كملت عشرين


يوم 1-1 هبدأ سنة جديدة وهطلع بعمرى سنة لقدام بقالى عشرين سنة عايشة كتير اوى هههههههههه مش عارفه انا طايقانى ازاى

الناس بتزعل اما تكبر سنة انما انا ببقا مبسوطة لانى بطلع لقدام سنة وبقرب من اهدافى اكتر وبنضج أكتر وبتعلم أكتر انا بس اكتر حاجة بتزعلنى اما اقعد احسب فى العشرين سنة دول منهم اد ايه عبادة صح اكتر حاجة ترعبنى لو عشت 30 او 40 سنة وتطلعلى محصلتى فى النهايه سنة عباده بس هستحقر نفسى جدا ساعتها يااااااااااارب قربنى ليك وخدى بإيدى لطريقك واجعلها سنة أقرب إليك وابعد عن كل البشر

يارب ارزقنى نعمه الزهد وقلبى مايتعلقش بشهوات الدنيا أكتر من كده

يارب ملكنى منها فى ايدى واخرجها من قلبى

اما جيت اعمل كشف حساب ليا الحاجات الجديدة الى عملتها السنة الى فاتت دى 2007 وعجبنى بوستEgyweza

اما كتب الحاجات الى عملها فقلت اكتب انا كمان

فى 2007 :


1- بدأت اتعلم برمجة لاول مرة فى حياتى بدات فيجول 6 بعدين اتعلمت سى شارب شوية وبعدين ذاكرت جافا شوية وقطعت خطوة مبدئيه لكن للاسف مكملتش .


2- اتجهت للويب واتعلمت اتش تى ام ال وشوية جافا سكربت وان شاء الله هكمل بعد الامتحانات.


3- سطبت لينكس عندى وده كان انجاز لانى عملته لوحدى وانا لحد دلوقتى معرفش حاجة فيه هههههه بس بقرأ خفيف لحد ماخلص امتحانات.


4- قرأت حوالى 25 كتاب مابين كتب عامه وتنمية بشرية وكتب كمبيوتر.

5- حضرت امسية جميلة اوى لدكتور إبراهيم الفقى عن الطريق للامتياز وبعدين الأسرة والعلاقات الزوجية.فى كلية طب المنصورة.

6- حضرت كورس لفريق زدنى فى كلية طب المنصورة .


7- دخلت فريق الهاكرز فى كلية هندسه وده طبعا فدنى كتيييير اتعلمت حاجات كتيرة ومازالت بتعلم.

8- اشتركت فى جمعيه رساله فى رمضان فى لجنة رعاية المكفوفين وكان نشاط جديد عليا اوى بس جمييل جدا جدا الحمدلله على نعمه البصر ربنا يقدرنى واوظب تانى.

9- الحمدلله ربنا استخدمنى فى شنطة رمضان واقدرت اشارك فيها رمضان الى فات.


10-عملت المدونة الى انا بكلمكم من عليها دلوقتى وطمطم الى ساعدتنى وشجعتنى اصلا لولاها كان زمانى مجتش.


11-اشتركت فى مجلة FCI فى جزء التنمية البشرية كتبت كده كام مقاله.


12- اشتغلللللت فى شركة كايرو اى تى ودى خطوة جديدة كليا وجزئيا وطلعتنى لقدام .

13-بدأت تربية عملى لأول مرة انزل مدارس واشرح للعيال مع انى بكره التدريس بس كنت مستمتعه.

14-بدأت احتك بالأطفال بردو وبقيت استمتع بازاى اعلمهم وكنت بذاكر لعمر ابن حماده بن خالى هو فى اولى حضانة بس كنت ببقا سعيدة جدا .


15-عرفت شخصيات جميلة وكتيرة وعرفات مدونات ومدونين حلوين بجد انتم ركن جميل من حياتى.

الحمدلله على كل حال للاسف ضيعت شهور كتير فى حاجات هبله وعبيطة وكتر سنة جالى فيها كمية احباط كان بيوقفنى كل مدة انى اكمل الى انا عيزاه بس يمكن لانى مكنتش محدده انا عايزة ايه بالظبط بس دلوقتى اعتقد انى هبقا أفضل لأنى على الاقل عارفه انا عايزة اعمل ايه السنة دى ان شاء الله

خلاص السنة دى خلصت اخيرا بكل حلو ووحشها وانا بقفل خلاص كل حاجة مكنتش حلوة وحصلتلى عشان متأثرش عليا فى السنة الجديدة ويارب السنة الجاية تبقا أفضل فى كل حاجة فى علقتى بيك وعلاقتى مع نفسى وعلاقاتى مع الناس .

شكرا لكل حد عرفته السنة دى ولكل حد وقف جمبى بصراحة ناس كتيييييييير وقفت جمبى وناس كتير ساعدتنى .......

ياريت كل حد يتمنالى امنية هيا دى هدية عيد ميلادى :)

*.*HoNdA*.*

36 comments:

  1. My sweet Honda
    kol sana wenti tayeba
    we 2o3bal ya rab 100000 sana te7a2a2y fehom naga7 akber we akter ya rab isa...
    begad mn agmal el 7agat elli 7asaletli fe 2007 heya eny 3reftek we ba2ena as7ab keda :)
    I'm sooo proud of u, and of wt u've accomplished,
    begad, u r truly an amazing powerful little lady, that always makes me feel that life is so pretty and i can be what i wanna be ;)

    tab3an enti far7ana now 3shan ba2eti 20 sana, kolaha sanaten we teb2i 3aiza 3ed meladek yeb2a bel na2es/...
    loooll

    HAPPY BIRTHDAY sweety
    RABENA YEBAREKLEK, WE YEBAREK FEKI DAIMAN YA RAB

    ReplyDelete
  2. السلام عليكم ورحمة الله وبركاته
    ازيك يا هوندا
    كل سنة وانتى بالف صحة وسلامة
    ويارب دايما فى طاعة واقرب لربنا ويهديكى ويهدينا احنا كمان ياااااااارب اللهم امين
    عاوزة اقولك انى اول مرة ادخل البلوج بتاعك واستمتعت جدااا واستفدت كمان وحقيقى انا بفكر انى اعمل بلوج لنفسى عشان على الاقل اجبر نفسى انى اعمل حاجة عشان اكتبها واتكلم عنها :)
    جميل قوى ان العالم كله بيكون بيحتفل بعيد ميلادك ... ;)
    ربنا يرزقك الرضا دايما

    شكرا ليكى

    ReplyDelete
  3. kol sana we enty tayeba ya Honda
    mish 3aref atmnalek eih bel zabt lenny shayeflek mosta2bal kebeer 7'ososan enek ma te3arfish 7aga esmha mosta7eel
    ana batmnalek en el sana elgaya te2rabek men rabina we men ganetoh aktar

    we ya slaam ba2a law 3erefty te7egey
    we law enny mesta3'araab ezay ha2olaek ya 7aga honda ;)

    ReplyDelete
  4. كل سنة وانتى طيبة يا هوندا يا سكره
    واتمنى من ربنا انه يوفق لكل اللى انتى بتتمنيه
    وتكونى السنة اللى جاية اقرب كمان وكمان لربنا
    وربنا يكرمك بالزوج الصالح والذرية الصالحة
    وماتنسيش ان انا كمان عيد ميلادى نفس يوم عيد ميلادك
    يعنى الهدايا بالنص ههههههههههههههه

    ReplyDelete
  5. kol sana we enty tayeba we ya rab dayaman tefadaly mabesota enak batekabary keda 7ata ba3d sen el 40 :D
    we ana batemanalak enak te72e kol ely enty batetemaneha isA we begad enty testa7y kol 7'eer we ana mabesota eny 3arefatak we 2belt sh7'aseya mo7tarama we motafa2l we mare7aaaaaa :) keda we rabena yakaremak we yafa2k ya rab we yadem 3alena sadakatena ely ana ba3taz beha

    ReplyDelete
  6. هنودى حبيبتى
    كل سنه وانتى طيبه ويا رب ان شاء الله تكون السنه دى اجمل واسعد من كل السنين اللى فاتت
    وتحققى كل اللى انتى عايزاه
    وتنجحى فى حياتك اكتر يا رب
    وتقربى لربنا اكتر واكتر
    وربنا يرضى عنك ان شاء الله

    وتنسى موضوع الهدايا ده

    ReplyDelete
  7. كلاكيت تاني مره
    كل عام وانتي اقرب بقلبك لربنا يا هوندا يا رب
    ربنا يغفرلك اللي مضا منك ويعفو عن القادم من عمرك يارب

    ReplyDelete
  8. جمعه المصريDecember 31, 2007 at 9:25 AM

    كل سنه وراها سنه وهنادي تفضل معانا هنا
    كل حبه بتطرح حبه وهنادي بتكبر حبه حبه
    كل يوم بيعدي علينا وهنادي مليا الدنيا حولينا

    هنادي يا بنت الوادي
    كل سنه وانتي بخير كل سنه وانتي معانا كل سنه وانتي اكثر نضجاً واكثر عقلاً من الي قبليها
    ربنا يوفقك ويرزقك رضا النفس وحب الناس وعمل الخير والستر في الدنيا والاخره

    ReplyDelete
  9. HaPpY Birthday 2 u
    كل سنه وانتي طيبه وان شاء الله السنه دي تحققي فيها اللي انتي نفسك فيه
    وتتقربي لله أكتر وبجد حاجات كويسه أوي اللي قلتيها وبلاش الحاجات اللي بتوقفك في نص السكه دي أتمنى انك ماتقابليش مطبات تاني توقفك عن الطريق الصح اللي عايزه تمشي فيه... يارب
    حلو اوي ان 1-1 يبقى عيد ميلادك وتحسي انك بتبتدي سنه جديده بجد بعمرك انتي وتحسي ان الناس بتحتفل بعيد ميلادك ورقم السنه بيتغير علشان انتي كبرتي سنه :)

    ReplyDelete
  10. سلام علليكم ورحمة الله وبركاته:


    ازيك يا هنوووود يا جميلة
    كل سنة وانتى طيبة ودايما يا رب بالف صحة وسسلامة
    بصى يا ستى انا عاوزة قبل ماتمنى لك الامنية اقولك على اعترراافات خططيرة جددااا
    اولها انى بحب حضرتك جدا فى الله

    ثانيا انك انساانة جمييلة جدامن بره وم جوة
    ثالثا ببجد انتى من الشخصيات المؤثرة فى ناس كتتير


    رابعا وديه اهم نقطةانا لما ششفت انجازاتك العظييمة حسسيت اد ايه انى ناققصنى حاجات كتتير وغبطتك (( معرفش كده لغويا ولا لا) المهم ققررت فى نفسى انى اعمل حاجات كتتير فيارب يجعل كل حاجة قررتها فى ميزان حساناتك


    خامسا وديه الاخيرة : يا رييت ما تتغرييش باللى قولته فوق

    :D

    نيجى بقى يا ستى اللى بتمناها لييكى هما حاجت كتيير اوىىىىىىىىىىىىىى :

    اولها نفسى بجد اننا انا وانتى ومعانا الناس الى اللى بنحبهم واهلنا ندخل الجنة باذن الله ورايحين نجرى تجاه الرسول وهو فرحان بينا اوىىىى

    تانى حاجة نففسى انك داييما يا رب تنتقلى من نجاح لنجاح ويارب تكونى ليكى كلمة مسموعة فى الافاق وتاثرى فى الناس كلهها من الششرق والغرب زى مانتى ماثرة فى كل اصحابك واحبابك اللى تعرفيهم

    تالت حاجة تكونى السنة الجاية متجووزة عللشان نخلص منك بقى وترييحينا:D

    كل سنة وانتى طيبة ياهوندا واقرب اللى الله
    وعقبال يا رب عمر كبيييييير اوى تقضيه فى طاعة الرحمن

    ReplyDelete
  11. loooooooooooooooool@مش عارفه انا طايقانى ازاى

    ما شاء الله عليكى بجد
    أجمل حاجة عجبتنى فى كلامك
    "
    قرأت حوالى 25 كتاب مابين كتب عامه وتنمية بشرية وكتب كمبيوتر
    "

    ربنا يكرمك ويسعدك ويحققلك كل امانيكى فى 2008

    سلاماااااااااات
    (F)

    ReplyDelete

  12. بقالي سنة ما علقتش هنا :))

    بس بجد البوست كتير كتير حلو .. يبدو ان السنة الي فاتت ماشالله استفدتي منها حاجات كتيرة ..

    عجبتني حتت "ربنا استخدمني" في شنطة رمضان
    وانك دخلتي فريق الهاكرز (واو) لأ بجد استمري يا بنتي .. وعلى ما تتخرجي حاتكوني طلعتي بخبرات ااااد كدة

    موفقة يارب بالسنة الجديدة :)

    تحياتي القلبية من بروكسل

    ReplyDelete
  13. Ur post inspired me wiz many stuff nd made me think about what I am gonna do this year isa

    Happy new year Honda and always active as u r :))

    ReplyDelete
  14. كل سنة وانتى بألف صحة وسلامة يادودو وماقدرش أتمنالك غير ان ربنا يحقق لك كل اللى تتمنيه لأنى زى ماأنا شايفة انتى عارفة انتى عاوزة تعملى ايه ونفسك تحققيه .
    Happy Birthday & Happy New Year

    ReplyDelete
  15. كل عام و انتي طيبة
    وسنة سعيده علينا و عليكم يا رب

    حلو انه انتي سويتي اشياء كتير بسنة 2007 وعلى فكرة أغلب الأشياء اللي ذكرتيها قوية جداً بس حاولي تستمري فيها ...
    أتمنى لك التوفيق

    سامي منصور

    ReplyDelete
  16. كل سنة وانت طيبة
    ربنا يحققلك كل الي بتتمنيه
    وتكون 2008 احسن من 2007 وتحققي نجاح اكبر
    وربنا معاكي

    ReplyDelete
  17. اولا :- كل سنة وانتى أسعد أنسانة وربنا يوفقك و يسعدك كمان وكمان
    ويا رب تكون أيامك كلها خير وسعاده فرح على طول اللهم أمين

    أنا بتمنالك طبعا تبطلى عصير الضحك اللى بتشربيه على الصبح كل يوم ده =)) :P

    بتمنالك بجد أنك تكونى مصصمة ويب جـــــــــــــــــــــامدة جدا أن شاء الله وربنا يوفقك أن شاء الله

    بصراحة دى أول مرة أكتب فى البلوج بتاعك تقريبا , بس على فكرة أن بدخلة بأستمرار
    (*) ســـــلام (*)

    ReplyDelete
  18. Kol sana we enty tayeba ya noda we ya Rab tkoon el snadi a7san we a7la men el sana eli fatet b2ezn Allah...
    Elli batmnaholek b2a ya setti enek teb2i lel amam da2eman we t7a2a2i b2ezn Allah kol ahdafek le3'aiet mat7esy belreda b2ezn Allah bas sada2eeni sanf eli 3andoh hadaf da mabirdash a3ooz be Allah tma3 sada2eeni :P

    ReplyDelete
  19. هدية بسيطة معلش جت متأخرة شوية :)
    plz see that
    http://img112.imageshack.us/img112/3409/hondaqh5.jpg

    ReplyDelete
  20. http://img112.imageshack.us/img112/3409/hondaqh5.jpg

    http://img112.imageshack.us/img112/3409/hondaqh5.jpg

    http://img112.imageshack.us/img112/3409/hondaqh5.jpg

    معلش الليبن مش عاوز يظهر كامل و كمان عندى أمتحان بكرة أدعولى

    ReplyDelete
  21. كل سنة وانتى طيبة يا هوندا
    :)
    وماشاء الله عجبنى جدا الحاجات اللى انتى عملتيها فى 2007
    وربنا يوفقك دايما
    وكويس والله لقيت حد بيحب الويب زى ما انا بحبه ههههههههه
    ويارب تحققى كل اللى نفسك فيه فى السنه الجديده ان شاء الله

    ReplyDelete
  22. سلام عليييييييييكم مبدئيا كده متشكره جدن جدن لكل حد اتمنالى امنية وشاركنى السنة الجديدة بعيد ميلادى بجد ده افضل احتفال ليا ربنا مايحرمنى منكم كلكم
    نبدأ بقا نرد واحدة واحدة ههههههه

    Nano:
    حبى الاول والاخير هههههه انا بموت فيكى فعلا وانت من اجمل البنى ادمين الى عرفتهم السنة والى فخورة انى عرفتهم بجد ربنا مايحرمنى منك انتى اكتر واحدة كنت جمبى فى ازماتى كلها تقريبا وفخورة بجد ان عرفتك لانى استفدت منك كتيييييييير وانتى عارفه كده كويس
    ومتشكرة جدا ع الكلام التحفة ده الى اسعدنى بجد ربنا يكرمك
    :)

    ReplyDelete
  23. Rasha
    وعليكم السلام ورحمة الله وبركاته
    ازيك يارشا، كل سنة وانتى بخير متشكرة جدا ع زيارتك ليا منورانى والله هههههه البلوج ده حاجة لذيذه فعلا حاولى تعمليه وانا معاكى ان شاء الله لو احتاجتى اى خدعه هههههه والعالم كله بيحتفل بيا فعلا لانى مهمة مهمهة يعنى

    *********
    HaTiM SuM
    كل سنة وانت بخير ياحاتم متشكرة جدن ع الكلمتين دول انا عايزة اشكرك لانى استفدت منك كتيييييييير السنة الى فاتت دى ربنا يكرمك
    بس حتى لو مش هتعرف تقولى ياحجة هوندا هتقول مثلا ياحجة هنادى هههههه

    ReplyDelete
  24. hanood
    كل سنة وانتى بخير ياهنوووود وربنا يرزقك بالزوج الصالح احلى حاجة فى الحياة فعلا
    بالنسبة للهدايا فاطمنى محدش عبرنى بحاجة هههههههههه

    ********
    engineeringawy
    كل سنة وانتى بخير يامارو انا كمان مبسطوة انى عرفت شخصية لذيذه زيك ربنا يكرمك ويوفقك
    :)
    ويديم صداقتنا ان شاء الله

    ReplyDelete
  25. Anonymous
    ماشىى ماشى عرفتك ياريرى البخل ده مبيطلعش لا من عندك هعهعهعع
    كل سنة واحنا مع بعض ربنا يكرمك

    ********
    nareman
    كلاكيت تانى مرة
    كل سنة وانتى بخير ياكوكو
    اللهم امين ولك مثله

    ReplyDelete
  26. جمعه المصري
    كل سنة وانت بخير ياجمعه يابن مصر
    هههههههه
    ربنا يكرمك يارب

    *******
    Rehab Mostafa
    كل سنة وانتى بخير يارحاب ربنا يخليكى يارب
    وفعلا بحس بمتعه انى ببتدى سنتين جداد مع بعض
    ويارب يبعد عننا الاحباط والقرف

    ReplyDelete
  27. mimita senan
    ههههههههههههه وربنا فظيعه يابت
    وعليكم السلام ورحمة الله وبركاته أولا
    كل سنة وانتى بخير ديمن
    أحببك الذى أحببتنى فيه وانا كمان بحبك
    ثانيا متشكرة جدن ع الكلام الجامد ده أنا اول مرة اعرف انى شخصية مؤثرة بجد ده شىء مشرف ليا ربنا يكرمك
    وياستى اغبطى اغبطى براحتك ربنا يتقبل مننا بس
    وانا متغرتش طبعا بالعكس ده شىء يزيدنى تواضع لان ده مش منى من عند ربنا الحمدلله
    وانا نفسى فعلا ابقا داعية لدينى سواء بعملى او يمعاملتى ربنا يقدرنى ويقدرنا جميعن
    بس شكلى مش هتجوز خلاص وهقعد ع قلبكم
    ههههههههههههههه
    ربنا يكرمك يايويو ونتجمع كلنا
    على الحوض وندخل الجنة زمرة

    ReplyDelete
  28. مبرمج حر
    من أولها ضحك كده ههههههههه
    ربنا يكرمك ويحققلك كل امانيك
    (f)

    *******
    عـلا - من غـزة
    وحشتينىىىىىىىى منورانى والله ومبسوطة جدن
    ادعيلى بجد وربنا يكرمك انتى كمان ويوفقك انتى بجد قدوة ليا
    سلااااامات

    ReplyDelete
  29. Ma 3lina
    كل سنة وانتى بخير انا مبسوطة جدن انى بسمع الكلام ده منك :)
    ربنا يخليكى ليا ويوفقك ان شاء الله

    *********
    Sally
    كل سنة وانتى بخير ياسولو ربنا مايحرمك منى
    :)

    ReplyDelete

  30. سامي منصور
    كل عام وانت بخير
    والله الواحد بيتمنى انه ربنا يقدره ويكمل ديمن ويطلع لقدام امييين

    *********
    MostafaShehata
    كل سنة وانت بخيييير
    ويارب تحقق انت كمان كل الى بتتمناه فى 2008
    :)

    ReplyDelete
  31. Ahmed Baraka
    كل سنة وانت بخير يااحمد وربنا يكرمك ويوفقك فى الامتحانات ومتشكرررررة جدن جدن ع الهدية :)
    بس للاسف مش هقدر ابطل عصير الضحك لانه غذائى المفضل هههههههههههههه
    وربنا يقويك استحمل بقا
    وشرف ليا يافندم انك تتابع بلوجتى المتواضعه
    هعهعهعهع

    ReplyDelete
  32. كل سنة وانتي طيبة...وعقبال 100 سنة من العلم والعطاء

    وانشاء الله انجازاتك السنة الجاية تكون اكتر من كده 100 مرة كمان

    :DDD

    ReplyDelete
  33. كل سنة وانت طيبه والسنه الجايه انجازات اكبر واحلام تتحق

    ReplyDelete
  34. Marvel
    كل سنة وانت بخير
    وانجازاتك انت كمان تكون اكتر
    :)

    **********
    the others

    كل سنة وانتى بخير :)

    ReplyDelete
  35. كل سنة وأنتي طيبة أختى هوندا .. وما شاء الله عليكي أنجازات رائعة حققتيها في عام 2007. وبإذن الله تحققي كل اللي نفسك فيه في العام 2008.
    _______________
    وربنا يوفقك،

    ReplyDelete
  36. mms911
    متشكرة جدا ربنا يوفقك
    :)

    ReplyDelete

 
لـلـرغـى فـنــون - Blogger Templates, Wordpress Templates Free - by Templates para novo blogger HD TV Watch Entourage Online. Featured on Local Business Singapore