إهانة جديدة لرسول الله صلى الله عليه وسلم

بصو هو أنا عايزة اقول 3 حاجات :
1- حسبى الله ونعم الوكيل فى الظالم والمفترى.
2- ربنا يسامحنا على تقصيرنا فى واجبنا ناحية دينا وناحية رسولنا الكريم صلى الله عليه وسلم.
3- ربنا يفوقنا من غفلتنا.

هو تقريبا الغرب لما لاقنا ناييمين وحبو يصحونا طلعولنا بسلسة الاستهزاءت للدين وللرسول صلى الله عليه وسلم الى اكترها الناس اتفاعلت معاه رسوم الدنمارك على الرغم انها اتنشرت مثلا فى شهر 9 واحنا صحينا فى شهر 2 ولا حاجة معلش بقا نومنا تقيييل
و لما لاقونا بنتحرك اهو تقريبا استحلوها وقالو طالما مبيقومش الا بكده كل شوية نطلعلهم بحاجة قوم ايه بقا

في يوم 19 اغسطس ‏2007‏‏
طلعت صحيفة في السويد اسمها - نركيس أليهاندا-
نشرت صورة لرسام قذر اسمه - لارس فيلكس –
الصورة دي فيها صورة كلب براس انسان
عارفين الانسان ده مين اللي صورته على جسد كلب
وجه الانسان ده هوا رسم لخير خلق الله صلى الله عليه وسلم
وده الخبر اصلى اول ماشفت الموضوع عملت سيرش ليكون كلام مش صح اصل مش بستوعب ان الكلام ده بيحصل بسرعه ديما افترض انها كدبه الاول
http://news.bbc.co.uk/hi/arabic/world_news/newsid_6969000/6969793.stm


ايه الى حصل بقا؟؟

-ايران يوم الاتنين الى فات قدمت احتجاج للحكومة السويديه ه اول دوله اسلامية الا ليه؟؟؟ هما مسلمين واحنا لا؟؟؟
رد الفعل ايه بقا؟
يقول المتحدث السويدي إنه ليس بوسع حكومته الرد على الاحتجاج الايراني لأنها لا تستطيع التدخل في حرية وسائل الاعلام.

ياحلاوة شوفتو الجمال الحكومة متقدرش ترد عشان حرية الاعلام ياجمالو

-بعد كده باكستان اتحركت احتجت ورحقت علم السويد ودميه لرئيس الوزراء السويدى



١/٩/٢٠٠٧-نددت منظمة المؤتمر الإسلامي بنشر رسومات كاريكاتورية مسيئة للرسول - صلي الله عليه وسلم - ودعت ستوكهولم إلي معاقبة الرسام ومسؤولي الصحيف

1/9/2007- بردو القاهرة - استنكرت مصر نشر بعض الصحف السويدية رسوما مسيئة للرسول عليه الصلاة والسلام .. مؤكدة أن مثل هذه التصرفات التى وصفتها بـ "غير المسئولة" لا تخدم العلاقات بين العالم الإسلامى والغرب .حلوة لا تخدم دى

-افغانستان كمان احتجت وعملت مظاهرات وكمان بيقولو ايه

" وأبدى الجيش الامريكي في الاسبوع الماضي أسفه لحملة أساءت لكثير من الافغان بعد اسقاط كرات قدم على أطفال أفغان مولوعين بكرة القدم في جنوب أفغانستان مرسوم عليها أعلام دول مختلفة من بينها علم المملكة العربية السعودية". .

انا مش عندى كلام اعلق بيه غير سؤال يترى انتو لسه شايفين ان العيب م الغرب مش مننا؟
العيب في المسئولين والى كل الى يهمهم الدنيا والكورة والاعلام والفلوس وووووووو
العيب في علماء السلطة في كل مكان اللي بيسكتوا عشان التعليمات عايزة كده ويتكلمو ع قد الحاجة
العيب في شباب المسلمين اللي اتشغلوا بالفيديو كليب والموبايلات والافلام واللبس القصير والبناطيل الواقعه والشعر البافرو ده فى ناس بتتكسف تصلى فى الجامع ليفتكروهو ملتزمين لقدر الله ده لو حد عرف انك بتحضر درس ولا حتى كنت بتسمع خطبة يتريقو ويقلو ياعم الشيخ هو احنا بنستعر من تمسكنا بدينا
عملت ايه لدينك او ايه فى حياتك لما يوم القيامة ربنا يقولك عملت ايه للاسلام ترد عليه بايه؟؟؟
كنا بنتكسف من دينا فى الدنيا ؟؟

محصلش في تاريخ الاسلام ان الرسول عليه الصلاة والسلام يتهان بالشكل ده الا في عهدنا احنا
انا مش بعرف اقول ايه الى المفروض يحصل والحكومة والدولة والمنظمة المفروض تعمل ايه؟
ومش هرمى ع حد حاجة

انا بس هفكر فى نفسى المفروض اعمل ايه؟
طالما انا بقول إنى بحب رسولى مش لازم يبقا كلام بس
اذا كنت بتحبه اقرأ سيرته اد ايه مننا يعرف سيرة الرسول كلنا عارفين نقط بس من يوم ماتولدنا!!
اذا كنت بتحبه طبق سنته اد ايه مننا عارف سننه وبيطبقها ؟
يمكن الى بيحصل ده اشارة لينا اننا نحب رسولنا فعلا مش كلاما
يمكن الى بيحصل ده اشارة اننا نتمسك بدينا ونظهر التمسك ده فى حياتنا اكتر
يمكن الى بيحصل ده عشان نعرف الناس دينا ده هو ايه ومش هيحصل غير لما نكون احنا عارفين الاول.

انا خلصت ياريت نحاول نفكر مش نعمل هيصه ونثور زى المرة الى فاتت وبعدين نرجع ننام

HoNdA

20 comments:

  1. لا حول و لا قوة الا بالله
    يعنى لا التليفزيون اتكلم على الموضوع ده

    دا احنا نايمين خاالص و الله

    حرية اعلام ايه و زفت ايه بس

    حسبى الله و نعم الوكيل فيهم


    والله يا بنتى مش عارفة اقول ايه بس كله مننا ساكتين و لا بنتحرك اكيد كلنا حنتحاسب على الللى بيحصل

    ReplyDelete
  2. Ma-3lina
    انا بردو اول مرة اعرف من يومين وعملت سيرش لقيت اكتر من موقع وجريدة بيتكلمو ع الموضوع

    اكيد طبعا هنتحاسب
    اللهم استخدمنا لنصرة دينك ورسولك ولا تستبدلنا

    ReplyDelete
  3. ان خرج العيب من اهل العيب ما يبقاش عيب ؟ صح بس ان معاكي ان احنا لازم نعرفهم بدينا او يمكن همه عارفين وبيستهبلوا بس ربنا علي الظالم.....

    ReplyDelete
  4. اهلا بيكى يارشا
    اكيد طبعا انا معاكى بس اعتقد ان لو حد غلط فيك مرة يبقا العيب منه لكن لوالغلط ده اتكرر
    مرتين يبا العيب منك

    ReplyDelete
  5. شكرا ياهوندا على الخبر
    اول مرة اعرف الخبر منك
    لاحول ولا قوة الا بالله

    ReplyDelete
  6. اهلا ياياسمين العفو هو فعلا الموضوع مش مستلط عليه الاعلام كفايه يعنى تلاقيه ع النت بس ع مااعتقد

    ReplyDelete
  7. دا ايه النوم اللي المسلمين فيه ده
    ربنا يرحمنا برحمته وينصر نبيه

    بارك الله فيك على نشر الموضوع وربنا يجعله ف ميزان حسناتك

    ReplyDelete
  8. MestKA اهلا
    ربنا يبارك فيكى ويرحمنا امين

    ReplyDelete
  9. لا حول ولا قوة الا بالله
    حســبنا الله ونعم الوكـــيل
    ربنا عليهم وربنا على كل واحد يكون قادر ينصر هذا الدين ويتخاذل
    اللهم انصر الاسلام واعز المســــلمين ياااااااااااااااارب آمــــــــــين

    ReplyDelete
  10. امييييييين ربنا يهدينا ويهدى بنا ويجعلنا سبب لمن اهتدى

    ReplyDelete
  11. دي مش اول مرة يسيئوا فيها الى الاسلام..ومش هتكون اخر مرة

    في عشرات الكتب ومئات المقالات التي تكتب وتسيء الى الاسلام ولا يسمع عنها احد..ربما لاننا شعوب لا تقرأ وتكتفي بمشاهدة الصور..لذلك نغضب كل الغضب من الكاريكاتيرات ولا تهتز لنا شعرة او يغمض لنا جفن حينما يصدر كتاب او تكتب مقالة هنا او هناك

    المهم..اتمنى ان ردود الفعل المرة دي تكون عقلانية ويتم التعامل مع الموضوع بشيء من الحكمة..ويستحسن لو منردش عليهم اساسا
    "واذا خاطبهم الجهلاء قالوا سلاما"

    اتمنى ان الرد يكون باننا نحسن من نفسنا ومن صورتنا واننا نوضح للعالم كله عظمتنا باننا نرجع للحضارة الاسلامية مجدها المفقود..اتمنى اننا ما نطلعش في مظاهرات غوغائية ونحرق الاعلام ونرجع بيوتنا ننام وضميرنا مستريح واحنا حاسيين اننا عملنا اللي علينا خلاص

    اتمنى انها تكون بداية لنهضة حقيقية لنا

    ReplyDelete
  12. Marvel - واحد زهقان
    اهلا بيك انا عجبنى جدا فى كلامك اننا مبتقراش وبنكتفى بالصور ع الرغم اننا امة اقرأ
    بس الاكيد الى بيخلى الواحد يتغاظ من الصور اكتر انها بتكون تجسيد فبتبقا اصعب لان هو بالنسبة لى الاتنين سواء لان دى اهانة ودى اهانة بردو

    ولى فعلا انا شيفاه اننا نبدأ ننهض بأنفسنا الاول عشان نقدر نوصل لنهضة شامله

    ReplyDelete

  13. احنا اهانه رسولنا قبل ما هما يهنوه

    احنا متبعناش سنته
    ممشيناش علي تعاليمه
    متعلمناش من كتاب ربنا

    متحسبيهمش قبل ما تحسبي المسلمين

    ReplyDelete
  14. عزيزتى
    صدقينى الاهانه الغربيه اللى بتشوفيها دى
    بتحصل هنا بطرق كتيرة
    اهانه ارسو مش فى رسمه بس
    فى مقاه تقول عيه حاجات كدب
    فى كلمه يقولها شيخ تبديل لدينه وتغير فى سنته
    الاهانات كتير لاكن
    طول ما فى ناس مؤمنه بالله وبرسوله
    طول ما هيكون فى ناس هتدافع عن الدين ده وكل ما بيحصل حاجه زى دى
    كل ما بيزيد عدد اللى بيدخلوا فى الاسلام
    تحياتى
    سلام

    ReplyDelete
  15. حسبى اللة ونعم الوكيل
    كل سنة و امة محمد بخير

    ReplyDelete

  16. محمود علي
    ازيك يامحمود عامل ايه
    انا مش بحاسبهم لانى مقتنعه اننا السبب انا حبيت ان الناس تاخد بالها عشام نفوق وتتحرك

    ReplyDelete

  17. احساس لسه حى
    اهلا بيك
    هو فعلا كل مابيحصل حاجة بيزيد الى بيدخلو فى الاسلام بس ليه مش نحاول اننا نمنع الاساءات دى اصلا
    اعتقد اننا لو فهمنا دينا صح هنقدر تنصدى لكاتب او مفتى او اى حاجة بدل مانتاخد ع عمانا

    ReplyDelete

  18. عصفور بلا أجنحة
    كل سنة وانت بخير
    :)

    ReplyDelete
  19. حسبنا الله ونعم الوكيل
    والحل والله ان كل واحد يبدأ بنفسه
    لان لو كل واحد قال هو انا اللى هصلح الكون يبقى مش هينصلح

    والمشكلة ان الشيوخ كلهم ماعدا كام واحد .. كلهم هتلاقيهم فى العالم الاسلامى عمالين يكلموا مع بعض ويتخانقوا مع بعض فى حين ان برا مش لاقيين حد يفهمهم اصلا

    المفروض يعنى يبقا فى ناس تسافر برا وتكلم معاهم عشان نوعييهم واظن دجا واجب علي شيوخنا او اى حد قادر وموجه رسالته للدين

    وهما لما سألوهم ليه المسابقه اللى اتعملت دى قالوا ان فى مسابقه اتعملت لرسم كاريكاتير على النبى صلى الله عليه وسلم ولما سألوهم طب تعرفوا عنه ايه ؟؟ قالوا دا رجل كان عايش من 6000 سنه او 4000 سنه .. يعنى ميعرفوش اى حاجه خاااااااااالص

    ReplyDelete
  20. moataz
    كلنا بردو فى الردود الى فاتت اتفقنا ان الاصلاح بيبدأ من داخلنا الاول عشان نقدر نصلح لاخرين وفعلا محتاجين اننا نوسع نشر دعوتنا لله وده مش هيحصل غير لما نكون احنا فاهمين سيرة رسولنا

    ReplyDelete

 
لـلـرغـى فـنــون - Blogger Templates, Wordpress Templates Free - by Templates para novo blogger HD TV Watch Entourage Online. Featured on Local Business Singapore