يعنى ايه نية؟


النية

على الرغم ان الكلمة دى منتشرة ومتداوله فى المجتمع بتاعنا وديما نسمعها زى مثلا لما تيجى تقول ع حد حاجة تلاقى واحد يقللك الله اعلم بنواياه او حد ييجى يعمل حاجة معينه ومتتعملش يروح حد قايله نيتك سودة او انوى خير او كل واحد ونواياه وووو اشكال كتيرة بتتكلم ع نوايا كل فرد الى هيا خبياه الى هيا العزم مقترن بالفعل وهذه النية عمل قلبي خالص، وليست من أعمال اللسان و أن العمل الواحد يتنوع حكمه الشرعي، وقيمته الأخلاقية، وجزاؤه الأخروي، تبعا لنية صاحبه.


بس ياترى فى حد فكر قبل كده يعنى ايه نيه؟؟؟

وديما نسمع جملة جددت نيتك؟؟ قبل اى حاجة او مثلا تيجى تحضر محاضرة يقلك نوياك ايه عشان تحضر المحاضرة دى او تدخل المشروع ده ووووووو

مع ان الكلمة منتشرة ومش غريبة على مسامعنا واحنا كمان بنقولها لكن لما تيجى تسأل حد ايه نوياك م الموضوع الفلانى هتلاقيه يقلك يعنى ايه؟ نفس الحكاية لو سألت حد جددت نيتك مثلا قبل ماتصلى؟

هيقلك بردو يعنى ايه؟

انا كنت كده بردو بس من حوالى سنة ونصف كنت باخد كورس فى كلية هندسة عن التوعية بمخاطر التدخين والإدمان وكانت اول مرة ليا اخد كورسات من النوع ده الى بتكون فى الغالب للعمل التطوعى المهم انه كان اول كورس واجمل كورس اخدته كان لمدة اسبوع فى اجازة نصف السنة من الساعه 9 ل5 بس مكناش بنحس بالوقت لأنه كان لذيذ اوى ومتنوع فاول يوم فى الكورس ده دخل مدرب وادانا محاضرة عن النية !!!

الكلام كان عاجبنى بس بردو مكنتش فاهمه يعنى ايه نية ؟؟ وهو عامل محاضرة مخصوصة ليها ليه؟

المهم ان واحدة واحدة الموضوع بدأ يمشى معايا وفهمت ان النية دى شىء اساسى قبل ماتعمل اى حاجة بيتخلص معناها انا هعمل الحاجة دى ليه؟؟ونيتى دى ارضاء لربنا ولا لا

لما المدرب عمل محاضرة عن النية فى اول الكورس كان قصده انه يزرع فينا حتة النية قبل كل حاجة احنا مثلا جايين ناخد كورس عن التوعية باضرار المخدرات طب ليه؟؟؟ عشان مثلا من" أحياها فكأنما أحيا الناس جميعا"

وعشان اننا ننصح اهلنا والدين النصيحة واقدر اخد بأيد الى محتاج وحاجات كتيرة

بعد كده تدريجى بحاول قبل مااعمل اى حاجة اسأل نفسى ايه نيتى م الموضوع ده؟

لما باجى اصلى بسأل نفسى انا راحة اصلى ليه عشان عبادة ربنا والأذان ربنا بينادينا بيه يبقا انا نيتى من الصلاة انى راحة استجيب لنداء ربنا مش نيتى مثلا رياء ان الناس تقول عليا بصلى يبقا كده الحمدلله انا عرفت بصلى ليه

حد هيقولى ودى محتاجة يافالحة فى حد مش عارف بيصلى ليه؟

هقله لا ياظريف مش القصد الى اقصده اننا بندخل حاجات كتيرة وبنعمل فى حياتنا حاجات كتيرة من غير مانعرف احنا غرصنا ايه

ده غير ان حضرتك كل ماتجدد نيتك بمعنى انك تذكر نفسك قبل اى حاجة انت رايح تعملها هتعملها ليه لو كانت نيتك مثلا انك ترضى ربنا فى حاجة معينه انت كده اخدت ثواب وكل ماعددت نوياك اخدت ثواب اكتر كان معروف عن الصحابة انهم تجار نوايا يعنى قبل العمل الواحد ينوى اكتر من نية ولو عمل الحاجة دى اخد ثواب على نيته وعلى الى عمله ولو لاى سبب معملش الحاجة دى بياخد ثواب بردو على نيته وثواب تانى كأنه عملها

النية دى انا بعتبرها هدف لأى حاجة انا هعملها وفى نفس الوقت باخد ثواب عليها وفى نفس الوقت بردو كل ماجدد نيتى لرضاء ربنا مثلا فى حاجة معينة بنقى قلبى

مثال عملى :

انتى بتكتبى الموضوع ده ليه؟

انا نيتى م الموضوع ده انى احاول الفت نظر الناس لمفهوم النية وانهم يحاولو يراجعو نيتهم قبل أى حاجة

كمان نيتى ان اخد ثواب كل الناس الى هتقرأ الموضوع

ونيتى كمان انى ازكى عن علمى انى اتعلمت يعنى ايه نية فالمفروض اعملها للناس عشان متبقاش المحاضرة دى حجة عليا

ونتيى بردو انى أذكر نفسى انى انوى خير فى كل حاجة بعملها واجدد نيتى باستمرار خصوصا لما اجى اقد ع النت اشوف انا هقعد ليه وعشان ايه

وفى كتاب د/يوسف القرضاوى مالاتعرفه عن النية وأهمية الاخلاص قال

لا يتحقق الإخلاص في العمل إلا بعنصرين أساسيين:

الأول: استحضار النية فيه، فإنما الأعمال بالنيات، ومن أدى العمل أداء آليا، بغير نية طيبة أو خبيثة، لم يدخل في زمرة المخلصين.

والثاني: تجريدها من الشوائب الذاتية والدنيوية، حتى تخلص لله سبحانه

وبعض الأحاديث فى النية

بحديث عمر المشهور: "إنما الأعمال بالنية ـ وفي رواية: بالنيات ـ وإنما لكل امرئ ما نوى، فمن كانت هجرته إلى الله ورسوله، فهجرته إلى الله ورسوله، ومن كانت هجرته إلى دنيا يصيبها، أو امرأة ينكحها فهجرته إلى ما هاجر إليه" (رواه البخاري ومسلم، وأبو داود والترمذي والنسائي).

وعن عائشة رضي الله عنها قالت: قال رسول الله صلى الله عليه وسلم: "يغزو جيش الكعبة، فإذا كانوا ببيداء من الأرض يخسف بأولهم وآخرهم". قالت: قلت: يا رسول الله، كيف يخسف بأولهم وآخرهم، وفيهم أسواقهم ومن ليس منهم؟ قال: "يخسف بأولهم وآخرهم، ثم يبعثون على نياتهم" (رواه البخاري ومسلم وغيرهم).

وعن أبي هريرة قال: قال رسول الله صلى الله عليه وسلم: "إنما يبعث الناس على نياتهم" (رواه ابن ماجه بإسناد حسن)، ورواه أيضا من حديث جابر إلا إنه قال: "يحشر الناس".

قال رسول الله صلى الله عليه وسلم : "إنما الدنيا لأربعة نفر: عبد رزقه الله مالا وعلما، فهو يتقي فيه ربه ويصل فيه رحمه، ويعلم لله فيه حقا، فهذا بأفضل المنازل، وعبد رزقه الله علما ولم يرزقه مالا، فهو صادق النية، يقول: لو أن لي مالا لعلمت بعمل فلان، فهو بنيته، فأجرهما سواء، وعبد رزقه الله مالا، ولم يرزقه علما، يخبط في ماله بغير علم، ولا يتقي فيه ربه، ولا يصل فيه رحمه، ولا يعلم لله فيه حقا، فهذا بأخبث المنازل، وعبد لم يرزقه الله مالا ولا علما فهو يقول: لو أن لي مالا لعملت فيه بعمل فلان، فهو بنيته، فوزرهما سواء" (رواه أحمد والترمذي واللفظ له، وقال: حديث حسن صحيح)..

لو حبيتم تعرفو اكتر الموضوع ده حلو

ما لا تعرفونه عن النية و أهمية الإخلاص *مع الشيخ يوسف القرضاوى*

وزى مابيقولو انوى خير

HoNdA

14 comments:

  1. رائع رائع , بوست جميل أوى يا هوندا

    :)

    ReplyDelete
  2. متشكرة اوى يامبرمج :)

    ReplyDelete
  3. من نعم ربنا علينا إننا بناخد ثواب النية على الفعل لو حتي لم نستطع تحقيقة
    و جزاك الله خيراً

    ReplyDelete
  4. اهلا امل
    فعلا دى نعمه كبيره اوى ربنا فاتحلينا ابواب ثواب كتيرة اوى بس للاسف مش بنستغلها كلنا كويس
    الحمدلله
    وجزاكم الله مثله

    ReplyDelete
  5. الله ينور عليكي ....
    بالظبط كدا كفايه اساساً ان لو الواحد نوي يعمل حاجه كويسه و مقدرش يعملها ربنا حيثيبه بيها.

    ReplyDelete
  6. فعلا يااحمد دى كنا لسه بنقول انها من نعم ربنا علينا

    ReplyDelete
  7. جزاك الله خيرا يا هوندا
    طريقتك جميلة في سرد الموضوع بشكل سلس و سهل
    ربنا يكرمك
    اعتقد ان النية مرتبطة ارتباط وثيق بالاخلاص
    يعني لو كل شئ في حياتى قبل ما اعمله بفكر في النية منه الأول يبقى ان شاء الله ربنا هيكرمنى بالاخلاص فيه

    اللهم اجعلنا من عباده المخلصين

    تخياتي
    و تسلم ايدك

    ReplyDelete
  8. وجزاكم مثله ياحلم
    متشكرة اوى ع الكلام ده وفعلا شرط من شروط الاخلاص صدق النية
    ربنا يجعلنا من عباده المخلصين امين

    ReplyDelete
  9. جزاكى الله خيرا على الموضوع ده يا هوندا :))))

    ReplyDelete
  10. وجزاكم مثله يادكاتورة :))

    ReplyDelete
  11. انتى يا حاجة اللى كاتبة الكلام ده ولا حد تانى
    أمممممممممممممم
    :D
    جــزاكى الله خـيرآ

    ReplyDelete
  12. امممممممم شامه ريحة ناس عايزة تنضرب انا الى كاتبة الكلام ياامانى بخ بخ عندك مانع
    عموما وجزاكم مثله

    ReplyDelete
  13. اهلا ابن ناصر متشكرة اوى :)

    ReplyDelete

 
لـلـرغـى فـنــون - Blogger Templates, Wordpress Templates Free - by Templates para novo blogger HD TV Watch Entourage Online. Featured on Local Business Singapore