دماغى هريانى

هل هناك علاقة وطيده بين الطيبه والسذاجه؟؟
وهل التعامل بالطبيعه يعتبر نوع من أنواع السذاجه المغلفه بالهبل؟
وهل إحترام الآخرين ومعاملتهم بمثل ماتحب أن يعاملوك نوع من نقص الخبره؟
وهل تستطيع تحمل نظرتك لنفسك أنك ساذج ولولا ذلك ماكررت خطأك؟
أم لا تُعيرها إنتباها ولكن تفكر أن الآخرين يعتبرونك كذلك وهذا مايثير حنقك؟
هل تستطيع أن تضع حدود للتسامح مع الآخرين تفصل بين وجوب التحلى بها مع منع المساس بكرامتك؟

ماذا تفعل إذا كانت نظرتك لنفسك أنك ساذج ولكن الآخرين لا يرونك كذلك؟
وماذا تفعل حينما تقع فى معاصى كلما ابتعدت عنها عُدت إليها برغم أنها قد تضرك فيكفى نظرتك لنفسك وتألمك كلما مدحك أحد؟
فعلاً الناس ليها الظاهر

مامدى عملك بما تعلمته بما قرأته بما تأملته وتفكرته؟
مامدى شعورك بِهٌم أمتك وتخلفها وضياعاها؟
ماذا قمت للنهضه بها وهل حاولت النهوض بذاتك أولا؟
مامدى ثقتك فى الله وقدراتك التى وهبها إياك وإلى اى مدى استخدمتها واعطيتها حقها؟

متى آخر مرة قرأت القران،فهمت القرآن ،عملت به،حفظته؟
متى اخر مرة تصدقت،ساعدت ،فكيت كرب،زرت مريضا؟
متى آخر مره ذكرت الله استغفرته شكرته حمدته احببته؟؟؟

سئمت هذه الدنيا الدانيا
ولكن لم أعدد شىء لآخرتى حتى أتمنى الرحيل
حتى ماحسبته قد بنيته أشعر بذنوبى الكثيرة أنى أهدمته
يارب اهدينى واغفرلى وأعزنى بطاعتك ولا تذلنى بمعصيتك وأعنى على ذكرك وشكرك وحسن عبادتك ووفقنى للخير أينما كان واستخدمنى لخدمتك وخدمة دينك ووفقنى لما تحبه وترضاه

14 comments:

  1. على فكرة..انا كنت لوقت قريب جدا فاكر ان الواحد لازم يعامل الناس كما يحب ان يعاملوه
    ودة خطأ كبير قوي على فكرة
    لازم تعاملي الناس كما يحبوا ان يعاملوا
    لازم تغيري اسلوب تعاملك مع الفرد طبقا لما يحب ان يتعامل به
    ما ينفعش يبقى اسلوبنا في التعامل واحد لا يتغير مع كل البشر
    في ناس محترمة وفي ناس مش كدة وفي ناس بتحب البساطة وفي ناس تانية متكلفة في تعاملها وكل نوع يستحق المعاملة التي يستحقها
    ارجو ان اكون وصلت ما اريد ان اقوله
    تحيااااتي

    ReplyDelete
  2. عزيزتي هوندا
    دوامة كبيرة من الأسئلة معاكي حق فكل حاجه قوليتها
    في الوقت دا انتي محتاجه لحد ينقلك خبرته
    دوري في الناس اللي حواليكي .. فتشي و هتلاقي

    آه .. انت بتتكلم بكل ثقه كدا ليه
    اقولك ليه .. لأن ديه كما أظن انا إنها أعلى نقطة في منحنى في تكوين الشخصية
    المرحلة العمرية اللي انتي فيها .. و اللي بيعيشها كتير مننا دلوقتي

    طيب ليه بأه ياعم الحكيم ما تردش و تفيدنا بخبرتك .... للأسف مش هعرف
    :(
    لأني بمر بنفس المرحلة

    تحياتي

    ReplyDelete
  3. ولكن لم أعدد شىء لآخرتى حتى أتمنى الرحيل
    حتى ماحسبته قد بنيته أشعر بذنوبى الكثيرة أنى أهدمته

    حبيت اوي الجزء ده جامد جدا ربنا يعز الاسلام بيكي ويعزك بالاسلام

    ReplyDelete
  4. كل ده أسئلة ربنا يعينك

    فكرة الموت فعلا فكرة روادتني هذه الايام بشدة كنت أتمني الحديث عنها ولكن لا اريد أن أعقدها كثير

    غفر الله لنا ولك وللمسلمين

    ReplyDelete
  5. A.SAMIR

    اتفق معك اعتقد اننا لو عرفنا مدخل كل فرد منين نقدر نتعامل معاه ع الأساس ده وفى نفس الوقت تكون معامله صادقه ومن غير أذى

    **********
    MrXprt

    بحاول وعرضى للأسئله هنا اكيد من ردود الناس هفهم او هلقط حاجة جديدة حتى
    :)

    ReplyDelete
  6. Ahmed Emara

    اللهم امين ولك مثله :)

    ************
    أبو مروان

    الرسول قال أكثرو من ذكر هادم اللذات
    يعنى مش بنعقدها ولا حاجة

    اللهم أغفر لنا وللمسلمين أحياءً وأمواتاً

    ReplyDelete
  7. السلام عليكم ورحمه الله وبركاته

    ازيك يا هنادى ؟

    بجد الأسئله دى كانت بتراودنى كتير جدا نفس تفكيرى بالظبط
    مش عارفه اجابتها ايه انا بحتار كتير فى زمننا ده ،، بس آخر ما زهقت قلت انا هعمل اللى قلبى وعقلى بيدلنى عليه دون التفكير كيفيه نظره الناس ليه المهم انك تكونى راضي هربنا وماشيه فى الطريق الصحيح

    تحياتى ..السلام عليكم

    ReplyDelete
  8. ♡الطبـيـبـه الأديـبـه♡

    وعليكم السلام ورحمة الله وبركاته
    الحمدلله بخير ازيك انتى؟؟؟وحشانى جدا ارب تكونى خلصتى امتحانات وفقتى ههههههههههه

    انتى صح ،بس التفكير معتقدش انه مرتبط بالزمان هو مرتبط بالحياة بواجه عام
    يعنى حتى لو كنا فى زمن تانى اكيد كن هفكر بردو النقطه فى الجو العام المعلومات الى بتتحالك فى كل عصر بتختلف وبتفكر عليكى انواع معينه م التفكير

    ReplyDelete
  9. ربنا يكرمك ويوفقك لما يحبه ويرضاه
    هل هناك علاقة وطيده بين الطيبه والسذاجه؟؟
    وهل التعامل بالطبيعه يعتبر نوع من أنواع السذاجه المغلفه بالهبل؟
    وهل إحترام الآخرين ومعاملتهم بمثل ماتحب أن يعاملوك نوع من نقص الخبره؟


    أنا بقى اللي دماغي ورمت من الأسئله دي ولو لقيتي اجابه ابقى قولي عليه

    وبعدين ليه التشاؤم اللي في الاخر ده بس
    صلي على النبي كده واهدي ياماما وربنا ان شاء الله هيكرمك:)

    ReplyDelete
  10. السلام عليكم ورحمة الله وبركاته
    اختاه اظن ان موضوعك يتلخص في ثلاث نقط هم علاقة الانسان بنفسه وبربه وبالناس المحيطه به واظن ان تلك هي الدنبا التي نعيش فيها لا يمكن ان نتغافل عن اي علاقه من تلك العلاقات الثلاثه خاصة وان ارتباطها وثيق ببعض لا يمكن ان ينفصلوا خاصة بالنسبه للانسان المسلم فعندما يسمو المرء بعلاقته بريه يشعر بالرضي تجاه نفسه مما ينعكس علي علاقته بالناس
    لا اريد ان اتكلم في عموميات ولكن كل من تلك العلاقات تاخذ في تحسن وضعف في مراحل حياة الانسان المختلفه هكذا خلقنا الله سبحانه وتعالي وهو عالم بضعفنا وكما جاء بالحديث الشريف( لو أنكم تكونون على كل حال على الحالة التي أنتم عليها عندي لصافحتكم الملائكة بأكفهم، ولزارتكم في بيوتكم، ولو لم تذنبوا لجاء بقوم يذنبون كي يغفر لهم‏)


    ولكن لو عرفنا منطلقاتنا في التعامل مع الناس لسهل ذالك علينا الكثير والكثير فهل هي علاقة اخوه ام منافسه ام صداقه ام تسليه ام دعوه ام ماذا وعلي هذا الاساس يكون تعاملنا مع الاشخاص وتحملنا لهم ولنا في سيرة نبينا العطره علامات وارشادات كم نغفل عنها
    واما بالنسبه لنقطة تانيب الضمير فانا اعرف ان كثير من الاحيان بكون كلام الناس وحسن ظنهم بالفرد كالسياط التي تلهب جسده وتجعله في ضيق متمنبا كرسي اعتراف لكي يعترف بذنوبه وحقيقته لكن الله اكرمنا بالاسلام فلا كرسي اعتراف ولا صك غفران وانما هي علاقه متصله بينك وبين المولي لا رقيب عليها ولا مانع لها فما ملجا لنا الاهو هو عالم السر والنجوي
    اللهم تب علينا وارضي عنا ياكريم
    فنحن من دونك ضعفاء فقونا علي انفسنا وافتح بيننا وبينا اخواننا ولا تجعل في قلوبنا غلا للذين امنوا يارب العالمين

    ReplyDelete
  11. السلام عليكم

    ازيك ياهوندا وحشتينى...بجد اسئلة بتراودنى...لانى اتصدمت فى التعامل بناس كتير...اهم شئ وزى ما القرآن علمنا[فَبِمَا رَحْمَةٍ مِّنَ اللّهِ لِنتَ لَهُمْ وَلَوْ كُنتَ فَظًّا غَلِيظَ الْقَلْبِ لاَنفَضُّواْ مِنْ حَوْلِكَ فَاعْفُ عَنْهُمْ وَاسْتَغْفِرْ لَهُمْ وَشَاوِرْهُمْ فِي الأَمْرِ فَإِذَا عَزَمْتَ فَتَوَكَّلْ عَلَى اللّهِ إِنَّ اللّهَ يُحِبُّ الْمُتَوَكِّلِينَ](آل عمران: 159). وايضا
    {‏ضَرَبَ اللّهُ مَثَلاً كَلِمَةً طَيِّبَةً كَشَجَرةٍ طَيِّبَةٍ أَصْلُهَا ثَابِتٌ وَفَرْعُهَا فِي السَّمَاء تُؤْتِي أُكُلَهَا كُلَّ حِينٍ بِإِذْنِ رَبِّهَا وَيَضْرِبُ اللّهُ الأَمْثَالَ لِلنَّاسِ لَعَلَّهُمْ يَتَذَكَّرُونَ وَمَثلُ كَلِمَةٍ خَبِيثَةٍ كَشَجَرَةٍ خَبِيثَةٍ اجْتُثَّتْ مِن فَوْقِ الأَرْضِ مَا لَهَا مِن قَرَارٍ يُثَبِّتُ اللّهُ الَّذِينَ آمَنُواْ بِالْقَوْلِ الثَّابِتِ فِي الْحَيَاةِ الدُّنْيَا وَفِي الآخِرَةِ وَيُضِلُّ اللّهُ الظَّالِمِينَ وَيَفْعَلُ اللّهُ مَا يَشَاء‏}‏ ‏[‏إبراهيم‏:‏24-27‏]‏،

    [وقل لعبادي يقولوا التي هي أحسن إن الشيطان ينزغ بينهم إن الشيطان كان للإنسان عدواً مبيناً] ـ الإسراء ـ 53




    قال رسول الله (صلى الله عليه وسلم ): (( والذي نفسي بيده ما أنفق الناس من نفقة أحب من قول الخير. ))
    و (( سأل رجل النبي (صلى الله عليه وسلم) فقال: يا رسول الله أيُّ الأعمال أفضل؟ فقال (ص): إطعام الطعام، وإطياب الكلام))


    الحل دائما قول الطيب والتسامح مع الناس وافضل شئ التسامح معاهم ...لسبب لان عدم التعامل الجيد او لو حد عاملك بشكل وحش انتى ما ترضيهوش او قالك كلمة رديها بالقول الطيب ولاكن مش معنى كده تتهاونى فى كرامتك ...لاكن صدقينى ده نقص خبرة منهم ونقص تعلم ونقص دين فهم يستحقوا الشفقة لذلك وعامليهم ع قدر عقولهم ...وحتى تريحى نفسك ولو انتى برده انشغلتى قوى بالكلام والناس ده معناه انك فاضية ولانى واثقة انك مش فاضية يبقى كبرى دماغك واستمرى فى حياتك واهدافك اللى انتى مقتنعة بيها

    وبيقولك كن كالنخيل عن الاحقاد مرتفعا ترمى بصخر فتلقى يانع الثمر


    واكيد محدش هيكلمك الا لانك نخيل عالى وشايفينك حاجة كبيرة وعشان كده الانظار متجهة ليكى

    ربنا معانا جميعا لان كل اللى ليه هدف ومتمسك بمبادئه هوه ده اللى اكتشفت انه بيلام ...زع راى حد من اصحابنا ...( هيا الحياة ايه حبة تحدى وشوية حاجات فوق بعض :D)

    ReplyDelete
  12. عارفه
    انا اليومين دول دماغى تعبانى اوى من كتر الاسئله دى
    والمشكلة ان ده مش وقته خالص
    انا بمتحن يوم ويوم
    واليوم مش بيكفى مذاكرة المادة
    يعنى مفيش وقت علشان اضيعه
    بس بجد انا تعبااااااااااااااانه تعبانه اوى

    ReplyDelete
  13. Rehab Mostafa

    اللهم امين
    ان شاء الله لو لقيت هقلك ههههههههه بصى هيا مجرد تذكرة وتفكر وبعدين ده مش تشاؤم اكثرو من ذكر هادم اللذات
    هكذا قال الرسول صلى الله عليه وسلم


    ************
    Ahmedmasar

    وعليكم السلام ورحمة الله وبركاته
    هو بالظبط زى مانت لخصت المشكله لكن بصراحه السبب الرئسى فعلا علاقتى بربنا لما بتكون معتدله كله بيتظبط بعدها
    ونا متفقه معاك فى كل الى أشرت إليه ربنا يهدينى ويغفرلى

    ReplyDelete
  14. asmaa

    الحمدلله ،ازيك ياسمسمه انتى الى وحشانى جدا انا متشكرة اوى ع الكلام ده والتذكرة الجميله دى ،بجانب انى متفقه معاكى فى كل حاجة ودى من مبادىء انى معاملش حد بمعاملته بس اوقات الواحد بيزهق ويقف وبتبقا مرحله بتعدى ويرجع تانى زى الاول واحسن كمان
    متشكرة جدا
    :)

    ********8
    Sometimes

    لا حول ولا قوة الا بالله ايه يامنمن بس ؟ انا قلبت المواجع ولا ايه هههههههه ياري تكونى خلصتى امتحاناتك وحليتى كويس ربنا يوفقك ويعينك

    ReplyDelete

 
لـلـرغـى فـنــون - Blogger Templates, Wordpress Templates Free - by Templates para novo blogger HD TV Watch Entourage Online. Featured on Local Business Singapore