انا فعلا مش عارفه اعمل ايه بتنقط بجد يعنى الاول اما كنت اتعاكس كان ضميرى يأنبنى واقول تستاهلى اكيد لابسك هو الى بيخلى الناس تعاكسك وزمانك بتشيلى ذنوبهم ،وبعد مالبست إسدال تقريبا بقيت بتعاكس أكتر م الاول
،بغض النظر عن إن شكلى عادى جدا والحمدلله لا اقارن بين اى فتاه بلاش نقول حاجة تانيه م الروشييييييييييييييييين
هو انا مش من حقى امشى فى الشارع من غير ماحد يضايقنى؟؟؟اما اكون راحه الامتحان انهردة والاقى واحد طلعلى راسه م التوك توك ويقولى صباح الجمال ياحميل اعمل ايه؟
مسكت نفسى طبعا ولا كأن حد بيتكلم وقعدت استغفر ع الاشكال الى ع الصبح دى والواحد وراه امتحان
واما اكون نازله م الميكروباص والواد كان راكب قدام فى نفس ذات الميكروباص وينزل مع صحبه وبعدين وانا ماشيه الاقى الى يقربلى ف وشى ويقول والله ياأخى الواحد عايز يخطب واحدة بإسدال
مش فاهمه انا مالىىىىىىىىىىى تقرفنى ليه ده غير انى بتخض وربنا تلاقو الناس بتنط كده فى وشك
انا متأكده ان دول سبب وقف نموى وانا بقيت قصيرة كده هههههههههههه
بلاش دول مش عارفه ليه حصل معايا لحد دلوقت ٣ مرات وانا ماشيه الاقى واحد يقولى والله الواحد عايز يتجوز
سين سؤال أنا مال أهلى بالموضوع ح قالهم انى فاتحه مكتب احوال اجتماعيه وبجوز البنى ادمييين؟
كنت جوزت صحباتى وقريبى بقا أولى ولا جوزت نفسى بالمرة عشان اما حد يعاكسنى اناديله راااااااااااااجلى
يااخى الى مترضهوش لاخوتك مترضهوش لبنات الناس
ولا الرجوله مبتظهر غير اما اختك ولا قريبتك ولا حتى البت بتاعتك تتعاكس
والله ياجدعان بضايق اوى
بس ان كان ع قد النقطه بسيطه المشكله انى لو حد ماشى معايا بتحرج
اففففففففففف
هوندا
*.*
May 21, 2008 6:35 AM
هههههههههههههههه
هههههههههههه
الناس مبقتش بتفرق بين اللي لابس محتشم واللي لابس هشتك بشتك
معلش يا هوندا هتعملي ايه يعني ابقي سدي ودانك وغمضي عنيك وخلي حد يوصلك
ربنا يوفقك في الامتحانات
May 21, 2008 6:37 AM
طب والله دي ناس محترمة
ومعاكساتها راقية ولطيفة
في انواع تانية بيعاكسوا بطريقة تهريج الخدامين
وبقلة ادب كمان
انما الناس بتوع التوك توك او الميكروباص دول اللي انتي حكيتي عنهم عيال غلابة بينفسوا عن نفسهم
وبعدين دول غرضهم شريف عايزين يتجوزوا
واعتقد انهم بيرموا الكلمة دي على اساس انك تقفي وتديهم العنوان علشان يروحوا يقابلوا بابا
ههههه
روقي كدة...دة حتى بيقولوا لنا ان مفيش بنت بتتضايق من المعاكسات بأعتبارها بترضي غرورهم الانثوي
تحياتي
May 21, 2008 8:29 AM
السلام عليكم
تحياتى لك لقد مررت بمدونتك واتمنى لك التوفيق وأدعوك لزيارة مدونتى
May 21, 2008 10:44 AM
معلش ياهنادي الشباب التافهه كتييير
والمشكله انهم بيزيدوا يوم عن التاني ومبتفرقش معاهم اي واحده لابسه اسدال او لا يعني نوع اللبس مش بيفرق معاهم
ربنـا يكون في عونك , والحمد لله ان الواحد مبيعكسش
May 21, 2008 12:09 PM
فعلا مشكله الشباب معتش عاتق فى حاجه غلط فى المجتمع
تحياتى
ابوالعربى
May 22, 2008 3:29 AM
يابنتى والله المنقبات كمان بيتعكسوا
ده غير انه بيترخم عليكم فى الكلام كتير
كبرى كبرى
صاحبتك شافت أمر من كده بكتير و معتش الا التباعيين كمان يالهووووووى
هو انا ناقصه
May 22, 2008 10:08 AM
والله يا هوندا ولا حتى اللبس غير المحترم مبرر للمعاكسه
هم يعنى كده بيدعوهم للفضيله لما يعاكس
والله الشعب نصه بقى مرضى نفسيين
May 22, 2008 10:28 AM
روقي يا هوندا وما تزعليش الحكاية مش حكاية جمال وحلاوة دي حاجة ثانية مش عايز اقولها وربنا يعفينا ومش شرط أنك محتشمة لان الموضوع زي ما بقول حاجة ثانية خالص والسبب فيها اللي بيشوفه في التلفزيون وفي الشارع
واللي بيشوفوا بيخلي عندهم كبت يطلعوه
طبعا انتي ملكيش ذنب لكن ذنب ذنب المجتمع
May 22, 2008 5:09 PM
يااخى الى مترضهوش لاخوتك مترضهوش لبنات الناس
انتي جبتي من الأخر ... الناس دي أصلاً ماعندهاش ريحة الدم بجد ... بس انتي روقي كده وصلي على النبي :) وكويس انها بتيجي على قد الكلام ... المنقبات ياماما كمان بتتعاكس ومعاكسات أشد من كده كمان
للأسف
May 23, 2008 12:20 AM
أنا كنت هخش اعكسك يا هوندا وأقول ايه الحلاوة دهالتدوينة لذيذة جدا
ودمها خفيف
بجد
بس واضح أنك بتزعلى من المعاكسة
بصى هي حاليا موضوع المعاكسة بقى موضة صعب تتغير
بقى الناس عايزة تفرغ اي هم في اي هم وخلاص
المهم تعمل حاجة
كويس المعاكسة معاكي كدة صدقيني بأدب برضه
ده فيه بلاوي بتحصل
والفاظ متتقلش
يعني احسن حاجة
متخرجيش من البيت ههههه
حاجة تجيب الضغط فعلا
تصدقي عمري ما عكست بنت
وده مصيقبة سوداء لا هنزل حالا اعاكس وارجع
روقي كدة واضحكي محدش واخد منها حاجة خالص تحياتي
May 23, 2008 5:43 AM
الحمد لله طالما انك ملتزمه بالحجاب لشرعى يبقى الاثم عليهم هما
عارفه هما بيعاكسوا البنت اللى يحسوا انها مش هاتقدر تتكلم واكيد حاسوكى كدة فعاكسوكى
ربنا يحميكى ويحفظك اللهم امين ويحمى جميع بنات المسلمين
May 23, 2008 2:35 PM
عزيزتي
من يفعل ذلك .. لا يفعله لأن من أمامه لفتت نظره .. ربما قد لا يكون انتبه لشكلك .. هؤلاء "كائنات" قليلة التربية وخالية من الذوق العام تقول ذلك لأي "امرأة" والسلام
بعض الرجال هوايتهن "معاكسة" النساء والسلام
صدقيني لا يتعلّق الأمر بملابسك .. ولا بأي شيء بك .. بالعكس حتى لو انتقبتِ سيظل الأمر على ما هو عليه من هؤلاء المرضى
لا تغضبي ولا تنفعلي .. كنتُ مثلك حتى اكتشفتُ ما أخبرتك إيّاه توّا ..
فليذهبوا إلى الجحيم
تحياتي
:)
May 24, 2008 2:23 AM
جربي البسي دبله في ايدك اليمين ...
هو صحيح كدا ... حتعنسي .. بس
مش حتتعاكسي
:P
May 24, 2008 12:05 PM
للأسف المعاكية بقت حاجة عادية
الناس مابقتش تفرق
معلش اعميلى ودن من طين والتانية من طين برضه أصل الدقيق غلى :D
May 25, 2008 4:29 AM
الحمد لله انها جات على قد كده بس خلاص بجد الشباب معظمهم بقوا زي الزفت
بس اظن الى يخلي واحد انه يعاكس الي لابسين اسدال ان للاسف فى ناس بتلبسه مش علشان يحافظوا على نفسهم فى بيلبسوه موضة يوم يلبسوه ويوم تاني يغيروه
ان شاء الله ربنا يبعدهم عنك
و يوفقك فى امتحاناتك
May 25, 2008 7:42 AM
ده حتي المنتقبات بتتعاكس
بيبقوا عاوزين يعرفوا مخبية ايه تحت النقاب
احنا احسن حاجة نلم اللي بيعاكسوا كلهم في حتة واحدة ونولع فيهم