بوست مجمع

الخميس الى فات سافرت القاهرة عشان انزل لينكس لخالى وقعدت عنده 4 أيام وجيت بالسلامه يوم الأتنين , مخرجتش غير مرة ونص نزلت المهندسين ونادى الزمالك وركبت المترو واتشعلقت فى الأتوبيس عشان احس انى نزلت القاهرة
بنات القاهرة منورين جدا محستش بأى تأثير رمضانى , عجبنى تاكسى المدينة عسوله كده ههههههه
واستغربت البنات الى بينظمو المرورو اول مرة اشوف حاجة كده!!

م الحاجات الى استفزتنى كمية الاعلانات الى فى الطريق مسلسلات وكل حاجة انا مش عارفه ازاى السواقين يركزو بصراحه كمان من الغباء ان نفس الاعلان يتكرر ورا بعضه بتاع عشر مرات حاجة غباء اوى
واضح اننا دولة فقيرة فعلا

ونص الخروجة كنا نزلنا مول جمب البيت واتمشينا شوية, كان تغيير جو تغيير مكان, كمبيوتر, سرير وهكذا

كانت فرصه حلوة انى اشوف مكتبة خالى قرات وانا هناك 3 كتب من عنده برغم ان معايا كتب بس هتقولو ايه طفاسه ,
وانا مروحه اعتقلت 6 كتب من عنده
نسيت الفلاشه فى الكمبيوتر بعد مامشينا لولا ستر ربنا وبنت خالى اخدت بالها رجعنا بالعربيه فكلمتنى ورجعنا بالعربيه كويس انى مكنتش سافرت

خالى التانى الى اخدنى عشان نروح ودانا جمصه فطرت هناك معاهم بس معرفتش ابات لانى كنت مرهقة وعايزة اروح بيتنا وجمصه كانت فاضية جدا بشكل مرعب
احلى حاجة اننا وصلنا بعد الفطار فالناس طول الطريق بتوزع علينا بست وباتيه وووو كنت مبسوطه والله

بعدين روحت بيتنا الساعه 8 ونص كده نمت سطيحه بعد ماكلت كل الاكل والحلويات الى ماما عملتها طول فترة غيابى عن البيت هههههههههه

************
تانى يوم صحيت اكتشفت ان كان فى حراميا فى البيت الى ورانا قعدو 3 ايام يسرقو حاجات فيه عشان هو فاضى و كانو بينطو عندنا وعند جيراانا بس حظهم اتقفشو وجارنا معاه مسدس ضرب عيارين فى الهوا العيال خافو بس اتمسكو ولاد الايه

كل ماتصور انهم كانو ممكن يدخلو اوضتى الى ع السطح ويسرقو الكمبيوتر اهىء اهىء بحس انى هيحصلى حاجة
او يكونو مثقفين ويلمو كتبى عاااااااااااااا

انا مبقتش حاسه بالأمان خالص

للأسف منطقتنا هادية زيادة عن اللزوم ومحدش بيحس بحد لو اتقتل فيها وده حصل بردو قبل كده
انا حزينه م الوضع ده بجد
واحنا كمان فى رمضان

رجعت اكمل شغل شنطة رمضان والنت فاصل عندى بقاله عشر ايام وده عاملى اكتئاب عقلى
دعواتكم

اتفرجت على فيلم حسن ومرقص عجبنى اوى فيلم قيم بجد يارب يأثر
اتفرجت على فيلم كابتن هيما فيلم اهبل بجد واللمحات الانسانيه الى فيه ساذجه اوى
اتفرجت على فيلم طباخ الريس وبجد تحفه ملوش حل لموصفات ريس أحلامنا

عجبتنى إضافة بلوجر الجديدة دى داخله دماغى اوى

19 comments:

  1. العود احمد يا فندم
    واضح فعلا زي ما قلتي ان رمضان ماوصلش حتت كتير جدا في القاهرة
    الظاهر كدة ان الهلال ماتشافش هناك
    بس سيبك انتي....رمضان في القاهرة مختلف..جامد جدا..وخللي اللي مش عاجبه رمضان ولا جاي على هواه يطق يمووت
    تحياتي واحتراماتي

    ReplyDelete
  2. ازيك يا هوندا
    وحمد الله على السلامة يا قمر
    وكل رمضان وانتى بخير

    ReplyDelete
  3. حمدالله علي السلامه

    والحمدلله ان الحراميه مجوش جنب جاجتك
    (:

    كل سنة وانتي طيبه
    ورمضان كريم

    ReplyDelete
  4. اهلاً بيكي يا هنادي في القاهره ,
    بالنسبه لبنات القاهره طبعـاً في فيهم متفرقش معاه فرمضان مناسبه زيي العيد وكدا ,
    وكويس ان انتي بتشجعي علي انتشار اللينوكس , :D
    وربنا يكرم والنت يرجع , بس انتي بتكتبي البوست ده منين علي كدا ؟

    ReplyDelete
  5. ههههه سبحان الله
    على فكرة رمضان فعلا موصلش عند ناس كتير ,, مش حكاية بنات بس
    انا شوفت بعيني سواق ميكروباص كنت راكب معاه نزل يجيب عيش علشان يفطر
    مش عارف هي الحكاية عادية ولا ايه :-D

    ReplyDelete
  6. حمدالله على السلامه ولوانها متأخر
    // واتشعلقت فى الأتوبيس عشان احس انى نزلت القاهرة//
    ياااه اكيد انتى دلوقتى حسيتى بالقاهره واسكندريه والمدن المجاوره :D


    //م الحاجات الى استفزتنى كمية الاعلانات الى فى الطريق //
    انا حاسه انها بقت اكتر من التكاتك ربنا يهدى
    وربنا يحميكوا بجد من دور الحراميه ده

    ReplyDelete
  7. حمدًا لله على سلامتك يا فتاة .. بس ايه اكتئاب عقلي دي ؟؟

    مصطلح جديد في التب ؟:D

    وبخصوص الأمان.. معك حق .. أنا مثلك تمامًا، وربنا يحفظنا ..

    نورتينا :)

    ReplyDelete
  8. بنات بينظموا المرور؟؟!!! هو الواحد بقاله كتير قوي كدة؟؟
    وبعدين متقلقيش الحمد لله الحرامية في بلدنا مبيهتموش بالكمبيوتر والكتب والكلام الفاضي ده .. هما بيدوروا على حاجات تجيب فلوس ودي (ولله الحمد) في نظرهم بغير ذات قيمة
    حمدا لله على سلامتك ونورتي القاهرة .. وإن شاء الله الزيارة اللي جاية تكون أجمل وأمتع
    :)

    ReplyDelete
  9. A.SAMIR

    ماهو للأسف انا مرحتش الاماكن الى فيها رمضان :)

    ************

    قلب ينبض بحب الله

    الحمدلله بخير متشكرة اوى كل سنة وانتى بخير :)

    ReplyDelete
  10. esraa

    الله يسلمك , الحمدلله كان ممكن يحصلى حاجة فعلا :D

    ***********

    Mutati0N

    اهلا بيك ياكريم :) والله انا مش هتسحمل القاعده فى القاهرة كده ممكن قلبى يحصصله حاجة هههههههههههه

    ايوه طبعا اللينكس ده رساله وانا بحاول أوصله لأكبر قدر من الناس
    انا كنت بكتب من عند خالى

    ReplyDelete
  11. Encrypted

    ههههههه لا حول ولا قوة الا بالله ربنا يهدى

    ************
    Angel

    الله يسلمك ولا متأخر ولا حاجة
    بصى الواحد لازم يجرب مشاعر الاخرين بردو ههههههههه
    ربنا يحمينا ويهديهم

    ReplyDelete
  12. 77Math

    الله يسلمك بص ياستى اكتئاب عقلى ابن عم التخلف العقلى بمعنى انى دماغى بتقف عن التفكير تماما ههههههه ومبتعلمش اى حاجة جديدة ولا اتابع اى حاجة جديدة
    :D
    ده نورك :)

    ReplyDelete
  13. كريم

    ههههههههههه اصل فيصل مش زى عين شمس
    :P
    ياسيدى ممكن يبيعو الكمبيوتر والكتب عن بتاع الحاجات القديمة للبيع هههههه
    الحمدلله ربنا ستر
    الله يسلمك القاهرة منورة باهلها
    إن شاء الله هتكون زيارة أجمل انا متوقعه
    ;)

    ReplyDelete
  14. ايه الشياكه دي داوالاخيم افراح الصباح بتاعة الفنادق الكبري

    ReplyDelete
  15. اه شفتى ياستى بس شكلك تقدصى البوست الجديد تعليقاته فوق مش تحت
    :D

    ReplyDelete
  16. نورتو مصر ومترو مصر واتوبيسات مصر وزحمة مصر وبنات مصر المؤدبين واللي مش مؤدبين لاء وتاكسيات مصر واشارات مرور مصر وحرامية المنصورة مش زي حرامية مصر وسينمات مصر وانا وانتي وسمعوني بئا تحيا جمهورية مصر
    :D

    ReplyDelete
  17. ههههههههههههههههههه ايه يامحمود مالك
    مساء الفل
    :D

    ReplyDelete
  18. بالنسبة لشعبطة الاتوبيس احب اقولك انك معملتيش حاجة لسة :]
    المرة الجاية انشاءالله اعلمك الشعبطة اللى بجد
    و بالنسبة للبنات اللى بتنظم المرور ... شوفتيهم فين دول ؟؟؟

    ReplyDelete
  19. فى نفس شارع الهرم ياصوفى من قدام من اوله كده

    ReplyDelete

 
لـلـرغـى فـنــون - Blogger Templates, Wordpress Templates Free - by Templates para novo blogger HD TV Watch Entourage Online. Featured on Local Business Singapore