هو فى قانون للزبالة؟؟


ازيكم ياكماحه مش تقولولى حمدلله ع السلامة كان عندى تروجان حد يرقع زغروطة هبقا احكيلم بعدين

المهز

معلش ياريت حدي يجاوبلى على السؤال ده كده اصل محتاجة بس استفسر

هو فى قانون للزبالة؟؟

اصل للإسف انا معنديش خبرة الخطة التستعنية لتنضيف الشوارع واخفاء الزبالة من مصر ماشية ازاى

يعنى اخر حاجة كنت وصلتلها لما استعانو بقوات خارجية من شركات عالمية عشان ينضفولنا الشوارع ويحطولنا شوية براميل فيها ممممممم

من يوم مابقيت بفهم وبدات اشوف الدنيا وكدا كانت اكتر حاجة مضيقانى فى المدينة بتاعتى انها مليانة زبالة والشوارع مقرفة وكله كله وكان عندى اعتقاد ان بقيت محافظات مصر نضيفة ومتسفلته المهم ان لما الشوارع بقت بتسفلت عندنا كنت ببقا سعيييييدة جدا من شكلها بس للاسف الزبالة مختفتش بردو لان الناس هما الناس

حاولت اعمل اكتر من مشروع اطبقه فى المنطقة بتاعتى عشان اخليها نضيفه وكميله بس الحمدلله رياح الاحباط الى الناس كانت بتظبطنى فيها كانت كفيلة انى اعتبره حلم وراح يعنى اخر حاجة من سنة كدا حبيت اكون ايجابية شوية وقلت هبدأ بالشارع بتاعى وخليت اخويا يعلق ع كل عمود علبه عشان الناس ترمى فيها

الى حصل ان فى ناس ربنا ينور عليهم كانو بيرمو اكياس الزبالة تحتها بردو والى كانو بيفكوها والى يشيلو الكيس الى فى العلبه عمليات تخربية م الاخر

المهز ان مامى حلوة مامى دى ماشية مع الجو بعترتنى طبعا وقالتلى عجبك كدا انا قلتلك م الاول خلى اخوكى يشيلهم بس هيا كان قلبها ابيض لان العلب كانت اختفت اصلا !!!! مرحبا بك فى مصر

المهز

لما بقيت بسافر واخرج اكتشفت ان مصر كلها كدا وان فى مناطق دون ع الاخرى الى بتتنضف والباقى لا

ايه بقا الى فكرنى بالافلام دى؟

كان كل سنة فى واحد ييجى تبع الحكومة يقولنا هاتو ال 5 ج بتاعت النضافة وانا كنت بستغرب جدا لان الشوارع مفيهاش ريحة نضافة بس طبعا بتدفع

اللذيذ بقا

ان السنة دى حضراكم ال5 جنيه دى زادت ل

: : :

:::

:::

مفأجاة

::::::::

:::::::::

قولو الله اكبر لول

:::::::::::

بالصلاة ع النبى كدا

:

::

زادت ل75 جنيه للشقة الواحدة فيكى يامصر

بصو انا معرفش القانون ده فى مصر كلها ولا ايه انا ساكنة من مدينة جمب المنصورة

يعنى ممكن يكون فى اختلاف اسعار الله اعلم المواصلات بتفرق بردو

تفتكرو المفروض اعمل ايه بعد ماعرف الخبر اللذيذ ده؟؟

انا ع فكرة مبقلش الكلام ده من فراغ

ده حصل لبيت خالى واتلهف منهم 75 جنيه وكانو عايزين ياخدو لكل دور حاجة اخر حلااااااااوة

انا اكتر حاجة لفتت نظرى عدد سكان مصر 72 مليون وطبعا زادو قعدت احسب تقريبا عدد الشقق لكل فرد منهم

وبقيت اضربهم فى 75 ج لقيت ان كده فى مصدر دخل تمام هيحل ازمات الشباب هما بيقولو ان الفلوس دى بتروح للكناسين

بس هو معلش يعنى هو احنا الى بندفعلهم المرتب؟؟؟؟؟

ولا ياترى هيفتحو مصانع استصلاح ويستفيدو من الزبالة دى بتكسب دهب

يعنى انا مرة قريت فى مجلة الشباب حوار مع شاب خريج كلية علوم وبيفوت ياخد الزبالة من الناس وبقا معاه ناش شغاله فى المشروع ده ويقعدو يصنفو الزبالة بقا ويستفيدو من الحديد والبلاستك والحاجات دى لانه دارس وفاهم ومتكسفش انه خريج جامعه ويروح ياخد الزبالة من البيوت وماشاء الله بيكسب فل

والى هيقول احنا الى بنرمى الزبالة هقول ياسيدى مفيش حاجة فى الشارع يترمى فيها ان عن نفسى لو فى ايدى حاجة بحطها فى الشنطة وفى عدد لابأس به بيعمل كدا انما بقيت الناس هتقلك هو فى حاجة يترمى فيها

عقبال مايوفرولنا بحق الفلوس ناس تيجى تاخد الزبالة م البيت

!!!

طيب بالنوسبة لنا بقا يعنى همسه كدا ياريت ياجماعه نحاول نبقا حضاريين شوية ونبطل نرمى ورق او اى حاجة ع الارض يعنى مش حاجة عويصه وكل واحد لو مرماش حاجة ع الارض ورمى اكياش الزباله فى الاماكن المخصصه لها والاماكن دى هتلاقها بشوية بحث صغيرين فى المنطكه لو ملقتش ياسيدى اعمل سيرش فى ويكيمبيا ههههه

يعنى بلاش نرمى الكيس فوق كبينة الميناتل ها ولا جمب البرميل الى ع الاخر الشارع ولا تحت العمود ولا تقف م البلكونة وهيلا هووووووووب وزى ماتيجى بقا واسترها يارب ومكنش ماشية م الشارع ههههههههه

من يوم مابندخل مدارس بينشوف جملة واحدة حافظو على نظافتك مدرستكم ومع ذلك مبيحصلش

حافظو على نظافة مدينتكم بردو مبيحصلش مع ان التكرار بيعلم الحما.. قصدى الشطار بس الجملة دى بتفضل قدامنا طول حياتنا ومبتحصلش غلبتو الناس معاكم يعملو ايه بس

ناقص يعملو دوريات بغرامات طب ياريت ههههههههه هيوفرو فرص عمل بردو

كفاية كده لحسن البوست ريحته بدات تطلع هههههه

عمـــــار يامصــــــر

19 comments:

  1. ايه المواضيع الجامدة دى يا هوهو

    تصدقى بالله من اول ما الشركة دى مسكت الزبالة و شوارع مصر زبلت اكتر و بقينا ندفع قد كدا و لا فيه حد بيشيل و لا حاجة

    و الشوارع باه شكلها و لا كاننا من القرون الوسطى

    حسبى الله و نعم الوكيل فيهم لازم يبظوا كل حاجة

    -----------

    اللعبة اللى حطاها فى البلوج جامدة بقالى بتاع نص ساعة بلعب :)))

    ReplyDelete
  2. محمود علي
    تصور فعلا ده الى حاصل موضوع السبوبة ده بجانب الى انت قلته تلاقى دول كتير تيجى تستثمر قال ايه عندنا فى حاجات هبله اوى عشان عارفين انهم هيكسبو وان اى حاجة هنا بتمشى حتى الحشيش والمخدرات
    بس فعلا عمرنا مهنقدر نتغير طول ماحنا مش قادرين نغير نفسنا

    ReplyDelete
  3. Ma-3lina
    ازيك يادكاتورة وحشتينى اوى
    انا اعتقد ان الشركة دى اصلا بترمى زبالة كمان ههههههه
    عشان يقولو بقا ان الموضوع كبيييير وخرج من ايدينا خلاص ههههههه ربنا ع الظالم والمفترى

    ------
    بالنسبة لللعبه فاى خدمة انا بفتح اللوج العبها بردو هههههههه

    ReplyDelete
  4. انا اكتر حاجة لفتت نظرى عدد سكان مصر 72 مليون وطبعا زادو قعدت احسب تقريبا عدد الشقق لكل فرد منهم وبقيت اضربهم فى 75 ج
    انتي بتحسدي الحكومة؟؟؟ اخص على كده ..ده بدل ما تدعي ربنا يكتر من فلوسها؟؟
    وبعدين انتي مش شايفة جمال الشوارع... ولا الزرع المبارك اللي مالي الرصيف؟؟
    يا بنتي احنا هنعرف أكتر من الناس دي ... ادفعي وخلاص وهما عارفين بيودوا الفلوس دي فين

    ReplyDelete
  5. SAKAyAR
    ياسيدى ربنا يكتر فلوسهم بس بعيد عننا يعنى احنا الى هنصرف ع الحكومة ولا مؤاخذه ههههههه

    ReplyDelete
  6. السلام عليكم
    ايه بقى حكايه ال5 جنيه دى
    مش عاجبك ايام ال5 جنيه وكمان فى السنه

    يابنتى احنا كنا بندفع خمسه لواحد يجى يشيل الزباله من عندنا
    وبعد كده جت شركات الزباله قالت مالناش دعوه احنا عايزين فلوس الزباله وخدوها على وصل الكهرباء وخدو خمسه جنيه تانى وماخدوش الزباله
    بقينا بندفع خمسه هنا وخمسه هنا واحد بيشيل الزباله وواحد اسمه بيشيل الزباله
    وده كل شهر
    يعنى يعملوا 120 جنيه فى السنه

    وبرضه البلد مانضفتش وكلها زباله والشوارع زفت

    فعلا هم بيدوروا ازاىيخدو مننا فلوس وخلاص
    واللى يحصل يحصل

    ReplyDelete
  7. هو صحيح يعنى ايه تروجان؟؟؟؟؟؟؟؟؟؟؟

    ReplyDelete
  8. بندقه
    يابنتى منا بقولك كانو 5 بقم 75 شكلك مكملتيش الصدمة هههههههه
    هيا البد عمرها ماهتنضف لو الناس الى فيها مش عايزين ينضفوها
    بالنسبة للتروجان هتعرفى قريب :) لا تقلقى

    ReplyDelete
  9. ازيك يا بنتى ...عاملة ايه

    أخرتها كده نتكلم عن الزبالة ؟؟؟
    بس موضوع في الجون والله ...أنا بردو بمشي في الشارع بستغرب جدا هو ايه اللى بيحصل في البلد ...ليه لغاية دلوقتى مش عارفين نخلى شوارعنا نظيفة ؟؟؟
    طيب ليه لسة الناس بترمي كيس الزبالة تحت الصندوق ؟؟؟؟
    بجد مش عارفة العيب في الشركات و لا في الخكومة و لا فينا احنا اللى مابقسناش واخدين على النظافة و على روح الجماعة و ان الشارع للجميع و مش المفروض اننا نأذي غيرنا

    تحياتى يا بنتى و نكأتى الجرح


    بقولك ايه انا بحاول انزل بوست في الدرافت بس مش عارفة التيمبلت الجديد ده ملخبطنى

    ReplyDelete
  10. الحلم العربي
    يابنتى ماقلتلك العيب من الشعبببب
    انا فعلا نفسى اعرف السبب الى بيخلى الكيس جمب الصندوق مش جواه ياترى ايه الحكمة هههههههه
    ابقى ادخلى ع الماسنجير واحلللك ازمتك

    ReplyDelete
  11. سلام عليكم
    بقالى كتير ما جتش هنا
    المهم ..انا خلاص قرفت من كتر شيل اكياس الزبالة علشان ارميها فى صندوق الزبالة
    حاجة تقرف على الصبح كده اجى اروح الكليه اضطر انى اشيل مع الكتب كيس الزبالة ..يععععععع
    ورغم كده انا بقول اهو لاقينا صندوق زبالة نرمى فيه بدل ما الواحد كان بيفضل سايب الزبالة قدام باب الشقة لحد ما الزبال يحن علينا ويجى يشيلها بعد ما القطط تعمل الواجب فيها
    اما عن ال75 جنيه فانا لغاية دلوقتى مش مصدقة علشان كده نو كومنت عليها
    سلام عليكم

    ReplyDelete
  12. تم افتتاح مدونات
    4xmisr
    لتعليم التدوين على بلوجر باحتراف
    spot-weblog.blogspot.com
    الثانية للتعامل مع الانترنت بأمن
    4xpert.blogspot.com
    (تحت الانشاء)
    باقى المدونات للربح من الانترنت لمن يهتم بذلك
    شاكرين لكم سعة صدركم مقدما
    وأرجو التواصل معنا بابداء الأراء والتوجيهات شكرا

    ReplyDelete
  13. 3abratalsabeel
    وعليكم السلام ورحمة الله وبركاته ازيك ياعابرة
    بصى يابنتى انتى احمدى ربنا ان فى مقلب زبالة قريب هههههههههههه غيرك مش لاقى

    ReplyDelete
  14. 4xmisr
    مبروك عليكم البلوجات وان شاء الله نستفيد منكم

    ReplyDelete
  15. ده انت متأخرة يتا بنتي كتير
    قانون الزبالة ده من سنييييييييييين
    هي دي مصر يا عبلة

    ReplyDelete
  16. متغيرة شوية
    ههههههه حمدلله ع السلامه ياحبيبتشى انا متعوده ع القانون ابو 5 مش ابو 75 هههههه

    ReplyDelete
  17. برىء يا بية


    ولو


    ولو

    ReplyDelete

  18. kafrawy
    اه وماله المتهم برىء حتى تثبت ادانته

    ReplyDelete

 
لـلـرغـى فـنــون - Blogger Templates, Wordpress Templates Free - by Templates para novo blogger HD TV Watch Entourage Online. Featured on Local Business Singapore