كلمتين فى الزور

يوم الامتحان يقزقز المرء لب أو يأكل الباتنجان

ده الشعار الى رفعته للامتحانات بتاعتى اليومين دول ،أصل عقبال امالتكم بدأت يوم السبت الكفاح وعذاب كل سنه

بس والله عادى يعنى ولا فى دماغى اتلاقا هههههههههههههه

كنت مقتنعه ديما ان بدايه حل أى مشكله انك تعرف انها مشكله أولا دى بدايه الخطوة الحقيقيه لحل المشكله الا وهى الادراك ،

لكن مع التعليم والكلية مينفعش افكر فى الاعتقاد ده ولا يبقا موجود الادراك ومشيها سطل ياباشا هعهعهع

ماهو لكل قاعده شواذ

وقاعدة حل المشكله الادراك انها مشكله الأول شواذها مشكله التعليم والكلية :D

من يوم ماعرفت ان التعليم عندنا خربان وانا دماغى اتقلبت ومبقتش مقتنعه بأى حاجة باخدها فى الكلية او الثانوى، بالمناسبة انا عرفت المعلومة الفزيييعه دى وانا فى 3 ثانوى كانت البدايه انى قرأت مقال فى مجله الشباب او تحقيق بيتكلم عن كده يومها قلت فى سرى ياريتنى ماشتريت المجله ولا كنت بقرأ مجلات هههههههههه ومن يومها وانا بقيت كل ماروح فى حتة الاقى كل الدنيا بتقول خربانه خربانه على رأى الاغنية الفزيعه الدنيا خربانه مع انى مش متفقه مع مؤلف الاغنية دى ان الدنيا كلها خربانه .

احم احم ماعلينا المهز

انا بقالى 4 سنين فى التعليم الجامعى لحد الان وكل سنة بكرة التعليم الجامعى اكتر واكتر وبتبقا أغبى ايام عندى ايام الامتحانات لانى بفضى دماغى تماما من اى حاجة وبحاول اوقف عقلى تماااااااما واستغبى من الاخر عشان اقدر أدش المواد ودى الفترة الرئيسية المسببه للاحباط عندى واكتر فترة فى السنة ببقا هايفه وفاضيه فيها واكتر فترة فى السنة بقع فى حاجات غررررررررريبة لانى ببقا قاعده فى البيت بس فاضية وبستغبى ثم استغبى واستغبى وسمعنى أحلى سلام للبحار الغبى بطل فلاش .

بس من مدة كده قرأت رساله ع الميل عن عبادة الاحتساب انك عشان تثاب على اى عمل بتعمله فى دنيتك لازم تنوى الأول بعدة نوايا كان منها انك لو بتروح الكلية بتروح الكلية ليه؟؟؟؟؟؟؟؟؟؟؟

اهو شهادة وخلاص يبقا نوايك =0

تقضية واجب وتضييع وقت يبقا نواياك=0

وبكده يافالح كل تعبك طول السنة وشحططتك ومواصلاتك ومرمطت الدكاترة والمعيدين ليك مخدتش عليها أى ثواب ويبقا احنا كده ضيعنا بالميت لو انت فالح وقعدت 4 سنين مثلا فى الهوا مخدتش اى حسنة عليهم لانك كنت مقضيها كده وخلاث .

انما اما تنوى مثلا نية طلب علم او انك تكون مسلم ناجح فى دراسته او انك ترضى أهلك أو انك تكون ملتزم وناجح عشان تغير الصورة المرتبطة بالملتزمين او ان دى عبادة لربنا لان ده عملك دلوقت او او او

ربنا يجازيك على كل حاجة وكل دقيقه قضيتها فى طلب العلم .

انا كنت بحاول اقنع نفسى بده بس نظرتى للعلم الى باخده شايفه انه مش علم خالص بس ادينى بحاول اقنع نفسى وقلت المهم اعمل الى عليا احاول اذاكر بما يرضى الله ومشكلتهم هما بقا ربنا يحاسبهم هما ،

يعنى مينفعش ابقا ناجحه فى جوانب تانية فى حياتى وفاشله فى الدراسه وكمان أهلى مذنبهمش حاجة واهو الواحد يحاول يقضى السنتين دول بالطول والعرض عشان يخلص ويبقا جامعى وبدعى ربنا فعلا كل يوم وكل صلاة انى ييسرلهالى ويوفقنى لانى بجد بقرررف اوى وانا بذاكر المواد واسوء شعور انك تكون فى امتحان ومش عارف إجابه

والاسوء انك تكون انسان كنت جايب فى ثانوى تسعينات وتدخل كلية بتاخد من تمنينات وتطلع بمواد كمان مع ان المواد هابله بس لأنك مش عارف تدش


ماعلينا ربنا يقدرنا ويوفقنا ويساعدنا ويسهلها علينا وحاول تنو ياجماعه واستعينو بالله كده وسيبكم من اى حاجة سلبيه وربنا هيعوضنا خير ان شاء الله المهم ناخد بالاسباب مع الدعاء منبقاش بندعى ومبنتحركش .

وحط الاية دى قدامك

يقول الله تعالى: "قل إن صلاتي ونسكي ومحياي ومماتي لله رب العالمين"

صدق الله العظيم

كلمتين كانو واقفين فى زورى وطلعو

ادعولى بقا بالتوفيق

سلام عليكم

*.*HoNdA*.*

15 comments:

  1. هوندا
    --------
    ازيك يا قمرة
    يا رب تنجحي و بتقدير عالي
    يا رب
    ساعة لما كنا صغنتتين في اولي ابتدائي كنا نقول
    لا مذاكرة بعد اليوم لعب الكرة اهم و اهم
    تحياتي

    ReplyDelete
  2. يااااااااااه , ايه الكبت الامتحاناتى الجاااامد دة .. فكرتينى بنفسى أيام الكلية ههههههههه .. بس أنا الموضوع كان بيقلب معايا بالعكس , ماكنش يحلى ليا القراءة , والاختراعات , والافتكاسات , والخروجات إلا أيام الامتحانات .. أيام الامتحانات كان ليها أسماء تانية عندى .. أيام الجدال .. أيام المحاورات .. أيام الاختراعات .. أيام الدمغنة (جاية من الدماغ يعنى) , وقراءة كتب الرقمنة (عشان القافية بس) هههههههههههههه

    ربنا يوفقك , ويعينك يا هوندا .. ومعلهش هى فترة الامتحانات بتبقى بلااااااااء (لا تتشاءمى) .. شدى حيااااااالك جااااااااااااااامد بس وربنا هيوفقك وتخصلى من كالبوووش التعليم المصرى العتيد

    ReplyDelete
  3. ربنا يوفقك أختي هوندا وتجيبي أعلى تقدير وتطلعي من الأوائل على الدفعة بإذن الله تعالى.

    ReplyDelete

  4. عروس البحر
    ربنا يخليكى عجبنى الشعار ده هههههه بس ع فكرة انا قبل كده كنت بحب المذاكرة بس الظروف والجوابات بقا

    ReplyDelete
  5. مبرمج حر
    ههههههههههههههههههههههههههه ايه الابداع الالفاظى ده كبت امتحاناتى ودمغنة ورقمنه وكالبوش لا منور يابوص منور يعنى هههههههه والله ياأخى الواحد من كتر شدت الحيل اتقطع سيب حيلى فى حاله بقا ههههههههه
    ربنا يكرمك ويوفقك

    ReplyDelete
  6. mms911
    ربنا يوفقك قلنا ماشى وتجيبى أعلى تقدير مفيش مشكلة انما اطلع من الاوائل دى اهاااااااااانه لا تقبل هههههههههههههه
    ولك مثله ع اى حال

    ReplyDelete
  7. ربنا يوفقك في الامتحانات يا رب
    خالص تحياتي

    ReplyDelete
  8. ربنا يخلصك من الامتحانات دي على خير
    انتي عارفه :) فتره الامتحانات دي بالنسبه لي كانت أحلى 4 فترات في السنه
    علشان الفتره اللي كنت بذاكر فيها وبحس بقيمة نفسي .. هو بصراحه السنه أصلاً كلها كانت امتحانات ومشاريع وعملي وحاجه كده مفرمه من الأخر بس بجد كنت بحب أوي كده أصلي من الناس اللي تحب تبهدل نفسها :)
    ربنا معاكي بجد :)

    ReplyDelete
  9. هههههههه

    ربنا يكرمك

    دى أول زيارة منى لمدونتك الظريفة دى

    بس عجبنى بعد كل الرغى ده


    قصدى الكلام الظريف ده

    ههههههههههه


    انك طلعتى بفكرة ممتازة

    و هو موضوع عبادة الاحتساب

    فكل عمل فى الدنيا ممكن ناخد عليه ثواب

    فقط لازم تكون لينا نيو من كل عمل عادى

    الصحابة قالو

    بالنيات تقلب العادات الى عبادات


    جزاكم الله خيرا

    على الفكرة الممتازة



    د.حمـــــاس

    ReplyDelete
  10. موجة
    متشكرة اوى ربنا يوفقك انت كمان :)

    **********
    Rehab Mostafa
    هههههههههه حلوة من الناس الى بتحب تبهدل نفسها دى بصى يابنتى انا قبل كده كنت بحب الامتحانات بس من يوم مادخلت الكلية كرهت كل حاجة فيها

    ReplyDelete
  11. DR.HAMAS
    وجزاكم مثله :)
    متشكرة ع الكلام الظريف ده أولا
    ثانيا عبادة الاحتساب بجد عبادة جميلة جدااااااا وبتحلى معنى الحياة وبتهون مشاقها لانك هتجازى ع اى حاجة مقابل النية
    ربنا يكرمنا جميعا ويقدرنا اننا نعمل بيها ديما

    ReplyDelete
  12. هنوووودة
    ازيك يا بنتى واحشانى جدا
    معلش انقطعت فترة عن النت لظروف قهرية
    ربنا يوفقك في الامتحانات يا رب و تحققى كل اللى نفسك تعمليه و ينفع بيكي الامة
    ايوة كده لازم ناخد نيه لكل شئ بنعمله ...فكرتينى بأيام الكلية لما كانت تصعب علية مادة كنت بحاول أجدد النية منها

    و يا رب التعليم يتعدل بقى علشان الناس البلد دي يتصلح حالها
    و الله انتى بتتكلمى عن مشكلة كل الطلبة
    كتير منهم فعلا عايز يذاكر و ينجح لكن النظام عشوائي

    تحياتي ليكى يا قمر
    و بالتوفيق

    ReplyDelete
  13. بالتوفيق والتفوق انشاءالله

    معلش كلنا لها...انتم السابقون ونحن اللاحقون

    :DDD

    ReplyDelete
  14. Gooooooood luck :))

    يا رب ان شاء الله تقدير عالى السنة دى و تطمنينى عليكى بعد الامتحان ان شاء الله

    ReplyDelete
  15. الحلم العربى

    وانتى كمان وحشانى جدنيارب يااوختشى يتعدل عشان يرحمنا من قرفه ههههه

    ******
    Marvel

    ميغسى ميغسى ربنا يطمنك ههههههه

    *******
    Ma 3lina

    انا مش طماعه انجح بس ههههه

    ReplyDelete

 
لـلـرغـى فـنــون - Blogger Templates, Wordpress Templates Free - by Templates para novo blogger HD TV Watch Entourage Online. Featured on Local Business Singapore