مهش ناقصه افلام عربى

السلام عليكم ازيكم ياكماحه

معلش ان انهاردة يعنى فى قمت غليانى حد هيقولى ماده العادى بتاعك ايه الجديد اقوله لا يافالح انا العادى انى اكون مخنوقة او مفقوعه الجديد بقا إنى بغلىىىى وممكن تلاقى فققاقيع كمان من كتر الغليان

السبب ايه بقا ؟؟؟؟سؤال يرمى نفسه بقوة

انهاردة كنت بتصفح الاخبار وكدا بقالى مدة متفقعتش يعنى ومشفتش احوال الرعيه

فلقيت خبر سخن اوى عن شخص بقاله مدة شايفه انه الصحافة مركزه عليه وعلى افعاله ووووو من غير لف ودوران الخبر بيقولك نقلا عن جريدة المصريون

..بلاغ للنائب العام يتهم ساويرس بإثارة الفتنة الطائفية عبر إنتاج أفلام تسئ للنساء المسلمات

منها "عفاريت الأسفلت"، "استغماية" و"علاقات خاصة"

كتب صبحي عبد السلام (المصريون): : بتاريخ 8 - 7 - 2007 طالب المحامي نبيه الوحش في بلاغ قدمه إلى النائب العام المستشار عبد المجيد محمود بإحالة رجل الأعمال نجيب ساويرس والمنتج السينمائي هاني جرجس فوزي لمحاكمة عاجلة، بتهمة إثارة الفتنة الطائفية واحتقار الدين الإسلامي والملايين من أتباعه، والإضرار بالوحدة الوطنية والسلام الاجتماعي، وتكدير السلم والأمن العام.
وزعم البلاغ ، أن فوزي قام بإنتاج وبعرض وتوزيع أفلام سينمائية مدعومة بأموال ساويرس، "، تصور النساء المسلمات على أنهن عاهرات ورجالهن بأنهن يقومون بأدوار قرني والديوث على حد تعبير البلاغ.
واعتبر أن هذه الأفلام تكرس الفتنة الطائفية وتحارب الحجاب وتنشر الشذوذ، ومنها على سبيل المثال لا الحصر "عفاريت الأسفلت"، "استغماية"، "علاقات خاصة".
اتهم الوحش، ساويرس بأنه ورغم أنه صعيدي المولد والمنشأ إلا أنه أمريكي الفكر في حين اتهم، فوزي بالعمل على إثارة الفتنة الطائفية، بعد أن دأب منذ أكثر من عشر سنوات على إنتاج أفلام ذات صبغة دينية مشبوهة، منذ إنتاجه لفيلم "عفاريت الأسفلت" حيث يسيء هذا الفيلم للمجتمع الإسلام

حيث تصور نساء المسلمين في الأفلام عاهرات ورجالهن مدمنين للخمور ويقبلون القيام بدور الديوث في فيلم "استغماية"، الذي تظهر فيه بطلته وهي ترتدي الحجاب وتقيم علاقات متعددة ولا يخلو مشهد في الفيلم من الجنس والخمور والمخدرات

انا بصراحة متفرجتش ع الافلام دى يادوب شفت اعلان علاقات خاصه وطبعا معجبنيش لانى مبحبش الافلام م النوع ده بس ماعلينا انا الى ضايقنى بجد اننا لو مثلا فى تأمر علينا بنوعيه الافلام المصرية دى الى بتسىء للدين او حتى لو مش مقصود الدين بوجه عام ان الفيلم يبقا فيه مناظر مش من عاداتنا وحرام وافكار مهببه مش بتاعتنا ياجماعه دى مش عيشيتنا احنا ليه بنعمل افلام مش من حياتنا هتقولولى ازاى الافلام دى واقع م المجتمع بس معتقدش ان مجتمعنا جزء من ثقافته الى بيحصل فى الافلام والخيانة وواحدة متجوزة حبت مش عارف مين والافلام العربى دى كلها انا عارفه ان ممكن حاجة زى بتحصل بس اقليه فى المجتمع مش المفروض اننا نركز عليها احنا المفروض نستنكرها مش نتاولها فى قصة فيلم

لو صحيح الشخص ده قاصد يسىء للمرة المسلمه زى مابيقول وانا مبدافعش عن حد انا بحاول اتكلم ع الى انا شايفاه ليه البطله الى مثلت الدور قبلته للدرجة دى مبتفكرش؟؟؟

والسيناريو والمؤلف والمخرج والممثلين الى شاركو ووووووووو ولا هو خلاص العقل بقا مغيب وبقيت كل حاجة عندنا عادى انا شايفة اننا فعلا بقينا عايشين فى دور مش بتاعنا وحياة مش بتاعتنا بقينا بنحاول ننسخ نفسنا زى المجتمعات الغربية ومش هنعرف نبقا زيهم ولا هنوصلهم لان دى مش شخصيتى كمصرى وهنبقا عاملين زى الى واقفين ع السلم لطالو فوق ولا تحت

ياريت ياجماعه نركز شوية ونحاول نفكررررر احنا مين احنا مسلمين ياجماعه ودينا مش عويص الحرام بين والحلال بين ياريت نحاول نتمسك بدينا ونحاول نعزه مينفعش كده ياسيدى هتمثل بلاش تعمل افلام عبيطة كده اعمل حاجة عدله تنفعك بلاش الافكار السوده دى الى الشباب بقا عايش فيها الى يتفرج ع الافلام كلها حب وهيام ومش عارف ايه يعنى الدنيا كلها اتنين بيحبو بعض بيحسسو الواحد انه لو مش بيحب بيكون انسان شاذ حتى لو حب طرق التعبير عن الحب بتكون غلط لان فى الفيلم والمسلسل الى بيحبو بيكونو كدا هو طبعا الحب شىء مش بايدنا بس نحاول نمشيه صح نحاول اننا نحافظ ع نفسنا ونرضى ربنا عشان منخسرش

فى حاجات اهم فى افكار اهم ياريت نركز عليها لازم كل واحد يبقا ايجابى يحاول يفيد دينه ووطنه ونحاول نصحى بعض مش تبقا كل الحياة اتنين خانو بعض وخمره وقرف الواحد من كتر مابيشوف الحاجات دى بقا بيحس انها عادى بس هو مش عااااااادى لازم تفتكر هويتك ايه يااسطا؟

الافلام والمسلسلات كلها بقيت شبه بعضها لبس واحد ومكياج واحد وهيافه واحده قليل لما نلاقى مسلسل او فيلم محترم عليه القيمة الواحد يقدر يتفرج عليه من غير مايتكسف انا الحمدلله بطلت اتفرج ع التلفزيون كتير م القرف ده لانه بجد بيزرع افكار سلبيه يعنى انت لو عايز تبقا انسان ناجح احسنلك ابعد عن جو الافلام والمسلسلات الهابطة دى جو حزيييين وهايف شوف الولاد ولا البنات بقا لبسهم عامل ازاى وكلامهم وشكلهم حتى اهتمامتهم ياريت بجد كل ممثل ياخد باله م الدور الى بيمثله ياريت نخاف ع دينا وسمعتنا وياريت الرقابة تاخد بالها شوية لازم يبقا فى خطوط حمرا كدا محدش ييجى نحيتها زى الدين

لو حد اتهمناه انه بيأمر ولا بينشر فكر غلط فاحنا المفروض نحاسب نفسنا الاول لاننا الى شاركنا فى نشرها واحنا الى شجعناه ومخدناش موقف وبقينا نتابعه

ربنا يحفظنا

كانت معكم فقاقيع

HoNdA

11 comments:

  1. مع انى متابع البلوج من فترة- صحيح مش طويلة - لكن أول مرة أقول تعليق على حاجة منشورة فيه
    فى البداية انا متفق على الكلام اللى قولتيه مع ان الأستاذ الوحش كان المفروض يرفع قضية على قناة OTV كمان
    لأنها للأسف بتعرض حاجات قذرة
    لكن انا ليا تعليق بسيط
    انا معلش اعذرونى مؤمن جدا بنظرية المؤامرة
    لو اتكلمنا عن الأفلام اللى بتعرض حاجة مش من دينا ولا أخلاقنا يبقى هنرجع لأكتر من 50 سنة هنلاقى نفس المشكلة أفلام مهما كانت محترمة بالنسبة لنا انما فى عصرهم أفلام تدعوا للرزيلة
    للأسف الدعاية اللى بيوفرها الإعلام للقنوات والأفلام دى هى اللى جنت على الشباب وخليته ماشى غلط مش معنى كده انه برئ
    قناة OTV مثلا
    اتعملها دعاية كبيرة وفى الأخر بتذيع ....... وعلى النايل سات اللى قفل قناة الزوراء العراقية وقفلت قناة خير لأنها من وجهة نظرهم بتشجع الفتنة الطائفية
    صحيح الحال بين والحرام بين لكن بينهما أمور متشابهة هى دى الأهم فى الموضوع لأنها أول سكة الحرام
    اتى نشوف إعلام ينشر الأخلاق والدين بدل الـ ............
    معلش طولت

    ReplyDelete
  2. اهلا يامحمود انا متفقه معاك فى كل الكلام الى انت بتقوله انا سمعت عن قناة مستر سويرس وعن فيلم كان اتعرض فيها ولما استضافوه فى برنامج العاشرة مساء وسالوه قالهم انها قناة شبابيه تهتم بقضايا الشباب يعنى ياعينى قشايا الشباب كلها بقيت فى الافلام دى ياحرام

    وبالنسبة لموضوع الافلام القديمة ففعلا هيا كان اغلبها بردو سىء بس انا الى بيخلينى اتكلم دلوقتى اننا دلوقتى مقارنتا بزمان عندنا توعية دينية وثقافة انتشرت عن الاول المفترض انها تنعكس ع انتاجنا كله ونحاول نغير المجتمع للافضل مش نفضل بنرجع لورا

    ويمكن هما بقا يقفلو القنوات الدينيه لانها بدأت تزيد وده مؤشر خطر ع مستقبل الفساد ههههههههههههههه ربنا يهدى

    ReplyDelete
  3. السلام عليكم
    السيدة المفقوعة
    والحمد لله الذى عافانا :)

    أولا انتى بتسألى الممثلين والمخرج والمصور والناس دى قبلت تشارك فى الفيلم ليه .. هما ليهم تفكير مختلف خالص عن تفكيرك وبيجبوها من ناجية تانية .. فواحد مثلا بيبص ان ده رزق وجالة ومالهوش دعوة بأى حاجة .. وواحده تقول الفن ده رسالة .. وهى مش فاهمة يعنى ايه الكلمة .. زى الست يسرا اللى بتتباس عشان الفن ده رسالة .. وهى بتئدى رسالتها فى الحياه .. وكل واحد ليه تفكيرة اللى هيوديه فى داهيه

    بــــــــــــــس

    عجبتنى قوى الحته الأخيرة بتاعه عدم متابعة اى حاجه دى

    انا والحمد لله برضه بقالى فتره ليست بالقليلة ما بتابعش مسلسلات وما بقاش فى قاموسى حاجه اسمها أفلام

    ReplyDelete
  4. ياسر سليم
    وعليكم السلام ورحمة الله وبركاته
    السيد الى الحمدلله الذى عافاه كيف حالك؟
    هو انا طبعا عارفه انهم ليهم تفكيرهم المختلف بس انا نفسى ان كل واحد يعنى حتى لو ايه يحاول انه ميسوئش سمعة دينه

    وكويس انك بردو مبتابعش كتير ده احسن عشان الصحة والمرارة :)

    ReplyDelete
  5. هاي
    بصي انا معاكي بشكل كبير في ان ده بيقدم صورة سيئة للاسلام و للمسلمين و بيعمل دعاية مضادة لينا
    لكن لو الموضوع ليه جوانب تانية تخلينا نعيد النظر فمانلغيش او نمنع و لكن نقنن
    يعني النماذج اللي بتطرحها افلام زي دم الغزال و استغماية و اوقات فراغ و الابواب المغلقة و غيرها موجودة فعلا و مهمة الفن انه يكون مرآة للمجتمع تخيلي كده في وقت فيه حرب مثلا و افلام السينما كلها عن البلاجات و السفر و السياحة هتحسي بانفصامها عننا
    الفن لازم يدوس على الجرح دايما اللي محل نقاش هو كيفية عرض و تناول الموضوعات
    احيان كتير و مش عايز اقول دايما بيعمل الكاتب و المخرج معاد موضوعي للقصة عشان تبقى تجاريا ذات رواج فيقحموا مشاهد او افيهات او ما شابه عشان الفيلم ينجح جماهيريا طبعا ده بيخنقني جدا لكن
    نسأل لو فيه فيلم عمل المعادلة الصعبة و خرجلنا بنص محترم بيناقش مشكلة ما بموضوعية و بدون مشاهد هل هينجح و الناس هتدخله ؟؟
    ماظنش
    الافلام عشان تنجح اما تكون تافهة او جنسية
    المشكلة مشكلة معقدة
    بس السينما زي اي سلعة اذواق الناس هي مؤشرها و بوصلة توججها الوحيدة
    يعني كلنا مخطئون

    ReplyDelete
  6. السلام عليكم
    فى البدايه احب اقولك نورت مدونتى
    ----------
    انا اتفق معاكى فى ان الافلام دلوقتى لاتعكس اى من حياتنا
    هو للاسف هم جم يقلدوا الاجانب فعملو افلام كلها سفاله
    وفعلا قبل ما نفكر نقول مؤامرات لازم بقه نبطل كلام ونتفاعل شويه يعنى نعمل حاجه
    يعنى هم الممثلين دول مش عارفين انهم شايلين ذنب كل الناس اللى بتتفرج دى!!!!
    مش عارفه اقوول ايه غير حسبنا الله ونعم الوكيل فى اى حد بيحاول يضيع شباب المسلمين وللاسف بينجح
    سلام

    ReplyDelete
  7. مادو
    اهلا بيك
    انا متفقه ع كلامك طبعا ان اغلب الافلام دى بتعبر عن مشكلات موجودة عندنا بس لو اخدت بالك حتى انهم بيهتمو بالمشكله مبيهتموش بازاى نحلها يعنى نقعد نحزن ونعيط ونتأثر ونتعاطف طب معلش طلعنا بايه فى الاخر الله يكون فى عون شوب اليومين بالصلاة ع النبى
    الاعلام بيأثر جامد فى المجتمع وان شايفه ان اغلب تأثيره حاليا سالبى فلازم يبقا فى حركة لازم يبقا ليه قيمة لاننا لو فضلنا كدا بعد كام سنة شخصيتنا هتتمحى م الاستنساخ الى بنحاول نعمله وعمرنا ماهننهض

    ReplyDelete
  8. بندقه
    فى البداية احب اقولك انك انتى الى منورة :)
    ----
    وزى مانتى بتقولى جم يقلدو الاجانب قلدوهم فى الوحش حتى مبيقلدهومش فى حاجة عدله احنا كده لما نيجى نقلد حد بناخد الوحش بس
    ربنا يهدى

    ReplyDelete
  9. على فكرة انا رغم انى بتخنق جدا من البلوج بتاعكم بس مش عارف ايه اللى بيدخلنى فيه كل ما ازهق و ساعات بتعمد اغلس عليكم وخلاص بس دلوقتى انا بتابعكم بجد شوية عن الاول

    ReplyDelete
  10. hossam
    إنما الأعمال بالنيات ولكل امرىء مانوى

    ReplyDelete
  11. واضح انك مدونة من زمااان

    بس انا اول مرة اكتشف المكان


    بصراحة

    وانت عارفة
    ان
    الصراحة راحة




    المدونة جميلة قوي

    ReplyDelete

 
لـلـرغـى فـنــون - Blogger Templates, Wordpress Templates Free - by Templates para novo blogger HD TV Watch Entourage Online. Featured on Local Business Singapore