شنطة رمضان

رمضان باقى عليه يومين او تلاته ... كل سنة وأنتم بخير ,أول سنة اكون مسئوله مسئولية كامله عن شنطة رمضان بدور على ناس تجيبلى أسعار وأروح اشترى والف على ناس تجمع تبرعات معايا لأن القرشين الى جمعتهم من أصحابى يادوب


ولما جيت احسب الحاجات الى هشتريها كبدايه للشنطة لقيت الفلوس بتتفرتك قدام عينى الأسعار نااااار حرام... وناس كتير مكسله ممش معايا غير خمسه من اصحابى شغالين والباقى مستنين رمضان باين وناس كتير بخلانه وناس كتير مش لاقيه تأكل ماعلينا هحاول ابذل جهدى على قدماقدر واكيد ربنا هيساعدنى بس بدعى ربنا انه يستخدمنى لنهاية الشهر ده فى خدمة الناس المحتاجة ويكون الخير الى كده كده هيروحلهم ربنا يختصنى بقضاء حوائجهم لو الشهر ده خلص وحققت كل الى انا عايزاه هتبقا أكبر نعمه من ربنا عليا فى الشهر الكريم ده


اللهم استخدمنا ولا تستبدلنا


صحونى فى نصف الليل وأنا كنت يوميها تعبان

قلقونى وكنت فى حالى نايم مبسوط فى أمان

أنا قمت وكل ملامحى بتقول ان أنا غضبان

وأكيد راح أضرب حد أو أسامح وأدخل أنام

لسه راح أنطق لحقونى سألونى بكل حنان

تعرف كام أسرة فقيرة بتعانى من الحرمان

قلت لهم بس خلاص انا كده هيجينى جنان

جيين لى فى نصف الليل تعرفوا عدد السكان؟؟

فاكرنى وزارة الصحـــة واللا وزارة الاسكان؟؟

فقالولى طب اهدى شوية واتعوذ من الشيطان

الامر بكل بســـــــــاطـة عايزين نعمل اعلان

عن شنطة كبيرة جميلة اسمها شنطة رمضان

فيها سمنة ورز وسكر وأصناف أشكال وألوان

تتوزع على المحتاج والمسكيــــــــن والغلبان

شرط انه يكون محتاجها مش تطلع اى كلام

دى أمانه ولازم توصل لاصحابها فى كل مكان

رمضان ايه بس ياناس ده جمادى يادوب خلصان

ياحبيبى الوقت بيجرى وخلاص فاضل أيام

وآدى رجب اهو هل علينا مافضلش غير شعبان

عايزين بقى يالا الهمه ونشوف شغل الجدعان

نفسنا كده نعمل شنطة بمواد ييجى بالاطنان

ونلم حنان وجميلة ونجيب عدلى وسعفان

وبحب نعبى الشنطة والقلب أكيد فرحان

يرضيك رمضان كده يجيى من غير ما نزور احسان

وسعاد والحاجة سنية وعم حسين الغلبان؟؟

والفرحة تعم الدنيا والخير يملا الاركان

وساعتها هنقدر نفرح ونغنى بصوت رنان

مرحب بك شهر الصوم لياليك عادت بأمان

بصراحة انا قلبى رهيف ودموعى بتجرى أوام

ماقدرتش أسمع وأسكت فجريت زى الرهوان

على قلمى وجبت الورقة وقعدت أكتب اعلان

هيخلى الناس تتبرع بهدومهم حتى كمان

ببساطة لانه ده خير وثواب يملا الميزان

ماهو أصل الدنيا دى فانية كل اللى عليها ده فان

ماهيفضل غير الله هو الحى الديان

نتمنى نقابله فى يوم واحنا فى جنة عدنان

ونكون كده صحبة ولمة ونشوف عرش الرحمن

والسر فى كل ده ايه؟ هيه شنطة رمضان

م ن ق و ل



*.*هوندا*.*

21 comments:

  1. السلام عليكم ورحمة الله وببركاته

    ماشاء الله
    جزاك الله كل خير يا هوندا يارب يحقق لك كل اللي بتتمنيه

    كل سنة وانت طيبة

    ReplyDelete
  2. وعليكم السلام ورحمة الله وبركاته

    وجزاكى مثله يافضفضه يارب يحققلى ويحقق لكل المسلمين امانيهم
    كل سنة وانتى بخير

    ReplyDelete
  3. ربنا يبارك فيكي ويقدرنا جميعـاً علي فعل الخير دائمـاً, امين يا رب العالمين

    ReplyDelete
  4. أمانينا تسبق تهانينا
    وفرحتنا تسبق ليالينا
    ومبارك الشهر عليكم وعلينا
    اللهم
    عطّر الأيام بالايمان
    ونور القلوب بالقرآن
    وبلغنا ليله القدر
    وأكرمنا بالعتق من النار

    . - . * . * .
    * .* Ramadan - *_*
    *. * Kareem. * .*
    _ . * _ . * .*

    ReplyDelete
  5. كل سنه وانتى طيبه يا هوندا
    وربنا يجازيكى كل خير على اللى بتعمليه

    ReplyDelete
  6. كلمات الابيات دي بسيطة بس جميلة جدا
    وربنا يعينك دايما على فعل الخير
    كل سنة وانتِ طيبة :)

    ReplyDelete
  7. اللهم بلغنا رمضان وتقبله منا يارب العالمين

    كل سنة و انتى طيب

    :))

    ReplyDelete
  8. هنودة
    كل سنة وانتى طيبه يا قمر
    ربنا يخليكى ويبارك فيكى
    الف شكر وربنا يجازيكى خير على اللى انا حاساه فى قلبى لما شفتكم
    ربنا يجمعنا دايما على طاعته يارب

    ReplyDelete
  9. هنودة
    بالنسبة لشنطة رمضان
    انا مش عارفة انتى منين
    بس احنا عندنا فى المنوفية بنعمل شنطة رمضان للناس
    يعنى مثلا انتى بتعملى 50 شنطة نشتريهملك معانا و بتاخدى الخصم اللى بناخده
    احنا بناخد خصومات كويسة جدا على فكرة

    شوفى اقرب مقر لصنا الحياة ليكى
    لانهم اكيد بياخدا خصومات كويسة زينا


    وكل سنة و انتى طيبة
    رمضان كريم

    ReplyDelete
  10. Mutati0N

    ربنا يبارك فك ويجازبك خير

    ********

    Ahmed Essawy

    اهلا يأحمد كل سنة وانت بخير

    ReplyDelete
  11. Butterfly

    كل سنة وانتى بخير يامارو ربنا يعينا جميعا

    *************
    Encrypted

    فعلا كلمتها حلوة اوى كل سنة وانت بخير

    ReplyDelete
  12. Ma 3lina

    اللهم امين كل سنة وانتى طيبة

    **********
    Sometimes

    كل سنة وانتى بخير يامنمن ويجازينا كلنا ان شاء الله وانا فرحت انك جيتى والله

    ReplyDelete
  13. break

    كل سنة وانتى بخير الحقيقه احنا مدينة جمب المنصورة مفيهاش صناع ولا حاجة فيادوب بنعمل على قدنا بس الحمدلله فى تجار بيكرمونا فى السعر زى الزيت والسكر والمكرونة والتمر

    ReplyDelete
  14. جزاك الله خيرا علي ذالك الفطتف من كلمات ابن القيم

    اعجباني انك تحبي سلسة ما وراء الطبيعة
    انت النموذج الاقرب
    كلمات ايمانية علي موسيقا غربية
    انا كمان زيك بالظبط

    تقبلي مروري الاول

    ReplyDelete
  15. ساعد نسرين الايمن

    اكيد تقصد البوست الى بعد ده التعليقات فوق مش تحت :)

    وجزاكم مثله :)

    ReplyDelete
  16. معلش يا فندم

    الظاهر انا احولت من حلاوة البوست

    بس برضه جزاك الله خير
    واللي فهمت ان كلمات الاغنية الاجنبية
    شكلها كلمات اسلامية

    دمتي مختلفة عزيزتي

    ReplyDelete
  17. السلام عليكم ورحمة الله وبركاته
    كل عام وأنت بخير والأمة الإسلامية جمعاء بخير
    ونسأل الله تعالى أن يبلغنا رمضان ، وأن يتقبل منا الصيام والقيام وصالح الأعمال
    وأن يجعلنا من عتقاء النار

    اللهم آمين

    ReplyDelete
  18. كل عام وأنتي إلي الله أقرب وعلي طاعتة أدوم
    تقبلي مروري
    مجنووون

    ReplyDelete
  19. كل سنه وانتي طيبه

    والي الله اقرب

    ReplyDelete
  20. ساعد نسرين الايمن

    ولا يهمك :)
    وجزاكم مثله , هيا فعلا اغنيه اسلاميه الكلمات بتاعتها تحتها

    ******************
    Ahmed magdy

    وعليكم السلام ورحمة الله وبركاته

    كل عام وانت بخير تقبل الله منا جميعا

    ReplyDelete
  21. مـجـنـووون

    كل عام وانت بخير

    **************
    كيارا

    وانتى بخير :)

    ReplyDelete

 
لـلـرغـى فـنــون - Blogger Templates, Wordpress Templates Free - by Templates para novo blogger HD TV Watch Entourage Online. Featured on Local Business Singapore