مش حرام بس عيب

شعب ملتزم
يحب الإلتزام
يحاول الإلتزام
يدعى الإلتزام
ولكن عند تنفيذ أوامر الإلتزام
بيحكمنا حاجات تانيه كتير زى تؤ تؤ تؤ عييييييب
لا لا ميصحش
أصل البرستيج والمنظر العام

وبنحرم حاجات كتير عشان هيا عيب فى عاداتنا احنا بالرغم انها اصلا مش حرام فى الدين
وبصراحه ده قمة التخلف
ولو احنا مقدرناش نغير الموضوع ده فى تفكيرنا الأول يبقا نستاهل ان احنا نواجه حاجات زى دى كتير فى حياتنا
بعدين يرجعو يقولو الدين والمرأة حقوقها متاكله ولو دورتو ع فكرة هتلاقو ان الى بيغلبنا عادات اكتر من محرمات
محتاجين نتحرر من الأفكار والعادات المتعارضه مع الدين
ده أولا لانه بيحرمنا من حقوق ربنا حللهالنا اصلا
ياجدعان الدين مش صلاة وصوم وسلام عليكم!!


14 comments:

  1. والله عندك حق يا هنادى
    بجد النا بتفكر بطريقة غريبه أوى ... بيبصوا بس على المنظر العام والشكل عامل ازاى قدام الناس ويقولوا دى مش كويسه بالرغم انها ممكن تكون بتعمل حاجات كويسه جدا هما ميقدروش يعملوها ... تخلف ..!

    ReplyDelete
  2. زيي ايه الحاجات يا هنادي الي تقصديها ؟

    ReplyDelete
  3. موضوع جميل وأكثر من رائع

    رائيك في حاجات فيه صح وحاجات انا في نظري انهامش مظبوطه

    الصح العادات القديمه الي ملهاش أي معني وبتحرم حاجات حللها الله

    بس في نفس الوقت لأزم ننصح الناس ونرشدهم للصح

    وأفتكر أن في حديث في ما معناه ( انك تنهي عن شرب الخمر ولو كان في يدك )
    يعني ده مش بيمنع الناس غلي بتعمل الغلط من مسئولية أنهم ينصحوا الناس

    تقبلي مروري
    مجنووون

    ReplyDelete
  4. بصراحه ده قمة التخلف

    ReplyDelete
  5. معاكي حق والله
    كتير من الناس بتمشي على مزاجها في اللي يعجبها
    وده غلط بكده محدش هيفهم الصح فين مدام كلنا هنمشي برأينا وبس

    :)

    ReplyDelete
  6. احنا فعلا عندنا حاجات كتير عيب وماتصحش بتحكمنا بالرغم من انها مش حرام

    لكن ازاي بقي نعملها

    عيييييييييييييييييب

    ReplyDelete
  7. هنوده
    انا مش فاهمه زى ايه طيب
    انتى اتكلمتى كلام عام

    ReplyDelete
  8. تسلم كيبوردك يا بنت :D

    "محتاجين نتحرر من الأفكار والعادات المتعارضه مع الدين"

    إنتِ عارفة لما بقول لحد كدا ؟ يقول لي العُرف معتبر به في الدين !!!

    يعني عايزين نبقى في المستنقع بإيدينا !! صدقيني منتهى التخلّف .. ومفيش فايدة في الناس

    لأ ورغم دا كلّه .. للأسف تلاقيها تصدّق الحاجة الوحشة وتحتاج دليل على الحلو

    تصدق إن دا حرام .. وتحتاج ألف دليل عشان تصدق الحلال!!

    بجد .. مفيش حل غير بإيدينا إحنا .. ننشر الصح في اللي حوالينا بعد ما نكون طبقناه في أنفسنا .. حتى لو استغرب الكلّ مننا .. في النهاية حييجي يوم والصح حيبان..

    اللي بيسألوا على أمثلة فوق::

    حاجات كثير .. مثلا حكاية إن عيب البنت تبين شعرها، واللي شعرها باين تبقى
    by default
    مسيحية"كإنها شتيمة مثلا !!!!" .. حتى إشعار آخر !!

    بينما نشوف اللي مغطية شعرها ولبسها رخيص محجبة ..

    يعني عيب شعرها يبان بس مش عيب يبقى شكلها رخيص
    !
    والله في مسيحيات بشوفهم كثير في منتهى الاحترام عن كثير من اللي "عداهم العيب " بتغطية شعراتهم !

    يقولوا مثلا عيب تكلمي ولاد في الكلية .. مثلا !! وفي نفس ذات الوقت يعيبوا على البنت إنها اتخرجت من غير ما تتخطب !!!!!

    ودي سمعتها بنفسي

    عايزين كمان؟


    هات مرارتك نفقعها لك

    معلش يا هوندا دا لكِ عندي إعلان :D

    دا غير موضوع كلمة "تحرر" واللي بتعتبر شتيمة .. لسة شايفة النهاردة موضوع عند آبي .. بجد إنتوا كدا حتخلوني أفتح موضوع وأحط كلامكم عندي ..

    عشان أنا تعبببببببت من الحكي

    تحياتي لكِ ودمتِ بخير

    ReplyDelete
  9. مهو دا أس البلاوي

    انا حاسس اننا عندنا انفصام في الشخصية

    لو كل اللي مؤمن بشئ بيطبقه

    دايما بنحط في حسباتنا الناس وبننسى رب الناس

    مش كل عادة تبقى من دينا

    ربنا يسلم

    تسلمي

    ReplyDelete
  10. العُرف معتبر به في الدين !!!

    مش عارفه مش بقتنع بده بصراحة يعنى على قد المحرمات الى ربنا فرضها علينا كل مجتمع هيفرض محرماته؟؟

    هحاول ادور ع اصل الجملة دى

    ReplyDelete
  11. فيه قاعدة فقهية (نقلا عن الشيخ أبو إسحاق الحويني) .. المعروف عرفاًكالمشروط شرطاً .. طبعا الموضوع ده محتاج توضيح أكتر .. لإن كل بلد وليها عادتها وتقالدها اللي بتختلف من مكان مكان
    !!!

    ReplyDelete
  12. يعنى ايه ياكريم
    :S
    يعنى لو حاجة حلال بس ممنوعه فى المجتمع يبقا براها دلوقتى
    :S

    ReplyDelete
  13. لا طبعا !! مش ده اللي أقصده .. أنا نقلت الجملة وبقول إني عايز أفهمها
    !!

    ReplyDelete

 
لـلـرغـى فـنــون - Blogger Templates, Wordpress Templates Free - by Templates para novo blogger HD TV Watch Entourage Online. Featured on Local Business Singapore