بلوجى العزيز


فى مثل هذا اليوم تم (تدشين)ههههههه هذا البلوجو على بلوجرو

انهردة البلوج بتاعى كمل سنة يختى بيضه وصغننه عقبال ماتحبى ياعثل وتبدأى تمشى هههههه

وطبعا فى مثل تلك اللحظة لابد وان اقوم او اجلس مش هتفرق ههههه بتوجيه سيل شكر وعرفان ومحمد ابوابنه احم احم، نرجع تانى

مقدرش احتفل بهذا العيد من غير مشكر طبعا الى عملتلى البلوج وزقتنى ع انى اكون مدونة بضم الدال أاختى وصحبتشى وحبيبتتشى طمطم

مكنش فى دماغى اصلا اعمل مدونة لانى مكنتش مقتنعه انى بعرف اكتب حاجة اصلا!ومكنش ليا فى جو المدونات بس طمطم عملت بتاعتها والكلام ده كان فى شهر واحد ٢٠٠٧ لحد ماجتلى فكرة انى اعمل واحدة تجمعنا انا وطمطم و لانى انسانة نشيطه فكنت بكسل اعمل المدونة وقلت لطمطم ابقى اعمليها فين وفين من شهر لواحد لحدددددددددد شهر ٤ حنت عليا وعملتها وكان اسمها الأول أنا وهوندا بعدين كتبتها طمطم وهوندا وف الاخر استقريت على رغايين.سبوت

:)

اكتر حد شجعنى كانت طمطم دى اكتر واحدة ، انا لحد دلوقتى مقابلتش طمطم لاننا اتعرفنا من ع منتدى فكنت اوقات بكتب مواضيع فيه وهيا كانت بتشوفهها

هيا مكتبتش غير كام بوست نظرا لنشغالها لانها طالبه معماريه مهمه هههههههه بس انا حابه وجودها معايا حتى لو ضيف شرف من غير ماتعمل حاجة بحبك فى الله ياطمطم

المدونة بالنسبة لى

الى خلانى أحس انى عايزة اكتب فى مدونة ان وقتها حصل معايا مواقف خنقتنى وخلتنى اخدها زى تحدى عشان اثبت للنفسى وللناس انى بعرف اكتب وعندى قدرات دفينه وخليهم بنارهم كده انهم قلبونى وزحلقونى وجمعو بعضيهم عشان يكتبو ونفضولى

المدونة دلوقت اجمل ركن من أركان حياتى وجزء كبير من سعادتى يمكن لأنى اتفأجئت من حاجات كتير عمرى ماكنت اتخيل انى اقدر اعملها ،انا قدرتى ع التعبير زادت يمكن انا بكتب البوست بلغتى زى منا باتكلم بالظبط مبحبش اتفزلك ولا دياولو لانى مش كاتبه بالمعنى المفترض انا يادوب بحاول اعبر عن نفسى وأفكارى وبحاول ان المدونة دى تبقا فى ميزان حسناتى ودى كانت نيتى منها بحاول بقدر الإمكان ان يكون تفكيرى إيجابى والتعامل مع مواقف كتير بطرق إيجابيه بمعنى انى بحاول بددل ماقول هما وهما وووو ااحاول افكر أناممكن اعمل ايه؟ يمكن لإنى مقتنعه ان اى وضع غلط موجود بسببنا احنا وان التغيير بيبدأ من الداخل ومننا احنا

إن الله لا يغير مابقوم حتى يغيرو مابأنفسهم”

المدونة زودتلى الثقه فى نفسى جدا لما بدأ اصحابى وزمايلى يدخلوها كنت بتبسط اوى من رد فعلهم لحد الان و اكتر تعبير اتقالى من العيال اصحابى اول ماعملت المدونة ووريتهالهم كلمة واحدة

مسخررررررررررررررة هههههههه بس كنت بتبسط انا مكنتش بصدق بجد ان المدونة عجبت حد او ان اسلوبى بيعجب حد ومازلت بتفاجأ لما ناس تقولى كده خصوصا لما يكون ناس جامدين بالنسبة لى :) كمان كان وقت ماعملتها ايام امتحانات فكانو بيقولى بترفه عننا بردو كنت بتبسط انا كنت بعمل بوست قبل مانزل الامتحان هههههههههههه

ويمكن لان اول بوستات كتبتها كانت مرحة حبه زى

أنا جربه !!!!!!!!!,أربع صابونات وبومبة خيييييير ,حاجة لله ياابلة

كان جو التعليقات جميل فعلا

من الحاجات الجميله ان جالى ميلات من ناس بتشكرنى ع البلوج قمة سعادتى وديما تيجى فى اوقات بكون محتاجه فيها كلمة تشجيع

مكنتش اعرف ان بيدخلى ناس كتير لانى كنت بقيسها م التعليقات وانا التعليقات عندى معقوله بس اكتشفت ان فى ناس كتير بتتدخل ومتخفيه

كنت بتفأج جدا اما الاقى ناس بتدخل البلوج وحصلتلى كتير لدرجة انى قلت يابت لازم تلمى الدور وتختشى كده ههههههههههههه ،بعيد عنكم انا شكلى عاقل طحن تحسونى بت عاقله وجامدة كده ومعقدة حبه والنضارة بتعمل شغل بردو فكل الى يقرأ البلوج يقولى شكلك مش زى كلامك

ويوم مااحتفلت بعيد ميلادى ع البلوج كنت سعيدة جدا م الجو خصوصا ان اغلب اصحابى علقولى

المدونة بتخفف عنى ضغط كتير لانى بخرج اى مشاعرليا فيها كمان لأنى أغلب الوقت بكون لوحدى فبحس ان المدونة صحبتى والناس الى بتدخل تكلمنى بيخففو عنى وحدتى سواء وحدة فكريه او اجتماعيه

استفدت جدا م تجربه التدوين بشكل بشع كمعلومات طبعا ومن خبرات الاخرين وكمان اغلب المدونات التقننيه الى بتابعها استفدت منها كتييير سواء أجانب أو عرب ده غير انى عرفت ناس كويسين جدا

انا مبسوطة كده بالبلوج بشكله المتواضع وامكانياتى المتواضعه والناس الى بتدخلى والناس الى بتساندنى وتعلقلى يارب اقدر اعبر عن افكارى بشكل أفضل واقدر افيد اكتر واكتر

جميل اوى ان يكون عندك مدونة

شكرا ياطمطم وشكرا لكل حد قالى كلمة حلوة عن المدونة

:)


وزززى مابيقول هانى شكرا فى حفلاته بحبكم بحبكم هههههههههههههههه
*
*.*
هوندا
*.*.*.*
*.*.*.*.*

29 comments:

  1. و احنا بنحبك أكتر
    كل سنة و انتى طيبةو بلوجتك أجمل يوم عن يوم
    انتى شخصية جميلة و أحسن حاجة فيكي انك عارفة بتعملى ايه و بتعمليه
    خليكي زي ما انتى بسيطة و واثقة من نفسك
    انتى عارفة ان انتى من اكتر الناس اللى فرحانة انى اتعرفت عليهم من عالم البلوجات
    يا رب نفضل على طول أصحاب
    بحبك في الله

    ReplyDelete
  2. كل سنه والمدونه طيبه يا هنادى وعقبال يارب ماتكبر اكتر واكتر وتبقى عروسه كده يارب
    انا مبسوطه انى برد عليكى اول واحده وده كمان اول رد ليا على مدونتك ربنا يخليهالك يارب وترفحى بيها يابت
    ابداى جهزيها من دلوقتى بكره العرسان يبقى طوابير
    للمدونه ها؟
    رغم انى طريقه كلامك تخنق شويه بس طول عمرك دمك خفيف يابت وكل اللى عرفك مش يقدر ينساكى ابدا
    بالتوفيق ان شاء الله
    وهحاول ادخل عليها اكتر من كده
    ربنا يكرمك يا هنادى دايما
    انا كمان بحبك فى الله وكانت معرفه خير
    ياااااااااااااه فاكره اول مره اتقابلنا
    دا انتى لخبطى معايا لخبطه
    يلا مش مشكله خلينى طيبه وانسى
    ههههههههههههههه
    اختك الكبيره
    دينا محجوب

    ReplyDelete
  3. ويلا حالم بالم حيوا أبو الفصاد
    هيكون عيد ميلاده الليلة أجمل الأعياد
    فليحيا أبو الفصاد

    كل سنه وانتي طيبه يا هوندا

    ويارب عقبال ما يبقى عمر المدونه 1000 سنه وانتي عمرك بقى يبقى 1020 وتبقو التنين عجايز

    وبما انو عيد ميلاد المدونه اللي هيه بنتك اللمدلله اللي ممنوع تاكل تورت علشان ملهاش سنان ولسه صغيره
    جبتلك تورته لييكي بقى
    http://www.breadandrosesbakery.com/admins/photos/200605262230270.choctruffletort.jpg

    اجمل حاجه فيكي يا هوندا بجد انك عارفه عايزه ايه بالزبط وبتسعي لتحقيقو
    ربنا يوفقك يا قمر
    ويارب كل سنه وانتي بالف خير
    غفراااااااااااااااان

    ReplyDelete
  4. السلام عليكم ورحمة الله وبركاته

    كل سنة وانت والمدوه طيبين يا هوندا يا هانووووووووووووووووده يا هنادي

    وعقبال ما نيجي نهنيكي والمدونه كبيره كده ومتخرجه من الجامعه

    ReplyDelete
  5. 3azezaty Honda :D
    ana 2abl ma3rafek aslan, da5alt 3al blog beta3ek, lama seme3t ahmed bei2olli eno gamed, wen u've a very special style.
    2alli eno byed5ol 3ala ur blog kol yom as if he's checking his mail :D

    wana lama 2a3adt 2a2ra ur first posts, kont bad7ak awyy
    we fe3lan makontesh mesada2a en feh 7ad byekteb with this nice way, very funny, very honest and very 3ASSAL

    we lama 2abeltek, face 2 face, i knew it ;)
    and now, i check ur blog as if i'm checking my mail :D
    rabena ye5aleko le ba3d ya rab, we ye5aleki lena ya honda ya gameela

    we 3o2bal 100000 sana ya rab wenti daiman ra3'aya

    ReplyDelete
  6. كل عام والمدونه شاده حيلها كدا علي طول بالمواضيع الجميله اللي بتحطيها
    انا فعلا استفدت منك حاجات كتير اوي
    وفعلا ربنا يوفقك في دراستك ومتغيبيش كتيير
    سلامي

    ReplyDelete
  7. عقبال مليون سنه يا هنادي :)
    وربنا يوفقك دايما ان شاء الله
    احترامي،،

    ReplyDelete
  8. ألف الف الف مليون مبروك لمدونتك
    لكن فعلا شئ جميل ان يكون عندك مدونة
    لكن الاجمل ان تجد وقتا للتدوين

    ReplyDelete
  9. عيد ميلاد سعيد مش ليكى طبعا لكن للبلوكل وكل سنه وانتى طيبه دى بقى ليكى



    تحيــــــاتى
    المصـــــــــــرى

    ReplyDelete
  10. هانى شكرا :-؟
    هو مش اسمه هاني شاكر برضه ولا شكراً دي حاجه لوحدها :-?
    ياهوندا باشا كل سنه والمدونه طيبه ... والله انتي من الناس اللذيذه أوي اللي عرفتها من البلوج

    واسلوبك بيعجبني أوي
    بس شكلي كده هزعل واضرب وكده علشان بطلتي تيجي عندي

    وبعدين في حد يعمل عيد ميلاد لمدونه زي دي جامده كده من غير تورته ؟؟؟؟؟؟ أنا ماليش دعوه أنا عايزه تورته

    ReplyDelete
  11. هابى بيرث داى يارغايين سبوووت

    وعؤبال 10 سنين كده

    وعؤبال السايت الخاص باذن الله

    ReplyDelete
  12. وانا اقول سامع ضرب نار هنا وهناك وزغاريط وشايف شربات رايح وشربات جاي

    كل سنة والمدونة بخير ان شاء الله

    ربنا يوفقك ويزيدك ويحققلك كل الى تتمنيه يا هوندا يا بنت ام هوندا

    ربنا يخليه احمد مبرمج حر الى عن طريق بلوج روله عرفت مدونتك ومن يوم ما عرفتها وانا متابعها علطول ومبفوتش بوست الا لما اقراه

    ربنا يكرمك

    ReplyDelete
  13. ازيك يا هوندا على فكرة انا قعدت فتره الاول اقرا البوستات بتاعتك قبل ما اعلق عندك معرفش ليه بصراحه
    المهم ان فعلا التدوين بيخلي الواحد عنده ثقه في النفس يممكن بتيجي من المشاركه
    لما تشاركي بافكارك واحداث يومك مع الناس وتخرجي كل اللي مضايقك ده بيخليكى تحسي انك اتخلصتى منها ويا سلام لو تلاقي حد يقراها ويهتم انه حتى يكتب كلمه او اتنين يرد بيهم عليكي صدقينى حتى لو كانت الكلمات معارضه لفكرك ده شئ هيسعدك حدا
    المهم اييه الكلام اللي اكبر منى ده
    انا مش بتاعة الشعارات دى يا بنتى انا شخصيه ضعيفه كيك كيك صراحه هههههههه

    كل سنة ومدونتك الحلوة دى طيبة وانتى كمان

    ReplyDelete
  14. عقبال مايبقي عنده 25 سنه ونفرح بيه
    ياتري كمان 25 سنه هيكون شكل البلوج ايه؟؟؟؟؟؟؟؟؟؟؟؟؟؟
    الله اعلم بس الاكيد ان الواحد هيلاقي ثروه من التجارب والخبرات التي لا تقدر بثمن هذا بجانب الزكريات بحلوها ""اكثر الله منها"" او بمرها"" عافانا الله """
    واصبح بدلا من ان نقول:::

    مشيناها خطى كتبت علينا ... ومن كتبت عليه خطى مشاها
    نقول::
    مشيناها خطي دونة علينا...ومن دونة عليه خطي مشاها

    ReplyDelete
  15. والله مانسيتها يا هوندا وعارفة اني وعدتك يوم الاربع حنزل بوست فيها
    بس انا يوم التلات الجهاز بايظ ولسة راجع النهاردة
    _______________________________
    كل سنة والبلوج بالف خير
    وانا بجد كل مابدخل هنا بنبسط اوي اني قدرت احط انسانة جميلة زيك في طريق المدونات
    ولسة فاكرة كويس اوي وانتي بتقوليلي يا طمطم اعمليه لينا احنا الاتنين عشان يبقى حاجة كبيرة

    النهاردة انا عارفة انك تقومي 100 بلوج لوحدك


    حخلص الهم ده اكيد وارجع اكتب يا هوندتي .ان شاء الله في بلوجي حتى:)

    كل سنة والبلوج بخير كل سنة وانتي بالف خير

    ReplyDelete
  16. كل سنة وانتي والمدونة بخير يا هوندا
    :)

    ReplyDelete
  17. كل سنة والبلوج طيبة يا سكر

    مدونة جميلة بجد

    ربنا يوفقك يا جميل

    ReplyDelete
  18. كل سنه وانتى وبلوجك طيبين
    وعقبال ميت سنه

    ReplyDelete
  19. كل سنه والمدونه بخير

    فين التورته بقى ؟؟

    تحياتي

    ReplyDelete
  20. الحلم العربي

    وانتى بخير يايويو متشكرة جدا وانتى م الناس الجميله اىل عرفتها م التدوين وأحببك الذى أحببتنى فيه :))

    *********
    دينا محجوب

    وانتى بخير يادوندن انا مبفهمش غلط زى ناس ها بس طريقه كلامى تخنق ازاى ههههههه يابنتى قلبك اسود والله انا مش فاكرة اننا اتخانقنا قبل كده اسو اسود بس بحبك فى الله :)

    **********
    غفراااااااااان

    متشكرة جدا ياحوبى التورته روعه جوعتينى ربنا يسامحك هههههه ربنا يوفقك ياحبيبتى

    ReplyDelete
  21. خمسة فضفضة

    وعليكم السلام ورحمة الله وبركاته وانتى بخير يارب اشوف اليوم ده ههههههههههه

    ***********
    Nano

    صديقتى نانو :D
    انه ليسعجنى ياسيدتى ان تتشكى ميلك قصدى بلوجى زى ميلك هههههههه ع فكرى احمد يعتبر اول واحد حسسنى بقيمة البلوج فعلا ربنا يخليكم ليا
    مبعرفش معزتى عندك الا فى البلوج ههههههههه
    ***********
    gehad_fci

    ده شىء يشرفنى ياجهاد ربنا يوفقك ويكرمك انت كمان وتشد حيل مونتك الجديدة :)

    ReplyDelete
  22. EncrYpted

    يارب متشكرة جدا :)

    **********
    Ahmed Emara

    الله يبارك فيك الوقت موجود دما المهم تنظيم المهام داخل حدود الوقت :))

    *******
    almasry

    انا والمدونة واحد :P
    وشكرا ع اى حال :)

    ReplyDelete
  23. Rehab Mostafa

    هههههههههه بندلعوه ياشابه
    وانتى بخير ياحبيبتى انتى كمان من الناس اللذيذه الى عرفتها وبعدين انا بجيلك ياماما انتى الى مبتروحيش هههههههههه والتورته هنا فوق غفران حطالها لينك ههههههه

    **********
    د/اجدع بنوته

    ثنكث بنوته عقبالك :))

    *********
    Hawy PHP

    هههههههههههه اصل جيرانا كانو بيتجوزو عقبالك ربنا يكرمك ديما ده شىء يسعدنى بجد ربنا يخليلنا احمد الى مظبطنا ديما وطنشنا بردو ديما هههههههههه

    ReplyDelete
  24. كل سنة وانتى طيبة يا هوندا وعقبال مليون سنة قدام ان شاء اللة وبصراحة البلوج لذيذ مووت ويا رب تكملى مشواردك الى بداتى بية وان شاء اللة كلامك هيوصل لكل الناس طول ما فية صبر وبصراحة انتى اسعدتى ناس كتير بمواضيعك اللذيذة ويا رب تدومى طول السنين الجاية





    تحياتى مستر himo0o

    ReplyDelete
  25. فراشة
    الحمدلله ازيك انتى؟؟
    كل سنة وانتى بخير ومتشكرة جدا بس متقوليش ع نفسك شخصيه ضعيفه خالص لان كده غلط وبترمجى عقلك ع ده حاولى تخرجى نقط القوة بتاعتك وانتى هتتعجبى !!!


    *********
    Ahmedmasar

    الله مفكرتش فى النقطه دى قبل كده :))
    انا عاجبنى اوى الابيات دى متشكرة بجد جميله جدا

    *********
    tamtam

    ولا يهمك ياطمطم عادتك ههههههه كل سنة واحنا بخير وانتى الى جميله انك عندك الروح دى ربنا يخلينا لبعض وتنورينى فى اى وقت طبعا :)

    ReplyDelete
  26. آلام وآمال
    وانت بخخير :))

    *********
    فزلوكة

    وانتى بخير ياعثل انتى الى جميله :)

    **********
    سبهللة عالآخر

    اللهم اممين متشكرة جدا :)

    ReplyDelete
  27. Ahmed Mubarak

    وانت بخير التورتة جت واتكلت من زمااااااااان ههههههههههههه

    himo0o

    وانت بخير بجد شششكرا جدا ع الكلام الجامد ده ربنا يكرمك انا اول مرة اعرف انك بتدخل البلوج بجد نورتنى :))
    ربنا يوفقك انت وميرو فى مدوناتكم ديما

    ReplyDelete
  28. ربنا يبسطك ويفرحك علطول
    وكل سنة وانتى طيبة
    فكرتينى ب الذى مضى
    الله يسامح ابن الحلال االلى كان السبب وحذف مدونتى
    :(
    وربنا يوفقك وبجد مدونتك هايله

    ReplyDelete
  29. moataz

    الله يخليك :)
    وكل سنة وانت بخير ومعلش ربنا يجازى كل انسان بعمله شد حيلك ههههههه
    ومتشكرة جدا ع كلامك

    ReplyDelete

 
لـلـرغـى فـنــون - Blogger Templates, Wordpress Templates Free - by Templates para novo blogger HD TV Watch Entourage Online. Featured on Local Business Singapore