مبادرة المليون كتاب

ا

البوست ده كان المفروض ينزل من شهر ماعلينا ركزو فى الصورة دى شايفين جملة
:احصل على نسخه مجانية:
فى أول الأجازة كده قرات فى الأخبار ان السيدة سوزان مبارك
عامله مبادرة المليون كتاب فى كل محافظة وهيكون فى كتب مجانية للناس فى الحدائق العامه , قلت ياسلام امتى توصل المنصورة بقا عشان اروح اخدلى كتاب ولا حاجة مجانى من قفا الدول
ة محنا طول عمرنا بندفع

فى يوم وانا ماشيه مع اصحابى عند نادى الجزيرة لقيت خيمه ومكتوب عنها القراءة ومش عارف ايه فقلت انهم اكيد وصلو خصوصا ان السيدة سوزان مبارك كانت فى المنصورة وكده رحت سألت قالولى ان الخيمه هتفتح تانى يوم

انا رحت الخيمه ودخلت اسأل اكتشفت ان مفيش كتب مجانيه ولا دياوله وطلعت اشتغاله اصلا والناس الى هناك قالولى هنا استعارة بس جوه الخيمه وممكن تقعدى على الكمبيوتر كان فى كام جهاز هناك موصلين نت

انا كده اتأكدت ان دى مبادرة حكومة فعلا عععععععععع ,قعدت انا واصحابى على الكمبيوتر ليه بقا؟؟
لأن مكنش فى ولا كتاب عدل اه والله العظيم كتب غرببة جدا ولا تجذب ولا اى حاجة واكتر كتب هناك قصص الأطفال
وكتب الكمبيوتر كانو نوعين بالظبط

حاجة عن البوربوينت وحاجة عن الاحصاء
والعنوان ايه بقا معارف عامه مش كمبيوتر ولا حاجة

قررنا نستغل الأجهزة بقا طالما ممكن نقعد ببلاش وكان بيحصل حاجة لطيفه جدا هههههههههههه الانترنت اكسبلولر تفتحه يقفل ع طول من غير اى زمارة , كان معانا فايرفوكس ع فلاشه سطبناه هههههههه
بعدين مسكو فنيا مكنوش عايزينا نمشى خالص اه والله اصل الخيمه فا
ضيه جدا وقالولنا حاولو تجيبو اى حد انشاله كمالة عدد

بعد كده مشيت ومدخلتهاش تانى وكل ماامر من هناك الاقى الخيمه فاضيه
دى صور للخيمه عجبنى شكلها بما اننا بنحب نهتم بالشكل اوى لكن الكتب من جوه مش مهم تكون هبله تكون عبيطه
مش مهم ان الناس يقولو مبادرة وكتب مجانيه ونروح نلاقى فشنك ولا مجانى ولا حاجة ولا حبكت
تقرا فى الخيمه
مع ان البانر سبحان الله مكتوب عليه احصل على نسختك المجا
نية













12 comments:

  1. ياسبحان الله هو فيه كده
    طيب مادام عملوا حاجه كويسه مايكملوها لالاخر ولا هو عرق هبل وانتشر وخلاص

    ReplyDelete
  2. الموضوع واضح إنه تأدية واجب ليس إلا .. يعني أدينا بنعمل مكتبات وناشرين علوم الكمبيوتر الحديثة للعامة (Power Point)
    الناس هي اللي مش عايزة تتعلم بقى !!
    أنا أعتقد برضه إن قبل ما نعمل خطوة زي كدة نزرع في الناس إزاي يحبوا يتعلموا وإن الشغف ده يجي منهم هما .. وقتها مش هانحتاج لشعار كتاب مجاني وأمثلته من الشعارات دي لإن الناس هي اللي هاتحفر عن الكتاب بنفسها وده الأهم
    !

    ReplyDelete
  3. بس الخيمه شكلها نضيفه :D
    عادي مدام مبادره من الحكومه توقعي اي حاجه
    بس حاسس اني شوفت البوست ده عندك قبل كدا

    ReplyDelete
  4. القراءة للحياة ..

    الناس هي اللي مش عايزة تعيش !!

    بجد انتِ قلتِها حكمة :

    انا كده اتأكدت ان دى مبادرة حكومة فعلا عععععععععع

    طبعا الحكمة هي :عععععععععع حتى لا تظنين فيّ سوءًا !

    تحياتي لكِ

    ReplyDelete
  5. Angel

    احنا فى مصر يابنتى بتتكلمى فى ايه ههههههههه

    **********
    كريم

    هما لو قصدهم اننا نحب نقرا مكنوش عملو كتب مقرفه زى دى ولا كانو اشتغالنو بالعكس المفروض يساعدونا وتكون اسعار الكتب حتى قليله شوية عن كده

    ReplyDelete
  6. Mutati0N

    ماهو ده الى عجبنى فيها بصراحه
    :D

    انا منزلتوش قبل كده غير فى خيالى ههههههه
    ممكن يكون شبه موضوع انا عملته ولا حاجة

    ReplyDelete
  7. 77Math.

    هههههههههههههههههههههههههههههههههه
    جامدة يابنتى والله
    ناس فقريه صحيح

    ReplyDelete
  8. اومال انتي كنتي فاكره حاجه تانيه !!!

    ReplyDelete
  9. اااااااه ... انا برضه عديت على الخيمة دي كذا مرة

    و كان شكلها مغري في الأول ... فدخلت أشوف فيها ايه ... لقيتها -تقريبا- خيمة أطفال ... مش عارف

    مكنتش لاقي حد من سننا كده يحسسني باني مدخلتش مكان غلط!!

    اه و اجهزة الكمبيوتر اللي ورا دي كان متجمع عليها أطفال كتير عمالين يلعبوا :D

    محرومين ياعيني ...

    هييييييييييه (تنهيدة) ... مصر!!!

    ReplyDelete
  10. Encrypted

    فاكرة غلط :D
    كان عندى امل

    ***********
    BooDy

    فعلا الاطفال الى كانو موجودين واحنا هناك كانو بيلعبو ع الاجهزة بردو كبت ههههههه

    ReplyDelete
  11. اشمعنى دى يعنى اللى الحكومة هتصدق فيها
    كله كلام فى كلام وشعارات ملها اساس من الصحة

    ReplyDelete
  12. أنا من كام يوم كده كنت فى المنصوره بس كنت راكبه العربيه لما شفت ده معرفتش ده ايه أصلا وكانت بتنش .
    بس يالا هتفرج ان شاء الله .

    ReplyDelete

 
لـلـرغـى فـنــون - Blogger Templates, Wordpress Templates Free - by Templates para novo blogger HD TV Watch Entourage Online. Featured on Local Business Singapore