وربنا لاسعه

بجد مش قادرة اسيطر ع دماغى ياجدعان فيضان أفكار بيستهبل أيام الامتحانات وسيل غباء طول السنه
امبارح وانا راحه انام كنت بفكر ان عيد ميلاد الكمبيوتر بتاعى الشهر ده هههههههههه كممل سنتين فقعدت افكر اتعلمت ايه وقد ايه الكمبيوتر ده غير حياتى وبقا ملازم لا ومقدرش اعيش من غيره
جتلى فكرة مجنونه انى اطلع اعمل بلوج جديد بيتكلم عن الكمبيوتر وبسسسسسسسسسس
قعدت اقنع نفسى اخليها بعد الامتحانات مفيش فايده المهم انا طلعت عملته من شوية بعد مااقنعت نفسى ان الصباح رباح عشان استريح ذهنيا

ده البلوج الجديد
عالمى الإلكترونى

أتمنى انكم كلكم تتابعوه لأنى بجد حلم من أحلامى إنى أقدر أنشر وعى تقنى وإن الناس كلها تتابع أخبار التكنولوجيا الجديدة يمكن فى وم احنا الى نعملها وصدقونى ده شىء مهم لينا كلنا محدش يقول انا مش مهندس ولا مبرمج ولا كلام من ده
طالما انا بستخدم كمبيوتر يبقا المفروض يكون عندى حد أدنى م المعرفه تخلينى اقدر افهم هو شغال ازاى واتابع الجديد لانه اكيد هيسهل عليا حاجات كتير وده هدف التقنيات الجديدة كلها
Make Life Easy

مش هتكلم ع حاجات معقدة لانى بردو مش خبيرة هتكلم ع حاجات بسيطة اوى بس فادتنى كتير
أنا بقالى ٤ سنين بتعامل مع الكمبيوتر لكن هو عندى من سنتين بس وطبعا فى السنتين دول انجزت كتير واتعلمت حاجات كتيرة اوى كنوع من التحدى
إنى اقدر وإن عقلى الى ربنا ادهونى فيه امكانيات كتيرة بس انا مبستغلهاش والأجانب مش أحسن مننا فى حاجة وهتحدى التعليم الغبى الى بخده ،والجهل التقنى الى فى مصر، والكليه الغبيه الى بوظتلى دماغى

وصدقونى مفيش حاجة مستحيله وانا كنت لاافقه شىء فى أى شىء بس بتعلم وبعرف بس

26 comments:

  1. اهم حاجة المذكرة دلوقتي علشان الامتحانات , بس فكرة حلوة ويارب تكملي فيها , مش زي ناس بتهنج من مقالين بس هههههه

    ReplyDelete

  2. ههههههههه والله يا بنتي انك عسل
    حد يكون عنده امتحانات ويعمل بلوج جديد ده مسئولية يا بنتي :p
    طيب .. بما انه اتعمل خلاص فا بقولك مبروك وكل سنة والكمبيوتر بتاعك طيب ومطاوعك ومش بيتصرف حاجات لوحده كدة .. معرفش اذا فهمتيني ولا لأ :p
    وقومي ذاكري بقى
    تحياتي :)

    ReplyDelete
  3. السلام عليكم ورحمة الله وبركاته


    مايهمكيش نتحصل في احسن العائلات

    بس يلا بقي ركزي وشدي حيلك عشان تخلصي
    وماتنسيش لازم تطلعي نظيفه من غير مواد
    :-)

    ربنا معاكِ
    سلام

    ReplyDelete
  4. ازيك يا هوندا
    بتحصل في احسن العائلات بصي اكتبي فكرتك في ورقه وشيلها وقولي هكملها بعد ما خلص وذاكري وركزي دي اهم حاجه

    ReplyDelete
  5. مبــارك يا هنـادي علي البلوج الجديد , وباذن الله يبقي بلوج مميز زيي ده وتم الاضافه الي الريدر

    ReplyDelete
  6. هههههههههههههههه
    ذاكري احسنلك احسن هتبصي تلاقي الامتحانات وصلت والزنقه اشتغلت
    وبطن الواحد تفضل توجعه اه والله بطني بتوجعني لما الامتحانات بتيجي
    اقولك حاجه بمناسبه عيد ميلاد الكمبيوتر ولعي فيه ههههههه او اديه لواحد غلبان
    سلامي وتحياتي

    ReplyDelete
  7. نخلي الامتحانات على جمب دلوقتي :D
    ===
    من ناحيه الفكره هي حلوه جدا
    بس في سؤال انتي ليه متمسكه بال
    blogspot
    ?

    ReplyDelete
  8. يابنتي روحي ذاكري
    أنا حاسه اني بكلم نفسي :)) نفس الحركات اللي كنت بعملها
    وقال ايييييييه كاتبه مش هشد أوي اليومين دول علشان الامتحانات
    هما يوميين وهدخل الاقي بوست جديد هناك :))
    مش كده
    روحي ذاكري بقى

    ReplyDelete
  9. انا هتابع

    بس بعد الامتحانات

    هو انا هضيع نفسى زيك ولا ايه :D


    لا طبعا بهرج
    هحاول اتابع على قد ما اقدر

    ReplyDelete
  10. ألف مبروك يا هنادى
    وان شاء الله يبقى بلوج جامد زى ده
    وذكرى وادعيلى أنا كمان أذاكر
    ههههههههه

    ReplyDelete
  11. بــــــــــــــخ
    عــــــووووو
    ربنا يكرمك وينجحك يااااااااااااااااارب آمـــــــــــــــــين وكفاية كمبيوتر احسن مخك اتخرم
    هههههههههههههه

    ReplyDelete
  12. صح كل سنة وانتى طيبة وياااااااارب تحتفلى بيه السنة الجاى بس مش لوحدك
    :D

    ReplyDelete
  13. Ahmed Emara

    ياسيدى بفك عن نفسى ،وان شاء الله ربنا يعينى واكمل لانى بستعمل لينكس واللينكس مبيهنجش :P

    ********
    علا

    والله انتى الى عثل وحشااااااااااانى
    اعمل ايه بس يابنتى دماغى ورم م التفكير ههههههه
    ربنا يخليكى الكمبيوتر بتاعتى انا مدلعاه ومربياه هههههههه
    هقوم حاضر

    ReplyDelete
  14. خمسة فضفضة

    وعليكم السلام ورحمة الله وبركاته
    بحاول والله ادعوووووووووولى انا نفسى انجح نضييييييييف
    معانا يارب

    **************
    the others

    الحمدلله بخير ازيك انتى؟
    منا بعمل كده بسجهلم ع الكمبيوتر وساعات مبقدرش واسجلهم عملى
    :D

    ReplyDelete
  15. Mutati0N

    الله يبارك فيك :) يسمع منك ربنا متشكرة جدا

    **********
    gehad_fci

    انا بمتحن بالفعل نياهاهاهاها
    ومقدرش استغنى عن الكمبيوتر مهما ان كان
    :P

    ReplyDelete
  16. EncrYpted

    ايوه ارميها ارميها :D

    بصراحه انا بعشق جوجل ومبقدرش اسيبها واروح لحد تانى بتعب نفسيا وحتى احترت كتير وانا بعمل المدونة الجديدة لانى نفسى احجز موقع بس مكسله عشان بحب البلوجر وبستعمل الوردبريس باك اب للبلوج بس :)
    بموت فى جوجل ياناس

    ************
    Rehab Mostafa

    فوله واتقسمت مدونتين ههههههههههه
    يابنتى دارى عليا لازم تفتشينى كده بس انا هحاول جاهدة انى منزلش بوست بعد يومين خليها ٤
    :P

    ReplyDelete
  17. break

    لا ركزى ملكيش دعوه انا فقده هههههههههه ربنا يوفقك :))

    **********
    Butterfly

    الله يبارك فيكى يامارو :)
    شدى حيلك وشدينى معاكى بالمرة بقا ههههههههه

    ReplyDelete
  18. أمــانــى


    يامساء العفرته هههههههههههههه
    ازيك يامنمن وحشانى اووومه كل سنة وانتى بخير وسمع من بقك ربنا هاااااااااااااه
    بالننوسبه لدماغى بقا فاطمنى بنجبسسسووووووه ياشابه

    ReplyDelete
  19. marouk ya gamel 3ala el blog el gded

    rabna ma3aky fe el exams
    we m3ana kolena

    ReplyDelete
  20. عاوزين نشرب شربات النجاح الاول
    ربنا معاكى

    ReplyDelete
  21. القاسم المشترك الأعظم بين المتعاملين مع الكمبيوتر
    إنهم لاسعين !
    طرحت موضوعًا على أساس إني حنعزل شهر الامتحانات دا .. لكنني لم أستطع
    وليلة الامتحان جت لي أفكار قصص ومقالات كثيرة .. وبأجّل بعد الامتحانات
    متأكدة أنني لن أجد إلا الصفر بعدما أنتهي !

    لازم أكتبها دلوقت
    ههههههه

    تحياتي

    ReplyDelete
  22. صديقتي الجديدة هوندا
    كصديقة اقول لك الله ينور و فكرة المدونة الجديدة دي جميلة جدا لكن كأم حقتلك عشان سيبتي المذاكرة :))
    اسمح لي اهديك دعاء المذاكرة يارب ينفعك
    اللهم انا نسألك فهم النبيين و حفظ المرسلين و الملائكة المقربين اللهم اجعل السنتنا عامرة بذكرك و قلوبنا بخشيتك و اسرارنا بطاعتك انك علي كل شيء قدير

    و بعد الانتهاء من المذاكرة
    اللهم اني استودعك ما قرأت و ما حقظت فرده عند حاجتي اليه انك علي ما تشاء قدير و حسبنا الله و نعم الوكيل

    و في بدايه الامتحان
    اللهم لا سهل الا ما جعلته سهلا و انت تجعل الصعب اذا شئت سهلا

    ان شاء الله بالنجاح و التفوق بس ابقي ادعي لي

    ReplyDelete
  23. eng_romisaa

    الله يبارك فيكى ياروما
    :)
    يارب

    **********
    رئـــــيسـة حزب الأحلام

    بس كده من عنيا حاضر ابعتهولك اتااااتش

    ReplyDelete
  24. 77Math

    هههههههههههههه فعلا عندك حق، ربنا يسترها علينا يابنتى مش ممكن الذكاء الالكترونى البشع ده

    **********
    أم أحمد المصرية

    ههههههههههه يعنى انا اسيب امى تحت الاقى امى تانيه فوق الردار شغال تمااااااااااامم

    ربنا يديكى ياستى ع قد نيتك متحرمش :)

    ReplyDelete
  25. مش قلت لك الحاجات بتحلو قوى فى الفتره دى
    والناس بتلسع
    وانا منهم طبعا
    بس حلوه فكرة الجروب جدا

    ReplyDelete
  26. e7na

    وانا بصراحه بستغل الفرصه هههههههههههه

    ReplyDelete

 
لـلـرغـى فـنــون - Blogger Templates, Wordpress Templates Free - by Templates para novo blogger HD TV Watch Entourage Online. Featured on Local Business Singapore