مذكرات شابة غاضبة


مذكرات شابه غاضبه دراسة نفسية عبارة عن قصص متنوعه لنساء غاصبات من وضعهم فى الأسرة فى المجتمع ،العلاقة بينها وبين أمها واختلاف ثقافه الأجبال ، عادات غلط وأفكار غلط بنات كتيرة اتربت عليها وتفكيرها بقا ماشى مع العادات الغلط دى ،تمييز الأولاد عن البنات وإعطاء تصاريح لهم ليفعلو ماشاءو جيد أو سىء ومن هنا تنشىء التفرقه العنصرية عند محاسبة البنت لخطأ ما قام بها أخوها ولم يحاسبه أحد.

النماذج التى تم عرضها بالكتاب لبنات مختلفه التفكير ولكن اللذيذ ان كل بنت منهم فيها صفه مشتركه بينى وبينها وبينها وبين أى واحدة هتقرأ الكتاب ، الكتاب يعتبر صدى صوت لأفكار البنات وده الجميل إنى اكتشفت مش أنا بس الى كنت بفكر فى حاجة معينه لا ده فى كتير زيى أنا طبيعيه الحمدلله
:D

تجارب كثيرة تم عرضها بالكتاب أفادتنى جدا سواء تجارب زوجية أو بين الأم وبنتها فى الغالب نفس المشاكل الى بنواجهها مع أمهاتنا ونفس الاسطوانة الى بنسمعها منهم سبحان الله حتى
الشتايم واحدة هههههههه، كتاب ممتع بالرغم من إنى مبحبش أتكلم عن المرأة المقهورة فى االمجتمع يمكن لأنى الحمدلله مش حاسه بالقهر ده بس الكتاب بيوضح فكرة القهر دى بداية من داخل الأسرة لكن كنظرة عامه لكل القصص الى اتذكرت ، لم توجد قصه تتضمن مرجعيه دينيه طب ايه العلاقه؟ من وجهة نظرى المتواضعه والى مقتنعه بيها تماماً إننا كنساء ..الدين الإسلامى أعطالنا حقوق كاملة متكامله لو كل أب اتبعها مع بنته مش هتحس بأى نوع من القهر ولو كل بنت عرفت حقوقها كويس وتمسكت بها هتعرف تثبت نفسها كويس وهتكون أم تربى أولادها ع الأدوار الصحيحه وأن البنت والولد مفيش حد منهم أحسن من التانى ولكن كل منهم مكمل للآخر ،والولد لو أخطأ يتعاقب زى البنت لأن الغلط واحد وفى حاجة اسمها حرام وحلال مش العادات والتقاليد مش كل التقاليد حلال ومش كلها حرام !

عجبتنى مقطع ع لسان بنت فى الكتاب
للكاتبة الفرنسية فرانسوز جرو : أننى أرفض بكل قوة أن هناك مؤامرة كونية ضد المرأة .. وأن هذه المؤامرة هى التى مكنت الرجل من أن يجعل المرأة ترسف فى الأغلال .. فى البيت والشارع والمصنع .. أبداً عقلى يرفض ذلك تماماً .. فإن كانت عبودية للمرأة ، فهى التى وافقت على ذلك .. وإن كانت المرأة ماتزال وراء الرجل فلأنها أرادت ذلك .. إن أظافر المرأة قد فتت الصخر ، وإن جنود الاغريق عندما لم يجدوا حبالاً يشدزن بها السفن فى حرب طراودة تقدمت المرأة وقصت شعرها ليصنعوا منه الحبال .. إن هذه المرأة لو أرادت لجعلت شعرها حبالا تشنق به الرجال .. ولكنها لا تستطيع .. وهى لا تستطيع لأنها لا تريد - مع الأسف

!
وأنا متفقه معاها فى الرأى ومش بحب نظريه المرأة المقهورة الى أعداء الإسلام بيركزو عليه عشان المرأة تتمرد ع كل حاجة بدايه من الزى الإسلامى لحد المطالبه بالوظائف التى لا تصلح لها ، الحقوق موجوده فى ديننا لكن إحنا للإسف الى بنفذه غلط وبنفذ الى ع هوانا بالمناسبة الى يقرأ الكتاب يحس إن أنيس منصور متضامن مع المرأة فى حاجات كتيرة بدليل أنه ركز ع سلبيات كتيرة فى المجتمع ،يعنى مش عدو للمرأة زى ماناس بتقول
:P
ومن كتر ماهو بيوصف تفكير البنت والكلام الى بتقوله بقيت بنسى ان الى كاتبه راجل
كتاب ممتع جداً

7 comments:

  1. مش بحب نظريه المرأة المقهورة الى أعداء الإسلام بيركزو عليه عشان المرأة تتمرد ع كل حاجة بدايه من الزى الإسلامى لحد المطالبه بالوظائف التى لا تصلح لها ، الحقوق موجوده فى ديننا لكن إحنا للإسف الى بنفذه غلط وبنفذ الى ع هوانا
    ـــــــــــــــــــــــ
    تقديرى واحترامى

    ReplyDelete
  2. من اجمل ما قرات :)))

    ReplyDelete
  3. للأسف الكتاب ده كان في أيدي قريب جدا بس لسة مقرتهوش للأسف ..
    أنيس منصور من أكتر الناس اللي أتُهموا في ظلم المرأة .. لكن للأسف الناس متنظرش للمعنى .. هو إنه بينتقد الأفعال مش الأشخاص .. بينتقد أفعال الأزواج مش الزواج وهكذا ...
    جزاكي الله خير على إنصافك
    :)

    ReplyDelete
  4. وجزاكم مثله ياكريم

    خسارة فعلا انك فرطت فيه من غير ماتقراه
    :P
    ولو انى مش متأكده انه ممكن يعجبك اوى ع اساس انك راجل
    بس ممكن تقرأ مذكرات شاب غاصب ممكن تبقا زيها ومناسبه اكتر
    :D

    ReplyDelete

 
لـلـرغـى فـنــون - Blogger Templates, Wordpress Templates Free - by Templates para novo blogger HD TV Watch Entourage Online. Featured on Local Business Singapore