ادعى وأقول ايه ها؟؟


اعتقد ان لو حللو دم مستخدمين الانترنت بشكل يومى زيينا كده هيلاقو جزيئات فرسه على كبت على فقعه على بلالين مراراه مثناثره من نافجارها من منطقتها الأصليه
ليه بقا؟ لأنك بتشوف القرف على أصله مباشرة من غير ماتسمع عنه وتقول يااااااااااه فى كده لا انت بتشوف قدام عنيك.

طمطم ادتنى لينك من شوية ع الفيس بوك بتقولى ادخلى اتفرسى وانا قلت اكيد جروب م الجروبات المقرفه

المهم الجروب بيتكلم عن خلع الحجاب ويعنى هيحرررو المصريات ياحرام من التخلف الى هما فيه والكبت عشان مفروض عليهم الحجاب ياحرام كنت هعيط بجد ياعينى

المهم مسكت نفسى وقلت القى نظرة شامله ع الجروب مكتوب ايه
انت لست بعوره انت لست بعوره
هو مين قال ان انا عوره؟؟
انا عارفه ايه الى ربنا فرضه عليا يتكشف وايه الى ربنا فرضه عليا يتستر

لا وايه يقولك قريبا سنحرق الحجاب فى ميدان التحرير ..... الله يحرقكم

الى يبفقع بقا حاطين صور ممثلات قبل وبعد الحجاب وربنا هلكت ع روحى م الضحك م التعليقات فى كده بجد ده غير ان فى الفاظ قذره فعلا شوفو:

يارب تقلع الحجاب وتعقل ياخسارتها !!

واحد من الناس العاديه دخل يعلق
"المهم ان اللي بيردوا اساميهم محمد حاجة تقرف وتكسف واللـه"
اتنسف طبعا
يا كلب يا حقير يا وهابي إمشي إطلع برة يا نجس يا جاهل إمشي يالا من هنا إطلع برة
شوف إزاى ياأخى؟؟ كنت عايزة اشترك وادخل اقول حاجة واخرج بس للاسف مش هعرف ارد ع الاشكال دى ومش عايزة اشتم ومش عايز انشر الجروب المقرف ده ،لقيت بلوج محطوط ليهم قلت كمااااااااااااان ودخلت ابص طبعا بلوج فى غايه القرف

حاطط صور كل الشيوخ بيشتمهم يوسف القرضاوى ،زغلول النجار،عمرو خالد،ووصلت للشيخ الشعراوى

وفرحانلى اوى وكاتبلى انا علمانى وانا بقوله طظ
والله ياسيدى انا صعبان عليا حرقه دمك انت ليه منرفز نفسك الى يتحجب ولا يتتنقب انت مالك؟؟
مش علمانيتك بتقولك فصل الدين عن الدنيا فى (السياسه) عشان كده الإخوان وحشين؟
مالك بقا الى يلبس يلبس والى يتنقب يتنقب حارق نفسك ليه هو مفيش ديموقراطيه عندكم؟
يبقا حضرتك علمانى متعصب ايون اتعلمن على نفسك ومتقرفناش وياك
واحتفظ بافكارك المقرفه لنفسك ومحدش بيجبر حد على علاقته بربنا متحشرش نفسك بين العبد وربه

وهيا علمانيتك بتقولك تشتم الشيوخ كمان؟

انا ششايفه ان عدد العلمانين فى مصر بيزيد وبطرقه غبيه كل الى يتعلمن يطلع يشتملى فى الدين والحجاب والنقاب انتو ملكم خليكو فى نفسك
اهو ده الى انتو فالحين فيه كلام وخراب وشتيمه
يخويا بتحب مصر والحب مشعلل اوى اشتغل وساعد على رفعها بدل ماهى مدلدله اوى ولا عايز تشغل دماغى الناس بمواضيع متخلفه وهما مش ناقصين اصلا ولوحدهم مجرجين

المهم لقيت جروب معمول بيطالب بقفله،انا شايفه اننا بدل ماعملين نقول امريكا والدنمارك وهولندا نصلح من أنفسنا الأول لان العيب خارج مننا اصلا،

احنا محتاجين نقرأ فى الدين كويس عشان نفهم صح
ومحتاجين نقرأ عن كلام الاخوه العوالم ههههههههههه ورد علليهم ا عشان اما حد يقع قدامك تعرف ترد عليه بثقه
اصلهم بقو منتشرين اليومين دول والله بيصعبو عليا

اللهم اهدنا واهدى بنا واجعلنا سبب لمن اهتدى
اللهم ثبت قلبى على دينك
اللهم أعزنا بطاعتك ولا تذلنا بمعصيتك

إمضاء مسلمه محجبه ومسدله غثبن عنكم
:P

20 comments:

  1. اخيرا انا في بلوجي العزيز اللي هوندا مش ناوية تحن عليا وترجعني ليه :( بعد غلطة غير مقصودة طبعا

    ولحادثة نادرة الحدوث اول واحده برد على بوستك يا عربيتي ياجمالي يا ناس

    المهم ربنا يرحمنا برحمته يا هوندا واحب ااقولك ان دي البداية مادام عندنا حكومة سايبة البوظان عادي وبيجرو ورا اللي بيقول كلمة حق ومنبقاش نعيب على اللي برا لما يتكلمو علينا

    واذا كان هما حيقدرو يحرقو الحجاب فان شاء الله ربنا حيحرقهم في جهنم

    ربنا يهدي يااااااااااااااااارب

    ReplyDelete
  2. اهلا اهلا
    بصراحه انا استحلتها وعايزة اقرصك شوية لحد ماتتحايلى عليا ادخلك عشان تنزلى بوست هااااااااااااا ياست المهمه

    فعلا يابنتى بلد سايبه وربنا هههههههههه مش فالحين الا يقفولو القنوات الدينيه
    ربنا يهدى

    ReplyDelete
  3. هو إنتوا فاكرين إن في ناس دا بجد رأيهم؟؟؟

    علشان تعرفوا، في مدونات كتيره قايمه علي شتيمه ومهاجمة الإسلام، مش علشان دا رأيهم لأ، دا علشان هما بيقبضوا فلوس علي كده من منظمات سواء يهوديه أو منظمات زي أقباط المهجر.... وهكذا، وتلاقيهم بيدخلوا علي المدونات يرزعوا أسافين.... لو مسلم يكلموه علي إنهم مسيحين ويهاجموه ويشتموا، ولو مسيحي يدخلوا يهاجموه علي إنهم مسلمين أو إخوان مسلمين ويشتموه، ويكتبوا أي بلاوي في مدوناتهم ويشتموا ويختلقوا وقائع كاذبه، وبرضوا يدخلوا يردوا علي نفسهم علي أساس إنهم كتير، بس هما واحد والا إتنين..... كده يعني

    نصيحه: تجاهلوا وجودهم ولا تعبروهم وهما حيموتوا لوحدهم، هما اصلا مالهومش جمهور، دول بيكتبوا التدوينه ويدخلوا يردوا علي نفسهم يشتموا شويه ويمدحوا شويه... لأن محدش معبرهم

    تحياتي

    ReplyDelete
  4. هههههههههههههه لا بجد جروب يضحك
    بس على فكره تلاقي اللي معلق هناك ده بمحمد اتلاقيه اسم جورج ولا اسطفانوس او من الحاجات من اللي بالك فيها دي . انتي عارفه ان الحاقدين كتير والناس بتحب تهيص يعني ملحدين مصر و اليهود العرب واللي عايزين يشوهوا شكل المسلمين وبلاوي كتير قوي وطبعا ميمنعش ان فيه مسلمين لكن حنقول ادعي ربنا يهديهم
    ههههه بس على فكره مش بعيد ياخدوا علقه في ميدان التحرير هههههههههههه في مصريين برضه دماغهم حديد لا بيهمهم حكومه ولا بتاع

    ReplyDelete
  5. لا حول ولا قوة الا بالله
    بجد حاجه مؤلمة
    ومش ممكن نشوف حاجه اكتر حقارة من كده

    المهم الجروب بيتكلم عن خلع الحجاب ويعنى هيحرررو المصريات ياحرام من التخلف
    لا بجد هيحرروهم لا لا لا مش مصدق
    يحرروهم من ايه ان شاء الله
    محسسنى انهم مثلاً فى ابو غريب من النساء اللى بتنتهك اعراضهم قدام العالم كله مثلا والله انا مش عارف الناس دى ايه اللى بيلعب فى دماغه

    لا وايه يقولك قريبا سنحرق الحجاب فى ميدان التحرير ..... الله يحرقكم
    يــــــــــارب آمين وجميع العلمانين فى يوم واحد

    يارب تقلع الحجاب وتعقل ياخسارتها !!
    هههههههههه
    لا بجد
    ايه الهبل ده؟؟؟

    "المهم ان اللي بيردوا اساميهم محمد حاجة تقرف وتكسف واللـه"
    كمــــــــــــــــــــان اسمه محمد
    اقوله ايه بس

    حاطط صور كل الشيوخ بيشتمهم يوسف القرضاوى ،زغلول النجار،عمرو خالد،ووصلت للشيخ الشعراوى

    هما مش يعرفو قيمة الناس دى
    ولا يقذف بالحجارة الا الشجر المثمر

    وفرحانلى اوى وكاتبلى انا علمانى
    طـــــــــــــــظ
    دول اجهل ناس ممكن تلاقيهم
    صبح صبح يا عم الحج

    اللهم اهدنا واهدى بنا واجعلنا سبب لمن اهتدى
    اللهم ثبت قلبى على دينك
    اللهم أعزنا بطاعتك ولا تذلنا بمعصيتك

    اللهم آمين
    ويــــــــــارب اهدى شباب وبنات المسلمين
    :( :( :(

    ReplyDelete
  6. الله المستعان

    ولكني أرى والله أعلم ألا ننشغل بالردود وإنما الاهتمام بالاتجاه المعاكس
    يعني مواجهة الفكر بالفكر
    وكل واحد في مكانه
    هم عندهم مجموعات ومدونات
    ونحن عندنا مجموعات ومدونات
    قاموا بعمل مجموعة تدعو لخلع الحجاب
    نستطيع أن نعمل مجموعة تدعو للحجاب
    وهكذا نجد هذا الفكر المتعفن يمضحل يوما بعد يوما لأنه لا يستطيع مقاومة هذا المد الإسلامي، هذا غير أنهم يحاربون رب العالمين فهل نحتاج إلى مساندة أكبر من ذلك؟

    وأنا قمت بشبه ذلك قريبا في مدونتي ووجدت النتيجة جيدة بفضل الله تعالى

    ReplyDelete
  7. للاسف سا هنادس نسبه البقر بيعلوا في الدوله ونسبه الناس الي عندهم عقل بتقل , احنا بصراحه مش هاوي الفيس بوك ده ومبحبوش اوي يعني بس فعـلا الي يقدر يعمل جروب يدعوا للحجاب يبقي حاجه كويسه جدا كفعل مضاد , بجانب عدم نشر الفكره او الاشاره للجروب
    لعنـه الله عليهم ,

    ReplyDelete
  8. لأ ماعلش ماتوصلش للشيخ الشعراوي بقى كده كتيييييييير
    ايه الهبل اللي الناس فيه ده :@
    حسبي الله ونعم الوكيــــــــــل

    ReplyDelete
  9. ممم
    وصلنا لدرحة انحطاط دينى ما وردتش
    عموما سيبك منهم دول شوية صيع

    ReplyDelete
  10. يا جماعة احسن حل للناس دى التجاهل التااااام

    لان احنا كدة بنشجع على انتشارهم و بنديهم اهمية و قيمة و هو ده اللى هما عاوزينه
    الانترنت ده عامل زى الشارع و دول صفايح زبالة فيه المفروض ما نديهمش اهتمام

    ده نباح كلاب
    لا يطول ابدا السحاب

    ReplyDelete
  11. وجهة نظري

    اعتقد ان فى ناس فعلا كده وانا شفت منهم شخصيا ،انا اول مرة اعرف الكلام الى حضرتك بتقوله ده بس ده لو صحيح فعلا فدى مصيبه بجد وشىء يكسف إننا نوصل للدرجة دى ونبقا سلعه فى ايد الى يسوى والى ميسواش وبدل مانعز دينا نبخسه بفلوس !!!!

    ReplyDelete
  12. EncrYpted

    مش عارفه بردو تصدق فكرة :D
    والله تبقا حركة جامدة فعلا لو اخدو علقه

    *********
    mo5tar

    فعلا يارب يهدينا ويهدى شباب وبنات المسلمين جزاك الله خيرا

    ReplyDelete
  13. مصطفى حسان

    اتفق معك ،بس الافضل لما حد يقول فكرة غلط حد يرد عليه بالصح ع الاقل كنوع م الاعتزاز بدينى وعشان الناس تعرف الخطأ الى الموجود وميستهتروش
    وبالفعل فى جروبات كتيرة موجودة ع الفيس بوك بتتكلم عن الحجاب

    ReplyDelete
  14. Mutati0N

    ماهو الناس بتحاول متنشرش الجروب ده عشان ميتهرش وبالفعل فى جروبات مضادة ظهرت ليهم الحمدلله

    ************
    Rehab Mostafa

    حسبى الله ونعم الوكيل فعلا
    انا دمى اتحرق اما شفت الشتيمه دى

    ReplyDelete
  15. funckydoctor

    ربنا يستر ومنوصلش لحاجة اكتر من كده

    **********
    جـيـداء

    صح انتى كلامك مظبوط كفايه بس انهم يعرفو اد ايه احنا بنستحقرهم

    ReplyDelete
  16. ربنا ينتقم منهم دول اكيد ناس معندهاش لا عقل و لا مخ تفكر بيه اعوذ بالله

    ReplyDelete
  17. فعلا ربنا يهديهم ويعافينا

    ReplyDelete
  18. ايه الناس المتخلفة دى
    دانا اللى يدوب بقرأ كلامك ومشوفتش حاجه دمى اتحرق
    الله يحرقهم فى نار جهنم ان شاء الله
    ولا ربنا يهديهم ويهدى جميع المسلمين .

    ReplyDelete
  19. واضح انك أول مرة تتعاملى مع ناس من الفئة دى
    أولا اللى بيرد واسمه محمد أو عمر أو أى اسم تانى
    غالبا ده مش اسمه وعلى الإنترنت مليون شخص بيدخل بإسم مسلم علشان يشتم فى الإسلام
    ولو بتدخلى على العربية نت هتلاقى ملايين كده
    ثانيا الكلمة المشهورة اللى معظمنا بيقولها نواجه الفكر بالفكر
    الناس دى مش مستعدة انها تسمع فكرك أصلا
    مجرد ما هتنطق بكلمه واحدة
    هتلاقى ألف قذيفة من نار, زى يا وهابى يا متخلف .... الخ الخ

    طيب ايه المطلوب
    أولا الناس اللى من النوعية دى مفيش منها نتيجة ترتجى
    ومش الصح اننا نجادل ناس زى دى لأن الواضح عليهم انهم مش هيسمعوا اى كلام
    وحتى فى القرآن

    {وَقَدْ نَزَّلَ عَلَيْكُمْ فِي الْكِتَابِ أَنْ إِذَا سَمِعْتُمْ آيَاتِ اللّهِ يُكَفَرُ بِهَا وَيُسْتَهْزَأُ بِهَا فَلاَ تَقْعُدُواْ مَعَهُمْ حَتَّى يَخُوضُواْ فِي حَدِيثٍ غَيْرِهِ إِنَّكُمْ إِذاً مِّثْلُهُمْ إِنَّ اللّهَ جَامِعُ الْمُنَافِقِينَ وَالْكَافِرِينَ فِي جَهَنَّمَ جَمِيعاً }النساء140

    لكن الخوف بقى على الشباب اللى ما يعرفش حاجة فى دينه وممكن لما يقرا أو يسمع كلام زى ده يتأثر بيه, وللأسف فى ناس كتيرة كده

    والمشكلة دى حلها مش سهل لأنها محتاجة كل واحد يحلها بشكل شخصى وسط الناس اللى يعرفها
    يعنى كمل حد فينا مطلوب منه يتعلم كويس علشان فى أى وقت يلاقى حد من الناس اللى ماعندهاش معلومات او خبرة قد كده يقدر ينصحهم ويعلمهم صح
    وغير كده ما تنسوش ان مطلوب مننا مستقبلا نعلم أولادنا يعنى كده ولا كده لازم نتعلم صح

    ReplyDelete
  20. Butterfly

    طبيعى اى حد يقرأ الكلام دمه يتحرق ربنا يهدينا جميعا

    **********
    Mahmoud

    جزاك الله كل خير ،اانا فعلا اول مرة اعرف النقطه دى انهم بيسمو باسمينا مخدتش بالى بصراحه خالص قبل كده

    واشكرك على التذكره لان الرسول فعلا نهى عن الجدال
    وانا كنت اقصد اننا محتاجين نتعلم اكتير فى دينا عشان نقدر نواجه التيار العكسى ده
    واعتقد اننا فعلا لو بدأنا بأنفسنا هنقدر نعمل حاجة

    ReplyDelete

 
لـلـرغـى فـنــون - Blogger Templates, Wordpress Templates Free - by Templates para novo blogger HD TV Watch Entourage Online. Featured on Local Business Singapore