تهنئه لابد منها :)

مقدمة لابد منها

فى 26 ابريل السنة الى فاتت كان اخر يوم فى اسكوب 6 لفريق الكات فى كليه هندسه وكان اول سكوب احضره لللفريق كنت لسه مبقتش فيه ، كنت قاعده دخلت بت حليوه كده القاعه وكانت فى محاضرة شغاله لأحمد سليمان الى كنت اول مرة احضرله بردو، المهم لفتت نظرى البت الحليوه مش عارفه ليه بس اتشدتلها يعنى اصل انا بحب البنات قوى ههههههههه اوم ايه بقا ، جت قعدت جمبى قلت ياهنايا ياسعدى هكلمها يعنى هكلمها اتعرفت عليها وكده قالتلى انها خريجة هندسه وبتاخد منحة وزارة الاتصالات ولقيت معاها كتب برمجة فعجبتنى جدا لانى بحب البنات اووى الى مهتمين بمجال الكمبيوتر بس اتكلمنا قليل جدا لان المحاضرة كانت شغاله وبعد ماخلصت كانت راحت تسلم ع اصحابها وزمايلها ، سلمت عليها واخدت ميلها ع اساس نتكلم بعدين عرفت بعدها انها خطيبة أحمد سليمان !!

ضفتها وبقيت اكلمها ع النت وواحدة واحدة العلاقة بدأت تقوى وفضلت اكلمها ع النت حوالى 3 او 4 شهور كانت العلاقة بتقوى تدريجى لحد ماطلبت منها تقابلنى لانى كنت محتاجة اسالها فى حاجات وبصراحه متأخرتش عنى وقابلتها وكنت مبسوطة اوووى لانها كانت ديما بتقولى الى بكون محتاجاه وطبعا ده قربنى اكتر واكتر منها.

فضلت العلاقة ممتدة ع النت وبعد ماهى خلصت المنحة واستريحت وريحتنى معاها كنت تحس ان انت الى فى المنحة هههههه بقيت اقابلها اكتر من الاول فى الكلية كنت كل يوم اربع اصحى من بدرى عشان اقعد معاها ساعه نصف قبل ماتدخل المحاضرة كانو احلى ساعه ونصف فى لاسبوع ومكنتش بشبع منها خالص .

يوم 31 يناير بقا كان فرح البت الحليوه انا مرحتش الفرح لانه كان فى القاهرة ولا عرفت اروحلها الحنة عشان هيا من المحلة وزى مانتوعرفين مبنخرجوووش خارج الحدود المنصورية.

اعترافات لابد منها

بس فعلا فعلا سعادتى لاتوصف لحد الان حاسه ان أنا الى اتجوزت فعلا ومبسوطالها جدا لاسباب كتيرة منها انى اكتر من بحبها ومنها انها اتجوزت أحمد سليمان وهما الاتنين ماشاء الله لاقوة الا بالله يستاهلو بعض فعلا الطيبون للطيبات،منها انى اول مرة احس بعمق مشاعرى من نحيتها كأنها اختى او كأنها الوجه الاخر ليا.

يمكن علاقتى بأحمد خفيفه جدا بس بحترمه جدا جدا وفخورة إنى أعرفه وعمرى مهنساله مساندته ليا هو وسينار فى موقف حصلى وكنت محتاجة احس بس ان حد معايا،

سينار بالذات وقفت معايا فى مواقف كتيييييييييير بأمانه، كانت من الحاجة الجميله الى حصلتلى فى 2007 إنى عرفتها وفخورة جدا بمعرفتها،

ربنا يباركلكم فى بعض ويجمع بينكم فى الخير ديما

مع إنى رغايه اووى الا انى فى مواقف كتيرة زى دى مبعرفش اعبر خالص من كتر الفرحة الى جوايا بس مقدرش اقولك غير

بحبك اووووووووووووووى ياسينار ومتشكرة لكل لحظة جميلة قضتها معاكى وفرحنالك اووووووووووى

وربنا يقويكى ع الغسيل والطبيخ والذى منه


*.*HoNdA*.*

17 comments:

  1. الف مبروك لاحمـد مع اني معرفوش صراحه لكـن معجب
    بعلمـه الغزير ما شاء الله , بجـد فخـر لكل عربي ان في ولد عربي كدا في مستواه
    بـارك الله فيــه وباذن الله تعالي زواج مبارك
    وبالذريـه الصالحه
    شكرا هوندا

    ReplyDelete
  2. احساس جميل جدا والله فرحتيني ليهم بفرحتك دي وكله فرحان علشان الفرح مكنش فرح من غير ان نكون فرحانين

    فيا رب نفرح كلنا وكل فرح وانتم طيبين

    حد فاهم حاجة ؟؟!!؟
    :D

    عقبالنا جميعا :)

    ReplyDelete
  3. جميل جدا اسم سينار
    وبصراحة العريس ده صعبان عليا
    ايه الصورة اللى كلها غفر دى وفى كده خير اللهم اجعله خير شعاع نور فى النص
    ماتسيبوا الراجل مع مراته يا جدعان
    جزاكم الله كل خير وبارك الله لهما وعليها وجمع بينهما فى خير
    السلام عليكم

    ReplyDelete
  4. Oohh..
    da keteer 3alaia awyyy ya honda :)
    thank u sooo much 4 this very sweet words, begad mosh mota5ayela howa happy i'm 2 read them.

    i'm so lucky begad to meet and know you, u can't imagine how much u affected me, and how much i admire u and ur nice, calm and active personality.
    I'm proud to be ur friend, and u r more than a friend 2 me, u r a real sister,
    we zay mabet2oli ana kont ganbek fanti bardo daiman konti ma3aya, wana kaman haftaked awyyy eny ashofek kol yom arba3 fel koleya.

    thank u sweet honda
    we 3o2bal mafra7 bekii ya raabb, we isa a7dar el fara7 :P

    ReplyDelete
  5. يعني اتجوزت
    يا خسارة
    هههههههههههه
    بوست رائع جدا

    خالص تحياتي
    احمد
    على فكرة من المنصورة برضه

    ReplyDelete
  6. سلام عليكم
    اول مره ازور المدونه يطلع فيها فرح دا فال ايه الحلو ده

    طيب الف مليون مبروك لاحمد وحرمه
    وعقبال كل اللي لسه مستنين
    من العوانس والعانسين

    وسلام عليكم

    اتمنى ان نتواصل دائما
    الشاعر بن هلال

    ReplyDelete
  7. ربنا يكتر أفراحك
    واحشاني يا قمر
    قلت أسلم

    ReplyDelete
  8. اجمل حاجة في البوست الصداقة بين اتنين
    والصورة دي جميلة اووي
    ربنا يوفقكم

    ReplyDelete
  9. الف مبرووك و عقبالك يا اللى في بالى هههههههههههه
    جمييل سم سينار ولو انى مش عارفة معناه
    و الأجملهو انك تحبي حد في الله لدرجة انك تفرحي لفرحه زي ماتكونى انتى اللى في مكانه
    ربنا يكثر اللى بيحبوي في اللهو اللى انا واحدة منهم

    و عقبال ما اكتب كلمتين حلوين زي دول في فرحك يا جميل

    ReplyDelete
  10. عقبالنا كلنااااااااااااااا

    ReplyDelete
  11. الف مبروك لاحمد وسينار اللى حبيناهم من خلال كلامك عليهم
    وعقبالك يا قمر

    ReplyDelete
  12. ربنا يتمم لهم بخير
    .
    .
    ألف ألف مبروووك
    .
    .
    لولولولولولووييييييييييي

    ReplyDelete
  13. مبروك ليهم و ربنا يسعدهم
    و يوفقك و إيانا :)

    دى أول زيارة لمدونتك

    ReplyDelete
  14. يا سلااااام
    احب انا قوى الصداقات اللى بتجيى بطريقة غريبة دى وتستمر وتكون مصدر سعادة للانسان

    ربنا يديم صداقتك انتى وسينار
    والف الف الف مبروك ليها وربنا يسعدها فى حياتها
    وعقبالك يا سكرة

    بالحق .. يعنى ايه سينار؟؟

    تحياتى
    شيماء بشرى

    ReplyDelete
  15. ربنا يقويها يارب

    ويوفقهم ف حياتهم

    وعؤبالك ان شاء الله

    ReplyDelete
  16. متشكرة ياجماعه ع احتفالكم معايا بسينار :)) نجاملكم فى كل فرح ان شاء الله

    ReplyDelete

 
لـلـرغـى فـنــون - Blogger Templates, Wordpress Templates Free - by Templates para novo blogger HD TV Watch Entourage Online. Featured on Local Business Singapore