الفن الأصيل لنشر الغسيل

والله ياجماعه قواعد نشر الغسيل دى غريبة جدا
الغريب إن نشر الغسيل لقواعد هل ده فى العالم كله ولا فى مصر بس ؟؟
:D

انا فاكرة أول مرة نشرت غسيل كان عند مرات خالى وفضلت تحفظنى القصير قدام فى أول حبل ويكون أبيض كنت وقتها فى إعدادى
المهم اخدت سبت الغسيل وطالعه ومنشكحه عشان داخله ع تجربه جديدة وسمعت الكلام القصير فى أول حبل
وكانت واحدة واقفه فى البلكونة قاعدة تبص عليا وانا بنشر عشان تعرف انا بنشر حلو ولا لا وانا عملت نفسى مش واخده بالى وبنفخ فى نفسى أوووووووى بعدين لما مرات خالى دخلت شافتنى صوتت قالتلى هو ده أول حبل؟؟؟؟؟؟؟
اتاااااااااارى انا حسبت أول حبل من قدامى أنا ولكن المقصود أول حبل يكون آخر حبل من ناحيتى انا

قلت فى سرى يادى الفضحه انا عرفت الست كانت بتبلى وبتضحك ضحكة شيطانيه ليه!
ولما يكون فى عروسة جديدة فى شارع أول حاجة يعملوها الجيران يستنوها لحد ماتغسل وتنشر الغسيل عشان يعرفو إذا كانت بتعرف تنشر ولا لع

والقواعد بسيطة
انك تراعى انك تبدأ القصير والأبيض الأول وبعد كده الطول يزيد تدريجى والألوان كمان ولو فى حاجة مقطوعه تخبيها ورا الى هو قدام من ناحيتك أنت وكل حاجة تتعلق من رجليها بناطيل , تى شيرتات ,مظبوط كده
ولا فى اختلاف ثقافات
:]

نفسى أعرف مين الى رص القاعدة دى فى مصر كلها بحيث ان الى يخرج عنها تبقا بت ولا مؤاخذه .....
مبتعرفش تنشر غسيل

هوندا

36 comments:

  1. hehehe ... nashr el 3'aseel de to3tabar el sho3'lana el wa7eeda el mofeda elly ba3melha fel beet :D :D

    bas el mawdoo3 ta6awar,
    ba2eet ba3'sel w anshor kaman :D

    ReplyDelete
  2. على فكرة بقة انا طول عمرى وانا رافضة المبدأ ده
    بتاع ايه الجيران يشوفوا الملابس الداخلية بتاعتنا !!!!!
    ماهو القصير قدام و الطويل ورا
    و بتاع ايه اصلا يشوفوا هدومنا؟!!!!

    الحمد لله ماما علمتنى طريقة هى ان الطويل قدام .... يعنى لو الغسيل فى ملاية او عباية او اي حاجة كبيرة هى اول حاجة بتتنشر عشان محدش يشوف هدومنا
    و لا انتى رأيك يه ؟؟؟؟

    ReplyDelete
  3. قواعد مهمة جدا جدااااااااا
    شكرا يا فندم ع المعلومات القيمة دي

    ReplyDelete
  4. أول مرة أدري إن في قواعد لنشر الغسيل !!

    ReplyDelete
  5. هههههههههه انا معايا ماجستير فى نشر الغسيل (ده طبعا اللى انا بقوله) بس فعلا انا ببقى واخده بالى اوى وانا بنشر عشان محدش يعلق على نشيرى دا حتى تبقى عيب فى حقى :D
    المشكله بقى انها مش بتقف عند حكايه القصير قدام والطويل ورا لاء دى كمان التشيرت ده يتنشر من تحت ولا من فوق عشان مايبوظش بس برضه احسن حاجه فى الغشيل هى النشير :D

    ReplyDelete
  6. ههههههههههه

    نفس السؤال دا سألته من زمان للحجة والدتي

    بس انا مدورتش على الاجابة عشان انا بطلت غسيل :))

    وكمان انا مش بتاع غسيل
    أنا بتاع مكوى بس =))

    بس شكرا على الملاحظة الهايلة دي ...

    وما زال البحث جاري عن الاثم واضع القوانين الذهبية


    سلام

    ReplyDelete
  7. هههههههههههههههههههههههههه
    كان ليه واحده من صحباتى تقولى أول ما أخلص غسيل أجرى ع الشارع وأبص ع الغسيل علشان أتاكد ان كله تمام لحسن الجيران يضحكوا عليه. لما بدأت أنا بقى أنشر كنت ببص الاول ع بلكونات الجيران وأتاكد ان مفيش أى حد بيبص عليه وطبعا دا كان امر صعب لانك بتفاجىء باى حد يطلع ويفضل يبص عليك بتمعن والفى نفسى عكيت.ومن يومها خت القرار ده
    لا نشير الا بعد الواحده صباحا
    فعلا الثقافه يتاثر فينا جامد

    ReplyDelete
  8. :D
    ناس فاضية أصلا !!! يا جماعة أعتقد فيه المفروض يكون فيه حاجات تانية تشغل الجيران دول على إنهم يقعدوا يستنوا عروسة جديدة في حاجة زي كدة وأنا لو منك أكسر القواعد دي لإن دي حاجة متخصش حد من الأساس
    !!
    ويمكن عشان كدة لما بغسل وبنشر محدش بيبص عليا لإن تقريبا حسوا بثقة كبيرة إن مفيش أمل فيا
    :D

    ReplyDelete
  9. :Dواللهي جيتي عالجرح
    اصل أنا مليش في قواعد نشر الغسيل دي نهائي
    انا فعلا اجب ان الغسيل يتنشر بشكل منظم
    بس مش معنى كده اني احط قواعد للقصير والطويل وقدام و ورا واللي ميعملش كده يبقى مش بيفهم !!

    ﻷني عن نفسي محبش أنشر القصير قدام عشان هو مش فرجة للناس!!

    أطول حاجة تبقى قدام عشان تداري على بقيت الغسيل ;(
    الغسيل مش فرجة, والعروسة تتطنش الناس و بلاش نشير من تاني يوم وأكيد الناس هتزهق وتبطل تتفرج
    هههه

    ReplyDelete
  10. على فكرة القواعد دى مهمة بس انتوا اللى مش عارفين السبب
    واسمحولى وانا ولد ( مش بينشر غسيل) أقولكم ليه
    لو حطيتى اللبس الطويل قدام يبقى هيمنع جزء كبير من الهوا من انه يوصل للبس القصير
    وخدى بقى عشر سنين على ما ينشف
    علشان كده بيحطوا الغسيل القصير قدام
    علشان الهوا يوصل لكل اللبس

    مصرى

    ReplyDelete
  11. مش مهم ينشف :]
    المهم محدش يشوف هدومنا

    ReplyDelete
  12. جامدة القواعد دي ومنكم نستفيد

    ReplyDelete
  13. أنا اتعلمت النشر مؤخرا

    وماما بردو اديتني التعليمات دي في الاول

    بس انا كنت عارفه ان الاول يبقي من هناك
    (:

    بس فعلا عمري ماعرفت مين اللي حط النظام ده

    ReplyDelete
  14. هههههههههه والله معلومه مفيده خالص

    وأنا بقول لما بنشر الغسيل الناس بتبص عليا ليه

    تقبلي مروري
    مجنووون

    ReplyDelete
  15. @ Anonymous:

    أبدا مش للدرجة دي
    الغسيل بينشف و مش بياخد المدة الرهييبة اللي انت متخيلها دي
    ولو حتى هيكون أطول شوية, فبرضه أحسن من ان الغسيل والملابس الداخلية تكون فرجة للناس
    وﻻ ايه؟؟

    ReplyDelete
  16. يااااه ده الموضوع كبير اوي و انا مش واخدة بالى
    طيب ما نريح نفسنا و ننشر على المنشر و نحط المنشر في البلكونة بردو علشان محدش يشوف هدومنا و في نفس الوقت الغسيل يتعرض للهواء و للشمس
    اقولك على حاجة بجد مش بحب القواعد المحفوظة دي لأن كل شئ ليه ظروف مختلفة و مش كل قاعدة تنفع مع كل الناس
    تحياتي يا هوندا يا رايقة

    ReplyDelete
  17. هههههههههههههههههههههه
    والله معاكى حق
    مين حط القواعد دى اصلا؟؟

    ReplyDelete
  18. اللهم زد هـــــــذا الوجه نورا
    واجعله دائـما مأجورا
    وبلغه العيد مسرورا
    امين يارب العالمين
    عيد سعيد

    ReplyDelete
  19. كل سنه وانتى طيبه
    عيد سعيد عليكى وعلى المسلمين جميعا
    باليمن والخير والبركات

    وسيبك بقى من نشر الغسيل

    ReplyDelete
  20. انا بردوا مليش دعوه بالموضوع ده أصلا
    ولما كان بيحصل مفيش القواعد دى
    لأن ببساطه معندناش لا قدام ولا ورا
    عندنا الأحبال ملهاش دعوة ببعض ههههه

    ReplyDelete
  21. انا الحمدلله

    بنشر نشييييييييير

    محدش نشره ولا هينشره

    كل سنه وانتى طيبه

    عيدك سعيد

    ReplyDelete
  22. كل سنة وإنتي طيبة وعيد سعيد على الجميع إنشاء الله

    ReplyDelete
  23. كل عيد و انتى طيبة يا قمر و سيبك من الغسيل :))

    ReplyDelete
  24. انا بقئة 25 سنة وتخيلي النشر دة بالنسبالي مش مشكلة طبعا
    لادة كارثة عندى حالة زهايمر رهيبة بنسي دايما
    فمثلا لو بنشر بنطلونى احاول افتكر انشروة ازاى والله بكون ناسية خالص المهم اقعد ابص على بلكونات والشبايك عشان اشوف البنطلون بيتنشر ازاى
    ولا لو غاسلة حاجة على ايدى مش فى الاوتميتك تبقة كارثة ااقعد اعصرها بطريقة غريبة اوى
    من الاخر منظر زبالة
    بصراحة بقة الغلط مش مننا يابنات الغلط من شركات الغسالات المفروض تعمل نظام ان الغسالة تقوم وتاخد بنفسهااللبس مش النضيف وتغسلة وتنشفة وتكوية وتحطة فى الدولاب اومال احنا بنشترى غسالات اوتوماتيك لية

    ReplyDelete
  25. المشكلة كلها في الاندر وير نشريه في الحمام او في بلكون المطبخ و هتلاقي نفسك بتنشري بانطلاق

    و عجبي


    خلاص كل المشاكل خلصت لدرجة اننا بنكتب عن مشاكل نشر الغسيل

    كل سنة و انتي طيبة

    ReplyDelete
  26. تعرفي هوندا أنا ضحكت كثير لما شفت هذا البوست مع انكم قريبين منا بس في اختلاف ثقافات حتى في غسيل الملابس ونشرها
    اذا كنتي بعد ماتتزوجي راح تسكني في السعوديه (لازم تتعلمي عن نشر الغسيل عندنا) هههههه أمزح
    ممكن هذي القواعد نشأت عشان البنايات والبلكونات كثير احنا حتى البنايات غالباً مايكون سقفها أو اسوارها عاليه
    وننشر في الحوش ولا على المنشر
    وكل سنه وانتي طيبه ومبروك الخطبه وخلينا نشوف القواعد الباقيه عشان نتعرف على جيراننا اكثر واكثر
    وتسلمي عالبوست الحلو

    ReplyDelete
  27. طول عمرى بقول دماغك عجبانى
    وبتخطفى افكارى
    ههههههههههههههههههههه
    لا بجد والله انا كل اللى قولتيه كنت بكلم واحده صاحبتى فيه
    اما بالنسبة للتيشريتات والبناطيل فانا بقول ياريت تتعمل من فوق و
    انا عن نفسى بعملها من فوق علشان الكمام تنشف والجزء اللى فوق من البنطلون ينشف الاول

    شفتى بقى من فرحتى بموضوع خطوبتك مخدتش بالى من الموضوع الحيوى ده
    مبروك يا هنودتى ربنا يباركلكم يارب

    ReplyDelete
  28. BooDy

    هههههههههههههه اول مرة اعرف ان فى ولاد بينشرو فى بيتهم كويس جدا والله فى تطور
    :D

    ************
    Sofy

    والله ياصوفى ده تمام جدا انا هعمل كده فى بيتى
    ان شاء الله ان الله حليم ستار

    *************
    A.SAMIR

    اى خدمة
    ;)

    ReplyDelete
  29. الأنوار

    اى خدمة :D

    ************
    Angel

    ههههههههههههههههه بس فعلا التيشرتات الى مش خامه كويسة ممكن توسع من تحت لو نشرتيها كتير
    من تحت

    *************
    Teva

    اعتقد المكواة قواعدها بسيطه جدا
    :D

    ReplyDelete
  30. eman

    ههههههههههههههههههه جامدة جدا صاحبتك دى انا بردو كنت احب ابص ع منظر الغسيل وانا تحت من زمان الكلما ده لاىن مبنشرش كتير وكنت بحب التوقيت الليلى عشان الحر والذى منه

    ****************
    كريم

    ههههههههههههههههههههههههههههههههههههههه مش حكايه ان مفيش امل فيك بس لانك ولد لو كنت بنت كنت اتظبطت نظرات وكلام

    *******************
    Nano

    انا فعلا بحب انشر بنظام بردو بس بمزاجى بقا من غير خضوع للقواعد

    ReplyDelete
  31. Anonymous

    هيا فكرة بردو بس لو الغسيل متنشرش قصير من قدام هينشف بردو لان كده كده الهوا بيحركهم وبيتخللهم
    :D

    **********
    Sofy

    lolllllllllll

    ***************
    the others

    اى خدش
    :D

    ReplyDelete
  32. esraa

    مبروك ياعم التأسيس هههههههههههه

    ***********

    مـجـنـووون

    ههههههههههههههههههههههههههههه

    ***********
    الحلم العربي

    امال يابنتى انتى مش من مصر ولا ايه بس تصدقى جبتى م الاخر
    :D

    مليش نفس ابقا رايقه ولا ايه
    :D

    ReplyDelete
  33. blue-wave

    ولا اعرف لو عرفت قولى :D

    *************
    نهر الحب

    اللهم آمين :)

    ************
    romansy

    وانت بخير حاضر المرة الجاية

    ReplyDelete
  34. Butterfly

    ههههههههههههههههههههههه ياسلام ازاى يعنى اصلى مش متخيلة
    :]

    ************
    د/اجدع بنوته

    نشير حصريا ولا ايه هههههههههه كل سنة وانتى بخير :)

    ************

    عدى النهار

    اللهم آمين عيد سعيد

    ReplyDelete
  35. Ma 3lina

    وانتى بخير حاضر حاضر هسيبنى منه

    ************
    بنوتة مصرية

    لا والله هههههههههههههه الغساله تقوم تنشر وتطبق كمان لا ده انتى عال العال ههههههههههه

    **********

    محمد الكومي

    اه شفت اصل مشاكل الغسيل محدش مديلها اهميتها فى مصر
    :P

    ReplyDelete
  36. Asmaa

    والله كده يبقا احسن غسيلنا فى حوشنا هههههههههه كل سنة وانتى بخير والله يبارك فيكى وعقبالك

    ****************
    Sometimes

    الله يخليكى انا معاكى فى نفس الاقتراح
    حاول تركزى فى املدونة شوية هههههههههههه

    ReplyDelete

 
لـلـرغـى فـنــون - Blogger Templates, Wordpress Templates Free - by Templates para novo blogger HD TV Watch Entourage Online. Featured on Local Business Singapore