طلعى الموبيل لغوزك

قابلت انتيمتى انهردة بعدين لقبتها بتقلى أميرة أختى جتلى المدينة امبارح مفتورة م العياط
بقولها ليه؟

قالتلى انا لقيتها جايلى بليل وقاعده تعيط وتقولى انا كنت هموت !
قلتلها خير تاكس كان هيخبطها ولا إيه؟

قالتلى لا كانت عند المحافظة راحه لوحده صحبتها بعدين بتعدى الطريق لقيت واحدة مسكت ايديها جامد وبتقولها عدينى معاكى فقالتلها طب انتى مسكانى كده ليه ،قالتلها معلش عدينى يابنتى معاكى
المهم عدت الطريق والست لسه مسكاها ،فقالتلها انتى مساكانى كده ليه شيلى ايدك
راحت مطلعلها سكينه من تحت الخمار الى الست المحترمه دى لابساه وحطته فى جمبها وقالتلها هاتى الموبيل والفلوس الى معاكى فى الشنطه ولو صوتى هقتلك

المهم ادتلها الموبيل عشان كان فى إيدها والشنطه كانت فى الايد التانيه قالتلها طب سيبى ايدى وانا اجيبلك ،فقالت بما انه كده كده ممكن تقتلنى حتى لو خدت الحاجة فقتل بقتل وهوووووووب راحت رجعت لورا حبه ومسكت الشنطه وخبطتها فى وش الست المحترمه راحت وقعت والموبيل وقع من ايدها

المهم انتهزت الفرصه وصوتت الناس اتلمو عليها ومسكو الوليه دى شبشبوها وهروها ضرب لما جابت دم
قلتلها والموبيل اخدته؟ههههههههه
قالتلى اه الحمدلله انها محصلهاش حاجة وطظ فى الموبيل
قلتلها الحمدلله بجد ربنا سترها وكويس انها قدرت تتصرف وربنا فتحها عليها كده
حاجة تحزن متخفيه فى خمار ، ماشيه فى منطقه
قلت الحمدلله وانا بتخيل لو انا الى كان حصلى الموقف ده كنت هتصرف إزاى؟
ربنا يسترها معانا ومع بنات المسلمين

*.*
هوندا
*.*

26 comments:

  1. ده تاني بوست اقراه الاسبوع ده عن حد كاتثبت او كان هيتثبت في الشارع

    بس صحبتك لديها شجاعة احسدها عليها

    وفكريها بحديث رسول الله صلى الله عليه وسلم ان من قُتل دون ماله فهو شهيد

    وربنا يسترها مع الجميع

    ReplyDelete
  2. هههههههه لا واضح ان الموضوع بقا منتشر بغباء انا والله قلتلها كده الحمدلله انها قدرت تتصرف
    ربنا يسترها معانا

    ReplyDelete
  3. نفس اللى حصل مع ابنى فى بركة السبع والواد صغير طالع من الدرس تلات عيال على موتوسيكل زق معانا ادينى الموبايل اعمل مكالمة لحس مامعيش رصيد الكلام ده لابن عمه وابنى معاه طبعا حط التليفون بجيبه هات التليفون قاله اوعى تتكلم ابنى مسك واحد منهم وهاتك قام مطلع مطوة قاله اوعى تتكلم لاغزك والناس شايفه ومحدش ساعدهم انتى محظوظه القصه هنا كلها انتى قلبتى على المواجع

    http://hafar.blogspot.com/2008/04/blog-post_1763.html

    ReplyDelete
  4. هوا اليومين دول كل الناس بتدور على الفلوس باى طريقة وكل الناس لبسة وشوش علشان تتنكر فى صورة حلوة فى الاول وفى الاخر بيظهر شرهم ويا رب يسترها مع اخواتنا وقرايبنا وبنات المسلمين جميعا بس انا بقول رايى ان كل البنات تاخد بالهم من الحكايات والافكار علشان يشوفوا الحقيقة بعيونهم وبردة حصلت معايا حكاية شوفتها بعينى كنت فى القاهرة وشوفت واحد طلع الموس على بنت قاعدة فى الباص وكان عاوز ياخد السلسلة منها بالعافية بس ربنا سترها معا البنت ونزلت راح يدور على البنت اللى قاعدة وراها اللى شافت الحوار فالناس كلها قامت علية ونزلتة مع انة كان واد قليل القدب وربنا يسترها معانا جميعا
    ومشكور على الموضوع اللذيذ دة ومعلشى طولت عليكم


    تحياتى مستر himo0o

    ReplyDelete
  5. بصراحه موضوع مؤثر والحمدالله انه ربنا سترها معاها بجد وبقينا متوقعين كل حاجه تحصل في مصر لدرجة انهم هيقتلوا علشان الفلوس يلا الحمدالله على كل حال وعلى سلامتها
    وشكرا لطرحك الموضوع ...

    ReplyDelete
  6. لا الحمد لله فعلا انها جت سليمة
    بس بردو ازاي تسيبها تاخد الموبايل بعد ما الناس اتلمت وضربوها
    يعني كانت خلت الناس تجيبلها الموبايل
    خسارة بردو هههههه

    الف سلامة عليها وربنا يسترها مع الجميع

    ReplyDelete
  7. الحفار

    ههههههه لا حول ولا قوة الا بالله الناس اتسعرت ولا ايه معلش ربنا يسترها بجد

    ********
    himo0o

    فعلا كله بقا عايز فلوس وانا قلت القصه هنا عشان بردو الناس تاخد بياهلا بالذات البنات وتعرف ان ده ممكن حصلها

    ReplyDelete
  8. M e r o

    فعلا يابنتى والله انا كنت هعيط والموضوع بيتحكى اصلا ربنا يسترها معانا لجد

    *********
    آلام وآمال

    الله يسلمك
    بس هيا اخدته لما الناس ضربوها الشريحه بس الى وقعت

    ReplyDelete
  9. ايوه يا هوندا
    اخبار سوزوكى وياماها ايه معاكى
    ولية اخترتى اسم هوندا اليابانى
    الاسماء العربية خلصت ولا ايه؟؟؟؟؟
    ناجح يوسف

    ReplyDelete
  10. لا حول ولا قوة الا بالله

    ايه الرعب ده يا هوندا .. فعلا اللى خارج من بيته مفقود واللى راجع مولود

    ربنا يسترها معانا ومع الجميع والحمد لله ان ربنا سترها مع البنت دى .. الحمد لله رب العالمين

    ReplyDelete
  11. ياساتر يا رب حتي الستات كمان بيسرقوا
    انا كنت فاكر ان الولاد هما بس اللي بيتسرقوا
    انا بعد كدا هربط الموبايل في سلسله حديد واحط فيه قفل بررقم سري علشان لو حب يسرقه يتلخم هههههه
    اللهم ابعد عنا الحرميين

    ReplyDelete
  12. alabalatta

    وحضرتك كاتب الاسم بتاعك بالانجليزى ليه الحروف العربى خلصت ولا ايه؟؟؟؟

    *******
    إنـســـانـة

    الحمدلله ربنا سترها بس حلو المثل ده اول مرة اسمعه لكن معبر جدا

    ReplyDelete
  13. gehad_fci

    السرقه بقيت خلاااااص ملهاش دعوه ببنت او ولد خلى بالك من نفسك هههه

    ReplyDelete
  14. السلام عليكم ادعوكم للمشاركة فى الحملة (رفع بناطيل الشباب) حصريا على مدونة مصرى اون لاينhttp://egyptoonline.blogspot.com/

    ReplyDelete
  15. والله ربنا يوفقكم وصوتكم يوصل للبشر دى

    ReplyDelete
  16. دي تالت حادثه للموبايلات
    أخويا كان بيتكلم في الموبايل وناس راكبين موتوسكيل زقوه على عربيه ماشيه وخدوا من على ودنه الموبايل شوفتي الجبروت

    وكمان واحد أعرفه في السبوع ده برضه كان بيشوف رقم على الموبايل اتخطف برضه منه بالموتوسكيل

    ربنا يرحمنا فعلاً
    وكويس انها عرفت تتصرف

    ReplyDelete
  17. Rehab Mostafa

    ههههههه لا حول ولا قوة الا بالله ابن خالى كان فى السعوديه بيقولى الموبيلات بتتخطف كده م الودان هههههههه الجشع بقا فى دم الشعب

    ReplyDelete
  18. الحمد لله ان صاحبتك طلعت بالسلامه
    انا خفت وانا بقرأ البوست اصلا

    ماشاء الله عليها كانت شجاعه فعلا

    انا بجد بدات اخاف من المشى فى الشارع
    ليه ماعدش فى امان كده

    ربنا يحفظنا كلنا

    هوندا حبيبتى ليكى عندى تاج

    ReplyDelete
  19. يا نهار أسود
    مش عارف أصدق
    ازاااااااااااااي
    وهنا كمان
    سمعت عن ده
    في المحلة ومع الرجالة بس

    انما بنات كمان
    حسبي الله ونعم الوكيل
    خلي بالكو من نفسكوا يابنتي
    مش عارف العبوا كراتية
    ولا شيلوا مطاوي
    مش عارف اقول ايه

    ReplyDelete
  20. السلام عليكم
    مدونتك فيعا اكشن حامد مرة واحد يضرب واحدة فى الشارع
    والتانية تلاقى واحد يقولها طلعى الموبايل
    ايىة الاكشن الجامد دة

    ReplyDelete
  21. بندقه

    الحمدلله يابنتى معلش خلى بالك من نفسك وحاضر ع التاج انا هعمل حفله قريب بالتاجات هههههه

    ********
    Halawa

    ههههههههه المكان كله محاصر والله انا ياما اتحايلت ع أمى العب كاراتيه وهيا مرضتيش وكل مرة بندم بصراحه ع كده
    بس الواحد بيفكر فى انه يشيل سلاح فعلا :D

    ReplyDelete
  22. رئـــــيسـة حزب الأحلام

    هههههههههههههههههههههههه تصدقى مخدتش بالى فى اكشن تالت بقا بجد بس ممستنى فرصته

    ReplyDelete
  23. حسبى الله ونعم الوكيل
    الموضوع ده منتشر جدا على فكره
    وعندنافى البلد بيظهروا بالذات يوم السوق
    ومره جوز خالتى اتسرق وهو كان لسه واخد الفلوس دى من ناس
    لأ والأغرب انهم منقبين !!!!!!!!

    ReplyDelete
  24. Butterfly

    ماهو فى الزحمه بقا ومحدش واخد باله
    ومبيفكروش اذا كانت الفلوس دى بتاعته ولا بتاعه غيره حاجة تحزن بجد
    وهما بيستخدمو النقاب عادى بيدارو فيه ربنا يعافينا

    ReplyDelete
  25. لاحول ولا قوة إلا بالله

    ربنا يحفظنا والقرّاء

    ReplyDelete

 
لـلـرغـى فـنــون - Blogger Templates, Wordpress Templates Free - by Templates para novo blogger HD TV Watch Entourage Online. Featured on Local Business Singapore