هاتو ودانكم



بقالى كتير محلتش تاجات كنت بكسل بصراحة بس قلت لابد من التغيير الجو حر بقا ههههههههه هو بيتكلم عن الأسرار مع انى معنديش أسرار قوى بس انا عصرت دماغى وطلعت كام حركة كده هاتو ودانكم

س : أذكر 6 أسرار قد لا يكتشفها من يقابلك أول مرة


قوانين الواجب:

1. أذكر اسم من طلب منك حل هذا الواجب
نورانة

2- تحدث عن ستة أسرار قد لا يكتشفها من يقابلك للمرة الأولى.:

-السر الأول:

كسلانة جدا فى حاجات هايفة جدا جدا يعنى لو الموبيل بيرن وفى مكان بعيد شوية اكسل أقوم حتى لو الاتصال طويل لكن لو رن تانى
بضطر اقوم ، ممكن اكون نزلت عند البوابه واكتشف انى نسيت النضارة وانا مسافرة اكسل اطلع تانى واروح من غير نضارة
:D
ممكن اكون عايزة اعمل حاجة ع سايت معين بس اكسل افتحه م البوكمارك او لو عايزة انزل حاجة وبعمل سيرش عنها والسايت عايزنى اسجل فيه بسيبه واعمل سيرش ساعتين تانينن لحد مالاقى واحد مش عايز تسجيل وبلاقيه .

السر الثانى : إنى عندية جدا جدا فى أتفه الأشياء بردو بالذات مع أخواتى وأنتيمتى لكن فى الحاجات العامه لا وشعنونه وشرسه أوقات ومش هاديه خالص بس شكلى الى هادى ورزين ههههههههه وعااااااااااااقل وأنا أصلا لاسعه.

السر الثالث :إنى بنام كتيييييييييييير وبنام بدرى ولو حد منعنى من النوم بكشرعن أنيابى وبهرتل فى الكلام وممكن اعمل حاجات غريبه ولو نمت محدش يقدر يصحينى ولا بسمع حاجة ولو بالصدفه سمعت الموبيل وصحيت مردش عليه وانام تانى ههههههه ممكن النوم يطير كده.

السر الرابع: بحب أغنيه دبدوبه التخينه ههههههههه وبوجى طمطم وبكار واركب عجل وبحب الهزار جدا والسر فى كده ان الناس بتاخد عنى انى جاد ومعقدة لانى شكل جاد جدا والى يشوفنى وأنا بتكلم جد يفتكرنى مبهزرش وقفل والى يشوفنى وأنا بهزر يفتكرنى تافهه ومليش فى حاجة فى الحياة ويستغربو لو شافنى فى سيشن بقا ولا فى عمل تطوعى ولا فى مدونة
:D

السر الخامس :إنى وانا صغيرة كنت بحب أمثل اوى وأعيش الدور لدرجة انى مثلت ع أصحابى وانا صغيرة ان بابا متجوز ع ماما ومش بنلاقى فلوس ولا حد يصرف علينا هههههههههههه وصحبتى مرة كانت عندنا وقالت لماما مش هقول الى حصلى اترك العنان لخيالكم .

السر السادس: إنى بتحرج جدا جدا من حاجات عادية اوى الناس مبتتحرجش منها ههههههههه وعشان اتغلب ع إحراجى ده باخد حاجات كتير بهزار او احاول مبينش انى محرجة وبالتالى أصحابى والناس الى حواليا خدو عنى فكرة انى مبتحرجش خاااااالص بالذات فى المواقف الصعبه والبريزنتيشنز والحاجات دى

متقولوش لحد بقا السر فى بير مخروم تمام هههههههه

3- نمرر التاج لستة مدونين

انا هكتب وخلاص والى عايز يحل يحل مش عايز يحل براحته بردو لنبدأ الديمقراطيه من عندنا نياهاهاها

Mutati0N

جـيـداء

Ma 3lina

Rehab Mostafa

آلام وآمال

sakayar

هوندا

6 comments:

  1. تاج جميل واجاباتك ظريفة وكمان كذا موضوع قريتهم فيهم وجهة نظر وطريقة تفكير فعلا مثيرة للاهتمام
    ربنا يوفقك
    تحياتي

    ReplyDelete
  2. معقولة انتى كل ده ؟؟!!
    انتى متأكدة انك هوندا اللى نعرفها مش حد تاني؟؟
    هههههههههههههه
    لا بجد استغربت من موضوع انك بتنامي كتير ده مع ان مايبانش عليكي الكسل
    أنا كمان كنت زمان كده لكن دلوقتى بقى النوم عزيز
    هههههههههه
    وحشتينى يا هنود

    ReplyDelete
  3. انا جيت
    السلام عليكم
    انا وداني مش فاضية بس رميت ودن واحدة اسمع بيها
    التاج لذيذ وخفيف جدا وحلو
    ويبدو انك مزدوجة البتنجان منزلقة البنان عديمة التروبيكان
    وع العموم
    جت الحزينة تفرح
    والغرب بيطردونا
    يلا ربنا يكرمكم هحاول اجاوب عليه بس على نص الشهر بقى على اما الواحد يروق له ويفكر اصل دماغي متوقفة اليومين دول ضاغط على زر الاسلييييييب
    تحياتي هوندا

    ReplyDelete
  4. الحلم العربي

    وما خفى كان أعظم هههههههههه
    وانتى كمان وحشتينى يايويو جامد ربنا يوفقك يارب

    ReplyDelete
  5. sakayar

    وعليكم السلام ورحمة الله وبركاته
    لا حول ولا قوة الا بالله معلش معلش ياسكايار بتحصل كتير المهم الغسيل ياخد كفايته من الاومو وهتتحل روق كده
    هههههههههههههههه

    ReplyDelete

 
لـلـرغـى فـنــون - Blogger Templates, Wordpress Templates Free - by Templates para novo blogger HD TV Watch Entourage Online. Featured on Local Business Singapore