ربنا ع الظالم والمفترى

احساس بالظلم والقهر لما تحس انك بتتسرق قدامك وانت مش قادر تعمل حاجة
لأن الى بيسرقك هو الى المفروض يجيبلك حقك الموضوع باختصار نصب ظباط المرور علينا عشان يطلعو بسبوبه الموقف بالتفصيل بيحكيه أحمد سليمان


هنا


ياريت ياجماعه حد يقولى لما ظابط يسرقنى أجيب حقى ازاى؟
ومن غير كلام ع الفاضى هل لو كنتم مكانه هتعملو ايه؟
وبجد يعنى لو حد عنده فكرة نقدر نوصل الموضوع ده ياريت يساعدنا


*.*هوندا*.*

6 comments:

  1. يسعدني جداً اني أول من يعلق على البوست

    المستحيلات في مصر كثرت جداً ومنها الموضوع ده، لأن السرقة والنصب مش بس مع ظباط المرور، دول مع كل موظفين الحكومة الا قلة قليلة منهم، وده بسبب ضعف دخلهم، ناس تقول معذورين هيعملوا ايه، وناس تقول الحرام أحسن ولو أقل.

    بصراحة مش قادر أحدد موقفي بالضبط من الموضوع ده !! ... لكن ربنا يهدي الجميع.

    بالتوفيق لكي أختي.

    ReplyDelete
  2. كعادة الرد على المواضيع اللي زي كده يا هوندا
    حنقول ايه غير حسبنا الله ونعم الوكيل؟

    انا قريت الموضوع كله وده كمان غير المهزل اللي الواحد بيشوفها ادام عينه
    حاجة فعلا تحبط وترفع الضغط

    وبعدين انتي اصدك توصلي الموضوع لمين بالظبط؟
    كله بيسرق ف كله يا هوندا
    والنهب ده مش بيتم الا على عين الكبار

    وحسبنا الله ونعم الوكيل

    ReplyDelete
  3. واضح إننا بدأنا نتعود على المواقف دي لدرجة إن البعض بقى يعتبرها أمر مسلم بيه زي الناس اللي كانوا في الطابور .. وكأن الطابور ده بقى تعبير عن وضعنا كلنا
    وعن الموقف اللي لازم يتاخد في المواقف اللي زي دي خاصة لما تكون حالة متكررة إنها تتصعد إعلاميا لإلقاء الضوء عليها .. بعد كدة يتم تصعيد الموضوع قانونيا عشان لما يتصعد إعلاميا يكون فيه أكتر من صوت .. ووقتها محدش هايقدر يتناسى الموضوع أو يتغاضى عنه .. لإن الصوت هايبقى عالي نسبيا

    ReplyDelete
  4. منتي قولتيها أهو

    ربنا على الظالم والمفتري

    ملناش غير ربنا ندعيله

    احنا مرضنا هو السلبية
    يعني لو كل اللي في الطابور وقفوا وقفة واحدة مكنش دا بقى حالنا

    بس هنجيب منين شعب بيرضع سلبية كل يوم ومبدأه امشي جنب الحيط وبعد كده عايزينه مياخدش على قفاه

    دا مستحيل

    لما نتعالج من أمراضنا نبقى نستحق اننا يترفع الظلم عننا

    شكرا على المشاركة

    ReplyDelete
  5. أقولك نعمل ايه ....نطب مطعمنا......ليه عشان لما ندعي أن ربنا يتولانا ويولي الصالحين المصلحين أمورنا ربنا يستجيب دعوتنا
    مش عارفة والله أقول ايه إنا لله وإنا إليه راجعون وحسبنا الله ونعم الوكيل

    ReplyDelete
  6. انا قريت البوست عند باشمهندس احمد سليمان
    بصراحة اتضايقت جداا جداا
    بس هنعمل ايه ؟؟

    مينفعش نشتكي الحكومة .. للحكومة
    ...
    لنا الله

    ReplyDelete

 
لـلـرغـى فـنــون - Blogger Templates, Wordpress Templates Free - by Templates para novo blogger HD TV Watch Entourage Online. Featured on Local Business Singapore