من كام وانا قرأت خبر على موقع العربيه ان فى ضابط شرطى سابق عامل كتاب اسمه "عشان متنضربش على قفاك" وان تم مصادرة الكتاب بعد بيع 50 الف نسخه منه!!!
نزلت الشرطه بتاعه المصنفات الفنيه ولمت الكتب النسخه التالته منه وهددت صاحب اى مكتبه انه يبيع الكتاب ده تانى
كل ده وأنا بقرأ الخبر عادى جدا انا طبعا الى شدنى العنوان ولما لقيت مصادرة قلت يمكن بيتكلم عن التعذيب ووووو
بس المفجأة بقا فى نهايه الخبر مكتوب ان المقدم عمر عفيفى الكاتب بيقلك ايه بقا ان الكتاب بيتكلم عن حقوق المواطنين
يعنى مثلا لوواحد قابلك فى الشارع وقالك طلع بطاقتك تعمل ايه؟؟؟
لو حد جالك البيت وقالك هندخل نفتش البيت؟؟
لو حد طلب من بنتك انها تقلع هدومها عشان يفتشها؟؟
بصراحة اانا اتفجئت لسبب انى عمرى مافكرت فى حاجة زى دى وعمر ماسمعت حد بيتكلم عن حقوق المواطن وشدتنى الفكرة وفعلا قررت انى هدور ع الكتاب لان احنا لازم نعرف حقوقنا وكمان على لسان الكاتب بيقول ان اغلب الى بيحصل من الشرطة نتيجه جهل المواطنين لحقوقهم
انا سمعت انهردة انه صدر حكم من القضاء بعدم مصادرة الكتاب بس لسه هتأكد وهحاول انى اوصله بأى شكل وياريت لو حد لقاه ع النت يقولى او حتى فى دار نشر ونحاول ننشره بينا وبين الناس عشان الناس تعرف حقوقها
ده الخبر ع جريدة المصرى اليوم
فى مجله الشباب شهر مارس عملو كمين خدعه اتنين صحفيين لبسو بدل ونزلو فى وسط البلد ويوقفو اى واحد ماشى ويقولوله طلع البطاقه وبيحكو عن كل حد وقفوه منهم موظفين وخريجين حقوق!!!ومفيش حد فيهم فتح بقه وقاله ورينى انت بطاقتك غير واحد ولما الصحفى نشف صوته شوية الراجل خاف وطلع البطاقه طبعا انا قعدت اضحك ع السيناريو الى كانو بيعملوه مع الناس وفى نفس الوقت زعلت اننا للدرجة دى سلبيين وبنتاخد ع قفانا!!!!!!!!!اى حد يقلك بطاقتك قوله ورينى بطاقتك انت قالك انت مش عارف انا مين قوله لا والله ومتخفش طالما انت ماشى فى حالك معملتش حاجة ولا كلنا بنبقا ع رأسنا بطحه وخايفين ههههه
مرة وانا داخله الكليه الكحيانه بتاعنا لقيت شاب واقف بيقولى الكارنيه فاستغربت جدا لانه مش امن ومكنش لابس ده حتى وانا حافظه شكل جدو بتاع الامن المهم مردتش عليه قالى الكارنيه بصلته بصه ومشيت ولا عبرته المهم هو مصمم فصحابى كان واقفين جوه ولما شفوه بينده وكده قالوله دى معانا المهم انا قلتهم ايه ده هو امن؟؟ وكانت المفأجاه اه اصل جابو عناصر امن جديدة للكليه هههههههه يمكن الى خلانى معبروش ان قبلها بيوم كنا بندخل عادى وبعدين وقفو واحده قالولها الكارنيه فبتقولهم اشمعنا انا قالولها اصلك حلوه هههههههه فانا ظنيت خير بصراحه وافتكرته بيشتغلنى الحمدلله جت سليمه وطلع المحاضرة قال للدكتور ياريت تعرفهم ان فى عناصر امن جديدة فى الكليه ههههههه اكيد م البصه الى بصتهالوه هههههههههه
تحديث:الراجل هرب ههههههههه شوفو ده
ده جروب باسم الكتاب ع الفيس بوك
لينكات لتحميل الكتاب:
1
2
شكرا لأحمد عماره ومبرمج حر
*.*HoNdA*.*
April 12, 2008 8:27 AM
فعلا وانا كمان قريت نفس الخبر في العربية ، وده شئ طبيعي ان الكتاب يتسحب ،، عالعموم في احصائية اتعملت بتقول ان القفا المصري اطول قفا عى مستوى العالم ... هههه لا تعليق اعتقد الكل عارف ليه
شكرا على التدوينه الجميله :)
April 12, 2008 8:27 AM
اول تعليق هيييييييه
انا بقي نفسي حد يقولي وريني بطاقتك
دايما بحاول امشي في الشارع ان ظابط يوقفني يقولي وريني بطاقتك يااد
مفيش خالص
من ساعه لما طلعتها وانا فراحان بيها
April 12, 2008 8:28 AM
مطلعتش اول تعليق مع ان مكانش في تعليقات خالص
يالا مش مهم تاني تعليق
April 12, 2008 8:42 AM
EncrYpted
ههههههههههههه اول مرة اعرف الاحصائيه دى بجد ويمكن ده سبب تخلفنا اصل الضرب ع قفا بيجيب تخلف هههههههه
**********
gehad_fci
هههههههههه معلش ياجهاد تتعوض ان شاء الله انا بردو اول ماطلعتها كنت فرحانه بيها جدا بس مبستعملهاش كتير يعنى خليها معاك بكرة تحتاجها كتييييييييييييير
April 12, 2008 10:49 AM
eh, 3andek shakk enek 7elwa :D
ana 2areet el 5abar da fe3lan fe gornal el "Dostoor" we bardo etfage2t geddan.
ana 3omry mafakart as2al 7ad law wa2afny marra 3shan ay 7aga mn de, as2alo enta meen aw atlob ashof beta2to masalan!!
barra, el police man lama yegi yekalem el wa7ed aw 7aaga mn de awel 7aga ye3melha eno yewareeh his (police) id
e7na e3lan, me7tageen na5od balna geddan mn el mawdoo3 da, we 3ala fekra, ana law beta3 el 2amn da kan wa2afny kont 3ady tala3telo el karneeh :D
asl ana kaman tool 3omry mn yom matala3t el beta2a wel ro5sa nefsy 7ad yemsekny ta7arry we yes2alny 3alehom masalan..
rabena youstorha ma3ana isa...
;)
April 12, 2008 1:28 PM
تدوينه جامده كالعاده ,
ويا ريت لو لقيتي نسخه منوا بردوا علي النت تقوليلي , عشان نشوف حقوقنـا الي ضايعه في كل حتـه ,
شكرا ليكي
April 12, 2008 3:03 PM
السلام عليكم ورحمة الله وبركاته
ايوه سمعت عن الكتاب ده وعن المصادراتاللي حصلت لنسخ منه
الدستور الاسبوعي بتاع 2 ابريل كانت منزله منه كام فصل بس بصراحه تحفه اخر حاجه
ربنا يعترك في نسخه منه ان شاء الله
سلام
April 13, 2008 12:20 AM
دي وصيه علشان
الضرب علي القفا فيه الشفا
وصيه خروف لولده
ولدي.. إليك وصيتي عهد الجدود
الخوف مذهبنا نخاف بلا حدود
نرتاح للإذلال في كنف القيود
ونعاف أن نحيا كما تحيا الأسود
كن دائمًا بين الخراف مع الجميع
طأطئ وسِر في درب ذلتك الوضيع
أطِع الذئاب.. يعيش منا من يطيع
إياك يا ولدي مفارقة القطيع
لا ترفع الأصوات في وجه الطغاه
لا تحكِ يا ولدي ولو كمُّوا الشفاه
لا تحكِ حتى لو مشوا فوق الجباه
لا تحك يا ولدي فذا قدر الشياه
لا تستمع ولدي لقول الطائشين
القائلين بأنهم أسد العرين
الثائرين على قيود الظالمين
دعهم بني ولا تكن في الهالكين
نحن الخراف فلا تشتِّتْك الظنون
نحيا وهم حياتنا ملء البطون
دع عزة الأحرار دع ذاك الجنون
إن الخراف نعيمها ذل وهون
ولدي.. إذ ما داس إخوتك الذئاب
فاهرب بنفسك وانج من ظفر وناب
وإذا سمعت الشتم منهم والسباب
فاصبر فإن الصبر أجر وثواب
إن أنت أتقنت الهروب من النزال
تحيا خروفًا سالمًا في كل حال
تحيا سليمًا من سؤال واعتقال
من غضبة السلطان من قيل وقال
كن بالحكيم ولا تكن الأحمق
نافق بنيَّ مع الورى وتملَّق
وإذا جررت إلى احتفال صفّق
وإذا رأيت الناس تنهِّق فانهق
انظر ترى الخرفان تحيا في هناء
لا ذلَّ يؤذيها ولا عيش الإماء
تمشي ويعلو كلما مشت الثغاء
تمشي ويحدوها إلى الذبح الحذاء
ما العز؟ ما هذا الكلام الأجوف
من قال إن الذل أمر مقرف
إن الخروف يعيش لا يتأفف
ما دام يُسقَى في الحياة ويُعلَف
April 15, 2008 1:26 AM
السلام عليكم ورحمه الله وبركاته ،،
غريب أوى اسم الكتاب بجد انتى شدتينى انى أقرأه هحاول أبحث عنه إن شاء الله ،،
بس تصدقى انتى فكرتينى بالأمن بتوع الجامعه تعالى بس جربى كده ادخلى من بوابه كليه طب والله تضحكى عليهم تلاقى واحده فيهم عماله تقول بصوت عالى (الكرنيهات يا بنات الكرنيهات يا ولاد) ولسه يا دوبك تيجى تطلعى الكرنيه تلاقيها بتقللك (متطلعيش حاجه متطلعيش حاجه أنا بقول كده وخلاص ) يعنى قصدها بتنده بصوت عالى علشان الأمن الى حواليها يحسوا انها بتقوم بوظيفتها بإتقان
لا حول ولا قوه الا بالله ،،
كله لنا لأنى كتير بصراحه بنسى الكرنيه وحتى لو معايه بكسل أطلعه ،،
ربنا يهدينا جميعا
هحاول أبحث معاكى على الكتاب إن شاء الله
السلام عليكم ورحمه الله وبركاته
April 15, 2008 3:55 PM
الظاهر ان احنا محتاجين اكتر من كتاب
واحد ازاي متتنشلش فلوس بلدك
وواحد ازاي ميغرقش ولدك
وواحد ازاي متكلش لحم يسم بدنك
وواحد وواحد........... اه يابلد
اللي يشوف الاحكام العسكريه للاخوان واحكام البراءه لصاحب شركةاكياس الدم الفاسد في نفس اليوم وقبلها احالة صاحب العباره المنكوبه لمحكمة الجنح يكاد اما ينفجر او يتشل ولا حول ولاقوة الا بالله
http://www.youtube.com/watch?v=xPCoh6rQ_40
http://www.youtube.com/watch?v=BuYmlXPsiuk
April 15, 2008 11:48 PM
http://www.4shared.com/account/file/44188641/8819137/___.html
ده رابط الكتاب علشان متنضربش علي قفاك
April 16, 2008 7:42 AM
سبحان الله ...دا مش عايزينا نعرف حقوقنا كمان ...مش عايزين يفتحوا عين الشعب على حاجات غلط وعيب ...ولو مجلات أو شرايط أو حتى اسطوانات خليعة وإباحيه يسيبوها
April 16, 2008 10:36 AM
هروب الضابط المصري مؤلف "عشان ما تنضربش على قفاك" لأمريكا
http://www.alarabiya.net/articles/2008/04/16/48397.html
الجري نص الجدعنه..........ده كان زمان الان هو كل الجدعنه
April 16, 2008 11:39 AM
السلام عليكم
لن اقول إلا حسبنا الله ونعم الوكيل فى كل من شارك فى هذا الظلم
"وقالوا ربنا إنا أطعنا سادتنا وكبرائنا فأضلونا السبيلا.ربنا أتهم ضعفين من العذاب والعنهم لعنا كبيرا".
April 17, 2008 9:09 AM
ازيك يا هوندا ...
بقالي كتير ممرتش عليكي و ولكن و الله انا بقيت مشغول قوي و مش بمر علي حد زي زمان
....
المهم انا عايز الفت نظرك ان الكتاب موجود و بيتباع عادي ...
تلاقي المصنفات لمت شويه بس مش كلهم.. ...
April 18, 2008 6:19 AM
هههههههههههههههههه
هوندا ياجميله
انا قريت عن الكتاب ف الدستور
كانوا منزليين كزا حلقه منه
الصراحه كتاب تحفه اسئله واجوبه هايل
بس اللى يحزن بجد
ليه سحبوا الكتاب
هما عايزين الناس تفضل مغمضه وتاخد ع قفاها ولا ايه
سؤال يطرح نفسه
April 19, 2008 4:37 PM
Nano_Baby
لا طبعا انا قمر قمر قمر هههههه يابنتى بره حاجة وجوه حاجة تانيه خاااااااااالص ههههههه وانتى لو نفسك يعنى تطلعى الرخصه والبطاقه سيبهالى دى اما اشوفك فكرينى بس وانا اظبطك
**********
Mutati0N
ثنكث :)انا حطيت نسخه فى التدوينة ابقا شوفها
********
خمسة فضفضة
وعليكم السلام ورحمة الله وبركاته
ربنا استجاب لدعواكى واتعترنا فى النسخه هههههه
April 19, 2008 4:52 PM
Ahmed Emara
لا حول ولا قوة الا بالله ليه بس كده هههههههه قفانا ورم وربنا متشكرة ع الكتاب جدا بجد
********
الطبيبه الأديبه
وعليكم السلام ورحمة الله وبركاته
ازيك ياسلمى عامله ايه؟هو بردو شدنى اسمه الاول الحمدلله اننا وصلنا لنسخه حاولى تنزليه وع فكرة كل الامن بيعمل زى الى عندكم بالظبط متتضايقيش ههههههه
***********
Ahmedmasar
لاحول ولا قوة الا بالله ربنا ع الظالم ادينا بنحاول واحدة واحدة المهم اننا نتمسك بحقوقنا ونفضل نحارب عنها وان كان هو هرب وان كان فى رايى انه مش هروب بيدافع عن نفسه بدل مايتقتل كل يوم مخبرين وبوليس حاجة رعب يعنى ربنا معاه
April 19, 2008 4:59 PM
Human
واحنا المفروض منديلهمش الفرصه لده ونحاول نبحث عن حقوقنا
*********
عمر المصرى
حسبنا الله ونعم الوكيل
**********
Ahmed Essawy said...
ازيك يااحمد والله منورنا ربنا فى عونك ويوفقك ديما والله بسطتنى ان الكتاب لسه موجود وانا ملاحظه ان اليومين دول اتعمله دعايا جامدة اكيد هيكون فى اقبال اكتر عليه
April 19, 2008 5:08 PM
د/اجدع بنوته
لا اكدي عارفن ان الشعب جاهل ومبيقارش ههههههه ايه يابنتى انتى مش من مصر ولا ايه