفضل كده لحد امتى؟؟ فده ربنا يسهل بيه ان شاء الله فيه امل يتغير فى خلال الكام قرن الجييين

    ربنا يوفقك يارب فى الامتحانات ويوفقنا جميعا

    ReplyDelete
  3. متغيرة شوية
    هههههههههه هنعمل حفلة قتل واغتيال جماعيه ولا يهمك

    Alaa Emad
    انا بردو متفقه معاك ان التغييير قادم لا محاله فعلن هانت كلها كام قرن شطه ههههههههه وربنا يوفقنا جميعن

    ReplyDelete
  4. كل اللى اقدر اقولهولك :ربنا معاكي و تعدي منها على خير علشان تخلصي من وجع الدماغ ده
    بالنسبة للدكاترة بتوع امتحانات الشفوي اللى أهم حاجة عندهم جمال البنت دول بقى كانوا عندنا بالهبل في الكلية...
    مرة واحدة صاحبتى يا عينى كانت داخلة الامتحان و هي كان معظم لبسها قمصان كاروهات ..و دخلت الامتحان مع واحد من الدكاترة اياهم و معاها واحدة من البنات اياهم ...لبس ..شعر ..مكياج ...طبعا مش قادرة اقولك البنت كانت طالعة عاملة ازاي من الامتحان ...زي ما يكون الراجل سلقها جوة و عمل منها شوربة ....واحدة صاحبتنا قالتلها :طبعا لازم يعمل فيكى كده انتى مش لابسة قميص كاروهات !!ايه الخيبة دي!!!
    و طبعا البنت اللى معاها جابت النمرة النهائية في الامتحان
    طول ما الدكاترة دول موجودين في الكليات ما تتوقعيش ان التعليم هيتصلح حاله

    ReplyDelete
  5. هههههههههههههههههه المفترض اننا نبقا نسأل عن الألوان المفضله للدكتور قبل ماندخل الامتحان هههههههههههه

    ReplyDelete
  6. الاخوة الكرام لأن دورنا هو إظهار الحقيقة وتوعية الناس بها , ولأن ما علمته عن ذلك المجاهد يمثل قيمة عظمى المفترض أن نفتخر بها ونكرمها , لا أن نعتقلها ونسجنها , فإني أطلب منكم رجاءاً أن تساعدونا في بدء حملة الافراج عن شيخ المجاهدين السيد / أبو الفتوح شوشة , المعتقل منذ حوالي 20 يوماً , ويعاني وضعاً صحياً سيئاً داخل محبسه نظراً لكبر سنه البالغ 80 عاماً , وتتمثل الحملة في نشر هذا البوست الجاهز يوم الجمعة الموافق 19/5/2007 , ونشر صور شيخ المجاهدين في جميع المدونات المشاركة – الصور موجودة في مدونتي- , مع توسيع نطاق الحملة لتشمل كافة المدونات التي نستطيع الوصول اليها .. وجزاكم الله خيراً ...

    البوست بعنوان

    أن تكون أبو الفـتوح شوشة

    حملة الإفراج عن شيخ المجـاهدين :

    في ظل تلك الهجمة الشرسة التي يتعرض لها كل وطني حر شريف , تتعدى تلك الهجمة هذه المرة خطوطها الحمراء , وتتمادى في غيها المنهجي , لتصطدم برمز من رموز العزة والكرامة في مصرنا الحبيبة , إنه شيخ المجاهدين الذي يربو عمره عن الثمانين , الأستاذ أبو الفتوح شوشة , ورغم ان الكثيرون من قد لا يعرفونه , ربما لأنه ليس بلاعب كرة قدم قديم أو مطرب شهير قد إعتزل ... بل إنه من القلائل الذين ما زالوا أحياء ممن سبق لهم الخروج مجاهدين وقت تقسيم فلسطين عام 48 م , ورغم أن الكل قد تناساه , في غمرة إعتقال نائبي مجلس الشعب من الإخوان المسلمين , وقد تم إعتقاله معهم وقتها بكل القسوة رغم شيخوخته وكبر سنه , إلا أنهم لم يرحموه , ولم تمنعهم كهولته , بل لفقوا له التهمة الشهيرة وهي محاولة قلب نظام الحكم !!! وكأن كهولته وكِبر سنه تسمح له بمجرد التفكير في قلب منضدة و ليس قلب نظام الحكم !!! لكننا اليوم نعلنها إننا لم ننساه , وكيف ننساه ؟؟ وقد حمل لواء الرجولة والعزة آنفاً وخرج ببدنه وماله قاصداً فلسطين ليجاهد عام 1948م اليهود الصهاينة وهو يبغي النصر أو الشهادة , , إنه اليوم له كل الحق علينا في ان ندعمه تماماً , حتى ولو لم يطلب , وحتى ولو لم يعلم , فإننا من منطلق من نمثله من صحافة شعبية , تمارس دورها في تنوير شعوب المنطقة , نعلن اليوم ما الذي يعنيه أن تكون شخصاً كشخص أبو الفتوح شوشة في مصرنا الحبيبة ...

    أن تكون أبو الفتوح شوشة فهذا معناه أن تكرم وتصير رمزاً لكرامة الرجال لو كنت في بلد غير مصر ... أما لأنك في مصر ... فهذا معناه أن تصير نزيل أحد السجون وحبيس أحد المعتقلات ...

    أن تكون أبو الفتوح شوشة فهذا معناه أن تخرج للجهاد في فلسطين وعمرك لم يتجاوز التاسعة عشر ...فتبلي البلاء الحسن ... ثم تعود لتنال جزائك على جهادك وبدلا من تكريمك يزج بك في السجون 15 عاماً مع الشغل والنفاذ ..

    أن تكون أبو الفتوح شوشة فهذا معناه أن تعود من فلسطين راضياً عن نفسك ... راضياً عن جهادك ... راضياً عما فعلته لرفع لواء الذود عن فلسطين ... فلا يرضى عنك النظام ... لتذوق الويل والتعذيب في السجون المصرية ...

    أن تكون أبو الفتوح شوشة فهذا معناه أن تخرج من السجن بعد 15 عاماً كاملةً لتمارس رسالتك في البناء والاصلاح من جديد ... بدون أن تتغير قناعاتك أو تتزعزع ثقتك في نفسك ...

    أن تكون أبو الفتوح شوشة فهذا معناه أن تترشح في انتخابات مجلس الشعب لعام 1987م ... فيهب جميع أبناء دائرتك لإنتخابك ... بما فيهم أقباط دائرتك بالكامل .... فتنجح نجاحاً باهراً ... ثم يتم حل المجلس لأجل إسكاتك ...

    أن تكون أبو الفتوح شوشة فهذا معناه أن تتحصن بحب الله و تحظى بحب الناس لك ...... لكنك في الوقت نفسه تجد أن النظام يُكن الكره لك ... ويعتقلك المرة تلو الأخرى ...

    أن تكون أبو الفتوح شوشة فهذا معناه ألا يرحموا شبيتك وأنت قد قاربت الثمانين ... فيزجوا بك في المعتقلات غير آبهين ... ويحولوك لمحاكمة هزلية غير مستنكرين ...

    أن تكون أبو الفتوح شوشة فهذا معناه أن تُحارب في رزقك وسكنك وراحتك وانت شيخ كبير ... ويضيقوا عليك كل شئ حتى يسجنوك ... في الوقت الذي تتمنى أن تنعم فيه براحتك ...

    أن تكون أبو الفتوح شوشة فهذا معناه جهاد في صغرك ... تعذيب في شبابك ... بهدلة في كهولتك ...

    أن تكون أبو الفتوح شوشة فهذا معناه ... اننا معك حتى النهاية ... نهاية ظلمهم أو نهايتهم ...

    الروابط :
    مدونة انسى تذيع نبأ اعتقال شيخ المجاهدين
    http://ensaa.blogspot.com/2007/04/blog-post_9947.html

    مجلّة "فلسطين المسلمة" تذيع فقرات من جهاد شيخ المجاهدين
    http://www.fm-m.com/2003/aug2003/story24.htm

    تقرير صحيفة المصريون عن اعتقال قدامى رجال الاخوان المسلمين
    http://www.almesryoon.com/ShowDetails.asp?NewID=34088&Page=1

    ملف pdf عن جهاد شيخ المجاهدين المصريين في فلسطين
    http://www.fm-m.com/2003/aug2003/pdf/51.pdf

    تم تدشين مدونة الحرية لأبو الفتوح
    http://freeaboalftouh.blogspot.com/

    جاري تدعيم الحملة بتقرير جريدة الدستور عن شيخ المجاهدين بتاريخ 13/5/2007
    جاري تدعيم الحملة بتقرير جريدة الوفد عن شيخ المجاهدين بتاريخ14/5/2007

    ReplyDelete
  7. معلش ياهوندا حنعمل ايه بقى في قدرنا
    انا معاكي في حكاية الشيتات دي
    عندي انا بقى تسليمات مشاريع المواد كلها

    ربنا كبيييييير

    ReplyDelete
  8. صاحب البوابة
    ------------

    تم نشر البوست عندي في المدونة

    ReplyDelete
  9. صاحب البوابــة
    إن شاء الله هننشره قريبا متشكرين جدن
    TAMTAM
    ايه الانوار والكهربا دى ربنا يوفقك فى مشاريعك دعواتك

    ReplyDelete
  10. haaaaaaaaaaaaahahahahah
    no comment
    we are all at same side
    we are suffering

    ReplyDelete
  11. Abd El-Rahman Hegazy
    :((
    يبقا احنا اكيد اكيد فى مصر

    ReplyDelete
  12. س : ارسم و اكتب محتويات القائمة المنسدله عن الضغط على كلمة فى وشيقه ورد 2007
    ج : هههههههههههههههه
    انت عبيط ياد
    ربنا يعينك على ما ابتلاكى وبالتوفيق ان شاء الله

    ReplyDelete
  13. هههههههه والله ده الى بيحصل فعلن ربنا يوفقنا جميعن مين ادك بقا خلصت وانضميت لصفوف البطاله يابختك ياعم عقبالنا:))

    ReplyDelete
  14. ما تستعجليش هتنضمي وبقوة هما دلوقتي بيعملوا منتخب البطاله عشان يدخلوا به مسابقة كاس العالم للحزن وان شاء الله هناخده بقوه يله اهو يبقي فلحنا في حاجة

    ReplyDelete
  15. فى الحالات الى زى دى الانضمام لقوى البطاله افضل م التعليم يعع

    ReplyDelete

 
لـلـرغـى فـنــون - Blogger Templates, Wordpress Templates Free - by Templates para novo blogger HD TV Watch Entourage Online. Featured on Local Business Singapore