السوشيل ديفلت :D



بقالى يومين وانا نفسى هافه عليا بفكرة غريبه حبه طبعا اغلبنا عارف كلمة
Default:
الى هو الوضع الافتراضى لأى حاجة ميزة الديفلت انها تعتبر حل وسط لاى برنامج او جهاز الوضع ده اختيارى انت ممكن تغيره للى يناسبك لكن لو مكنش هيفرق معاكى اوى فهتخليه ع الديفلت ازاى بقا ؟
عارفين اما بتتنزلو وندز مثلا كارت الشاشه بيتعرف ديفلت وانت ممكن تشتغل عادى من غير ماتعرفه يدوى بس لنفرض انك جيت تلعب حاجة زى ريد الرت ولقيتها مش شغاله هتضطر تعرف كارت الشاشه وهتلاقى اللعبه اشتغلت #
اذا الديفلت ده حل وسط مابين الحلو والوحش.

جميل الى فكرنى بده ايه بقا جالى تعريف لذيذ جدا الا وهو ال

Social Default

هيا ممكن ممتكنش راكبه ع بعضها بس انا سمتها كده وخلاص لان دى الفكرة الى فى ذهنى دلوقتى اول مابنتعرف ع شخص جديد فى حياتنا بنديله الوضع الديفلت نبتسم ..نسلم ..اوقات نبوس...واما العلاقه تقوى ممكن نحضن كمان ده بالنسبة للبنات يعنى ههههههه شويه شوية ناخد الموبيل والميل والبلوج والفيس بوك وللللللل وكل مايقربنا من بعضشينا وتلاقى العلاقات بتقوى وتحس بسعاده بالغه للى اخترع الحاجات الى قربتكم من بعض وتحس بساعده بقا وانت بتستعمل الأدوات دى وتكون دلوقتى غيرت مرحله الديفلت

Default = 1;
//Now
Special Default=5;

نفترض ان الريح أتت بما لاتشتهى السطوح قدامك حل م الاتنين ياتعمل إزاله نهائيه للبرنامج وتبقا عملت زى الفورمات كده بالظبط يإما ترجع للوضع الديفلت وفى احتماليه وجود خساير

on Value!=5;
GoTo Default :


عشان ترجع للوضع الديفلت بقا لازم يبقا ديفلت بصحيح مينفعش تعمل إزاله لنص الملفات وتسيب ملفات تانية لازم تمسح كل حاجة، تقطع كل حاجة ، تنسى كل حاجة لانك مش عايز تكره الشخص ده فهتضطر ترجعه للوضع الديفلت زى ماكان عليه اول مرة احسن واسلم ،لانك مش عايز تعمله إزاله ولا فورمات فيبقا الحل الأوسط والأسلم انك تبعتله ريكوست للوضع الديفلت وبكده صحيح هتخسر كل الادوات والوسائل الى كانت بينكم لأنها ممكن تكون سبب فى كراهيتك ليه فى حاله انه ملتزمش بالوضع الديفلت وتبدأ تضايق اما تحس انه مش بيعاملك زى الناس العاديين حتى بالنسبة له وكل شوية تتخنق فيبقا الاسلم انك تقضى ع كل حاجة ممكن تضايقك وتخليه ع الديفلت لانك مش عايز تخسر ذكرى كانت جميله وبتحارب نفسك عشان متكرهوش وبتطلعله اعذار م المريخ عشان بردو متكرهوش رغم انو ممكن يكون سببلك ألم كبير لحد الان مش قادر تتخلص منه

ممكن ناس تفتكرنى كده معنديش زوق مثلا او معنديش عزيز بس احب اكد انى مبحبش اكره حد او كل مافتكره ابقا عايزة احدفه بقله فيبقا الحل الأسلم الوضع الديفلت حفاظا ع مشاعرى وعدم التهور وتعوير الاخرين

وبكده تكون استفدت من السينتكس بتاع الديفلت فى البروجرامنج للسوشيل ديفلت فى العلاقات الاجتماعية كحل وسط.
للاسف لوكانت العلاقات الاجتماعيه عمليات حسابيه ومتغيرات وثوابت كنا ارتحنا وقدرنا نعملها كنترول وريست زى ماحنا عايزين بس مفيش حاجة بتييجى بساهل وكلها محاولات.....

معلش اذا مكنش حد فهم حاجة منى بس اصل دماغى وارمه حبه والفيجول بيزك دخل على البى اتش بى وعندى امتحان اكسل وعلم نفس وشيت علاقات اسريه بكرة عاااااااااااااااااااااااااااااااااااا هموت ياجدعان م الكليه مش عارفه اذاكر

هوندا المطحونه

19 comments:

  1. معلومات قيمة


    الف شكر عليها


    اتمنى الاستفادة للجميع


    تحياتى

    ReplyDelete
  2. السلام عليكم ورحمة الله وبركاته

    تصدقي يا هوندا الواحد بيطبق طريقة السوشيال ديفولت دي كتير بس اول مره اعرف انها ممكن تتسمي كده


    :-)

    ReplyDelete
  3. بجد دا احسن وضع للحياه والتعامل مع الناس
    علشان منخسرش حد
    موضوع هايل كالعاده ياهوندا وربنا معاكي في الحاجات اللي قولتيها في الاخر دي بالذات الاسريه
    سلامي

    ReplyDelete
  4. حلو المصطـلح علي فكره , وكلامك صحيح بنسبه كبيره , الشخص الي تحس ان العلاقه معاه ممكن تنتهي يبقي خلاص احسن ليك انك متخسروش كله وترجعه للو الديفولت زيي منتي قولتي
    وبنصحك تسجلي المصطلحده براءه اختراع
    :D

    ReplyDelete
  5. حلوة قوى الفكرة دى.....عندك حق...بس اهم حاجة ان الديفولت بتاعنا مش اننا نكره ...لا نبقى علاقة سطحية وخلاص

    ReplyDelete
  6. Tamer Nabil

    الله يخليك :)

    ********
    خمسة فضفضة

    وعليكم السلام ورحمة الله وبركاته
    ههههه لا النصطلح ده خزعبلى انا افتكسته يعنى

    ReplyDelete
  7. gehad_fci

    ياااارب لحسن الدنيا باظت اوى عااااا

    ********
    Mutati0N

    هههههههه فعلا عندك حق لحسن حد يستغله كده ولا كده يلا دنيا

    ReplyDelete
  8. asmaa

    صح ياسمسمه انا اقصد الديفلت الى بنديه للشخص اول مانعرفه كشخص عادى

    ReplyDelete
  9. انا قضيت فتره في الاول بحاول اقرا العنوان ومش فاهم اي حاجه
    المهم كلامك جميل جدا بس مش عملي يعني تطبيقه صعب جدا
    على العموم هي فكره بس الواحد يعرف يعملها وربنا يوفقك في الامتحانات

    ReplyDelete
  10. بصي ياستى
    اللي انتى بتقوليه لازم الناس تطبقه في حياتها معناه ايه ان لما شخص يجرحنى حتى منزلوش لوضع اقل وافضل اتعامل معاه على نفس المستوى وبنفس الطريقه
    مثلا : لما صديقة ليه تنزل منم نظرى بعد عدة مواقف واحس انها غدرت بيه لازم على الاقل احسسها انها نزلت درجه من الصداقة للزمالة
    وده عشان مخسرش حد نهائيا
    متهيألى ان ده هوه اللي تقصديه او ان هوه ده اللي انا فهمته على الاقل

    ReplyDelete
  11. واضح تاثير البرمجة علي البوست جدا :)
    ربنا معاكي في كل الحجات اللي في الاخر دي بس الله اعلم ان في كتيـــــر مطحونين اليومين دول
    :(

    ReplyDelete
  12. wael

    معلش هيا مبتتفهمش من اول مرة ههههههه هيا تنفع مع ناس ناس بردو كمان بتيجى بالممارسه متشكرة جدا :)

    *******
    فراشة

    بالظبط هو ده الى انا اقصده لاننا فى الاول والاخر بنى ادمين مش مستاهله تنطيط ع بعض

    ReplyDelete
  13. Eslam.Mahmoud (Hunikal)

    هيا فعلا لسعت معايا ربنا يسترها معااااااااانا

    ReplyDelete
  14. ههههه حلو المصطلح جدا ،،
    اقولك ابدأي بالويكيبيديا ضفيه فيها :)
    يمكن يضرب الحظ وحد يبعتلك ،وياخدوكي تدرسي في اكسفورد ولا حاجه :D

    بس ياترى بيقبلوا المصريين هناك ؟؟!!

    ReplyDelete
  15. EncrYpted

    ههههههههههههه اقتراح جامد جدا بجد اكيد لو حسو بالتميز الى فى المصطلح مش هيحسو بفرق بين مصريين واجانب ههههه

    ReplyDelete

  16. بجد يا هوندا البوست شغااااال
    :D:D
    انا بعمل كدة على فكرة
    مشكلتي ان الديفولت بتاعي داااايما بيكون زيادة عن اللزوم
    او في معظم الحالات عشان اكون محددة
    وذلك يستدعي حدوث صدمة وتقليل من الحالة الديفولت الى ما هو اقل :D

    لأ شوفي هو انا لو هاتوسع .. يعني اذا ممكن تسمحيلي استخدم التعريف بتاع حضرتك .. واعمل له ري يوز في السوشيال سيستم بتاعي :D

    مبدعة كالعادة وربنا معاكي
    :)

    ReplyDelete
  17. عـلا - من غـزة

    ياهلا ياهلا
    هههههههه ع فكرة انا اوقات بكون زيك بس هيا مسأله ممارسه وتظبط :D

    اتفضلى التعرف وريوزيه برحتك هههههه احنا واحد ونؤمن بالاوبن سورس
    ربنا يوفقك :)

    ReplyDelete
  18. جميييييييل اوى يا هونده بجد
    والله هى فكره كويسه فعلا
    لأن فى ناس ماعندهاش وسط فى مشاعرها
    ياما حب حتى الانتحار ياما كررررررررره!!
    فاحسن حل هو "الديفلت"
    ومتخافيش احنا فاهمين انتى قاصدقك ايه

    ReplyDelete
  19. MSB

    متشكرة جدا :D
    انا اوقات كتير بكون م النوع ده بس بحاول انى اتحكم فى مشاعرى وهيا فعلا حاجة مش سهله
    والحمدلله ان فى ناس فهمانى
    :D:D

    ReplyDelete

 
لـلـرغـى فـنــون - Blogger Templates, Wordpress Templates Free - by Templates para novo blogger HD TV Watch Entourage Online. Featured on Local Business Singapore