أزعجتونى ع الفاضى



نزلت الجامعه من اسبوعين واكتشفت ان فى 3 عربيات أمن مركزى قدام بوابة الموقف

لحد انهردة العربيات دى موجودة وموجود زيها عند بوابة البارون وزيها عن بوابه الاستاد مش عارفه فى فى الجلاء كمان ولا لا

انا بخاف لما اشوفهم خصوصا وهما حاميين كده بالسلاح اكيد ده تطبيق لأغنية خلى السلاح صاحى صاحى صاحى
بعد كده عرفت ان الهيصة دى عشان الانتخابات ودى كانت أول مرة ع فكرة يكون الاستعداد قوى كده ليها حتى وقتها فكرت كتير يعنى كوووووووووووووووووول دول عشان طلبة عاديين وانتخابات عادية جدا
مش رئاسه جمهورية ولا مجلس

طيب معلش بعد ده كله بقا اتنين يتغزو بالسكاكين عشان واقفين ع مقر الانتخابات بسبب بلطجية ددخلو معاهم جنازير ومطاوى؟؟
طيب الأمن كان فين بقا؟
ومتفتشوش ازاى زى مالطلاب العادين كانو بيتفتشو؟؟
طيب والبلطجية دول جم ازاى يعنى اصلا الانتخابات دى اغلبها للطلاب المختلفين شوية فى جو العامه واغلبهم شخصيات عادية ملهاش فى البلطجة
وليه الأمن مش بيظهر غير فى المظاهرات السلمية كنت فين ياأمون لما السكون اتغزت فى الواد
لا حول ولا قوة الا بالله الله يحرق الانتخابات الى بالمنظر ده خدنا منها ايه مش عارفه

http://www.youm7.com//News.asp?NewsID=45936

العيشة ولى عايشنها بقت حاجة .......

هوندا

11 comments:

  1. ماهو دول بلطجية الحزب الوطني

    والحكومه مش هتفتش بعضها يعني
    ده حتي عيب

    حسبنا الله ونعم الوكيل

    ReplyDelete
  2. من الصوره فكرتك هتتكلمي عن جامعه القاهره :D
    الحكومه في حاله رعب من الشعب , والشعب في حاله غليان فاقل حاجه بيخافوا منها , والشعب هينفجر هينفجر

    ReplyDelete
  3. esraa

    ربنا مايحرمهم منهم ههههههههههههههه

    **************
    Mutati0N

    لا ياسيدى دى جامعة المنصورة
    :D
    ياريت ينفجرررررر

    ReplyDelete
  4. people should not be afraid of their government
    government should be afraid of their people

    دي كانت جملة من فيلم
    V for Vendetta

    ReplyDelete
  5. أحسن تعبير قاله مرتضى منصور ان طول عمر الشعب يكره الحكومة، لكناليومين دول الحكومة هي اللي كارهه الشعب...

    ReplyDelete
  6. على فكره انا مريت على مدونتك دى جميله جدا
    بالنسبه لموضوع البلطجيه ده احب اقولك انه تبع الامن
    هو اللى مسلطهم والله اعلم
    وبعدين على رايك لما يكون ده فى انتخابات طلابيه فما بالك بالانتخبات الحقيقيه
    بس هما بيشوفوا الموضوع من ناحية ان دى المبادىء اللى الشباب هيتربوا عليها
    والف مبروك على عقد قرانك
    تقبلى مرورى
    تحياتى

    ReplyDelete
  7. والله انا اتخضيت اول مره انزل فيها الكليه
    لما شفت المناظر دى
    ربنا يشفى ويرحمنا

    ReplyDelete
  8. هي بتبقي حاجة غريبة في الأول لكن بعد كده الواحد بيتعود عليها

    بس للأسف رأيي إن مش ده الحل بناقص من الإنتخابات ألي حتموتنا في مليون طريقة نقدر نغيير بها واقعنا غير الصدام ألي بالشكل ده

    ReplyDelete
  9. مبروك يا هوندا الخطوبه و كتب الكتاب ...
    و الله انا فرحان ليكي جدا ...
    انا عارف انها متأخرة حبتين .. بس و الله انت متعرفيش انا بقيش مشغول قد ايه لظروف العمل...
    ربنا يتمم بخير ويجمعكم على خير ان شاء الله

    ReplyDelete
  10. BooDy

    الجملة جامدة جداااااااا


    **************

    Ahmed Essawy

    الله يبارك فيك ياأحمد عقبالك ان شاء الله انا عارفه انك مشغول :)

    ReplyDelete

 
لـلـرغـى فـنــون - Blogger Templates, Wordpress Templates Free - by Templates para novo blogger HD TV Watch Entourage Online. Featured on Local Business Singapore