كلمنى عربى بليييييييز

فى موضوع كده فى دماغى انا لاحظته من زمان اوى حواليه وفى المجتمع كله وفى مصر كلها الموضوع النهاردة عن

اللسان المعوج

الى هو ايه؟؟؟

نصف مصر لسانها بقا معوووووووووج احنا مثلا كشعب مسلم وعربى المفترض ع حد علمى ان لغتنا هيا لغة القران الكريم هيا اللغه العربيه بشكل عام مش بتكلم ع اللهجه المحليه بتكلم اننا محتلين فكريا وان اغلب الشباب وحتى الكبار لسانه بقا معووج فرانكو ارب انو يتكلم كلمتين عربى ع حته انجليزى ومش بعيد حتة فرنساوى اه ده انا واصل اوى وممكن حتة كورى بقا بمناسبة الثقافة الكوريه الى تزعمتها القناة التانية، والموضوع منتشر اكتر بين فئات الشباب خصوصا فى الكامحه ممكن فى يوم م الايام كنت بتكلم كده شويه بس مكنتش لسه فاهمه خطورة الموقف ايون دى مش حاجة عاديه اننا نتكلم كوكتيل انا اول ماعرفت معلومة ان الفرنسيين بيحترمو لغتهم ومبيتكلموش غيرها فى اى مكان حتى لو انت كلمتهم بلغه تانيه يفهموك بس يردو عليك بلغتهم اعتقد ان ده سبب يخلى لغتهم اكثر انتشارا بعد اللغة العربي.. لااااا الانجليزية معلش اصل عقلى الباطن تخيل اليوم الى نرفع لغتنا العربيه لفوق زى ايام زمااااااااان ايام العلماء العرب لما كانو رافعين رايتنا باختراعتهم والتطور العلمى الى كان بيخلى الاجانب يتعلمو اللغه العربيه عشان يدرسو العلوم بتاعنا وحاليا الوضع اتعكس وبقينا احنا بنتعلم لغاتهم عشان نتعلم علمهم نظرن لتخلفنا المتوااااااصل

هو مينفعش نقلد الفرنسيين مثلا فى النقطة دى ولا احنا فالحين نقلد الغرب فى الحاجات الوحشة بس زى البناطيل المسقطة والبنطكور والبلوزات الى مخاصمة البناطيل ووووووو. انا بحس ان جزء من انتمائك لبلدك انك تتكلم بلغتها مبقلش متتعلمش لغات تانية اتعلم ياسيدى واتكلم بيها بس فى اماكنها فى المكان الى يستدعى كده مش فى الاماكن العامه او انت واقف مع اصحابك المشكله ان البلد فرضت علينا اننا نتكلم كده لما سمحت بانتشار المحلات والبرامج والقنوات وكل حاجة باسم انجليزى انا بجد بتخنق بتخنق اوى اوى

كمان اعتقد انه بعد كام سنة ممكن اللغه تختفى خالص لو فضلنا بالمنظر ده وهيبقا نادر لو لقينا حد بيتكلم بيها مش عارفه هو ده نقص عندنا ولا ايه اننا ديما بنبص لاى حاجة تخص غيرنا ع انها تقدم او حاجة واصله مش فاهمه اكتر حاجة تفقع لما يكون حد بيقول الكلمة بالانجليزى وبعدين يقولها بالعربى طب قولتها ليه يابيضه م الاول يعنى على سبيل المثال ممكن تلاقى حد يقولك say مثلا ياتقول say ياتقول مثلا مش فاهمه ايه لزوم ان الكلمتين ييجو ورا بعض كنوع من التأكيد مثلا ؟؟؟؟

ماعلينا اتمنى بجد اننا ناخد بالنا م النقطة دى ونحاول نستخدم كل حاجة فى اماكنها ونعتز بثقافتنا شوية ونحاول نعليها ونتمسك بيها ع قد مانقدر واسيبكم مع الصور دى اهى تعبر شوية عن حالة الهستكولنس الى احنا فيها ومحدش يسالنى عن معنى هستكولنس اهو اى كلام فى الاوهام

1- واضح قوى ان نصف المنتجات ان مكنش كلها الى موجودة فى السوق بكلام انجليزى وتسهيلا لقرائتها بيكتبو نطقها بالعربى جمبها يالحلاوة!!!!

2- مبقاش مبسوطة ع فكرة لو رحت مطعم ولقيت كل الى الاكل بيتنطق انجليزى حتى لو كان كورن بلو :) ,;وكمان فين وفين ع ماحفظ الاسم


3- طبعا الاهل ليهم دور فى الموضوع ده هما مفكرين كده انهم مثقفينن وهما اساسا مبيعرفوش يكتبو الكلام الى بينطقوه !!!


المشكله بقا فى موضوع الفرانكو ارب ده انه اوقات بيضيع اللغتين الانجليزى والعربى لامنه بيتكلم انجليزى كامل ولا عربى كامل يقوم مطير الاتنين ويبقا فيهم نصف نصف وده بقا منتشر اوى ع النت واعتقد انه الى نشره الرسايل القصيرة بتاعت الموبيل ده لان الحروف الانجليزى بتاخد اكتر م الحروف العربى فى الرسالة والا بقا تتحاسب ع رسالتين حتى الانجليزى فى الرسايل اوفر

12 comments:

  1. شكرا ياهوندا علي الموضوع الجميل بس احب اوضح حاجة ان فيه ناس من الاجانب اللي بييجوا يعيشوا في مصر بيعرفوا الفرانكو بالنسبة ليهم لغه للتواصل مع العرب من خلال الشاتينج او الرسايل لانه فيه ناس مش بتعرف تقري بس بتفهم من النطق ده اولا...ثانيا هو طبعا المفروض نتكلم بلغتنا ونعتز بيها بس لو حصل وحد كلمنا فرانكوا نتعلمها برده عشان نعرف نتواصل برده زي مااحنا بنتعلم انجليزي مكسر وفرنساوي مضروب في المدرسه اللي هي من اهم الاسباب في الظاهره دي ؟ وفي النهايه بطلب اغنيه هبطل الفرانكو واكون انسان جديد من اول يناير اللي هيكلمني فرانكو هقول عليه عبيت للفنان الشاب حماده العربي

    ReplyDelete
  2. شكرا يا هوندا الموضوع ده بجد بيفقعني أنا كمان
    واحدة صاحبتى مرة لقيتها بتتكلم على الشات بالفرانكو ده فقولتلها انتى ليه مش بتتكلمى بالعربي هو الكيبورد بتاعتك فيها حاجة ...قالتلى لأ أصل اصحابي لما بكلمهم عربي بيقولولى انتى بيئة ....تخيلوا بقى الى بيتكلم بلغة بلده اللى هي لغة القرآن يطلق عليه كلمة بيييييئة
    دي ثقافة المهزوم و المهزوز الغير واثق في نفسه

    ربنا يستر على الجيل اللى جاي على الأقل احنا لحقنا شوية عربي في المدرسة امال الصغيرين اللى يعينى في الدارس الحكومية ما بيدرسوش حاجة أصلا و في مدارس اللغات أصلا الغة الأساسية هي الأجنبية ...بجد ربنا يستر

    شكرا على الموضوع و لو انه قلب علينا المواجع

    ReplyDelete
  3. رغايين

    ادعوكم للمشاركة في استفتاء

    اكثر 10 مدونات تاثيرا في قرائها

    عل مدونتكم منهم

    اليك الرابط

    http://www.6ef.blogspot.com/

    ReplyDelete
  4. kaboda
    انا طبعا مش بعارض تعلم الفرانكو مثلا او الكلام بيها بالعكس انا بقول نتعلم كل حاجة بس نستخدمها فى امكانها الصح يعنى احنا كمصريين مع بعض ملهاش لزوم يعنى نتكلم بيه انما لو الامر استدعى ذلك ان الجهاز خربان لا سمح الله او فى حد واقف ع دماغك ومش عارف تكلم اصحابك اه نستفيد منه برده ولا ايه؟؟ :))
    >----------<
    الحلم العربى
    ازيك ياحلم هاتيلى ميل البت صحبتك دى وانا اظبطهالك واخليهالك تكره الفرانكو قال بيئه قال ربنا يصبرك يابنتى
    >---------<
    منة
    ان شاء الله يامنه اهلا بيكى

    ReplyDelete
  5. السلام عليكم و رحمة الله بركاته
    الموضوع جميل يا هوندا
    اعتقد دة فرع من فروع الغزو الفكرى اللى حصل لبلادنا و اللى قدر يحتل مكانه فى كل حاجة فى افكارنا و ابتدا حتى ينسينا تعاليم ديننا دة اقل واجب انه ينسينا لغتنا
    ربنا يكرمك على الموضوع الحلو دة

    ReplyDelete
  6. ربنا يكرمك يايويو انا معاكى فعلا وبأيدك انه فعلا غزو فكرى ربنا يفوقنا بقا من غفلتنا

    ReplyDelete
  7. نور الأقصىJune 11, 2007 at 11:35 PM

    السلام عليكم ورحمة الله وبركاته
    ربنا يكرمك ياهوندا ويبارك في عملك موضوعك جميل وفي محله جدااا وعلى فكرة الظاهرة اللي تكلمتي عليها مش بس في مصر دي منتشرة في كل البلاد العربية اشي فرنساوي على انجليزي على اسبانيولي يعني بقينا شعوب سلطة كده متعرفيش العربي من النص كم ,ياستي فتحتي علينا مواجع الله يصلح احوالنا ويجعلنا نستحق نكون من امة اشرف الخلق عليه الصلاة والسلام ونرجعلها مجدها اللي ضيعناه.
    مش حاطول عليكم اكتر السلاااااااام عليكم ورحمة الله وبركاته

    ReplyDelete
  8. ههههههههههههه جامدة يانور شعب سلطة حلوة اوى انا فعلا معاكى فى دى هيا الظاهرة فى العرب كلهم فى نقص فى الانتماء لثقافتنا للإسف ياريت نساعد بعض :(

    ReplyDelete
  9. الموضوع ده بتظر خطورته كمان فى الأعلامين اللى المفروض أنهم واجهة لنا تلاقى تلاقيهم ميعرفوش يكملوا موضوع كامل على بعضه مع ان القناة مصرية بنت جمهورية مصر العربية بس زى ما تقولوا كده انفلالالالالالالالاح_من غير مناسبه
    "ومن الناحية التانية فى ناس بيكون عندها المشكله ده غصب عنها بحكم دراستها وده لأقسام اللغات مثلا ,بيكون مطلوب منهم الممارسه غصب عنهم"

    ReplyDelete
  10. انا معاكى يامرمر ان الاعلام له تأثير كبير المشكله فى ان الناس دى مش بتفكر بحس ان العقل واقف واما موضوع غصب عنهم انا بأيدك بردو بدليل اننا اوقات كتير بنتكلم مصطلحات غصب عننا زى اوك وميرسى وسنكس بس طالما احنا عايزين نغير الموضوع ده بارادة قوية هنغيره ولو بعد محاولات كتيرة :)

    ReplyDelete
  11. سلام عليكم

    أول زيارة للمدونة ..
    المدونة بسم الله ما شاء الله روعة
    ربنا يكرمك ..

    و

    جامدة جداً اللى ولادها بيتكلموا فرنصاوى دى ..

    تحياتى

    ReplyDelete
  12. ههههههه وعليكم السلام ورحمة الله وبركاته اهلا بيك ياياسر فى بلوجنا المتواضع ربنا يكرمك :)

    ReplyDelete

 
لـلـرغـى فـنــون - Blogger Templates, Wordpress Templates Free - by Templates para novo blogger HD TV Watch Entourage Online. Featured on Local Business Singapore