تاجين مضروبين

كنا بطلنا موضوع التاجات بس ممنوش التاج كان هيحمض خلاث بس عشان خاطر أمونة بخخخخ قلت هعمله

التاج الأول
بالنسبة لتاج الإدمان فجالى من الثلاثى
مبرمج حر وبنت الجنوب و مااا علينا

الحمدلله كنت خايفة من نتيجة التحليل قصدى الاختبار ولإنى بكره الإدمان فربنا سترها وطلهت 68% هييييييييه

68%How Addicted to Blogging Are You?

Mingle2 - Dating Site

التاج التانى بقا بتاع ست
بنت الجنوب :)

1- اسم مدونتك؟
رغايين سبوت

2- لماذا اخترته ..وماهي نيتك من وراء اختياره؟
لانه اسم معبر عن نشاطنا الى هو الرغى وسبوت يعنى بقعه مش بقعه الهدوم لا بقعه الرغايين زى مكان الرغايين زى قهوة الرغايين كدا يعنى ونيتى انه يبقا مكان لمحبين الرغى الى هيرغو معايا او الى هيشاركونا الرغى م الاخر الى يحب الرغى ينور

3- هل فكرت في إغلاق مدونتك؟ والسبب؟
لا طبعا لانى بعتر البلوج وسيلة بسيطة للتعبير عن الرأى ونشر الوعى بردو

4- صورتك في المدونة ورمزيتها ؟؟
واحد بيشقلب الكمبيوتر بتاعه بيدور ع حاجة ضايعه لان ده بيبقا حالى أغلب الوقت بس بدور جوه الكمبيوتر ع حاجات كتير ده غير إنى بحب الحركة والروشة

5- لماذا دخلت عالم التدوين من الاساس؟
هيا طمطم الى شجعتنى كنا مع بعض فى منتدى واحد وكنت بكتب فيه فكانت ديما تقولى انتى أسلوبك حلو ولو عملتى مدونة هتبقا جامدة وانا حبيت ادخل التدوين كنوع من الإيجابية يعنى بحب اتكلم فى موضوع مضيقانى بس بطريقة إيجابية وكمان لو عندى حاجة مفيدة شفتها او عرفتها بحب احطها كنوع من التوعية وفى نفس الوقت زكاة العلم لان طبعا اى معلومة بنعرفها لو مقلنهاش لحد بتبقا حجة علينا يوم القيامة ولان فى حاجات انا اتعلمتها بردو بحب اوصلها كنوع من الشكر للنعمه

6- جمله قيلت لك فى وصف مدونتك؟
هو الحمدلله اتقالى حاجات كتيرة بس اغلبها مدونتك دى جاااااامدة وبعدها مسخررررررة ولازم يبقا فى ضحكه بعدها بطريقة ههههههههههههههه

7- التعليقات بالنسبه لك ,اهميتها؟
رد فعل الى قرأ الموضوع ونوع من التقييم ليا بشوف قدرت اوصل الهدف الى فى دماغى ولا لا

8- احلى بوست كتبته ...ضع اللينك , ثم اذكر لماذا؟

أنا جربه !!!!!!!!!

لأن الموقف الى حصلى ده كان فظييييع وكمان كأن أول مرة اكتب حاجة بأسلوبى صرف وعجب ناس كتير

أربع صابونات وبومبة خيييييير

ده بقا كان يوم مسخره واتبهدلت فيه اخر بهدله عشان احضر ندوة لدكتور زويل فى كلية حقوق ولما وصلت قالولى سافر واكتشفت فى الاخر انه ادها فى طب

9- أفضل بوست قرأته؟ وضع لينكه؟
بصراحة مش فاكرة اصلهم كتيير

10- أفضل مدونة قرأتها؟
هما كتير اوى بس أنا بحب قوى
مدرسة العلوم الشرعية المبسطة

11- حد قل أدبه فى التعليق إيه رد فعلك؟
بحذف الرد

12- أسوأ بوست أسوأ مدون؟
مدونة واحد كان واحد بيتكلم عن علاقاته الفظيييعه مع البنا وماسأته ياعينى ع بت كانت مزة اوى ومصدق مشى معاها تانى مرة لقاها لبست اسدال وكان متأثر قوى لدرجة انه سابها وقالها انسى رقم موبيل كانت كاتب القصة بأسلوب مقزز متحسوش انه مسلم

13- هيحصل ايه لإيميلك لما تموت ؟؟
اكيد هيموت معايا

14- اديت الباسوورد لحد قبل كده؟
لا
15- اسمك؟
هنادى

16- المشهور بيه وسط اصحابك؟
والله هما كتير يعنى اصحابى بتوع ثانوى بيقولولى هنداوى واصحابى العاديين بيقولولى هنوده واصحابى بقا المتقدمين ممن يمتلكون ايميلات بيقولولى هوندا

17- شخصيتك نوعها إيه؟
تعبيرية بقضى حياتى كلها اعبر عن نفسى هههههههههه

18- السفر بالنسبة لك؟
متعه طبعا

19- وقت فراغك بتعمل فيه إيه؟
بنضف الشقة بعدين اقرأ واقرأ بعدين اقعد ع النت واتعلم أى حاجة جديدة

20- المود بتاعك؟
متقلبه خليتى حياتى معاكى متشألبه والمشكله ان مفيش حاجة مترتبه لو هنفضل ع كدا كل سنة وانتى طيبة

21- الاكلة المفضلة؟
المحشى ورق العنب والكبدة والفراخ والكوسه ورز صيادية والبطاطسسسسس بالكاتشب

22- صفات اللي أخدتها من بابا؟
العصبية والمسئولية والطيبة والإيثار والكرم بردو

23- الصفات التي أخدتها من ماما ؟
الصبر والابتسامة وخفة الدم وقوة التحمل ورد السيئة بحسنة

24- اكتر ست حاجات بكرهها؟
الكــــــــــــــــدب والكدب والكدب
الغفله و
السلبية
التفاهه والتخلف
وتضييع الوقت
الأمية الدينية
الشعررررررر ماعدا الزجل والسجاير
مايكروسوفت


25- اكتر ست حاجات بحبها؟
العمل التطوعى خصوصا الخيرى
الأصحاب

التسامح والإيجابية طبعا
وإن أى حاجة يكون ليها نية وهدف
احترام الاخرين وتقديرهم
الكمبيوترررررررررر


26- الشغل بالنسبة لك؟
لو ميوصلنيش لهدفى يبقا تضييع وقت ولو هيأثر على بيتى يبقا ملوش لزوم

27- الانترنت بالنسبه لك؟
حياة وعالم ليس له نهاية ومكتبة كبييييييييييرة لاى حاجة فى أى حاجة ومجتمع اخر


كده خلاص فنشنا

انا همرره للناس والمرة دى براحتكم معدش فى ضرب الى يحب يحب والى ميحبش يجرب يحب ههههههههههههه هما تاجين الى جلوش واحد منهم ياخده

ماعلينا

سكاياااار

مبرمج حر

انا مش معاهم

حياتنا كلمات

الحلم العربى

علا من غــزة

الراجل ده هيجننى

3abratalsabeel

Ahmed Essawy

me,myself and the world

14 comments:

  1. ايه بس اللى ضرب التاجات مهم زى الفل اهو

    التاجات دى معتقة و جاوبت عليها من زمااااااااان

    عاوزين بوستات جديدة باه :)))

    ReplyDelete
  2. ههههههههه معلش هما فعلا حمضو لانى سيباهم من شهر يلا خيرها فى غيرها

    ReplyDelete
  3. Hi there,

    You are chosen to represent your country in the first international blog
    WUB (World United Bloggers)

    The aim of this blog is to prove to the world that differences in language, religion,race and nationality do not make us hate each other and we can make this world better if we express our opinions with respect to others.

    If you agree to join us please send e-mail with your nick name , age , country and your blog address to sharm_lover@hotmail.com where you will be sent an activation mail which makes you entitled to contribute in WUB, your name as one of the contributor will automatically be updated.Please read the rules before you start any posting in WUB where you will also find the aims of this WUB.

    Thanks
    Chief WUB,


    Sharm .

    www.worldub.blogspot.com

    ReplyDelete
  4. أنا والله فرحت فى الأول .. بس للأسف الشديد يا هوندا أنا جاوبت على التاج دة

    :))

    ReplyDelete
  5. Sharm
    متشكرة اوى وانا هبقا سعيدة جدا للانضمام معاكم وقريت الشروط وموافقه وبعت الميل لحضرتك

    ReplyDelete
  6. مبرمج حر
    ولا يهمك الجايات جاية كتير

    ReplyDelete
  7. ديما لما بقرأ مواضيعك بتخيلك وانتي بتتكلمي

    لوك لوك لوك

    وتضحكي كده وتحولي

    شكلك بيبقى تحفه :)

    هههههههههههههههه

    ردودك حلوة ودماغك ديما بتعجبني
    عملية مبتضعيش وقت مبتلفيش ع الفاضي عارفه انتي عايزه ايه وبتحاولي ديما تكوين انتي المسيطره على حياتك

    ايه الكلام الكبير ده ؟ لأ متفهمنيش غلط
    مش عايزه حاجه قصاده وربنا هههههههه

    يللا اتكلي كفاية عليكي كده
    ؛)

    ReplyDelete
  8. صح النوم ياهانم جتلك ولقيتك نايمه
    المهم
    ايه الكلام ده اول مرة تقوليلى حاجة كده من يوم ماعرفتك
    هههههه
    ده انا طلعت جامدة وانا مش عارفه ميحرمكيش منهم يارب ويردلك الغايب ابقى كلمينى يختى ضرورى يلا سكه هههههه

    ReplyDelete
  9. شكرا اوي علي التاج . ان شاء الله حعمله في اقرب وقت ...

    و مبروك طلعتي براءه من تاج الادمان
    :)

    ReplyDelete
  10. هههههههههههه الله يبارك فيك ولا شكر ع واجب احنا اخوات بردو ههههههه

    ReplyDelete


  11. ألف حمد الله عالسلامة ,, طلعتي مدمنة بنسبة مش بطالة

    مممممم


    هو تاج الادمان ده تقريبا اتصدّر للبشرية من عندي


    والتاج بتاع حيحصل ايه لايميلك لما تموت جاوبته


    يفضلي التاج التاني


    حاضر يا ستي ... متشكرة اوي اني افتكرتيني :)

    سلامات

    ReplyDelete
  12. اهلا ياهلا فيييييينك وحشتينى يارب تكونى بخير والدنيا عندكم اتظبطت والنور جه هههههه
    ياستى يشرفانا انك تكونى اس الادمان وبعدين انا فكراكى ع طول ياستى يلا جاوبى وابدعى سلامات

    ReplyDelete
  13. مساء السكر
    عملت التاج يا هوندا ...شكرا ليكى جدا والله
    انا كنت فاكرة انك ناسيانى
    معلش اذا كنت مش بزورك كتير بس مشاغل والله
    مع السلامة

    ReplyDelete
  14. مساء العثل ازيك يابنتى وحشانى انا الى متأسفه انى مش بزورك كتير بس بردو المشاغل هجيلك قريب :)

    ReplyDelete

 
لـلـرغـى فـنــون - Blogger Templates, Wordpress Templates Free - by Templates para novo blogger HD TV Watch Entourage Online. Featured on Local Business Singapore