صراعات



انك تحس بتصادم مشاعر متناقضه فى نفس الوقت مشاعر حب وكره لشخص واحد لشىء واحد لمفهوم واحد.

انك من جواك مقتنع بمبادىء دينيه وعايز تسير حياتك عليها لكن بتفلت منك كتير بسبب طبيعتك ومعدل الالتزام الغير ثابت الى لو مخدتلوش كل يوم خطوة لقدام بالتاكيد هترجع خطوة لورا وبسبب الصحبه والوسط الى انت فيه،
تبدأ تدخل فى صراع بين المفروض والعادى ،تحاول تقتلع عادات ومفرادت من جذور طبيعتك عشان ترضى ربنا مش مستحيله،
لكن عايزة وقت وصبر ودعاء وجهاد نفس هتتبسط وانت بتفتكر الثواب اصل الى عنده مرض السرقه وجاهد نفسه عشان يبطلها غير الى مابطلها لوحده لأنه مجربهاش ولانها حرام.

انك تكون بتحب حاجة ولازم تسيبها لأنها مش خير ليك وتيجى أوقات كتير وتضعف .
انك تحاول تتحلى بروح التسامح عشان ده الصح وعشان ترتاح ولأنك ضعيف وبتغلط ونفسك ربنا يسامحك
بس تلاقى الشيطان يقعد يجيب مواقف خايبه وأحاسيس نكد تحسسك بالسذاجه وتقرف عيشتك وبدل ماكنت بتحاول تلتمس اعذار تلاقيك قرفان م اليوم الى عرفت فيه الناس دى ،لكنك واثق ان ربنا مبيظلمش ولا بيرضى بالظلم
ويبدأ الصراع بين الخير والشر وميل النفس للانتقام وتصدى الضمير لها وتهذيبها والواحد يحاول يراعى ربنا فميعملش تصرف متهور كنوع م فش الغل .

انك تدخل فى دوامه ذنووووب وتوب وترجع وتوب وتلاقى الشيطان همه يحقر صورتك قدام نفسك عشان تدخل داومه الذنوب والمعاصى صراعات، بس تسمع حديث رسولك ان الله لا يمل من غفر الذنب حتى يمل العبد من الذنب تفرح :)

ياالله
مابين ان الواحد عايز يبقا إنسان كويس وبين العادات والأفكار المتأصله فينا كبشر صراعات دائمه
و
مابين التجارب الى بيمر بيها الفرد الى من هنا بتيجى الخبره الى بتبنيه ومابين رغبه الإنسان تجنب بعض المواقف الى ضد مبادئه وبتأثر فيه بطريق سلبيه صراعات، خصوصا لو كانت فى الأصل ذنوب

مابين ان تكون قوى ومرن فى مواجهه اى مشاكل وتستفيد منها ومابين ان الواحد من جواه ضعيف بس لأن الى حواليه شايفين انه قوى ولازم يبقا قوى وهو مش عايز يخلى مشكله تقسمه فيفضل يجمد ويجمد لحد ما يوم ينكسر صراعات

مابين رساله الإنسان فى الحياة ورؤيته واهدافه وأحلامه الى عايز يحققها ومابين الظروف الى حواليه والناس الى حواليه صراعات،هتفضل طول حياتك جواك صوتين
صوت الحب وصوت الكره صوت الضمير وصوت النفس صوت الخير وصوت الشر صوت النجاح وصوت الكسل صوت الإراده وصوت الإحباط صوت العقل وصوت القلب صوت الجهاد وصوت الراحه

إيمانك بمبادئك وتذكير نفسك بيها ديما ومحاسبة نفسك والاستعانه بالله ومحاوله الخروج من أى دائرة سقوط أفضل من الانحناء أمام الريح والانسياب

مفيش أحلى من انك اما تحس بضغوط وصراعات ومش عارف تعمل ايه ، انك تصلى وتبكى وتشكى فى صلاتك لربك إنه يهديك ويثبتك ويستخدمك ويعزك وييسرك طريقك ويقويك وصدقنى هتحس براحه بلا حدود

مفيش أحلى من تذكر رحمة الله بعباده وانك تشوف إشارات ربنا بيبعتهالك
الحمدليك يارب على نعمك الحمدليك يارب إنى بفكر الحمدليك يارب إنى بتأمل الحمدليك يارب إنى بتعلم

ومفيش أحلى من انك تلاقى كتاب فيه أغلب مشاكلك والجواب بتاعها وكمان دافعه معنوية جامدة ربنا يقدرنى واخلصه واستفيد منه عملى فى حياتى هو كتاب
جدد حياتك---محمد الغزالى

*.*
هوندا
*.*

28 comments:

  1. انك تكون بتحب حاجة ولازم تسيبها لأنها مش خير ليك وتيجى أوقات كتير وتضعف .
    انك تحاول تتحلى بروح التسامح عشان ده الصح وعشان ترتاح ولأنك ضعيف وبتغلط ونفسك ربنا يسامحك
    بس تلاقى الشيطان يقعد يجيب مواقف خايبه وأحاسيس نكد تحسسك بالسذاجه

    يا سلام عليكي يا هوندا وعلى كلامك بجد بوست رائع .... كلامك صح بجد ... كتيير الانسان بيكون عايز يكون كويس لكن الحياه والناس اللي عايش في وسطهم والافكار والعادات والشيطان وكل ده ممكن يرجعوك تاني ويقولك لأ انت كده كويس أوي وبلاش هبل للأسف الفظيييييع كتيير كده

    بجد بوست كويس أوي

    ReplyDelete
  2. بوست رائع بجد وتحياتي ليكي

    ReplyDelete
  3. Rehab Mostafa

    الله يخليكى يارحاب بجد أنا سعيده اوى بكلامك وان البوست عجبك لانى كنت حاسه انى كاتبه حاجات كتير ملخبطه

    *********
    وجهة نظري

    متشكرة جدا :)

    ReplyDelete
  4. كلنا هذا الرجل زى مبيقولو

    بوست رائع بجد

    و ركزى فى المذاكرة اليومين دول باه :)))

    ReplyDelete
  5. المعظم إن مكانش الكل كدة .. فقلوبنا وأحوالنا دائما متغيرة سواء منا او من عوامل خارجية .. المهم هو (المحاولة) في الحفاظ على أنفسنا دائما
    ولكن لا نترك الباب فربما يفتح بعدما ندير ظهورنا ونكف عن المحاولة
    تحياتي على البوست الجميل ده يا هوندا
    وربنا يوفقك لإنهاء الكتاب
    :)

    ReplyDelete
  6. ما أصعب صراعات النفس وما اكتر تقلباتها
    وما اسهل الذنوب وما احلى الطاعه

    الحمد لله على كل حال ،،
    post rating : *****
    احترامي

    ReplyDelete
  7. Ma 3lina

    حاضر حاضر كلكم عليا ولا إييه ههههههه

    ********
    كريم

    هيا دى النقطة إننا نحاول نحافظ ع نفسنا ودى مش نقطه ساهله خال عايزة كفاح
    لكن زى مانت قلت مانسبس الباب ابدا
    متشكرة جدا :)

    ReplyDelete
  8. EncrYpted

    الحمدلله ع كل حال :)
    وحلو التقييم ده جامد بجد ههههه

    ReplyDelete
  9. يا خرابي لسه هنحافظ ولو حفظنه لسه هندافع تعبنا بأه

    ReplyDelete
  10. عايزة ادور على الكتاب ده
    فعلا حببتينى فيه

    :)

    ReplyDelete
  11. cenotaph

    هيا دى الحياة لازم نكافح ونكافح امال لازمتنا ايه؟؟؟

    *******
    break

    هو فعلا كتاب رائع حاولى تجيبيه بجد
    :)

    ReplyDelete
  12. هوندا
    انك تكون بتحب حاجة ولازم تسيبها لأنها مش خير ليك
    انك تحاول تتحلى بروح التسامح عشان ده الصح وعشان ترتاح
    انك تدخل فى دوامه ذنووووب وتوب وترجع وتوب وتلاقى الشيطان
    كل كلامك فى الصميم
    وربنا يقدرك وتخلصى كتابك ونستفيد منة ويجعلة فى ميزان حسناتك
    تحياتى لكى
    بنت النيل

    ReplyDelete
  13. بنت النيل

    متشكرة بجد ع الدعوات دى ربنا يكرمك ديما
    :)

    ReplyDelete
  14. أول مره أوصل لمكان التعليقات يا هوندا : )بوست جميل..اللي عجبني أكتر حاجه مش النتيجة الأخيره..بس الصراع اللي في الأول..انك تسامح عشان ده الصح ...كويس انك بتفكري كده يا هوندا..الأحسن ان بتكتبيه عشان الناس اللي كده متحسش انها لوحدها..

    ReplyDelete
  15. imanelbaz

    هههههههههههه طب كنتى قلتيلى يابنتى كنت قصرت المسافه عليكى انتى عارفه ان تعليقاتك تهمنى جدا وبتفدنى ;)

    هو انا فعلا كنت كاتبه البوست من غير نتيجه بس بعد ماخلصته حسيت انى بعرض مشكله ومحطلتهاش حل او أثرها الايجابى وصلى ازاى فلان الكتاب ده أجابلى ع حلول مرضيه للصراعات دى حبيت احطه عشان الناس تستفيد منه
    :)

    ReplyDelete
  16. فكرة البوست حلوه اوي لانها حاجه موجوده عند كتير من الناس فلازم انه يواجه نفسه ويحاول ومايملش انه يغير من الحاجات الغلط اللي فيه مهما كانت الظروف حواليه بالصبر والشجاعه .. وشكرا ياهوندا ع البوست الجميل ده ;-)

    ReplyDelete
  17. M e r o

    متشكرة جدا يامارو ربنا يخليكى ليا :)
    ان بحس ان دوام المحاوله افضل من عدم التحرك خطوة لقدام حتى لو فشلنا

    ReplyDelete
  18. فعلا صراعات
    قلتى كلمة يا هوندا (لازم تبقى قوى عشان اللى حواليك شايفينك قوى)
    دى فعلا مشكلة كبيرة لان لو ظهر ضعفنا ممكن نوقع ورانا ناس و احنا مش حاسين و ممكن اوى تكون دى نعمة من الله عشان نحس بالمسئولية اكتر فنفكر 100 مرة قبل ما نضعف
    بس اكيد لازم الواحد يبقى جامد فى اوقات و يضعف فى اوقات

    بجد جزاكى الله خيرا

    ReplyDelete
  19. موضوع جميل جدا يا هوندا وبصراحة هوا موضوع دهشنى واللى عجبنى اكتر مفيش أحلى من تذكر رحمة الله بعباده وانك تشوف إشارات ربنا بيبعتهالك

    ReplyDelete
  20. يمنى

    وجزاكى مثله بصراحه انا اول مرة اخد بالى م النقطتين دول الى انتى قلتيهم ودى حاجة تقوى الواحد فعلا بجد شكرا انك نبهتينى ليها

    :)

    ReplyDelete
  21. كلام صح فعلاً ..

    وبوست ممتاز :)

    ReplyDelete
  22. himo0o

    وانا مبسوطة ان الموضوع عجبك بجد :)

    *********
    AmR

    متشكرة جدا واهلا بيك :)

    ReplyDelete
  23. انا كتير اوى بحس الأحاسيس دى
    وساعات بستغرب نفسى
    يبقى فى واحده ازيتنى اوى وازعل اوى وبعدين ارجع اكلمها تانى وبعدين ارجع افتكر اللى هيا عملتوا فيا .. ادايق تانى !!!وارجع اكلمها واتناسى تانى !!

    ReplyDelete
  24. Butterfly

    انك تسامحى دى نعمه كبيهر من ربنا والمفروض اننا ننميها لان الشيطان اوقات كتير بيحاول يخلينا نفتكر المواقف دى عشان نبغض بعض ومنتحلاش بروح التسامح

    ReplyDelete
  25. بصـراحه البوست انا كنت مواعد نفسي اني اقراه , والحمد لله قريته
    كـلامك صحيح ميه ميه وفعـلا شخصيا بيحصل معايا كدا واكيد مع كل الناس الي ضميرهم بيانبهم كتير , والحمد لله ان ضمير الواحد بيانبوا مش ميت ,
    اللهم لك الحمد كثيرا ولك الشكر كثيرا

    ReplyDelete
  26. Mutati0N

    ياااه،كوس انك قراته :)
    فعلا انا بحسها نعمه كبيره ان الواحد ميكنش فى غفله
    الحمدلله

    ReplyDelete

 
لـلـرغـى فـنــون - Blogger Templates, Wordpress Templates Free - by Templates para novo blogger HD TV Watch Entourage Online. Featured on Local Business Singapore