دمقراطو قبل أن تطلبو

يقول الله تعالى: ﴿.. إن الله لايغير مابقوم حتى يغيروا مابأنفسهم ..) صدق الله العظيم

كل الشعب المصرى بيطالب بالديمقراطية وكله مش وراه غير ان الريس مش مدينا ديمقراطية ووووو

هل قررنا احنا بينا وبعض يكون عندنا روح الديمقراطيه واحترام الحرية الشخصية للأسف لا

يبقا من رأيى اننا نسكت خالص ونبطل نتكلم فى الديمقراطية والملوخية لحد مانفهم كويس ونحاول نطبق ده بينا وبين أرفراد أسرتنا ثم أصدقائنا ثم أفراد المجتمع .... إلخ

النقطة المحددة الى عايزة اتكلم عنها هيا النقاب أنا واحدة مش فى ذهنى إنى ألبسه ومش ناوية ألبسه هل ده معناه إنى أشتم المنتقابات . ؟

هل معناه إنى أخنق على المنتقبات وأقول عليهم وأعيد ؟

فى الأول والآخر هم أحرار ولهم حريتهم الشخصية فى ارتداء مايحلو لهم اشمعنا يعنى البنات الأمامير الى لابسين من غير هدوم ومقصرين من فوق وتحت محدش بيمنعهم من لبسهم ؟؟هل بنمشى نشتمهم؟ربنا يهدى

أنا مقتنعه انه مش فرض, لى الحق أن أعبر عن رأيى فى نطاق الأدب والاحترام إذا طلب من ذلك

ليس لى الحق إنى أشبهم بأكياس قمامة

فلنرتقى بأسلوبنا فى الحوار ونحترم رغبة الآخرين فى ارتداء مايحلو لهم طالما لا يضر

من حق الدولة أن تتحقق من إثبات الشخصية لمنع حدوث الجرائم ولكن ليس من حقها التخنيق علييهم أو منعهم يمنعو العرايا أولأَ نحن بلد إسلامية والى مش عاجبه يروح لأى بلد مبحبحه

وربنا يهدى




11 comments:

  1. تمام طبعا انا زيك بالظبط
    وبحترم اى واحدة منتقبة جداااااااااا
    وبكره بغباء اللى يشتمهم
    الاولى انه يلعن في الكاسيات العاريات اللى مالين الشوارع الاول

    قطع لسان اللى يقول عليهم كلمة
    وربنا يهدى الجميع

    ReplyDelete
  2. الناس الي بتهاجم المنتقبين والمتدينين , دول حاسيين بنقص
    ومن جوا نفسهم حاسيين ان دول اعلي منهم , فبتلاقيهم بيهاجموهم وبيقولوا عليهم متخلفيين و و و

    ReplyDelete
  3. يا ساتر على الناس
    أنا دمي اتحرق من الاسلوب جدااا

    أنا لو مسلمه أو مسيحيه أو ملحدة حتى...... ماليش أبدا اشتم أو أهين أي حرية للناس

    اشمعنا اللي لابسين من غير لبس بنشلهم من على الأرض شيل و هما دول اللي فارحانين بيهم...
    ولو اتكلمنا هنقول فيهم العبر

    حاجة فعلا مؤسفة

    ReplyDelete
  4. انا شخصيا اكره النقاب جدا
    كما اكره العري تماما
    كلاهما بالنسبة لي تطرف
    ولكني اتفق معاكي في انها حريتهم الشخصية طالما لا يضروني في شيء
    تحياتي

    ReplyDelete
  5. أنا معاكي جدا
    أنا كمان مش ناوية ألبس النقاب لكن بتضايق أوي لما ألاقى حد بيشتم في المنقبات و يقول عليهم انهم بيهتموا بالمظهر بس و كده لأن ده في حد ذاته غلط لأن مفيش حد عارف اللى بين أي حد و بين ربنا
    زي ما بردو ما بتضايق لما واحدة منتقبة تسخر من واحدة مش محجبة و تعتبر نفسها هي أحسن منها
    بسم الله الرحمن الرحيم
    " فلا تزكوا أنفسكم هو أعلم بمن اتقى "صدق الله العظيم

    ReplyDelete
  6. انا اتحرق دمي بالكلام الي قريته عن النقاب في اللينك الي انتي حطاه .. ومرضتش ارد على الي كتبت الكلام ده ..
    لاني لو رديت عليها هتعب قلبي مش اكتر

    ربنا يهدي

    ReplyDelete
  7. والله بجد مفيش أكتر من ربنا يهدي

    أنا متغاظ قوي من الصورة "الزبالة" دي
    حاجة مستفزة بجد

    مش عارف فين عقلهم وهما بيصورا النقاب كده
    أمال المناظر اللي في الشوارع والتلفزيون دي ايه
    يعني النقاب هو العقبة للعبور للمستقبل دلوقت

    عالم تفقع:(

    ربنا يهدي الجميع

    ReplyDelete
  8. بسم اللة الرحمن الرحيم
    اولا لو نهر النيل صلصة مش مية مش هيكفى الكوسة اللى فى مصر وثانيا كلامك يا هوندا صح كل واحد حر وكل واحد بيحب يشوف نفسة فى احسن صورة وعيب اللى يقول على النقاب اكياس زبالة هنا فى السعودية كلة لابس نقاب والمصريين يقولوا عليهم لابسين اشولة دى حريتهم ومنقدرش نتكلم على حد هما الاول يشوفوا بناتهم ويشوفوا نفسهم عندك زى ما بيقولوا على النقاب بردة بيقولوا على الشيوخ وهما اصلا لو بصوا لنقسهم هيلاقوا بديهات وكتات وحاجات غريبة على العموم ربنا يهدى وجزاكى اللة كل خير

    تحياتى مستر himo0o

    ReplyDelete
  9. عارف ياهوند
    اجمل حاجة ان الانسان مايكونش عبد الا للخلقة
    بجد قمة الراحة
    وكل سنة وانتى طيبة ويارب بالصحة والسعادة

    ReplyDelete
  10. الله يبارك فيكى

    ReplyDelete
  11. ياجماعه حاولو تركزو فى مكانو ال
    comments :D

    فوق مش تحت

    ReplyDelete

 
لـلـرغـى فـنــون - Blogger Templates, Wordpress Templates Free - by Templates para novo blogger HD TV Watch Entourage Online. Featured on Local Business Singapore