الحمد لله الذى عافانا


الحمدلله الذى عافانا مما ابتلى به غيرنا وفضلنا على كثير مما خلق تفضيلا

اتعلمت الدعاء ده من سنة وانا بقرأ فى حصن المسلم وعرفت ان ده دعاء المبتلى وسمعت ان الى بيقول الدعاء ده عند رؤيه مريض ربنا بيحميه م المرض ده والله اعلم ،من وقتها وانا بقيت بذكر نفسى دائما إنى أقولها كنوع من الشكر لله ع نعمه الى فضلنى بيها ،لغايه م بقت فى لسانى الحمدلله واكتشفت انى بقولها فى اليوم كتير يعنى بقالى مدة وانا نازله الكليه او الجامعه بشوف فعلا ناس الله يعزهم ويقويهم بجد مبتتلين بنقص فى الاعضاء والصحه ومع ذلك بيكافحو ويتعلمو ولو دورت حواليك فعلا ماأكثرهم عندهم عزيمة وإرادة أكثر من الناس السليمه بس سبحان الله بقالى مدة قريبه حوالى شهر وانا بييجى قدامى فى كذا مصدر كلام عن نعمه مهمه جدا وهى نعمه

الصحه

أنا مقتنعه انها أمانه ولازم نحافظ عليها واما بشوف اى حد عند مرض معين بحمدربنا انه مش عندى وبقول الدعاء ده ،بس يظهر إن فى حاجات تانيه انا مفهمتهاشش او متحفرتش فى ذهنى فكأن ربنا بيجيبها حواليا كتير عشان اتعلم واحس بنعمه الصحه أكبر وأكبر وأكبر من مانا متخيلاها وأنا فعلا عمرى مافكرت جديا بمدى أهميه الصحه يمكن لاننا معافيين؟؟؟

حاول تتخيل نفسك بصدق فقدت عنيك؟وتخيل حياتك إزاى؟ حاول تتخيل إنك فقدت يداك،وتخيل حياتك من غيرها حاول تتخيل إنك فقدت رجليك وشوف وضعك إزاى بعدها حاول تتخيل انك أجهزت هضمك الداخليه اتعطلت وتخيل كمية الآلم الى هتمر بيه لان الأكل مش هيتهضم بسهوله خالص وووووووو نعم الله التى لا تعد ولا تحصى
صديقه ليا كلمتنى انهردة مكلمتنيش من زمان ولقيت صوتها متغير وااما سألتها مالك ؟قالتلى انها تعبانه وبعد ماسالتها عندك ايه وف دماغى انها هتقولى برد ولا اى حاجة م الدلع الى احنا متعودين عليه بس للاسف مطلعش كده وططلع سرطان فى الدم اد ايه انا حزنت واتخضيت فى نفس الوقت يمكن ده أول مرة يحصل لحد قريب منى ولأول مرة اتحط فى موقف مباشر ومقدرش اقول حاجة غير لاحول ولا قوة الله بالله ربنا يشفيكى إن شاء الله وقلتلها يابختك ربنا بيحبك وابتلاكى وان شاء الله الابتلاء ده يكفر سيئات كتيره عنك وحاولت اصبرها بأى حاجة انا مش عارفه المفروض كنت اتصرف إزاى بس قلت الى جه فى ذهنى وقتها وقلت ان واجبى افضل ادعيلها ديما لأن العلاج بيتعبها جدا وحسيت بكمية الغنى الى انا فيه الى يحلينى قادرة انى اكافح واستغل وقتى واتعلم وافيد واستفيد واروح واجى واستخدم كل حتة سليمه فى جسمى لخدمة دينى وبلدى لعل الله يغفرلى جحودى لنعم كتيرة من عليها بيها من غير ماخد بالى

عارفين انا اتكلمت عن ده ليه؟؟ عشان نقدر قيمه الكنز الى احنا نمتلكه ونحمدربنا عليه ونحسن استغلاه وعشان نعرف ان معندناش اى حجة تخلينا تافين ولا صييييع فالحين فى اللف والدوران فى الشوارع بس وطالما انت مش قادر تستعمل نعمك صح رأيى تتبرع بيهم لحد بيقدر معنى النعمه وعش حياتك من غير نعم عشان تعرف الفرق
ياريت تدعو لصديقتى بالشفاء وان ربنا يرحمها من آلام العلاج ويقويها ويصبرها
وياريت نفتكر دائما :إن الله يكلفك بقدر مايعطيك

هوندا

26 comments:

  1. انا بردوا كنت بتفكر في الموضوع ده من كام يوم , والي خلاني انتبه ليه كتاب "لا تحزن " للدكتور عائض القرني كنت بقرء جزئيه فيه بتتكلم عن الجزء ده كام واحد مريض ملازم الفراش من سنين وانت بتتحرك دائمـا , كام واحد رجله مبتوره وانت بتمشي علي رجليك
    وغيرها
    "وان تعدوا نعم الله لا تحصوها" صدق الله العظيم

    ReplyDelete
  2. الصحة هي نعمة النعم فعلا
    لو بصيتي على اي نعمة بدون صحة...لا تساوي شيئا على الاطلاق
    اللهم متعنا جميعا بالصحة والعافية يارب العالمين

    ReplyDelete
  3. الحمد لله الذي عافانا مما ابتلي به كثيرا من عباده
    فعلا والله الصحه دي مبيقدرهاش غير اللي اتحرم منا
    وربنا يعافينا وربنا يشفي صاحبتك من الالم وتخف ان شاء الله, المرض دا فعلا ابتلاء من الله,وقوليلها تثبت وحاولي تكوني جمبها علشان متحسش انها لوحدها
    دعواتي

    ReplyDelete
  4. Mutati0N

    انا بردو الى لفت نظرى كمان مقاله جمميله لمحمد الغزالى فى كتاب جدد حياتك هل تستبدل معاتملك بمليون جنيه؟؟
    وتحتيه طبعا اممثله جميله جدا

    *************
    A.SAMIR

    اللهم امين ،فعلا مفيش اى نعمه نقدر نستفيد منها غيرها

    **************
    gehad_fci

    النعمه تقيله ع البنى ادم عئان كده مبيحش بقيمتها غير الى فقدها ربنا يشفينا كلنا ويعافينا

    ReplyDelete
  5. كل ما اكتب رد هنا مش يرضى يتنشر

    أنا زهقت

    :D


    اللهم عافنى فى سمعى
    اللهم عافنى فى بصرى
    اللهم عافنى فى بدنى

    ReplyDelete
  6. يحضرني موقف لصديق عزيز عليا , هوا من عيلة مبسوطة جدا لكن عنده فشل كلوي , تخيلوا قمة المعاناة الي بيعنيها علشان يروح يعمل غسيل كلوي يوم ورا يوم بالمنصورة وهوا من المحلة
    وتخيلوا حالة والدته وولده واسرتة
    وتخيلوا حالته هوا عنده 18 سنة كان في كلية حاسبات جامعة خاصة , قعد من الكلية واحبط نفسيا , وبجد لما برحله البيت مش بقول , غير يااااااااااااارب متأخذناش بذنوبنا للأن لو عملتنا ذي مبنعملك مش هنقدر ,نستحمل لكن رحمتك وعافيتك اوسع لنا , أسألكم الدعاء لصديقي احمد ربنا يشفيه ويعفيه
    علي فكرة احنا بندورله علي كلية لو فيه حد ممكن يساعد في الموضوع ده ربنا يجزيه خير , وعلي فكرة هوا عارض اي مبلغ من المال اي مبلغ

    شفتم احنا غلين قد ايه , لكن احنا مش حسبن بكل النعم دي
    علي فكرة الي عايز يتعظ فعلا يروح يزور اي مستشفي , فكرة حلوة لو نعمل يوم بجد في المنصورة نزور فيه الناس دول علشان نحس بيهم ونخفف عنهم ( مجرد اقتراح ) وجزاكم الله خيرا

    ReplyDelete
  7. break

    ههههههه حظك بقا نعملك ايه؟
    ياريت فعلا نتذكر الادعيه دائما
    الله امين

    ReplyDelete
  8. Ahmed Emara

    لاحول ولا قوة الا بالله ربنا يصبره ويصبر اهله انا بصراحه معرفش ازاى الواحد ممكن يساعد فى موضوع الكليه دى بس ان شاء الله لوقدرت اوصل لحاجه هعرفك
    وانا فعلا بحمدربنا كتير انه مبيعملناش بذنوبنا لاننا فعلا مينفعش نفكر فى ربنا بمقاييس البشر لانه أعظم وارحم من كده بكتيييير
    والدتى ديما تقولى النعمه تقيله ع البنى ادم وده الى انا بحسه كتييير جدا
    وع فكرة دكتور حازم شومان كان ديما يقول الاقتراح ده فى خطبه اننا نزور مستشفى كل مده عشان نتعظ وعشان نفك كربهم كمان وغير المستشفيات فى جمعيات خيريه بترعى حالات صعبه جدا سواء مرضى او معاقيين او مكفوفين

    ReplyDelete
  9. فعلا كنز ولا نعرف قيمته
    جزاك الله خيراً

    ReplyDelete
  10. علي فكرة انا بدأت في التدوين اتمني تذوروا المدونة بتاعي
    يريت تشجعوني علي التدوين
    زيارتك تهمنا وتعليقك يسرنا

    ReplyDelete
  11. اول ما بنزل من بيتنا بلاقى نفسى بقول الدعاء ده كتير اوى

    الحمد لله الذى عافانا مما ابتلى به غيرنا وفضلنا على كثير ممن خلق تفضيلا .. الحمد لله

    ReplyDelete
  12. كلام جميل

    بس مين يفهم و يقدر نعمة ربنا؟

    ReplyDelete
  13. الحمد لله على نعمه الصحه
    والحمد الله الذي عافنا مما ابتلى غيرنا
    فعلا نعمه الصحه دايما في جانب السهو والنسيان لكن ربما بالتذكير نجعلها في جانب الأولويات بحمد الله تعالى على نعمه التي لا تحصى

    واشكرك على التذكير :)
    جزاكِ الله كل خير

    ReplyDelete
  14. الحمد لله على دوام الصحة
    فعلا (واسبغ عليكم نعمه ظاهرة وباطنة)
    أنا فى المستشفى كل يوم وكل يوم باشكر ربنا على نعمه ,افتكر الكلمات اللى كتبها عائض القرنى
    " أتريد فى بصرك وحده جبل أحد ذهبا أتحب بيع سمعك وزن ثهلان فضة فكر واشكر ( يعرفون نعمة الله تم ينكرونها

    ReplyDelete
  15. مـحـمـد مـفـيـد

    الحمدلله وجزاكم مثله :)

    *********
    Ahmed Emara

    ده خبر جمييل جدا وان شاء الله هتابع :)

    ReplyDelete
  16. إنـســـانـة

    الحمدلله انا فعلا اخدت بالى انى كمان بقوله كتير والحمدلله الى بيذكرنى اشكره

    *************
    soosa el-mafroosa

    العاقل :))

    ReplyDelete
  17. EncrYpted

    وجزاكم مثله :) فعلا من نعم ربنا بردو اننا نتذكر نعمه اصلا

    *********
    funckydoctor

    الحمدلله فعلا المستشفى ابسط مكان يفكرنا بنعم ربنا
    وجمله الدكتور عائض قريبه جدا من مقاله محممد الغزالى فى كتاب جدد حياتك
    هل تستبدل معاندك بمليون جنيه؟

    ReplyDelete
  18. اه انا بردوا من ساعت معرفت الدعاء ده وانا بقوله على طول
    الحمد لله الذى عافانا مما ابتلى به خلقه

    ReplyDelete
  19. Butterfly

    الحمدلله وحاولى تنشريه بردو :))

    ReplyDelete
  20. الحمد لله على كل شئ وكان الله فى عونها

    اللهم اشفي مرضي المسلمين

    ----

    جزاكي الله كل خير واعذريني اني مش بعلق باستمرار لاني فى امتحانات اخر السنة والوقت ضيق جدا

    ReplyDelete
  21. لا حول ولا قوة الا بالله
    ربنا يصبرها و يشفيها شفاء تاما يارب
    هنادى ياريت تنصحيها تحاول تطلع عمرة و تدعى و تغتسل بزمزم قرات قصص شفاء من امراض خطيرة حصلت فى العمرة و لو مش هتقدر تجتهد فى الدعاء و احنا هندعيلها باذن الله كان د/حازم شومان بيقول كلمة جميلة اوى فى درس الدعاء كان ببيقول فى ناس بتقول يعنى هو ربنا يعنى هيشفى من السرطان فقاله سبحان الله هو شفاء دور السرطان اصعب على الله من شفاء دور البرد ربنا قادر لا يعجزه شىء فى السماوات و لا فى الارض
    شفاها الله و عافاها يارب
    كان عندى واحدة زميلتى فى امتحانات التيرم اللى فات كانت تعبت فجاة و نقلوها المستشفى و اكتشفوا ان عندها مشكلة فى المناعة بتخلى جهاز المناعة يهاجم الجسم و ممكن تظهر فى اى حاجة ايديها و رجليها اليمين توقفوا فترة فكنت بتكلم معاها قريب قالتلى يا يمنى انا ممكن اصحى من النوم فى مرة الاقينى مش بشوف لان هجمات المرض بتيجى فجاة و مش مضمون هيجى فى اية ياااه بجد هزتنى اوى احساس فعلا صعب ربنا يشفيها يارب و كل اللى زيها بعد كل دة الواحد لازم بجد يقول الحمد لله الذى عافانا مما ابتلى به غيرنا و فضلنا على كثير ممن خلق تفضيلا
    عافانى و عافاكم الله

    ReplyDelete
  22. جزاك الله حيرا
    ولكن في كثير من الاحبان يكون الرد بالكلام غير مؤ ثر كما نري عبرة باعيننا
    لذا اترك لكم هذا المقطع لشاب سعودي اصيب بشلل عافانا وعافاكم الله وهو يتكلم عن ثلاث امنيات له لو رزق بالصحة مره اخري
    http://www.youtube.com/watch?v=Ruch38r73Gk

    ReplyDelete
  23. Hawy PHP

    اللهم امين
    ولا يهمك انا بردو هبدأ امتحانات بس بفك عن نفسى ههههههههه

    ***********
    يمنى

    متشكرة اوى يايمنى انا مجش فى بالى الفكرة دى بس ان شاء الله هكلمها واقترح عليها تعمل الموضوع ده مفيش حاجة بعيده عن ربنا واكيد الخير ليها هيحصل
    اللهم اشفى مرضاانا ومرضى المسلمين

    ReplyDelete
  24. Ahmedmasar

    وجزاكم مثله يااحمد متشكرة جدا هشوفه الوقت
    اوقات كتير الواحد بيكون لازم يشوف حاجات زى دى عشان يحس بقيمته أكثر

    ReplyDelete
  25. بصراحة اللسان يعجز عن الكلام في الحالات دي فعلا نعمة الصحة و اي نعمة ربنا من علينا بيها مش بنحس بيها لاننا اتعودنا انها معانا و كل يوم عادي احنا في غفلة شديدة و دوامة الحياة بتاخدنا و اوقات كمان فيه ناس بتفتري على صاحب الابتلاء الحمد لله الذي عفانا مما ابتلا به غيرنا و فضلنا على كثير ممن خلق تفضيلا يارب يشفي كل مريض مسلم و يعافيه و يكفر عنه سيئاته يارب العالمين انا مش قادرة اقولك اد ايه قلبي كان بيتقطع سواء و انا بقرا البوست او الكومنتس ربنا يشفي كل مرضى المسلمين و يفرج كرب كل مبتلى يارب

    ReplyDelete
  26. عارفه ايمنى انتى لفتى نظرى لنقطتين اننا اتعودنا ان الحاجة معانا كل يوم فعشان كده مبنفكرش
    وكمان ان اوقات كتير الناس بتفترى ع صاحب الابتلاء وده طبعا جهل وتخلف منهم بس اكيد فى ميززان الشخص المبتلى ربنا يعافينننا

    ReplyDelete

 
لـلـرغـى فـنــون - Blogger Templates, Wordpress Templates Free - by Templates para novo blogger HD TV Watch Entourage Online. Featured on Local Business Singapore