حياتى الجديدة



يااااااه بقالى زمان مجتش ولا كتبت مكنتش اتخيل ان فى وقت م الاوقات ممكن اقعد بالايام مدخلش بلوجى العزيز وكنت بستغرب اوى من الناس الى مبتدخلش بلوجها او تعمل تحديث ليه بس دلوقتى فعلا عرفت السبب او عذرت الناس
انا بقالى مدة مبقتش عارفه اعمل حاجات كتيرة زى الاول لانى بقيت على رأى أحمد العيسوى من الفئه العامله
عقبال املتكم اشتغلت فيادوب اليوم عندى منقسم بين الكلية والشغل بروح متأخر اتغدى وافتح الكمبيوتر شوية وانزل انااااااااام وهكذا

بس انا مش زعلانه بالعكس انا مبسوطة جدا وحاسه ان نمط حياتى أخد شكل جديد

انا ابتديت حياة جدية بخطط جديدة بأولويات جديدة ومفاهيم جديدة بإمكانيات جديدة بعلاقات جديدة كل حاجة جديدة قررت انى اتعلم من حاجات كتيرة فاتت بس مقعدش اندب حظى بس اتعلمت منها عشان تبقا دافعه ليا اكتشفت ان ماما نفسها تشوفنى حاجة كبيرة اوى وناجحه وانا قررت انى مش هخيب ظنها فيا وهعمل الى أقدر عليه عشان تبقا مبسوطة منى ده كفاية عليا .

عرفت قيمة الوقت جدا عرفت قيمة الساعه والدقيقه وعرفت قيمة يوم الجمعه الى بستناه بفارغ الصبر عشان اعمل اى حاجة غير متعلقه بالشغل زى المذاكرة مثلا ههههههه تنضيف الاوضة والكمبيوتر ولو حد محتاج منى حاجة وكدا بقيت بعمل فيه حاجات جبارة لانه بقا بالنسبة لى ثروة ههههههههه

الجميل بقا ان الشركة الى اشتغلت فيها جوها عاجبنى الحمدلله ومرتاحة فيها ونصف الى فيها اصحابى نصفهم تيم هندسة الى اانا فيه التيمين صناع وتيم الكات .
غير ان الناس هناك الى معرفهمش كلهم لطاف جدا واجتماعين وكلهم زوق يمكن انا اصغر واحدة فى الشركة بس الباقى يعنى اكبر منى بسنة اتين تلاته اربعه كدا يعنى بس تعاملهم معايا مريح بصراحة .

انا الحمدلله حبيت الجو وحبيت شغلى وبقالى دلوقتى تقريبا اسبوع , اتعلمت حاجات كتيرة اوى واكتشفت كمان حاجة انى متعودة ع جو الشغل ده ومعنديش اى مشكله فى حاجة لانى شبه اعددت لحاجة زى دى عن طريق فرق العمل التطوعى لى اشتركت فيها
فعلا حسيت بقيمة العمل التطوعى والخبرة الى اكتسبتها سواء فى ثقتى فى نفسى وامكانياتى وتعاملى مع الناس والشغل وانى اكون مميزة ومتقنة فى شغلى .ومش حاسه باى فرق بينى وبين الناس الى فى الشركة واعتقد ان بقيت صوحابى الى معايا فى التيم هيكونو زيى لان العمل التطوعى ده خبرته جبارة الحمدلله .



الاسبوع ده انتابنى مشاعر حلوة اوى طول الاسبوع مش عارفه فجأة كده بقيت احس بمشاعر حب لحاجات كتيرة اوى زى :


- حبيت الشركة الى انا فيها وجوها والناس حبيتهم اوى.

- اكتشفت ان بحب سينار صحبتى اوى.

- اكتشفت انى بحب تيم الكات والهاكرز اوى اوى وفخورة انى جزء منهم وبحترمهم كلهم خصوصا أيمن لانه شخص مثابر وبتعجبنى جديته جدا ونموذج للشاب المسلم الناجح انا يمكن خصيته هو لانى شفته قدامى اما الناس كانت نايمه مبشتغلش وكنت بحس انه محبط واما الناس اشتغلت كنت مبسوطة بجد عشانه لانه كان شايل مسئوليه جامدة وكنت بحسه انه لوحده الى شايل التيم وكان قدها ربنا يبارك فيك ويكرمك ويبعد عنك الزهايمرررر.

-اكتشفت انى بحب كل الناس الى عرفتها فى حياتى بحلوهم ووحشهم.
-اكتشفت ان بحب البلوج بتاعى جدا والمدونين والمدونات اصحابى وحسيت انهم وحشونى جدا.
-اكتشفت ان بحب اخواتى واهلى لانى مبقتي اشوفهم غير مرتين وبالصدف كمان .
-اكتشفت ان ربنا بيحبنى عشان اتاحلى فرصة الشغل ده وانا كنت محتاجاه فعلا عشان احس انى بعمل حاجة .

الاسبوع ده ناس كتير ساعدتنى فى حاجات انا كنت محتاجاها ومش هنسى لهم جميلهم
زى أسماء الى كلمت مستر محمد منجى الى ماسك المشروع عشان ابقا معاهم وظبطتنى جامد هههههه.
وزى سينار الى جابتلى كتب المنحة بتاعتها.
وزى أيمن الى جابلى اسطوانات لينكس وكتب بعد ماطلع روحى ههههههههه

انا مبسوطة فعلا ان الناس دى انا اعرفها انا فعلا بمر بفترة بتبسط اوى اما احس ان فى حد معايا بيساندنى ولو بحاجة بسيطة حتى لو معنوية ومتشكرة ليكم لان من لم يشكر الناس لم يشكر الله

فمعلش لو اتأخرت فى الردود ومعلش لو مكنتش بتابع زمايلى المدونين والمدونات انا فعلا مبقاش عندى وقت زى الاول غير يوم الجمعه.
ادعولى
بالتوفيق
وبفك الكرب

*.*HoNdA*.*

23 comments:

  1. ازيك يا هنادى
    فى البدايه عايز اشكرك على الكلام الحلو الى انتى قلتيه فى حقى ده . ودى شهاده اعتز بيها والله . وان كان فى حد عنده روح المثابره فهو انتى . وربنا يوفقكك دايما يا رب

    انا الفتره الى فاتت كنت بقترح على حد اعرفه بس مش فاكر مين ان ليه الانسان كل شويه يغير حياته بالكامل او على الاقل جزء كبير منها علشان ما يملش . وكمان يغير طبعا للاحسن
    افتكرت الكلام ده لما قريت موضوعك ولقيتك بتكلمى على حياه جديده وناس جديده وشعور جديد واكتشافات جديده . بصراحه حسيت فى كلامك بشئ من السعاده وحسيت ان انتى كنتى وصلتى لمرحله زهق وخنقه وان الحياه الجديده دى سببت ليكى سعاده وراحه .
    طبعا حيا الشغل فيها الحلو والوحش لكن الى يلفت الانتباه هو احساسك بالوقت . الى انا دايما مقتنع ان الانسان ده شئ متغير فى حاجتين " الصحه والزمن " فالاحساس بالزمن ده من الحاجات الى احنا مفتقدينها وكتير من الشباب مضيع وقته فى حاجه غير مفيده ويرجع يقول انه زهقان وقرفان وناقم . مهو علشان مش حاسس بقيمه الوقت
    وصدقينى انا من الناس الى ببقى سعيد اوى بنص ساعه راحه بين شغلين او مشوارين مثلا وبحس بقيمتها اوى
    المهم علشان ما طولش . انا بجد فخور بيكى وبالى انتى فيه وبدعى ربنا انه يكرمك ويحقق ليكى كل امالك ز ويقرب بينك وبين صحابك اكتر واكتر وتفيدى الناس اكتر واكتر ان شاء الله
    سلام

    ReplyDelete

  2. ربنا يوفقق فيها انشاء الله
    انتي كل ما تقابلي ناس جديده هتتعلمي وتفهمي وتقدري
    لما هتقابلي ناس وحشه
    هتقدري الناس الكويسه
    لما تقابلي ناس بتكره
    هتقدري الناس الي بتحب

    ربنا يوفقق في حياتك الجديده

    ReplyDelete
  3. hi Honda..
    begad I'm sooooooooooooo sooooooooo happy 4 u....
    wallahi mabsoota awy 3shanek, we 3shan shayfaki mabsoota...
    asli zehe2t mn mawaweel el nakad beta3tek/.... LOOOLL (bahazzar tab3an)
    we begad mosh 3arfa 2a2olek eh 3al kalam elli enti katbah 3anny da...
    ana kaman ba7ebbek awyy we mabsota awy eny 3reftek we mabsoota kater shan el tagdeed elli 7asal fe 7ayatek..

    enti begad sha5seya momtaza amsha2llah 3aleki.. we isa daiman mn afdal le afdal we mn gedeed le gedeed...

    wana mota2akeda en kol el nas bet7ebbek awyy 3shan U R A VERY FRIENDLY AND LOVING PERSON

    ReplyDelete
  4. ربنا يوفقك و يفك كربك
    ايوة كده عايزين هنوده الجامده تبان على حقيقتها ة نشوف الشغل الجامد

    ربنا يكرمك يا ربو فعلا الحياة دي جديدة جدا و انا واثقة انك هتتعلمي منها حاجات كتيرو هتستفيدي ااقصي استفادة
    لأو و كمان مع اول مرتب هتحسي بشعور مختلف تماما هههههههه
    مش قصدي على الفلوس لكن احساسك انك بقيتى مسئولة فعلا احساس مختلف..
    ربنا يوفقك و تكون دي خطوة مهمة في هدفك الكبير في الحياة

    ربنا معاكي و مستنياكي على الشات علشان نرغي لما تطونى فاضية طبعا
    سلام يا قمررررررررر

    ReplyDelete
  5. مبروووووووووووك يا هوندا الشغل الجديد
    مع انه هايخدك مننا

    الحمد لله انك مبسوطه فى الشغل ويارب كده دايما

    وربنا يوفقك اكتر وتكبرى فى الشغل
    وتبقى اكبر منهم ب5 سنين كده اوعى تسكتى على انهم اكبر منك لازم تصرفى
    اقولك:زورى شهاده الميلاد
    هههههههههههههههههه
    بضحك معاك طبعا يا جميل

    بجد هاتوحشينى اوى

    ويارب نسمع عنك كل خير يارب

    ReplyDelete
  6. ayman
    ازيك انا الحمدلله تمام
    انت مش محتاج تشكرنى لان ده أقل حاجة اقدر اقولها ربنا يكرمك ويعزك
    وفعلا انا معاك كل متغير جزء من حياتك بيعمل زى ريفرش كده وتقدر تدى اكتر وتبعد عن جو الملل

    انا فعلا كنت وصلت لمرحلة الزهق دى بس الحمدلله ربنا كرييييييييم

    ReplyDelete
  7. محمود علي
    متشكرة جدا انا مقتنعه بكلامك تمام لان الواحد مبيقدرش قيمة الحاجة الحلوة الا مايشوف الاسوء
    ربنا يوفقك

    ReplyDelete
  8. الف مبروك الشغل وربنا يوفقك يارب ولازم تنظمى وقتك ما بين شغلك والدراسه وربنا يعينك ان شاء الله
    تمنياتى بالتوفيق

    ReplyDelete
  9. سينااااااار
    حبيبت قلبى من جوه جوه :)
    انا بحب جدا ربنا مايحرمنى منك يامظبطانى
    واطمنى هقرفك هقرفك امال هقرف مين هههههههه

    ReplyDelete
  10. الحلم العربى
    وحشتينىىىىىى اخبارك يابنتى وحشنى رغيك يا كمر ههههههه
    متشكرة ع اكلام الحليوه ده
    انا فعلا بستفيد كل يوم حاجة ومبسوطة بكده وبحس بالمسئوليه برده ربنا يقوينى واقدر اعمل حاجة تطلعنى لقدام ديما
    سلامات

    ReplyDelete
  11. بندقة ازيك
    ياهلا ياهلا

    انا قاعدالكم هروح فين بس هقعد قليل ههههههه
    انا بفكر ازور الشهادة بيتريقو عليا عشان مكملتش 20 سنة وبيقولو هاتى ولى امرك هههههههههه

    ReplyDelete
  12. سلام عليكم

    يعنى مش انا لوحدى بقه اللى كنت ضاربها طناش للتدوين

    ReplyDelete
  13. يوم الجمعه
    و انا نازل الشغل الصبح السبت اقول ياااااااااااااااه فاضل 6 اايام على الاجازه
    يوم السبت بعد الشغل ياااااااااااااه فاضل 5 ايام على الاجازه
    الاتنين
    فاااااااااااااااضل 3 ايام
    الاربع
    بكره الويك ايند

    ReplyDelete
  14. ربنا يوفقك ويفك كربك
    ومبروك الشغل والحياه الجديده اللي بداتيها ربنا يوفقك فيها والأمور تفضل ماشيه معاكي كده علطول ودايما الناس اللي حواليكي بتحبيهم وبيحبوكي

    ويا ريت ده ميكونش حماس كده مبدأي وبعد كده تبقى الأمور عادي
    بس على العموم واضح انك شخصيه جاده ومجتهده وطالما حبيتي شغلك يبقى هتخلصيلو دايما

    البوست حلو قوي وواقعي عشان كده عيشتينا معاكي في الجو...ربنا يسعدك ويوفقك دايما يا قمر

    ReplyDelete
  15. مبروك علي الشغل ...
    يا رب يوفقك و يبسطك علي طول يا رب ...
    بمناسبه اللينوكس ...
    Ubuntu
    نزل نسخه جديده ..
    ممكن تنزيليها من النت
    :)

    ReplyDelete
  16. مبروك على الشغل شدي حيلك ورينا الهمه
    ربنا معاكي ومعانا جميعا

    ReplyDelete
  17. مبروك ع الشغل ويارب يوفقك دايما
    :):):)

    ReplyDelete
  18. جميل اوي

    وانا كمان حاليا بسعى باجتهاد اني اغير نمط حياتي بالكامل

    ربنا يوفقك ويبارك لك في شغلك وادعيلي معاكي

    ReplyDelete
  19. رئيس جمهوريه نفسى
    الله يبارك فيك والله انا بحاول ع قد مقدر اصلى بكره الكلية جداااااااااا

    *********
    ياسر سليم
    وعليكم السلام ورحمة الله وبركاته ازيك ؟
    بقالنا كتير مشفنكش فعلا
    أنا والله مش مطنشة ده غثب عنى ده التدوين بيجرى فى دمى ههههههه

    ReplyDelete
  20. Mohamed_sobhy84
    ههههههههههه يانهار أبيض ايه العذاب ده
    انا المفروض عندى جمعه وسبت اجازة بس من يوم مارحت لغو السبت مؤقتا عشان ضغط الشغل ونزلونا الجمعه الى فاتت كمان فمبقتش استنى الاجزة عشان تيجى لوحدها ههههههه

    ReplyDelete
  21. أوشــــــه
    أنا متشكرة جدا ع الكلام الجميل ده
    الله يبارك فيكى وعقبالك وبجد اجمل حاجة دعواتك ربنا يكرمك

    وبالنسبة لموضوع الحنماسه فهى شىء طبيعى فى بدلية اى حاجة بس هدفك منها هو الى يقدر يتلغب ع مرحلة الروتين الى ممكن نوصلها فى وقت من الاوقات انا بحاول انى احتسب الثواب فيه ربنا يقدرنى واقدر اقدمه بالشكل الى يرضى ربنا اللهم امين

    ReplyDelete
  22. Ahmed Essawy
    ازيك يابشمهندسنا الله يبارك فيك متشكرة جدا
    وبالنسبة لابنتو انا فعلا نزلتها بس لأنى مبتدئه مش عارفه استخدمه ازاى اصلا هههههههه فسيباه عندى لحد مافهم

    ReplyDelete

  23. بنت مصر
    الله يبارك فيكى عقبال ماتخلصى من الكلية الفظيعه بتاعتك ههههههههههه

    ********
    moataz
    الله يبارك فيك متشكرة جدا

    ***********
    آلام وآمال
    ربنا يوفقك ويكرمك التغيير شىء جميل جدا
    الله المستعان

    ReplyDelete

 
لـلـرغـى فـنــون - Blogger Templates, Wordpress Templates Free - by Templates para novo blogger HD TV Watch Entourage Online. Featured on Local Business Singapore