بعشقققققققققك يامصر

انهادرة بجد كان يوم جميل اوى صحيت الصبح انزل الجامعه لقيت توك توك معدى ورابط رأسه بعلم مصر قعدت اضحك( تحسه توك توك مصدع ورابط رأسه ) بس منظر لوذيذ، بعدين نزلت المنصورة لقيت المحلات كلها ولعه احمر عشان عيد الفلايتين المحلات حمره كلها والهدايا فى الشارع مش جديده، الجديد ان نصف المحلات معلقه علم مصر مع اللون الاحمر قعدت اضحك بردو ،صحبتشى قالتلى تلاقيهم معلقين العلم عشان فيه حته حمره هههههههههه

المهم كان منظر حلو وانا مروحه بردو لقيت موتسيكلات وعربيات عليها العلم وناس راسمه ع وشها والاطفال ده حتى متشردين العيله عمر ومريم ومحمد ودول مشروع اطفال متشرد كانو راسمين ع وشهم علم مصر ده ايه الصحوة الوطنية دى ياولاد بلدى شىء جميييييييييييييل

روحت البيت لقيت احمد اخويا ع السطح جايب ورق والوان مايه بتاعت ولاء اختشى وقاعد يرسم علم مصر ويلون هههههههههه وقالى اصلى هعلقهم فى العجله بالمناسبه الكلام ده كان الساعه 5 من وقتها والساعه 12 اهو مشفتوش ههههههههههههه

دخلت البيت لقيت ولاء اختشى ضارباها ولابسه الترننج بتاعها كله احمر وخطوط بيضه قششششطه

المهم الماتش بدأ وانا ملييش فى الكورة احب اعرف النتايج ولااجوان ومن جاباها بس ولانى كل مااقعد مفيش جون بييجى فالمرة دى قعدت ولقيت الاجوان بتطير قلت يابت حرام الشعب ممكن يجيله سكته قلبيه لو الفريق مافزش لقدر الله قومى قومى نامى وابقى اصحى ع الاجوان دخلت نمت وصحيت الساعه 9 وضميرى بيانبنى انى نمت والناس كلها اعصابها مشدوده هههههههههه صحيت ع صوت الطبل والمزامير قلت يبقا المراد حصل الحمدلله كنت خايفه ع الشعب والله لاقدر الله ميكسبش المنتخب

الحمدلله الدنيا هنا مولعه وفى القاهرة مولعه وفى محافظات مصر كلها مولعه

انا مليييييييييييييييش فى الكورة بس حابه جو النصر اوى رقم واحد وحابه ان مصر كلها فرحانه ودى حاجة تخفف شوية عنهم وتهز روح الوطنيه فى الناس ويفتكرو انهم بيحبو مصر

فعلا الواحد ميعرفش قيمة بلده غير من متش كورة او حرب لقدر الله هههههه

ليووووووووم واحد مشيت والمصريين كلهم بيحبو مصر من غير مااسمع واحد بيشتم فى وفى وفى

وانا بدورى من هذا البلوج سبوت اعلنها باعلى صوت وارفع رأسى لفوق (ع رأى الست نانسى)بموووووووووووووووت فيكى وبعشقك يامصر سواء بمتش او من غير بحبك بحبك بحبك مش عارف قد ايه (قلبت محمد منير)

مبروك لكل عشاق الكورة وياريت فعلا نشوف اد ايه هما بيخططو وبيشتغلو بضمير وده الى بينجهم ياريت فعلا نكون زى لاعيبه الكورة فى حياتنا

ولو انى قعدت افكر هل فى حاجة غير ماتش الكورة ممكن تجمع مصر كلها كده ويبقو ع نار؟؟؟؟؟؟ مش عارفه


*.*HoNdA*.*

11 comments:

  1. مبـروك لمصـر وللشعب العربي كلـه ومن نصـر الي نصر يا رب في جميـع المجالات

    ReplyDelete
  2. الله يبارك فيك ويارب فعلا فى كل المجالات

    ReplyDelete
  3. مبرووووووووووووووك يا مصر

    مش عارفه أنا كمان .... بس أكيد فيه حاجه تجمعنا غير كده :)

    ReplyDelete
  4. ازيك يا هوندا
    مبروك لمصر اخيرا لقينا حاجه تفرحنا تصدقي انا نمت زيك برده ...ايه التاج ده ده قنابل عنقودية مش تاج عايز تفجريني لا خليهولك والله مانت قايله لأ

    ReplyDelete
  5. تحيا مصر
    و مبروك علينا الكأس
    و بجد الى شوفته فى الشوارع شئ يفرح و يشرح القلب
    الناس دى كلها بتعشق مصر
    تحياتى

    ReplyDelete
  6. مبروووووووووك لمصر

    و دايما فرحانين كدا ان شاء الله

    ReplyDelete
  7. الف مليون مبروك لمصر الحبيبه
    الخبر اسعدنا جميعا
    ربنا يسعدنا بفك حصار اخوانا في غزه وفتح المعبر ليهم...بل بعودة اقصانا الحبيب
    دى هتبقى السعاده اللى بجد
    ربنا يفرح الجميع
    جزيتى خيرا
    اختك/حطم القيود

    ReplyDelete
  8. بجد كان ماتش هايل فاتك نص عمرك علشان مشفتيهوش

    ReplyDelete
  9. the others
    الحمدلله بخير ازيك انتى؟
    خلاص يابنتى الهدية لاترد هههههه عييييب

    ********
    شريف طلال
    فعلا دى اكتر حاجة عجبتنى ان الناس دى كلها بتحب مصر

    ReplyDelete
  10. Ma 3lina
    يارب ديما كده فرحانين ع طوووول

    *******
    حطم القيود
    امين يارب هتكون فرحة لينا كلنا

    ********
    themighty_fci
    اكيد طبعا كان هايل بس كده او كده انا مبفهمش فى الكورة هههههههه

    ReplyDelete

 
لـلـرغـى فـنــون - Blogger Templates, Wordpress Templates Free - by Templates para novo blogger HD TV Watch Entourage Online. Featured on Local Business Singapore