بوجى وطمطم




كنت بعمل بحث ع صور فقابلتى صورة لبوجى وطمطم اتبسطت اووى وقلت يااااااااااااااااه اد ايه أنا كنت بحب المسلسل ده أوى وكان رمضان من علامته المسلسل ده واحنا ع الفطار وبابا يزعقلى ويقولى ركزى فى الأكل يإما هقفل فى التلفزيون وأنا أقول خلاص خلاص ههههههههه
كنت بحبه جدا جدا جدا وبعد ماخلص بقا رمضان كل سنة ناقصه فوانيس بوجى وطمطم
كنت بحب طمطم

وبحب طماطم



وبحب غباء زيزى هههههههه

وطنط شفيقه الخانفه وهيا بتقول ياظيزى بت ياظيزى



وذل عم شكشك للواد القهوجى مش فاكرة كان اسمه ايه

اتعلمت منهم حاجات كتير والله كان مسلسل هادف بالنسبة لطفله زيى أيام الطفولة المشردة
يااه والله زمان الواحد عجز يارجاله هههههههههه
لقيت الفيدوهات دى ع اليوتيوب
1
2

كانت أحلى ذكريات

هوندا

30 comments:

  1. مش عارفه أقولك أنا بعشق المسلسل ده أد ايه
    بجد أكتر حاجه كنت متبعاها

    كنت بحب طمطم أويي وطماطم وبوجي وطنت شفيقه وظيظي :)) وزيكا وزيكو بس كنت بخاف أويييييييييي من عم شكشك
    وكنت بحب فيها كل حاجه بجد والفيل فلافيلو كمان :)) مسلسل تحفه بجد
    فكرتيني بالذكرياااااااات الجميله :)

    ReplyDelete
  2. والله يا هوندا مدونتك ليها وحشة كبيرة جدا
    وانا اليومين دول مبقاش عندي وقت كافي للنت بس بتابع مدونتك كل ما تيجي الفرصة لأن مواضيعك بتعجبني

    المسلسل ده كان فيه شخصية كنت بحبها جداا ومازلت
    كان ولد كدا معاهم بس مش مشهور اوي كان كل ما حد يقولو حاجة يرد عليه ويقول أنا؟ أنا؟ ههههههههه
    مين انا؟ ههههههه
    كان ف المسلسل شغال صبي الكهربائي تقريباا
    يااااااااااه
    والله كانت أيام جميلة
    :(

    ------
    على فكرة الموضوع اللي اسمه دماغي هرياني ده كلامه جامد جداا وعايز قعدة على رواقة وهرجعله تاني ان شاء الله واقراه باستمخاخ تام

    ReplyDelete
  3. هوندا
    ♥ ♥ ♥
    مساء الفل عليكي يا هوندا
    انتي تقريبا اسمك هند ولا ايه ؟؟؟؟
    مش عارف
    تعرفي ان مدونتك بشكلها الجديد ده روعة الروعة عاجباني جدا دا و كنتي موفقة في اختياري
    انا رحت مبنى الاذاعة و التلفزيون يوم واحد بس كنت مشترك في حلقة مع عمرو عبد السميع الشهير بكرومبةهههههههه
    وتعرفي رغم طول اليوم و كثرة تفاصيله كان اجمل ذكرياتي في البرنامج ده حالة خوار ههههههههه
    هو صورة اتصورتها مع تمثالي بوجي و طمطم الملونيني امام باب واحد بعد بوابة 15 ماسبيرو
    معتز بالصورة دي جدا لاني كنت من عشاق الفن الجميل سواء سينما او كرتون

    خالص تحياتي على البوست الجميل ده
    مجرد موجة
    أحمـــــد
    حقيقي من الصور اللي

    ReplyDelete
  4. السلام عليكم ورحمة الله وبركاته

    يا ياهوندا فكرتينا باحلي ايام

    فاكره الحلقه لما بوجي بطنه وجعته وطمطم قعدت تغنيله
    حرمت يابوجي حرمت حرمت ترمرم حرمت



    فعلا ايام جميله


    سلام

    ReplyDelete
  5. هههههههههههههه
    انـا بردوا اتذكر اني كنت بحب الكرتون ده
    والراجل الكهربائي ده كنت بحبه بنسبه كبيره
    ربنا يرحم بوجي والراجل الكهربائي

    ReplyDelete
  6. tofoooooooooooooltyyyyyyyyyyy :D

    7arramt ya bugy ?
    7arramt :(
    wel lo2ma el zayda (A) ???
    7arraaaamt :'(

    ReplyDelete
  7. كانت أيام ولا أحلي منها

    ReplyDelete
  8. وحشتني مدونتك جدا يا هوندا

    والاستايل الجديد جامد ،، نوع من التغيير بردو

    وبجد انا كمان ايام رمضان كان نفس المشكلة بتاعت الاكل :)

    ربنا يوفقك

    ReplyDelete
  9. مكنتش بحبه على فكره ،،
    مازنجر مكنش فيه زيه :D
    مبروك الثيم الجديد :)

    ReplyDelete
  10. يااااااااااااه

    بجد وحشونى جداااااا

    انا كنت بعشق المسلسل ده

    بجد مفيش زى ايام زمان و مسلسلاتهم

    شكرا على الفيديوهاااااات رايحة اتفرج اهو

    ReplyDelete
  11. قول للزمان ارجع يا زمان
    المسلسل كان بيجي علي القناه الاولي في رمان كان جميل اوي جه كام سنه كدا ورا بعض
    وبعدين بقي علي القناه الثالته علشان سي بكار ابو كف رقيق وصغير
    يالا حصل خير بوجي توفي الي رحمه الله

    انا كنت بحب زيزي اوي
    تحياتي

    ReplyDelete
  12. انا كمان كنت بحبه اوى
    رجعتينى 50 سنة لورا
    :D

    ReplyDelete
  13. فكرتيني بالذي مضي

    ايا ليت الشباب يعود يوما ..اصدي الطفولة تعود يوما

    كانت ايام جميلة بحق وحقيق
    واحشاني الايام دي اوووي
    وواحشاني تفاصيلها كلها
    بالعابها واغانيها
    بشقاوتها وغلاستها
    بافراحها وبمرحها
    واحشني احساس اننا بنملك الدنيا في ايدينا لما نمسك لعبة جديدة وللا نلبس فستان جديد

    كانت ايام جميلة

    بوست حلو اووووووووووي

    دمتي بـــود
    تحياتي

    ReplyDelete
  14. وانا كمان كنت بحبه اوي وكنت بستنى رمضان وانا صغيره علشان اتفرج عليه
    لدرجة اني كنت بضايق انه مش بيجي الا في رمضان
    بس كان بجد مفيد وشيق جدا ...

    شكرا ع الموضوع الحلو ده ياهوندا

    ReplyDelete
  15. الله بجد
    ذكريات كنت محتاجاها اويييييييييي

    ReplyDelete
  16. عاااااااااااااا
    عااااارفة هوندا والله كنا قاعدين من كام يوم مشغلين بوجي وطمطم من ع اليو تيوووب وقاعدين نستعيد الذكريات دي ... باينها عدوى ولا إييه؟؟
    بس فعلا والله هوه كان بوجي وطمطم وكان فيه عمو فؤاد كان فيه حبة ذكريات في رمضان كده الواحد بعدها معادش بيحس برمضاان اللي هوه رمضان بتاع مصر
    لكن كعبادات وحاجات تانية الحمد لله ربنا بيعيننا فيها
    ويارب رمضان ييجي بقى

    ReplyDelete
  17. مش عارف اقولك ايه

    رجعتينا لايام حلوه اوي

    بجد من اجمل الحاجات اللي عملها التيليفزيون المصري

    معرفشي ليه ميكملوهوش

    شكرا ليكي عالفلاش باك ده

    مدونتك جميله

    واسعدني وجودي هنا

    ليكوريكا

    ReplyDelete
  18. someone is not here
    someone do not reply
    something is wrong

    ReplyDelete
  19. بجد بجد
    مش عارفة أشكرك إزاااااااى

    ..
    إحساس كدا جالى وأنا بشوف الصور.. مش عارفة إيه بالظبط بس فرحنى
    وذكريات من أجمل ما يمكن

    براءة وشقاوة وفرحة
    وناس كانت معانا ومشيت إلى حيث لارجعة

    بجد
    إنتى زى السكر
    وبجد
    أنا فرحانة أوى عشان شوفت الصور دى

    ReplyDelete
  20. فعلا والله رجعتينا لأيام كانت حلوة اوى
    تسلمى

    ReplyDelete
  21. Rehab Mostafa

    هههههههههههه ليه عم شفشك كان لظيظ خالص ههههههههه

    ***********
    آلام وآمال

    الله يخليك يامحمود
    بصراحه مش فاكرة الأخ ده اوى بس وارد ههههههههه
    اوووووووووك خد وقتك
    :D

    ReplyDelete
  22. موجة

    مساء النور ،متشكرة جدا
    يابختك بجد انا نفسى فى صورة جمبهم بردو كانت هتبقا حلوة اوى يلا خيررررر

    ***********
    خمسة فضفضة

    وعليكم السلام ورحمة الله وبركاته
    ياااااااااه كويس انك لسه فكراها فعلا هههههههه
    انا افتكرتها بالعافيه اللقطة دى

    ReplyDelete
  23. Mutati0N

    هههههه انا لازم ادور ع الكهربائى ده ،ربنا يرحمنا جميعا

    ***********
    Om LMriala Ko7ly

    طفولتك المشردة ههههههه
    هنعمل كورال هنا فى البلوج لسى بوجى هههههههه

    ReplyDelete
  24. أبو مروان

    اكيييييييييييييد

    ***********
    Hawy PHP

    حمدلله ع السلامه
    :))
    التغيير لزوم الرغى
    :D

    ReplyDelete
  25. EncrYpted

    مكنتش بحب مازنجر بنات بقا ههههههههه
    الله يبارك فيك
    :D

    *********
    Ma 3lina

    العفوووووو
    هما وحشونى جدا بردووووووو

    ReplyDelete
  26. GeHaD-----(male)

    والله بكار كان ظرف بردو فى الاول بس بوخ فى لااخر ولا بقا فى بوجى ولا بكار الا ايه حكايه حرف الباء؟؟؟؟؟؟

    ***********

    break

    ياااااااااه كح كح ربنا يقويكى يابنتشى

    ReplyDelete
  27. حلم الحرية

    ياااااااااااااااااااااه تصدقى انتى الى رجعتينى ل100 سنة ورا هههههههه والله نفس التفاصيل دى الاغانى بالذات عندى كونت ذكريات بشعه خصوصا بالربط بينها وبين مواقف كتير يلا هيا دى الحياة

    *****************
    M e r o

    العفو ياميرو انا كمان كنت بستنى رمضان عشانه وبقا يفكرنى فيه واستفدت منه كتيييييييير

    ReplyDelete
  28. esraa

    اى خدمة يارورو :D

    *********
    sakayar

    طريقه كلامك ياسكايار اتلونت وبقيت زى طريقه نااااس فاهمنى طبعا ههههههه
    انا كنت بحب عمو فؤاد كمان جداااااااا
    يارب رمضان ييجى

    ReplyDelete
  29. ليكوريكا

    متشكرة جدا :)

    وقفوه عشان يجيبوه حاجة حديثه شوية هههههههههه بكار بيه

    ***********
    Anonymous

    i'm back again don't worry :D

    ReplyDelete
  30. فزلوكة

    العفو ياحبيبتى :)
    انا عارفه الاحساس ده لانه نفس الى جالى لما شفتهم :D

    وانا مبسوطه انى فرحتك :)

    **********
    blue-wave

    اى خدمة
    :D

    ReplyDelete

 
لـلـرغـى فـنــون - Blogger Templates, Wordpress Templates Free - by Templates para novo blogger HD TV Watch Entourage Online. Featured on Local Business Singapore