وانضم الحاسب الآلى للدروس الخصوصية



من كام أسبوع أخدت فصل 3 إعدادى فى المدرسة الى بروحها تربية عملى عشان ادرسلهم مادة الحاسب الآلى فالمدرسة لسه جديدة ومدرسين الكمبيوتر قليلن فبيشغلونا يوم التربية العملى على المدرسة كلها ابتدائى وإعداى وهيا طبعا مدرسة خاصة لغات
. المهم الفصل كان مكون من 3 بنات وولد وكان المفروض انى أدرس
VB.net

دخلت مرة الفصل ,الأسبوع الى بعده اتشال منى الفصل وكان السبب؟؟؟؟؟؟؟ إن فى مدرسين أخدوه بعد ماكانو

رافضين لأن مادة الكمبيوتر هتضاف للمجموع وباالتالى بيخدو الفصل عشان يدو دروس للطلبه
قلت للدرجة دى حتى مادة الكمبيوتر هيتاخد فيها دروس خصوصية!!! ده طبعا يديلنا مستقبل مشرق

:D


مش محتاجة أقول ان اى مادة تدخل سوق الدروس الخصوصية معناه انتهاء التفكير فى هذا المادة والحفظ الحفظ فقط

بعد كده لما عرفت ان سعر الحصة ب30 جنيه ودى أقل حاجة فى السوق للمدرسين الشعبيين يعنى بصراحة دمى اتحرق اكتر فبوجه عام المدرسين هيركزو انهم يصطادو طلاب لدروسهم زى بقيت المواد والطلبه الغلابة هيكعو عشان يفهم مادة ال
VB.net


الى أنا واخدها لسه السنة دى فى الكليه والى هتتحول لمادة حفظ طبعا لان مش كتير من المدرسين أصلا بيفهموها ودى انا شفتها هما بيعتمدو ع أنها تتسرد كحفظ فقط يظهر مدرسين الكمبيوتر كانو مضايقين عشان ملهمش سوق
ويظهر ان مفيش أمل ان حد يدوس فى مجال برمجة او كمبيوتر وهو صغير شوية زى بقيت الشعوب غير لما يكبر ويكتشف المعاناه الى فى تعليمنا ويبدأ ياخد كورسات ده لو شاب ربنا بيحبه وفاق وهو فى 3 كلية ولا حاجة
أو زى ناس كتير مبيعرفوش يعنى ايه كمبيوتر غير لما يدخلو منحة الإتصالات كبداية للرحلة
......
تحديث

كعمل إيجايبى ممكن نساعد فى منع الكارثه اننا نساعد اى حد قريبن مننا فى 3 اعدادى بدل مايخد درس ولا ايه؟؟
ممكن ننقذ مايمكن إنقاذة

19 comments:

  1. فيه كذا نقطة ملفتين في الموضوع .. أولا إقرار لغة
    VB.NET
    في التعليم المدرسي والجامعي!!! طبعا مقصدش إنها عشان لغة من إنتاج مايكروسوفت .. أنا أقصد مبدأ إني أدرس طفل لغة من إنتاج شركة بعينها .. عشان لما يكبر من جواه مش هايحس غن فيه غيرها !! وده ظلم كبير لسوق لغات البرمجة كله
    ..
    ثانيا نقطة الدروس ومسلسل الفشل المستمر في التعليم المصري .. وأكتر منا يضايقني إن الأباء والأمهات بينتقدوا الدروس الخصوصية وبيكادوا يحاربوها في كل كلامهم .. لكن مع ذلك أولادهم بياخدوا دروس خصوصية في كل حاجة !!! فيه سلبية أكتر من كدة ؟؟؟؟
    ..
    ثالثا بقى .. فيه حد عاقل ؟! وخاصة مهتم بمجال زي البرمجة يقول إن ده علم يتتاخد فيه دروس خصوصية ؟؟ ده مجال إبداعي بالكامل .. ياخده الطفل بالمعلقة ويرص كام سطر كود في الإمتحان ويطلع زي ما دخل ؟! ولا جديد
    ..
    الحل في رأيي يبدأ من البيت مش من المدرسة وتعليم الطفل إنه يفكر من البيت .. لإن في المدرسة دلوقتي مش هايتعلم ده

    ReplyDelete
  2. قبل ما اعلق البوست انا ب أبدى اعجابى الشديد بالمدونة

    واحب انى ارد على ا/ كريم

    لغة فيجوال بيسيك دوت نت ..تعتبر من اللغات ال
    high level
    وانا اتمنى انى كنت اخدها ف ابتدائى مش ف اعدادى حتى

    لان ليها مستقبل كبير
    بس انا ابتديت بفيجوال بيسيك سته

    وعملت اول برنامج ف 6 ابتدائى وبتمنى كل الاولاد ف كل المدارس يتعلموا حاجه تنفعهم لمستقبلهم

    اما بالنسبة للبوست

    ف الكمبيوتر عمرة ما كان حفظ خالص
    بالعكس
    دا كلو اكتشافات وتفكيير
    وبالذات مجال البرمجة

    عاوز تفكيير جامد
    وبعدين مفيش حاجه اسمها حفظ اكواد وكلام من دا

    هو الكود بيتفهم

    تحياتى

    ReplyDelete
  3. نقطة مايكروسفت مهمة جدا وهتلاقى أثرها لحد الىن 90 % من الطلاب من ابتدائى لجامعه ميعرفش ان فى حاجة غير ميكرسوفت ومفيش حاجة غير الوندز واى حاجة بتاعه مايكروسوفت
    متنساش بقا ان ده فرض عليهم عشان إمدادات ميكرسوفت كل الأجهزة كيبور وماوسات ووو صنع فى مايكروسوفت
    وكتير بيكون منح وتخفيضات والذى منه

    ونقطة الدروس للأسف مش كل الاهالى عندهم إيجابية لمنع فكر خطأ وشايفين ان الواد مش هينجح لو مخدش لكن الحمل الأكثر يقع على مدرسين بلا مبادىء !!!

    والى حرقنى فعلا انه كده لو كان فى ذرة أمل انهم هيفكرو فى مادة الكمبيوتر للأسف هينتهى

    ReplyDelete
  4. المبرمج المحترف

    الفكرة ان المناهج كلها بتركز فعلا على اى حاجة لميكروسوفت فقط وده ليه تأثيره وضحته فى الرد الى فات

    لكن متقعنش ان لما مادة تتحول لدرس والعيال خايفين ليسقطو فيها انهم هيفكرو نسبة قليله اوى الى ممكطن تخوض التحدى وربنا يسترها معاهم
    لانه هيكون مرتبط بإجابة المعلم وإلا

    الى فى الغالب بتكون بصمجة

    ReplyDelete
  5. طيب كعمل إيجايبى ممكن نساعد فى منع الكارثه اننا نساعد اى حد قريبن مننا فى 3 اعدادى بدل مايخد درس ولا ايه

    ReplyDelete
  6. عزيزي المبرمج المحترف
    طبعا كلامك صحيح .. بس لازم الطالب الصغير يفهم الأول إن فيه لغات تانية وعالم تاني برة .. قبل ما يدرس لغة بعينها !! تخيل معايا إن كل الطلبة أو بمعنى أدق اللي هايتعمقوا أكتر في لغات البرمجة يكونوا مبرمجين
    VB.NET
    فقط ؟!
    أنا مش بعيب على اللغة بعينها بالعكس ! أنا بنتقد إن الطفل الصغير مش هايفهم إن فيه لغات تانية بمميزات تانية في سنه ده أبدا! .. بس عموما بعيدا عن ده كله ده على
    إفتراض إن الولاد بيتعلموا لغة في المدارس دلوقتي أساسا
    !!
    :D
    ومكانش الموضوع مجرد مادة مدرسية زي غيرها وكتاب بيترمي بعد الإمتحان

    ReplyDelete
  7. هنادي
    مع إني بشتغل بمنتجاتها حاليا..بس كلامك صحيح فعلا بالنسبة لمايكروسوفت تماما .. بس أنا إعتراضي على المبدأ نفسه بالنسبة لمايكروسوفت أو غيرها في النقطة دي .. المفروض اللغة اللي تتدرس في مرحلة زي دي تكون مفتوحة المصدر .. وتتيح حرية الإختيار بعد كدة للطالب في الإتجاه اللي يكمل فيه مش فرض عليه
    !

    ReplyDelete
  8. كريم

    تمام انا متفقه معاك فى الرأى تكون السبل متاحة كلها قدامة ومفتوحة وهو يقرر يسلك المسار الى يحبه

    ReplyDelete
  9. بصى يا استاذه هوندا

    متزعليش على اى خاجة فى البلد الايام دى

    دول هيبيعوا الاصول

    يعنى خلاص البلد هتتباع هندور بقا على
    vb.net

    ReplyDelete
  10. اولا مبروك على دخول المادة في المجموع
    يالا ضمنتي سبوبة.....مبروووك
    ثانيا
    اشمعنى الكومبيوتر يعني طب دة انا اعرف ناس ولادهم كانوا بياخدوا دروس رسم
    تحيااااتي

    ReplyDelete
  11. Adem El-Mahdy

    هيا لازم تكون كلها خربانه يعنى؟؟
    والمفروض ان كل مايحصل حاجة نقول ماهى خربانه خربانه؟؟؟

    ***********

    A.SAMIR

    مبروك ع ايه بس
    :D
    انا مليش فى الكلام الفاضى ده

    ReplyDelete
  12. دى اول مره اعلق فيها على المدونه دى رغم متابعتى ليها من وقت لاخر ويمكن السبب هو ان موضوع البوست دى شدنى

    تانى حاجه انا متفق مع كريم فى اول نقطه فعلا ظلم كبير اننا ندرس الاطفال لغع بعنها
    رغم فرحتى الشديده اول ماريت تدريس لغه برمجه وتضاف للمجموع الا انى ذهلت لما رايت كتاب الماده
    اسؤا كتاب رايتى فى حياتى حتى البرمجه والكمبيوتر بقو مجرد حفظ وتلقين

    تانى حاجه لو نظرنا للكتاب نظره ككتاب تعليمى للغه الفى بى اولا الكتاب به الكثير من الاخطاء
    اقصد اخطاء فى طريقه العرض واختيار المواضيع وغيره

    وعلى افتراض ان الطفل الذى سيقوم بدارسه هذا الماده على علم ولو بالقليل عن الكمبيوتر
    اما بقى لو فى حاله انه جاهل تماما بحاجه اسمها كمبيوتر اساسا ودة حال معظم الاطفال فى الوقت الحالى

    الماده دى هتكون صدمه ليه ومجرد ماده حفظ وتلقين مثل باقى المواد وتجعله يكره ويفقد الابداع فى هذا المجال



    بس فى الاخر هنقول ايه اكيد اكيد فى مصر
    يعنى احنا كدة ضمنا ان الجيل الجديد هيكون يابظ من كل النواحى وعمار يامصر

    ReplyDelete
  13. طبعا انا اتفاجات في بداية السنة بموضوع ال Vb.net للصف الثالث الاعدادي وكنت فرحان جدا انه هينزل للسن ده والمفروض انهم فعلا يقدروا يستوعبوه بس ده يتوقف على مدرس كويس ومنهج كويس وللاسف المدرسين مش بالمستوي نهائيا

    وانا فعلا من بداية السنة وانا بساعد اتنين واحد جاري والاخري قريبتي وبحاول انقذ ما يمكن انقاذه وبسمع منهم الى بيحصل فى الفصل والكلام الجميل الى بيطلع من المدرسين الى المفترض انهم بيدرسوا برمجة

    والحمد لله انقذتهم من الوقوع في درس خصوصي الي موجود فعلا في المادة مع انها مش محتاجة حاجة زي كده خصوصا لما يكون المدرس اصلا مش فاهم حاجة


    وفي ناحية اخري اتخنقت جدا من المسئولين عن المناهج في مدرستي ( www.at-sit.com ) يعني انا السنة دي في الصف الرابع وشعبة برمجة وال ايه المفروض هاخد فيجوال في الترم التاني وفي سنة خامسة

    لكن للاسف فيجوال 6 والي بيدينا للاسف امكانياته متواضعة جدا ويادوبك بيقرا من كتاب وبيدي اساسيات ضعيفة جدا وبدون فهم كمان واحفظ يا بني انت
    وزيها زي السي ++ الي الحمد لله فهمتها مع نفسي ومن خلال النت من قبل ما ادخل 3 علشان يبقي عندي خلفية علي اساس ان المدرس هيدينا حاجة ولكن اتفاجات انها بردو اساسيات وطريقة الشرح غلط خالص مما ادي لعدم فهم نسبة كبيرة من الطلبة بس طبعا هما الى غلطانين علشان اعتمدوا على المدرس ومحاولوش يقروا ويطلعوا من مصادر خارجية او يسالوا

    معلش طولت عليكي بس الموضوع شدني اني اتكلم فيه

    لاني بجد اتخنقت

    وفعلا شكلنا هنقعد على ال7 الاف سنة حضارة لغاية ما نموت

    ReplyDelete
  14. قريت عنوان البوست قولت كويس لقيت شغلانه بعد التخرج :D
    هوا يا هنادي عموماً كل حاجه في التعليم بايظه فمجتش علي دي ,واكيد الي بيدوا المنهج مش فاهميين اي حاجه , لان اغلبيه مدرسين الكمبيوتر , مينتموش لعالم الكمبيوتر اساساً , ده بالنسبه للويندوز فما بالك ببيئه برمجيه !!
    شخصياً لو قدرت اساعد واحد قريبي في 3 اعدادي هساعده , لانوا كان طلب مني اني اعمله برنامج بالفي بي من قريب .

    ReplyDelete
  15. طب هو ينفع بتاع حاسبات يدي عندك دروس جافا او فيجوال بيسك
    :D
    ....
    اه على فكرة وانا في 3 اعدادي كنت باخد درس رسم
    علشان كانت مادة تضاف للمجموع
    :D

    ReplyDelete
  16. looooll
    It's your fault, you should've took advantage and give courses in this subject :D
    U'LL GAIN SO MUCH MONEY :P :P

    listen, i know it's sad to know and hear about how things are going right now in the education system, but sometimes i feel that those teachers have an excuse, do you know how much they gain per month???
    The private courses are kind of a help for them, of course it's not a justification, specially what would poor students, or even smart ones do if they did't wanna join these courses.

    It's a very complicated issue, and I don't see any difference if it's for the computer science or math and geography subjects...
    It's a matter of principles, if each teacher could work at school as much and as good as he works at the private courses, alot of things would have changed,
    but, when you talk like that, you will hear "bena5od eh mn el madrasa ya3ni"
    the education system is corrupted, and the courses are more basic than school :(

    Really,what a shame !!

    ReplyDelete
  17. طيب ما نروح ندي دروس إحنا كمان ;))

    صحيح
    هم يبكي وهم يضحك

    لا حول ولا قوة إلا بالله

    ربنا يرجمنا من البشر اللي بيمشوا بمزاجهم دول

    ReplyDelete
  18. فعلا كانت مفاجاه كبيره ليه لما دخلت فصل 3اعدادى اول السنه فى التربيه العملى ولقيت الطلبه نفسهم سالونى عن مدرس معروف وكويس ياخدو عندوا درس فى الحاسب ايه رايك بقه؟
    اول سنه يطبق وميعرفوش عنه حاجه وبيسالو على درس خصوصى يبقى العيب فى مين
    لما دخلت معاهم فى نقاش انهم يستفيدو من المدرسه بدل من الدروس اقرو علنيا كده ان بعد ما يمضو الاستمارات مش هيفكرو يعدوا على المدرسه حتى
    هوندا انا بدخل لفصل يوم ما يبقوا كتير يعنى بيكونوا 5 طلبه.
    بالنسبه لتطبيق الماده فاى كانت السلبيات الى هتنتج فهى افضل من كونها كتاب لا اكثر ولا اقل
    وبما ان عندنا الماده مش هتتفتح الا لو كان لها امتحان ونجاح ورسوب فهى فعلا خطوه ايجابيه
    نفسى اطلب من كل مدرس كمبيوتر يخلى باله من الامانه الى هيشلها متبوظوش دماغ العيال حرام بجد لو اتحولت لماده حفظ البرمجه اللى هيا مجال للابداع

    ReplyDelete
  19. الصراحه ياجماعه هو فكرة اضافة مادة الكمبيوتر للمجموع فكره كويسه لان الطلبه ولا المدرسين كانوا بيهتموا وانا كمدلاسة كمبيوتر كنت بعانى من ان الطلبه مش بيهتموا بحصتى زى مثلا العربى او الرياضه
    لكن دلوقت هما عصب عنهم بيهتموا طبعا علشان المجموع لكن ياجماعه البدايه غلط جدا جدا جدا ازاى ادرس لطالب مبادىء البرمجه وبرنامج زى vb.netوهو اصلا ما يعرفش يعنى ايه كمبيوتر وبعدين المفروض يبداوها من الصفوف الصغيره علشان الاهتمام يكون موجود من البدايه ونبدا احنا ننميه لا وكمان معظم المدرسين معندهمش اصلا فكره يعنى برمجه ومشين كده بالبركه
    لا والمصيبه الاكبر ان فعلا فى ناس بيدوا دروس انا اتفاجأت لما لقيت الطلبه فى الفصل بيقولولى مس عاوزين ناخد درس عندك مع انى بشرح والله على قد ما اقدر فى الفصل والمعمل بس انا برضه مشفقه عليهم لان المنهج بجد صعب اوى وهما اتعودوا على الدروس وكمان ياجماعه مدرس الكمبيوتر لاقها فرصه بعد ما كان على الهامش دلوقت له وضعه
    لكن ارجع واقول ان اضافة الكمبيوتر للمجموع خطوه جيده لكن يجب ان تكون خطوه لانها فعلا بقت مادة حفظ مش اكتر
    وياريت بلاش الدروس الخصوصيه فى الكمببيوتر لوحابين ممكن الطلبه ياخدوا كورسات فى الاجازه ده احسن و افيد وهيكون تدريب حتى لمستقبلهم

    ReplyDelete

 
لـلـرغـى فـنــون - Blogger Templates, Wordpress Templates Free - by Templates para novo blogger HD TV Watch Entourage Online. Featured on Local Business Singapore