خلى بالك من التووك توك

سلام عليكم ازيكم يابشررررررررررانا جيتلكم تانى بالوش الأولانى
اولا بعتذر عن البوست الى فات انه بالانجليزى وناس فكرت انى بشتمهم وبتكلم عن حاجات فى المريخ واكيد فكرتو انى بنتمى لاتجاهات عجيبة عارفه عارفه مش محتاجين تقولوهههههه

كنت عايزة احكىىىىىىى موقف لطيف جدا حصل قدامى اول الاسبوع ده
نبتدى منين الحكاية؟؟
يوم السبت الساعه 6 راجعه من الشغل لقيت نجوى مرات حماده ابن خالى عندنا فى البيت وكانت مروحة فرحت معاها عشان انزلهم وندز بعدين نزلنا من البيت وماشين فى الشارع ولان المنطقة الى انا ساكنة فيها تتميز بالهدوووء الشنيع والظلام النصف قاتم وكل واحد فى بيته فأول م الظلام يحل تلاقى الشارع سكت هس فماشيين بقا فى أمانة الله انا ماسكة عمر ابنها وهيا ماسكة مريم وانا مركزة مع العيل لحسن يقع لقيت فجأة الى بتصوت ببص لقيتها نجوى ولقيت توك توك جرى من جمبها انا افتكرت انها اتخبطت بعدين لقيتها بتقول الشنطة ياحرامية وانا واقفه مذبهله مش عارفه اجمع وهيا قاعده تصرخ وتقول النمر هاتو نمر التوك توك مكنتش لابسه النضارة
!!على ملبستها لقيت التوك توك كان خلع


كان فى ولد معدى فقالتله اجرى وراه هات النمر اتارى التوك توك من غير نمر وقفنا ثوانى مش عارفين نعمل ايه وهيا ياعينى
محسورة ع الموبيل الى كان فى الشنطة وانا كنت جايبة للواد عمر عداد يتعلم واحد اتنين لسه جديد وكان فى الشنطة كل واحد بقا
.بيفكر فى الى ليه هههههههه

انا بقا ماشية مش مصدقة الى بيحصل واد ايه السرقه اتطورت وبقا التوك توك وسيلة مساعده وكمان شايلين النمر
ساعتها افتكرت حاجة عجيبة اوى
افتكرت عبله كامل فى فيلم سيد العاطفى وهيا سايقة التاكس وبتقول التاكس ده انا شرياه عشان قلت الأدب والمسخرة هههههههه
وتخيلت صاحب التوك توك وهو بيقول كده بس مع استبدال الجملة دى بالسرقة والشنكله

المهم مشينا ومش مستوعبين الى بيحصل انا حاولت اهدى فيها شوية واقلها خيييييييييير انتى تروحى المركز تعملى بلاغ وممكن
نعرف نجيب الموبيل من خاصية التتبع الى فيه وكده وانا معاكى وليا اصحاب جابو موبيلاتهم كده بس انتى صلى ركعيت قضاء حاجة وسبيها ع الله وان شاء الله خير المهم قعدت تقولى الى بيروح مبيجيش ولسه هعمل ومش عارف ايه حاولت اقنعها بس طبيعه الناس الكسل وده الى بيخلى الناس تضيع حقها بإيدها هتقولولى ماهو قليل الى بيجيله حاجته اما يعمل بلاغ مثلاهقولكم كفاية انك حاولت عشان متقعدش تقول ياريتنى امى بقا مسابتنيش يومها معتيش تمشى من الشارع ده لوحدك امسكى شنطتك كويس متمشيش جمب تكاتك متركبيش تكاتك وهاتك يانصايح وانا عامله فيها مطيعه واقلها حااااااااااضر ياماما اطمنى

المهم عدى يومين ولقينا المفاجأة واحدة صحبتها طلبتها وقالت لها ان فى واحد من المركز كلمها ع الموبيل وقالها انهم لقيو الشنطة والموبيل وانها لازم تروح المركز تتعرف ع حاجتها وتمضى المهم راحت مع خالى واكتشفنا الاتىان الحرامية الى كانو فى التوك توك مش من بلدنا اصلا طلعو من شربين وفى نفس اليوم الى شدو الشنطة من نجوى شدو 3 شنط تانية من بنات ماشيين منهم بنت كانت لابساها ع كتفها شدوها من كتفها لدرجة ان البنت وقعت على وشهاومش بس كده لا دول كمان سرقو صيدلية كسرو الاقفال وسرقو
كل حاجة فيها

الى حصل
ان صاحب الصيدلية بلغ ،التلت بنات الى اتشدت شنطهم منهم بلغو،نجوى الوحيدة الى مبلغتش
فبإيجابية أشخاص مسبوش حقهم وبلغو الشنطة رجعت لنجوى بالموبيل والفلوس واهم حاجة العداد
انا مسألتش هما ازاى قبضو ع الحرامية المهم انهم اتقبض عليهم فى
نفس اليوم وخلاص والاهم من كده ان العداد رجع بالسلامة والموبيل طبعا هههههههههه

الدروس المستفادة
:
كل واحد يخلى باله من شنطته
كل واحد ميسبش حقه
وخليك إيجابى
وخلى بالك من التوك توك

*.*HoNdA*.*

18 comments:

  1. هيييييييييييييييييييه
    اول مره اكون اول تعليق

    فينك يا هوندا
    وحشااااااااااااااانىىىىىىىى

    الحمد لله ان العداد رجع
    حتى من غير الموبايل
    هههههههههههههه

    فعلا الناس فى بلدنا بقت بتقصر فى حق نفسها اوى

    الحمد لله احنا ماعندناش توكتوك
    بس انا ببقى خايفه من اى عربيه تعدى جنبى

    صحيح لو حد خد شنطتى مش هيلاقى فيها العداد العظيم بتاع عمر

    بس انا بقى عايزه كرنيه الكليه عشان الامتحانات
    ههههههههههههههههه

    ReplyDelete
  2. يا سلام .. خدوا الشنطة ؟؟

    إيه رأيك في اللي بيمشوا بأقصى سرعة عشان يخبطوا بجنب التوكتوك في بنات الثانوي والثانوي التجاري وهما خارجين من المدارس ؟ إيه رأيك في اللي بيشغل الكاسيت بصوت فعليا بيتسمع من على بعد كيلو متر أو أكتر ؟

    إيه رأيك في اللي فرمل فجأة عشان ياخد زبون ، قام دخل فيه موتسيكل عشان يموت فورا الراجل وولاده الاتنين اللي كانوا راكبين على الموتسيكل ؟؟

    التوكتوك لعنة أبدية ، لو هاتركب توكتوك دور على واحد مش مشغل أغاني ، مابيشربش سجاير ، مش مركب واحد جنبه وبيتخانقوا على السواقه وهما ماشيين ، مش معلق ألف حاجة قدامه لحد ما الشارع بقى نقطة صغيرة في الإزاز قدامه ، ومايكونش لابس نضارة سوده كبيره وشبه أميتابتشان في أيام عزه ..
    احتمال تلاقي واحد أو اتنين مافيهومش الحاجات دي ..

    ورحلة سعيدة .. :)

    سمري

    ReplyDelete
  3. بندقققققققة
    ازيك يانتى كويس انك لسه عايشة الحمدلله هههههه انتى كمان وحشانى جدا
    التوك توك ده لعنة العصر احمدى ربك انو مش عندك صراصير الشوارع
    وياستى لو الكارنية اتسرق ممكن تطلعى غيره متقلقيش هههههههههه

    ReplyDelete
  4. Alaa ElSemary
    ده ايه النور الى هل علينا ده :D

    ع فكرة احنا بيحصل عندنا ده بردو
    انا فعلا بقف كتيييير ع مانقى التوك توك اللائق هههههههه الواحد اصلا مبقاش بيعرف يمشى فى الشوارع من زحمتهم
    بس الكويسين كتيير يمكن لان نصف البلد تكاتك فتلاقى من ده ومن ده بردو ربنا يهدى

    ReplyDelete
  5. حتى لو موتسيكل برقم
    دي موضه السرقه دي و كله ياخد باله من حاجته

    ReplyDelete
  6. التوك توك دة ان دل على شيء لنما بيدل على استهانة الشرطة والحكومة بالناس وامنهم
    نفسي اشوف التكاتك دي ماشية في صلاح سالم ولا 6 اكتوبر....
    تحياتي بوست هايل

    ReplyDelete
  7. اولا حمدالله على سلامة العداد
    هوه اهم حاجه في الموضوع دا
    ثانيا انا معاكي اننا بنطنش في مواضيع البلاغ دي
    ودا مش كويس وبيضيع حقوق كتير
    بس بنسبه ما الناس معذورة لان سمعة الشرطه متشجعش الواحد يدخل برجليه للقسم
    على العموم خلوا بالكم من نفسكم
    وكل واحد يسيب العداد بتاعه في البيت
    مش لازم نمشي نعد في الشارع

    ReplyDelete
  8. السلام عليكم

    خلي قريبتك تحمد ربنا اووووى

    اولا عشان الشنطة رجعت ليها
    ثانيا عشان مافيش خساير ف الارواح(بعيد الشر عن الجميع يارب)
    سواقين التوكتوك دول كلهم بيقو عيال
    بتاع عامل زى الصرصار
    وعيل ال سايق وعامل نفسه نص الدنيا
    وعشان هما عيال لاسف حصل حواد بالصرصار دا وراح ضحيتها اطفال مالهمش ذنب
    وكل دا عشان هما مالهمش كبير

    ReplyDelete
  9. الحمدلله انها جت على كده..كويس لسه البوليس ليه لازمة

    ReplyDelete
  10. lol ih ya benty dah!!!

    thx god msh 3ndna toktok we fe3ln lazem el wa7ed la ytka3es 3an 7a2o abdaaaaaaan

    ReplyDelete
  11. أولا حمدالله على سلامة العداد هههههههههه
    المال الحلال يا بنتى هههههههه
    المهم
    كلامك مظبوط خاصةفي موضوع الايجابية ....للأسف احنا شعب مليان سلبية و تقصير في حق نفسه
    لكن بردو الناس ابتدت يكون عندهاوعي و تاخد حقها
    يعني من أول ماتلاقى سواق الميكروباص مصر يركب اربعة في الكنبةاللى ورا و الناس ما ترضاش لغاية ما يرضخ ....بصراحة لما ده حصل كذا مرة قدامى اتبسطت حسيت ان الايجابية بتعمل نتيجة بردو

    و ربنا يسترها على البلد يارب

    تحياتى يا جميل

    ReplyDelete
  12. Mohamed_sobhy84
    كل واحد ياخد باله من لغلوغه هههههههه هكذا قال عادل إمام

    ********
    A.SAMIR
    أنا معاك تماما لأن التوك توك ده معليهوش رقابة فبيعمل اى حاجة محدش بيراقبه

    ReplyDelete
  13. Mask
    الشرطة ممكن تكون سمعتها متشجعش بس الواحد بيعمل الى عليه الى المفروض يعمله وربنا يكرم

    *********
    Anonymous
    وعليكم السلام ورحمة الله وبركاته

    هو فعلا كلنا حمدنا ربنا لان كان ممكن يعملو اى حاجة عشان يخدو الشنطة بس ربنا سترها
    ربنا يكفينا شره الصراصير دى

    ReplyDelete
  14. بنت مصر
    الحمدلله
    والبوليس هيفضل ليه لازمة عشان زى مافى الحلو فى الوحش :)

    ReplyDelete
  15. Ma -3lina

    ده ايه النور ده ياشيخه وحشتينى والله
    انتى فعلا تحمدى ربنا وتبوسى ايدك ان مفيش عندكم توك توك

    ReplyDelete
  16. الحلم العربي

    باشا ازيك ياجيرل
    الله يسلمك بمناسبة وصول العداد
    وع فكرة انا بقا مبسوطة زيك كده تماما لما الناس يرفضو يركبو 4
    وانا بحاول ع قد ماقدر انى محطش نفسى فى المكانة دى
    استنادا لمقولة ابدأ بنفسك

    ReplyDelete
  17. :)
    هي دي مدرسه الحياه الكبيرة ...
    اهي اخدت درس عن الايجابيه لو
    100
    واحد حاولو يدوهولها الدرس مش جيكون مفيد للدرجه دي
    ==
    علي فكرة الي عملته دا اسمه تواكل علي الله مش توكل علي الله .

    ReplyDelete
  18. Ahmed Essawy
    :)
    فعلا انا بعدها قلتلها كده ان ده يعلمك ان لو حصلك أى حاجة بعد كده متسكتيش عن حقك وتسعى وسيبيها ع ربنا
    اهو الواحد مبيتعلمش بالساهل

    ReplyDelete

 
لـلـرغـى فـنــون - Blogger Templates, Wordpress Templates Free - by Templates para novo blogger HD TV Watch Entourage Online. Featured on Local Business Singapore