بالنسبة للجنيه المعدنى ايه النظام؟

من مدة ظهر الجنيه المعدنى المهم وقع فى ايدى واحد جيت اديه لسواق التوكتوك مرضيش ياخده وقالى مبيتصرفش
مع إنى شفت تباع فى المواصلات بيديه باقى لبنت المهم قلت مش مشكله احتفظ بيه واديته لصاحبتى تذكار

من يومين بقا رحت سوبرماركت جمب الكليه اشترى منه حاجات فدانى واحد قلتله لو سمحت غيرهولى عشان محدش بياخده قالى مفيش غيره!!! المهم دمى اتحرق لأنى حسيت انه بيتخلص منهم وبعد مامشيت قلت كان المفروض ارجع الحاجات الى اشترتها بس اتحرجت لانهم كانو بسبع جنيه فقلت هرجعهم عشان جنيه !!!
ومش معقول كل شوية هوزع تذكارت جنيهات لأصحابى !!!

جيت اصرفه بقا فى المواصلات وانا مروحه محدش رضى ياخده منى والناس قالولى بيتصرف فى المنصورة ومش بيتصرف فى بلقاس !!!

،انهردة كمان بنت كانت بتديه للتباع مرضيش ياخده منها
مع انه ف المنصورة

وانا كان لسه فى محفظتى الجنيه وطول الوقت صوت من جوايا بيقولى كان المفروض ترجعى الحاجة عند فى الرجل الى عايز يتخلص من الفلوس لحد ماخطرت ليا فكرة تحفة انهردة وانا طالعه م الكليه
انى اروح اشترى من نفس ذات السوبر ماركت
واديله الجنييييييييييييييه هههههههههههههههههه
ولو فتح بقه هقوله انت الى اديتهولى بس لوعند معايا هتصرف إزاى؟؟

رحت اشتريت وطلعت الجنيه فعلا ومحدش علق اخدت الحاجة وجررررررررررى لحد يندهلى ههههههههههههههه
انا بس عايزة اعرف هو فعلا بيتصرف ولا لا ولو مش بيتصرف موجود ليه؟
ولو بيتصرف الناس بترفض ليه؟


هوندا

34 comments:

  1. انتو عندكم ما يآخذونه ...

    وعندنا في السعوديه ماهو موجود ..

    يعني تشترين حاجه بسبعه ريال ونص ..

    فتحاسبينه وتدفعين له 8 ريال

    يقوم يآخذ الثمانيه ويعطيك أغراضك ومعاها علكه ( لبنان) بدال النص ... واذا قلتي له وين النص ... يقول ماعندي

    واحد من اخواني اقترح اني اذا رحت للسوبر ماركت آخذ معاي العلك مره ثانيه

    واذا اعطاني نص ... اعطيه انا العلك واقوله عطني الريال :)

    ومبروك الزواج او الخطوبه والله يتمم عليكم

    ReplyDelete
  2. انا برضه اول مرة شفته كنت عايزة اعينه (ذكرى) او ابدأ اجمعهم :]
    و فى الاول كنت بتكسف اصرفه لحسن حد يقوللى مينفعش ولا حاجة
    و بقيت فعلا بصرفه فى الاماكن اللى الناس هناك بتديهولى ( المترو او الميكروباصات) ،و فاكرة كمان ان اول مالجنيه و النص جنيه المعدن طلعوا قعدنا نتتريق عليهم
    و ان الناس بعد كده هتمشى بصرة دنانير....قصدى جنيهات :]
    حتى المحافظ الجديدة بقوا بيعملوا فيها جيب زى البوكات القديمة بتاعت اهلنا اللى بتتفتح كده بحديدتين ... عشان نحط فيهم القروش (زمان) او جنيهات دلوقتى
    يعنى يمكن كمان كام سنة يبقى فى خمسة و عشرة جنيه معادن
    و على ايام ولادنا انشاءالله نشوف 100 جنيه معدنية !!!! :]]]

    ReplyDelete
  3. لا ياهنادي ما بتصرفشي في أي حته ولا أي حد يرضا ياخدوا وكأنه شيكل اسرائيلي.

    يلا بلد .. تشوفي فيها العجب ..

    بس فكرة هجنمية فكريتك الأخيرة دي.

    ReplyDelete
  4. إبراهيم

    ياسلام مش موجود امال بيحسبوه ليه !!!! احنا ساعات بيعملو معانا الحركة القرعه دى حتى لو باقى ريال ههههههههههه
    ومعاهم فلوس بس عشان يكسبو

    بس فكرة جامدة لكن معتقدش انهم هياخدوها منك ههههههه

    ReplyDelete
  5. Sofy

    نفس الى انا فكرت فيه هههههههههههههههههه عشان كده مكنش فارف معايا فى الاول انه ميتصرفش لكن لما لقيت الموضوع بيزيد لقيته هييجى عليا بخسارة

    انا فعلا المحفظة بتاعتى فيه جيبين كده بحط الفكة فيها خصوصا بعد م الاجرة بقت ب30 قرش ههههههههههه

    ReplyDelete
  6. mms911

    امال عملوها ليه م الاول ان شاء الله اشتغاله مثلا ؟؟
    ممممممممممم ممكن بيهزرو مع الشعب هههههههههههه

    ReplyDelete
  7. كلام على بلاطة

    بمناسبة ايه بالظبط
    :D

    ReplyDelete
  8. لا والله يا هنادي مفيش اي مشاكل من ناحية الجنيه ده عندنا ومتدوال بين الناس عادي جداا
    ده حتى العيد اللي فات كان الجنيه المعدن بطل العيديات
    :D

    ReplyDelete
  9. ههههههههههههههه حلوة بطل العيديات دى طب مانتو عادى اهو امال عندنا نقفلين ليه
    غريبة !!!

    ReplyDelete
  10. بيتصرف عادى يا بنتى و الله

    فى الصيدلية و فى كل حتة

    ReplyDelete
  11. ايه يابنتى بتصرف عندنا عادى

    بس هما السواقين مش بيحبوه عشان بيقع منهم بس

    ReplyDelete
  12. هههههههههههه تعليقك على الاخ على بلاطه ضحكنى

    اصلى فمدونتى رديت عليه نفس الرد بس رجعت استغلست نفسى

    ReplyDelete
  13. تحسيه جاى يعمل اعلان بطريقه جديده ولا قرا ولا بص على كلمه وراح عامل بيست ومشى

    ReplyDelete
  14. بصي يا بنتي الناس بترفض تاخده علشان هو جنيه رخم بصراحه .... انتي ما شوفتيش ال 50 قرش ولا البريزه البيضه الخفيفه اللي لا ترى بالعين المجرده ... كل دول المفروض الناس تقبلهم بس برضه بترفضهم علشان زي ماتقولي كده فيهم بركه قليله
    وعموماً لو ماحدش بيرضى ياخده قليله الجنيه ده معتمد ووقفني قدام قسم الشرطه ونشوف بقى بيتقبل ولا لأ :)) اوعي تعملي كده اتعاملي مع السوبر ماركت بيه وخلاص :))

    ReplyDelete
  15. الناس عليها تحكمات عجيبة.. الجنيه المعدن مش بيتصرف وقبلها كانت ال10 قروش الورق مش بتتصرف

    يعني هما عايزين ايه من الاخر...ورق ولا معدن

    دي حاجة تجنن

    ReplyDelete
  16. هههههههههه
    لا احنا هنا بيتصرف عندنا عادي , وانا شخصياً بحب اجمعهم :D
    وعموماً لو حد قالك مبيتصرفش قوليلوا اطلع علي اقرب قسم وانا اوريك بيتصرف ولا لا :D
    لان دي عمله وطنيه وهوا مش عايز يتعامل بيها , يعني قضيه امن دوله :D

    ReplyDelete
  17. لأ بيتصرف ياجميله
    احنا عندنا بنتعامل بيه عادي جدا

    بصي الجنيه الورق أصلا بيتسحب من السوق
    يعني شويه ومش هتلاقيه

    لأن تكلفة تصنيعه غاليه لأنه من القطن وهو قيمته قليله
    فتكلفته بتبقي أكتر من قيمته وده طبعا ماينفعش

    الناس بس مستغرباه وعشان كده مش عايزين يتعاملو بيه

    ReplyDelete
  18. انا برضو بعاني منه وماعونتش برضى اخده من حد والف الف مبروك يا جميل على كتب الكتاب واعزمينا على الفرح بقى

    ReplyDelete
  19. انا معايا لحد الان اكتر من 70 جنية جنيهات معدنية
    وكمان كذا 50 قرش معدنية
    وكمان كذا 20 قرش معدنية
    وكذا 10 قروش ورق
    و كذا 5 قروش ورق
    ومافكرتش اصرفهم

    يعنى ممكن يبقى معايا الف جنية من العملات دى بعد كام سنة و مش افكر اصرفه بردو بعيد عنك اصلى بحب اجمعهم :)
    كمان معايا عملات من دول غربية و عملات من دول عربية ( ورق و معدنية )

    بس عندنا فى مواصلات بلدنا بيتصرف عادى
    دا انا لما بلاقى حد بيحاسب بالعملات دى باخدها منه واحاسبله انا من معايا فلوس عادية :)
    هواية بقى ربنا مايوريكى :)

    كمان انا اتعاملت بيه مرة فى المواصلات فى المنصورة دا علشان ما كانش معايا فكه خالص كان كل اللى معايا ميات و خمسينات فقولت احاسب بقى المرادى بس بجنية من اللى معايا و كنت حاسة ساعتها انى بفرط فى حد من ولادى :)

    شكلك انتى اللى نصيبك كده استحملى بقى
    ولا اقولك حوشيهم وانا اخدهم منك ولا تزعلى نفسك :)
    الجنية المعدن هحاسبك عليه بربع جنية ورق :) :)
    شوفتى بقى انا عادلة ازاى :)

    ReplyDelete
  20. دا شئ طبيعي

    مع ان الدولة ادته نفس القبول
    بس مش عارف ايه الرفض الشعبي الغريب دا

    ولا هو يعني لازم نكتب عليه الملك فاروق عشان يتصرف ؟

    صراحة الظاهرة دي منتشرة جدا وبتقابلني كتير
    في المنصورة موجودة برضو مع انها المفروض انها مدنية كبرى والناس فيها المفروض على مستوى من العلم يكفى انهم يعرفه ان مفيش فرق بين العملة الورقية والمعدنية

    في القاهرة مثلا اعتقد مفيش الكلام دا لاني جربت هناك وكنت بصرفها عادي جدا واعتقد للمترو دور في دا :))

    عموما ربنا يهدي الجميع
    هي حاجة تغيظ فعلا

    انا لما بتقع في ايدي عملة زي دي بتفنن بقى عشان احرق دم اللي يرفضها

    بقوم شايل معايا ورقة بمتين
    واديله الجنية المعدن
    يقولي يا أستاذ محدش بيرضى ياخده - مش عارف استاذ ازاي مع ان شكلي عاطي على دكتور :))-
    اقووم عاطيله المتين وفك بقى يامعلم

    اه محنا لازم ناخد حقنا برضو
    لازم احرق دمه :))

    ربنا يصلح حال البلد دي
    قولو امين

    ReplyDelete
  21. هو بدل اطرح فى السوق يبقى اكيد شغال بس هوه اكيد زى أى حاجه جديده بتلاقى نفور منها شويه لكن اكيد هياخد وضعه الطبيعى لما الناس تاخد عليه

    ReplyDelete
  22. مش عارفه بصراحه اللي اعرفه انه مش بيتصرف

    مع انه متداول بين الناس

    بس مش اي حد ممكن ياخده منك حصلت معايا مره واخدها التاكسي مني

    بعد كده ماما قالتلي معتيش تاخدي من حد فلوس معدنيه

    فا قولت عشان كده اديتهولي مره عاوزه تتخلص منه

    ReplyDelete
  23. Ma 3lina

    مش عارفه والله مالهم !!!

    ************
    انا حره

    ههههههههههه والله انتى جامدة ياستى انا فعلا بضايق م التعليقات دلا
    !!!

    ReplyDelete
  24. Rehab Mostafa

    انا مشفتهمش فعلا لسه هو مممكن يكون رخم بس افترضى انه وقع فى ايدى اعمل ايه؟
    بس جامدة فكرة قسم الشرطة دى هجربها قريب ههههههههه

    **********
    MAЯV3L

    فعلا والله لا كده ولا كده حتى بيتنكو ع الفلوس هههه

    ReplyDelete
  25. Mutati0N

    هههههههههههههه هنسجن الناس فى الاخر يعنى وبكده محدش يرفض ههههههههه

    ************
    esraa

    انا اول مرة اعرف المعلومه دى يعنى حتىى بيسترخصو فى الفوس ههههههههه

    ReplyDelete
  26. حاسوباتيه

    الله يبارك فيكى ان شاء الله قولى يارب :)

    *************
    مـحـمـد مـفـيـد

    واضح :D

    ReplyDelete
  27. Eng_Romisa

    هههههههههههههههههههههههههههههههههههههه اجمد حاجة قريتها عندى ياروما هعمل معاكى مقايضه
    تخدى الفكة واخد منك المجمد ههههههههههههه

    **************
    TeVa

    مش عارفه بس انا بردو بتعمد اعمل زيك كده لما يقولى لا ادور ع حاجة مجمدة من معايا عشان اعذبه هههههههههههههههه

    ReplyDelete
  28. eman

    حلوة ياخد وضعه دى هههههههههههههههه

    ***************

    M e r o

    منا بردو ناوية اعمل كده لحد مايرضو عنه
    :D

    ReplyDelete
  29. honda: [quote]
    هههههههههههههههههههههههههههههههههههههه اجمد حاجة قريتها عندى ياروما هعمل معاكى مقايضه
    تخدى الفكة واخد منك المجمد ههههههههههههه
    [/quote]
    da keda enty hatksaby mn waraya kteeeeeeeeeeeeeeeeer :)

    ReplyDelete
  30. ههههههههههههههههههههههههههههههههههههههه
    ماشى ياعم صراف عمله انت هههههههههههههه

    ReplyDelete
  31. كل الجديد لدينا

    منتديات ايه النظام

    لتحميل احدث الافلام العربيه والاجنبيه بروابط مباشره من سيرفراتنا

    لتحميل احدث الالبومات العربيه والاجنبيه

    لتحميل احدث الالعاب كاملة وبروابط مباشره

    المنتديات العامه والنقاش الهادف واخر الاخبار الرياضيه

    لدخول منتديات ايه النظام

    http://www.ehelnezam.co.cc

    خليج نعمه VCD - كليب حسام حبيب الجديد - مروه فى لمن يجرؤ فقط - احدث الكليبات العربيه - فيلم الوان السما السبعه

    اصلية و بحجم صغير فيلم خليج نعمة نسخة VCD
    للتحميل ابحث عنه فى هذه الصفحة
    http://www.ehelnezam.co.cc
    ----------------------------------------------------
    برنامج التصميمات الرائع والمنافس الوحيد للفوتوشوب Corel Painter X بحجم 94 ميجا فقط
    للتحميل ابحث عنه فى هذه الصفحة
    http://www.ehelnezam.co.cc/
    ----------------------------------------------------
    حصري ومترجم فيلم البوكس اوفيس الساخر Role Models CaM XviD THS للكبار فقط بمساحة 315 ميجا
    للتحميل ابحث عنه فى هذه الصفحة
    http://www.ehelnezam.co.cc/
    ----------------------------------------------------
    حصريــا :: كليب حسام حبيب :: (( جوه القلب )) :: جودة عالية علي أكثر من سيرفر على الغاب
    للتحميل ابحث عنه فى هذه الصفحة
    http://www.ehelnezam.co.cc/
    ----------------------------------------------------
    لعشاق لعبة Red Alert 2 لعبةYuri بحجم250ميجا وعلى اكثر من سرفر مباشر
    للتحميل ابحث عنه فى هذه الصفحة
    http://www.ehelnezam.co.cc/
    ----------------------------------------------------
    حصري متصدر البوكس اوفيس الفيلم الرومانسي Twilight 2009 مترجم وحصري بصيغة Cam XviD
    للتحميل ابحث عنه فى هذه الصفحة
    http://www.ehelnezam.co.cc/
    ----------------------------------------------------
    قنبلة القنابل وأتحدى العالم كله Transporter 3 نسخة TC XVID بمساحة 315 ميغا بس
    للتحميل ابحث عنه فى هذه الصفحة
    http://www.ehelnezam.co.cc/
    ----------------------------------------------------
    حصريا كأول منتدى عربي كالعاده Eminem-Long Time No See (Official Mixtape) (Bootleg) 2008
    للتحميل ابحث عنه فى هذه الصفحة
    http://www.ehelnezam.co.cc/
    ----------------------------------------------------

    ReplyDelete
  32. بلقاس !!!!!!!!!!! فين ديه؟

    ReplyDelete

 
لـلـرغـى فـنــون - Blogger Templates, Wordpress Templates Free - by Templates para novo blogger HD TV Watch Entourage Online. Featured on Local Business Singapore