حملة المقاطعه الشعبيه للانترنت



هااااااااااااام وعااااجل
طبعا اكيد أغلبنا ان مكنش كلنا سمع عن القرارات الفظيييييعه الى اصدرت وبتصدر عن تخفيض اشتراكات النت وتحديد سرعة الداونلود لكل فرد من افراد عامة الشعب وممكن يتكرمو ويسمحولنا اان نستعمل الانترنت ساعتين والله منتهى الحلاوة والطعامه والكلام الفارغ الى بيحصل ده الى بيدل على اننا كل يوم نصعد للعالميه بقرارتنا الى بتوصل للجاهلية انا مش هتكلم كتير فى الموضوع ده الى مسمعش عنه يقدر يشوف بوست عند بندقه اهو
موضوع مهم..............لازم نتشارك فيه
تحديث
دى مكالمة الوزير مع عمرو أديب
http://www.youtube.com/watch?v=VOkTBlvpRLI


وياريت نبقا ايجابين ونتحرك بدل ماكل شوية ناخد ع قفانا وخليكم مع الكاريكاتير احسن
مبحبش اجيب فى سيرة حد ههههههههه

اول حاجة خش برجلك اليمين وسمى يااااض

ولأن مينفعش ندخل عصر جديد بدون تخطيط فاول حاجة هنعملها هنجيب المعلم بيل جيتس

ولأن العصر البدوى عمل ضجة جامدة فى العالم فكان لازم نعرف ياترى ايه الدافع للخطوة العالمية دى!!!


ممممم بعد مابدأنا التنفيذ ولمينا الكاشات لازم نعرف الى لينا والى علينا امال مش اى اى

وطبعا لأن حياتنا فواتير هيبقا فى محصل ومحدش يقدر يضحك علينا كللللله متراقب ياااسطى عيب عليك


وان شاء الله تكون دى النتيجة ونبقا محتاجين كريدت كارد او كارت دولى هههههههه

اااااااااااااه دنيا عجبى عليكى يابلدى وماخفى كان أعظم
:)
كانت معكم
HoNdA


26 comments:

  1. هيه هيه هيه اول تعليق عند بطتى
    :D
    هو طبيعى النت هيخلنى اطلع من هدومى
    اها يا مسكينة يا امانى اللى مش هتلحقى تتهنئ بالنت والدى اس ال مش هيكون شغال علطول
    ده كان خلاص هيشتغل عندنا خدمة الدى اس ال
    أهئ أهئ
    فعـلآ قليل البخت يلاقى العظم فى الزبادى مش الكرشة
    أهئ أهئ
    المنحوس منحوس لو على راسه كلوب مش فانوس
    طبــعآ مش هنكست وانا الحمدلله بتدأت اشعللها وافهم الناس اللى نايمين فى ميه البطيخ
    تحياتى يا بطــتى

    ReplyDelete
  2. هههههههههه ايه ياوزتى والله انتى اكتر واحدة صعبانة عليا وكل ماقرأ حاجة عن الموضوع ده افتكر الجنوب الى اتقطع عنه النت واقول فى سرى كانو بيجربو فيهم ههههههه وبعدين قليل البخت يلاقى عضمه فى الايس كريم مش الزبادى وفى الاخر احب اقلك شعللها شعللها

    ReplyDelete
  3. احنا شعب طول عمره بيحب ياخد على قفاه
    حسبى الله ونعم الوكيل
    دى كارثة
    السلام عليكم

    ReplyDelete

  4. هههههههههههههههههه
    ضحكتيني والله ومكنتش عايز اضحك
    انا بنت خالتي قالتلي علي الموضوع ده
    قعدت اتريق عليها
    واقولها مستحيل
    وطلعت انا مبفهمش حاجه

    بس احنا لو قاطعنا النت احنا الي هنخسر
    هنخسر ارائنا وافكارنا واطلاعنا علي الاخبار
    ومقاومه افكارهم ومخطتتهم

    تحب تقول ايه في 2007
    حسبي الله ونعم الوكيل
    الراجل صاحب العماره اكمن ليه ناس مهمين.......

    ReplyDelete
  5. ايه الحلاوه دى
    من اول ما شفته وبقولك انه جميل

    هاروح اقراه وارجع تانى

    هم دول الشباب المصرى الجدع
    برافو عليك يا هوندا

    ReplyDelete
  6. والله كلام فارغ واستهبال
    ومش هانضحك زى كل مره اللى هم عايزين يعملوه ده
    ده مش اكل هايزودو سعره ولا ميه هايعملوها بكروت هى كمان
    هم مش شايفين احنا فين والغرب فين

    والله حاسه ان مرارتى قربت تتفقع كل ما اقرا التصريحات البتنجان دى

    كل همهم ازاى يجيبو فلوس من الشعب

    بس برضه لو ده حصل يبقى هانقاطع
    ومافيش نت
    واذا كنا كده كده مش هانلحق نستفيد من الساعتين بتوعهم دول
    يبقى برضه مش هانفعهم

    وخلينا بقى نراسل بعض بالحمام الزاجل اللى هم برضه موتوه

    حسبى الله ونعم الوكيل فى دى حكومه

    وقال ايه انتم ياشباب قاده المستقبل
    هو انتو سايبنلنا مستقبل

    كفايه بقى عشان حاسه ان دمى تقيل

    ReplyDelete
  7. اللى يعيش ياما يشوف

    الحكومة دى ( على رأى واحد ترزى ) عايشة فى مية اللفت

    ReplyDelete
  8. mo'men mohamed
    مش بنحب بس المشكله اننا مبنتعلمش او بنستنى لما تبقا مصيبببببه عشان نفوق ربنا يستر

    ReplyDelete
  9. محمود علي

    بص هيا ميزة القرارت انك تبقا مستغربها فى الاول عشان تعرف اننا بنعمل المستحييل ههههههه

    ع فكرة ناس بتقول اصلا ان الموضوع ده اتعمل عشان يخنق ع المدونيين والجروبات السياسية كأننا مثلا مش هنغلب
    حسبى الله ونعم الوكيل

    ReplyDelete
  10. بندقه
    شكرا يابندق تك تك وربنا انتى عثل انا رايى فعلا ان ساعتين مش جايبين همهم يبقا بلاهم وبعدين ماهما لاهفين كل ةحاجة مستخسرنين النت عليناوبعدين ياماما احنا فعلا مبنحبش نتقدم ونفسيتنا بتتعب لو لقينا نفسنا ممكن نتقدم فلازم قرارات حاسمه ترجع البلد لاصلها ههههههه

    قال مستقبل قال انت بتصدقى الكلام ده

    ReplyDelete
  11. يدعوكم موقع مدون خانه (تحت الانشاء)الى الاجتماع من اجل الاتفاق على الخطوات النهائيه لنشاء مجمع المدونين (مدون خانه)وذلك يوم السبت القادم الموافق 28 / 7 / 2007 وذلك الساعه 6 مساء يوم السبت فى مركز العربى للدرسات العنوان 23 شارع باهر زغلول من شارع المنيل

    ReplyDelete
  12. ياسر سليم
    ربنا يستر
    <---->
    امام الجيل
    والله حقيقا احنا مش القاهرة :)

    ReplyDelete
  13. سلام عليكم
    انا شاركت فى ارسال الرسايل ..بس يعنى ايه الحملة تبدا يوم 1 اغسطس؟يعنى ايه اللى هيحصل؟
    شكرا

    ReplyDelete
  14. عابرة السبيل
    وعليكم السلام ورحمة الله وبركاته
    بصى ياستى بيقولو انه فى اول 8 ممكن يتطبق التنفيذ وفى ناس بتقول انه اتنفذ عليها دلوقتى فاحنا لو خلاص الدنيا قفلت ومحصلش تعديل فى القرار الغبى ده يبقا الاكرم لينا اننا نفصل لان ساعتين مش جايبين همهم وادينا بنحاول يمكن ييجى نتيجة

    ReplyDelete
  15. يرجى متابعة كاريكاتوراتي عن هذا الموضوع عبر هذه الوصلة
    http://mashy.com/index.pl/cartoon
    أو الدخول إلى مدونتي
    http://caricatooz.blogspot.com/
    تحياتي

    ReplyDelete
  16. "وش مذبهل"
    ده كل اللى اقدر اكتبه يعنى بجد
    ازاى يخلوا النت كده
    ازاى
    الناس دى مبتفهمش
    معندهاش امخاخ ولا ايه
    :D

    ReplyDelete
  17. أشرف حمدي
    انا اتفرجت عليهم ماشاء الله لاقوة الا بالله حلوين اوى ربنا يوفقك

    ReplyDelete
  18. catroz
    ولا ايه :)حكم القوى بقا

    ReplyDelete
  19. NO DSL
    25-8-2007
    we will cancel and boycott the ADSL

    Hope You'll Join

    ReplyDelete
  20. أسئلة للتاج
    http://no-dsl.blogspot.com/2007/07/blog-post_31.html

    ReplyDelete
  21. i dont think it will make any change , if we stop using intrnet or no , i think no diffrent for them , and they will do any thing they want .

    ReplyDelete
  22. sharlishablin

    احنا بنعمل الى علينا وربنا يستر

    ReplyDelete
  23. حاسس بروح انهاميه مش عاجبانى

    بلدنا دى كده عشان اللى بيقدروا يغيروا فيها يا يائسين يا خافين


    الخدمه خدمتنا والبلد بلدنا

    يعنى حنا الاساس كل حاجه بتبدا بينا وبتنتهى بينا


    احنا اللى دخلنا مصر عصر ال دى اس ال

    واحنا اللى هنحافظ ونمى الخدمه دى

    عاوزين ينصبوا على حد يروحوا شغلوا فلوسهم فى السلاح ولا المخدرات

    احنا أنضف دمغه فيك يا مصر ومصممين نعيش بشرف للاخر

    ReplyDelete
  24. يوسف
    اهلا بيك
    انا للاسف بدأت افقد امل :S
    والنتايج مش مبشرة خالص بس كل الى اقدر اقوله ربنا يستر :S

    ReplyDelete

 
لـلـرغـى فـنــون - Blogger Templates, Wordpress Templates Free - by Templates para novo blogger HD TV Watch Entourage Online. Featured on Local Business Singapore