My seesion @Cat scope8


يوم الأربع الى فات كان اخر يوم فى الاسكوب كان فيه السيشن بتاعتى الى كان عنوانها

presentation skills

مش عارفه اتكلم عنها ازاى هو انا قعدت احضرلها بتاع اسبوعين من تجميع مادة علميه وصور وتجهيز البريزنتيشن وتدريب وكده و الحمدلله الناس كانت مبسوطة اجمالا واتقالى كلام جامد اوى ,بس بصراحة انا مكنتش راضيه عن تقديمى خالص الهدف الى كنت حطاه للاسف محققتوش خصوصا ان اللاب توب فصل ف الاخر والوقت خلص وده خلانى اتقفلت بعد السيشن طول اليوم مافكتش خالص غير فى الاخر اما اتكرمت من الكات اتبسطت اوى لانى مكنتش عارفه ان فى تكريم

كنت اتمنى احقق افضل من كده بس الحمدلله دى اول مرة ليا اقدم فى الاسكوب اول مرة اعمل سيشن قدام ناس كتييييييييييرة اوى كده اول مرة امسك مايك اى نعم عملت بريزنتيشنز قبل كده بس قدام عدد قليل

المهم

التقييم الى وصلى من الناس الى حضرت فى حوالى 75 ورقه جتلى منها ورقتين قطعتهم لان كلام سلبى جدا

والباقى كلام جميل جدا ورائع بصراحة ادخل السعاده عليا برغم الاخطاء الكتير الى عملتها

14 ورقة عجبونى جدا متقسمين لجزئين مميزات وعيوب

بالنسبة لى التقييم ده شىء مهم جدا جدا وبحاول اعمله كل مرة اقدم فيها بريزنتيشن حتى لو عدد قليل

لان نظرة الناس الى قاعده غير نظرتك طبعا لنفسك،اتبسطت من ايجابيه العدد الى كتبلى تقييم لانى طلبت منهم يقيمونى

تانى يوم قررت اجيب ورقه واكتب التعليقات الى تفيدنى فعلا واكتب الحاجات الى ضيقتنى انى عملتها او لا واحطها قدامى عشان استفيد منها بعد كده

ولقيتهم 13 نقطه

1- الصوت عالى اوى فكان المفروض ابعد المايك شوية خصوصا ان طبقه صوتى عاليه

2-لما كان حد بيسأل الناس الى كانت قاعده مكنتش بتسمع فكان المفترض انى اديله المايك او اعيد السؤال انا للناس

3- للاسف استعملت كلمة غلط جدا وعجبنى النقد الى اتكتبلى فيه

Good words work better

4- فى نقط اتكلمت فى شرحها كتير

5- احاول تجنب بعض الالفاظ زى الدنيا مظبطه وميه ميه :D

6-انى احاول ابص فى الساعه كل مدة عشان اشوف لسه لى اد ايه

7-احاول اكون ريلكس ومرنه شوية فى طريقه العرض

8- الخص البريزنتيشن فى ورقتين كده ويتوزعو ع الناس

9- اتعود ع الدوشة شوية عشان اعرف اشتغل وهيا موجودة

اجمل الحاجات الى اتكتبتلى واتبسطت منها فعلا وحبيت اسجلها فى البلوج عشان لو احبطت فى مرة اقراهم دول كام واحد لكن فى حاجات كتييير حلوة مينفعش احطهم كلهم :

"كويسه والله مش نفاق رغم إن انا بنت بس عمرى ماقتنعت بشرح البنات ولكن انتى غيرتى فكرتى شكرا بجد".

"أحببتك فى الله وعجزت عن وصفك بكلمات لديك قدرة كبيرة على جذب الانتباه وثقتك فى نفسك عاليه أسعدتينا وأفدتينا ربنا يكرمك ويوفقك" حاسوبتين

"عايزة أقلك انى بستنى السيشن م اول الاسكوب ومكنتش اعرف انك الى هتقدميها بس متخيلتش سعادتى بجد لمجرد معرفتى ان بنت هيا الى هتقدمها وكانت مفاجأة بصراحة!!

انتى ادتنيى دفعه معنويه جامدة لانى هقدم بريزنتيشن قريب"

"جزاكى الله خيرا على ماقدمتيه لنا وثبتك على حجابك الجميل وثقتك فى نفسك "أسعدتنى او الدعوه دى

funny & that's very good it makes nice atmosphere.Feeling comfortabel it makes me feel u r my (just ur self) .Nice voice . Smilling always :)

Good apperane that's is what I really felt”.

"you are funny,lazeza awy wallahy :D,attractive, learned me many things I don't know before AND I'll follow it in my life isa .thanx for ur wonderful presentation “.

" u r soo cute & funny really ana 2stafadt gdn shar7k gameel gdn and u have self-confidence 3ally 2wy .Sooooo cooooool thanx so much you are great one

اغرب تعليق جالى قشطه عليكى بس اقلعى الاسدال عشان بكرهه ههههههههه انا مالى يعنى حضرتك بتحبه ولا ثم ايه دخل الاسدال فى البريزنتيشن وعجبى

إرضاء الناس مهمه مستحيله

كنت محضرة البريزنتيشن بالانجليزى بس اتكلمت بالعربى لان الموضوع مش محتاج انى اتكلم بالانجليزى مش كمبيوتر يعنى وكنت بحاول اقول البديل بتاع الكلمه الانجليزى الى تيجى فى دماغى فالناس افتكرونى مبعرفش انجليزى وكله نصحنى انى اطور اللغه بتاعتى هههههههههه بس انا الى بحب اتكلم عربى لان دى لغتنا وعشان كل الناس تفهم وفى حد كتبلى كده شكرا انك اتكلمتى بلغه الاغلبيه

كمان فى ناس كتير قالولى كنتى طبيعيه ومش متكلفه وفى حد كتبلى حاولى تكونى فورمل بردو المكان الى انا فيه مش مستدعى وكمان انا احب اكون ع طبيعتى وانا بتكلم عشان ميكنش فى حاجز بينى وبين الى قاعدين خصوصا انهم طالبه يعنى احنا واحد ....هكذا أنا

ناس كتير اتبسطو انى كنت بهزر وناس قالولى خليكى جد :) بس ده اسلوبى بردو عشان الناس متملش وده يمكن الى بسط الناس

يمكن محققتش كل الى عايزاه يومها بس اكتر حاجة الحمدلله حصلت انى قدرت اوصل فكرة التغيير والشجاعه انك تتكلم قدام الناس وده من التعليقات الى جتلى خصوصا البنات الحمدلله كتير قالى نفسى ابقا ازيك مع انى مش حاجة بس اتبسطت انهم عايزين يتغيرو وخلاص الحمدلله ان النقطة دى وصلتلهم


*.*HoNdA*.*

25 comments:

  1. مبروك علي العرض يا هوندا ,وان شاء الله في تقدم مستمر .
    بس معندكيش ملف فيديو للبريسنتاشن عشـان عايز اشـوفه؟
    شكرا جـزيلا لك

    ReplyDelete
  2. مبروك البريزنتيشن بس مافيش داعى تقطعى الورق الى كلامه سلبى خليه ومتقرهوش ولكا تنجى ابقى افتحيه واتعجى ان فى حمير بتعرف تكتب

    كمان مش كل شخص مفهمش لغتك يبقى انتى الى مش فهمه

    على العموم الف مبروك
    تحياتى

    ReplyDelete
  3. مبروووووووووك
    انا مش عارفة انتى ليه بتتكلمى بالنبرة دي مع انى حاسة ان مجرد انك عملتى حاجة زي دي يبقى انتى عملتى انجاز كبير
    كتير اوي من الناس مش بيعرف يتكلم قدام ناس كتير و يشرح و يوصل كل اللى هو عايزه للناس لكن انتى عملتيها وواضح انك عملتيها بنجاح كمان و إلا ما كانتش جاتلك كل التعليقات الجميلة دي
    و معنى اختلاف الناس عليكي ده اكثر ايجابيه ليكي و معناه انك اثرتى فيهم مش عديتى كده و خلاص
    انا مبسوطة بيكي اوي يا هنوده و نفسي اشوف فيديو السيشن
    بصى قدامك و حاولى تتفادي العيوب اللى انتى طلعتيها و على فكرة على طول هتفضلى تتطلعي لنفسك عيوب لأننا بشر و مهما كانت تجاربنا كبيرة بردو بنغلط لكن ده ما يخليناش نحبط بالعكس
    ربنا يوفقك و يحميكي و يثبتك
    سلام يا أجمل هنود

    ReplyDelete
  4. يا خسارة مش بعرف ازغرط :D

    الف الف مبروك على الخطوة الجريئة دي يا هوندا

    وطبعا رضاء الناس كلها مهمة مستحيلة بس من التعليقات ومن الى قولتيه ومن انك اول مرة تتكلمي امام ناس كتير كده يبقي تمام قوي قوي وربنا يزيدك

    مستنيين الفيديو :P

    ReplyDelete
  5. مبروك يايشمهندسه علي البريزنتيشن
    وعلي فكره انتى كلامك بيوصل بسرعه لينا فمابالك لما يكون face 2 face
    ربنا يكرمك يابشمهندسه
    حاسباتي

    ReplyDelete
  6. مبروك ياقمرايه

    انا كمان لما بعمل برزنتشنات دايما بقع ف الخطاين دول

    1- الصوت عالى اوى فكان المفروض ابعد المايك شوية خصوصا ان طبقه صوتى عاليه

    والتانى كل حاجه روش ..
    ومره قدام رئيس القسم
    قولت ها كل المعلومات هرشتوها ولا ف حاجه ف الجانب المظلم


    ههههههههههههههههههههههه

    بس اهو الواحد بيتعلم م خطأه يوم بعد يوم

    وبالتوفيق دايما

    ReplyDelete
  7. أولا أشكرك عالبلوج الظريف ده أنا بعد اذنك طبعا هضطر أدخله تاني لأن اسلوبك جميل جدا وكمان تشجيعا لأبناء جامعتي أي المنصورة وتشجيعا لكل اللي في سني..الحقيقه أنا قرأت أكتر من بوست وقلت أعلق هنا وأحب أقول ان ارضاء الناس كلهم حاجه مستحيله لأن حتي رسولنا الكريم ماقدرش يعمل ده وهي دي سنة الحياة لكن لازم نجتهد برضه وأنا شايف انك اجتهدتي علي قد ما تقدري وبما انك كتبتي رغايين سبوت فكان لازم أرغي شويه كتير سلااااااااااام

    ReplyDelete
  8. ربنا يوفقك يا هونداويثبتك ويزيدك من العلم كمان وكمان وتحققي كل اللي بتتمنيه

    موضوع الوقوف ادام الناس والشرح ده حاجة فعلا مش سهلة ويحسش بيها الا اللي جربها ودي للأسف مشكلة كبيرة عندنا لأن في ناس كتير اوي جامدين في حاجات كتير بس ييجو لحد المواجهة مع الناس ويقفوا

    ع العموم الحمد لله ان الدنيا كانت متظبطة معاكي وكلو مية مية
    ههههههه

    حتى لو مكانش مية مية اوي يعني
    مش مشكلة على اساس ان دي اول مرة
    والجاي يكون افضل بإذن الله

    انا كمان فرحان جداا بحجابك
    وربنا يكتر من امثالك

    ReplyDelete
  9. مبروووك

    فرحت بيكى جدا و يا ريت تحطى البريزنتيش نتفرج عليها :))

    ReplyDelete
  10. ماخرج من اللسان لم يتعدي الازان وما خرج من القلب نفذ الي القلب
    ما اقصده هو انه كلما زادت قناعتنا بما نقوله كان لنا القدره علي التاثير به علي الاخرين
    اتمني لكي التوفيق والاستمرار بهذه الحماسه وان يتقبل الله منك صالح الاعمال

    ReplyDelete
  11. ya benty konty zai el3asal :wink:
    we mayhmkesh mn ay 7d 7'ales w tabe3y en beyeb2a fe a7'ta2 :)
    congratulation :D

    ReplyDelete
  12. انا م صراحو محضرتش السيشن بس والله غصب عنى لأن الدكتور كان قابض علينا ومش راضي يخلص المحاضرة لانها كانت اخر محاضرة علشان نتفرغ لمشروع التخرج بس دخلت في اخر خمس دقائق وشفت انبهار الناس بحبيبة قبلي هنوووودتى
    بسم الله ما شاء الله بجد كنت حاسة في عيون الناس ان اللي كان واقف حاجة كده زي مصطفى حسنى عمرو خالد &معز مسعود الناس الجامده دي
    ولمى كنت واقفه معاها جالها يمكن 100 شخص يعبرلها عن اعجابه باسلوبها وطريقتها في التقديم
    ساعتها كت بضرب نفسي بالشوووز علشان محضرتش وطنشت المحاضرة كان هايحصل ايه يعنى يا خساااااارة بجد يا الف خسارة بس بجد الى الأمام يا هنادي
    منى

    ReplyDelete
  13. قشطه عليكى اثبتى بالاسدال لانه ماشاء الله تحففففففففففة

    ديه اول كلمة حبييت اقولهالك

    ثانيا قددددددام كل اصحابك وكل اللى بيحبوكى انا بعتذر انى مجتتش الا فى اخر ديقيقة بس انا حكتلك الظروف يا ريت تكونى تقبلتيها ومتشلش فى نفساوياتك:D

    ثالثا وديه اهم حاجة انا كنت سامعة الصوت من بره وانا داخلة كنتى ما شااء الله واثقة من نففسك وثابتة ولما دخلت شوفت ما شااء الله فراشة زاهية كلها انطلالاق وثبات فى الخطوات وعيونها صقر عارفة هدفها..... من الاخر كده كنتى تحفة ببجد ويا بنتى بجد ربنا يكون فى عونك وسط الزحمة دييه انا لو منك كنت زماانى زعقت فيهم وقاعدتهم زى القطط لكنانتى كنتى اسسسسسسسد

    يلالا اسسد مستنين منك الافضل دايما
    وكفاية كده علشان لنا لما بتفتح مش بقفلل

    ReplyDelete
  14. Good Luck
    and keep working hard to reach what you want

    and don't let your 2esdal it's good

    ReplyDelete
  15. Dear Sweety HONDA
    hondetttyyy :D
    i'm soooooooooooooooooo proud of u,
    le akter mn sabab wallahi..
    1- mn awel ma3reft enek hat2ademy el presentation wana etbasat awy en wa7da mn el hackers haterfa3 rasna
    2- le2any shoft be 3eny ta3abek we esrarek wenty bet7adary el presentation 3shan teb2a THE BEST
    3- ana 7adart el presentation we shoft 2ad eh enti konti begad HAAYLLAA WE MOMTAZA
    gayez fe3lan kan feh ba3d el comments le showayet 7agat, bas da tab3an tabe3y as it was ur first time, wana mota2akeda en kol marra gaya isa hatkon a7san we a7san
    4- ana shoft redood af3al nas 3ala ur presentation (a3rafhom personal ba3edan 3an el evaluation elli galek) we shoft ta2serek 3alehom begad we da 5alani more happy and proud of u

    7aga mohemma ba2a,,,
    I'M SOOOOOOOO SORRY 3ala el mawkef beta3 el laptop, wallahi mabe2edy ana kanet 3eny 3aleeh
    bas el 7amdolelah enaha kanet fel a5er we enti konti wasalti resaltek

    BRAVOO HONDA, we ya rab daiman a7san.
    urs, NANO

    ReplyDelete
  16. Mutati0N
    الله يبارك فيك والله فى بس كبير عموما هحاول كده متشكرة جدا :)

    ******
    momken
    ههههههه فكرة بردو الله يبارك فيك

    ******
    الحلم العربي
    متشكرة جدا يايويو انا بس كنت حاطه تارجت معين فلما معملتوش اضايقت بس الحمدلله طبعا انا لما شفت الفيديو اكتشفت انى مكنتش سيئه اوى وان شاء الله المرة الجايه افضل

    ReplyDelete
  17. Hawy PHP

    هههههههه ولا انا بعرف ازغرط الحمدلله
    ان شاء الله هحاول

    ********
    themighty_fci
    الله يبارك فيك متشكرة جدا ربنا يكرمك :)

    ********
    د/اجدع بنوته
    ههههههههههههههههههههههههههههههههه وربنا جامدة هرشين ايه بتكلمى جربه ههههههههه

    ReplyDelete
  18. العبـد لله

    اهلا بيك طبعا وفعلا ارضاء الناس مهمه مستحيله وصح المهم الاجتهاد

    ********
    آلام وآمال
    الحمدلله ان الدنيا كانت مظبطه هههههههه
    الله يكرمك :)

    ********
    Ma 3lina

    الله يخليكى يامرام وان شاء الله هحاول :)

    ReplyDelete
  19. مش عارفه محدش بيكتب اسمه ليه :D
    عموما انا هرقمهم

    Anonymous1:
    تقبل الله منا ومنكم انا عجبتنى جدا الجمله دى
    ما اقصده هو انه كلما زادت قناعتنا بما نقوله كان لنا القدره علي التاثير به علي الاخرين
    جزاكم الله خيرا :)

    ********
    Anonymous2:
    اعتقد انك مروة :)
    شكرا يامارو ع الكلمتين دول كفايه عشان بتحرج عقبالك ههههههه

    ********
    Anonymous

    متشكرة جدا جدا يامنمن ع مساندتك ليا بس انا لسه موصلتش لدرجة دى هههههههه ربنا يخليكى ليا فعلا وان شاء الله تتعوض :)

    ReplyDelete
  20. Anonymous
    ههههههههه ايه يايمنى انا عمرى مكنت اسود من جوه خالص
    افتحى افتحى ولا يهمك ربنا يخليكى بجد انتو مظبطنى اوى هههههههه الحمدلله ع كل حال وان شاء الله تتعوض

    *********
    GOM3A
    ثنكث جمعه ربنا يوفقك ويكرمك ;)

    *********
    NaNo_BaBy

    حبى الكبير ههههههه
    انا متشكرة جدا جدا جدا ع مساندتك ليا طول الاسكوب والتجهيز والعرض بجد ربنا يخليكى ليا وانا مش مضايقه من اللاب توب خالص ده خييير انتى ملكيش ذنب كتر خيرك بجد ع الى عملتيه معايا وده شىء يشرفنى فعلا انك تكونى فخورة بيا زى مانا فخورة انى اعرفك متشكرة جدا ياسينار
    اووممممه

    ReplyDelete
  21. كم اسعدني ان اجد فتاه في حماسك وافكارك التي قلما تجدها عند كثير من الشباب ما بال بالاولاد
    ادعو الله لك بالثبات والتقدم باستمرار

    ReplyDelete
  22. انا كده زهعلت اكتر انى ماحضرتش
    المرة الجاية بقي
    ربنا يوفقك كنمان وكمان

    ReplyDelete
  23. Anonymous

    جزاكم الله خيرا :)
    وثبتنا وإياكم

    *************
    yasmine
    معلش خير تتعوض ان شاء الله :))

    ربنا يوفقك انتى كمان وكمان

    ReplyDelete
  24. wade7 en ana fatny keteer, bas wallahi ana kont nawy a7dar..bas ana seme3t feedback gamed mn el nas w masha2 Allah el nas me2ata3a el blog aho :), keep it up Hanady :)

    ReplyDelete
  25. BinGoRabbit

    الله يكرمك يابنجو متشكرة جدا :)
    وان شاء الله تتعوض الحمدلله ع كل حال
    ثم ايه الناس مقطعه البلوج دى انت داخل تقر ولا تحسد بالظبط ههههههههههههههه

    ReplyDelete

 
لـلـرغـى فـنــون - Blogger Templates, Wordpress Templates Free - by Templates para novo blogger HD TV Watch Entourage Online. Featured on Local Business Singapore