ليس من الدين !

بقلم أنيس منصور
من كتاب نحن كذلك

هناك حديث نبوى شريف يطلب إلينا أن نقتصد فى الماء ولو كنا على شاطىء بحر .. وقد يبدو أن الإنسان عندما يشرب من بحر لا يمكن أن يكون اقتصاديا ، فالماء كثير ومهما آخذنا منه فلن يؤثر فيه . هذا مايبدو ، ولكن المعنى الذى قصده الرسول الكريم هو أن يكون الاقتصاد مبدءا . وأن يكون هذا المبدأ منطبقا على الغنى والفقير ، على الكثير والقليل .

مثلا : نحن جميعا نفتح حنفية المياه دقائق لكى نستخدمها ثانية واحدة . أى أننا نغسل أيدينا بجردل ماء مع أن كوبا تكفى لذلك .ونفعل نفس الشىء فى الأرض الزراعية ، نغمرها بعشرات الألوف من الأمتار ، مع أن المئات تكفيها تماما . ونفعل ذلك فى الطعام أيضا ، فلا توجد مائدة مصرية ، كبيرة أو صغيرة ، لا يتبقى منها طعام . على عكس المائدة الأوروبية والأمريكية ، فالناس يضعون أمامهم مايأكلونه بالظبط فلا يتبقى منه شىء . هل هذا بخل ؟ إنه تدبير .. اقتصاد .. حساب .. ولأنهم قد عرفوا علم الحساب ، فقد انتقلوا من مرحلة أن يعدوا على أصابعهم مثلنا ، إلى اختراع الحاسبات الإلكترونية ووضعوها فى جيوبهم .

ومن عادات المصريين مانفعله جميعا عندما ندعو إلى وليمة فى بيوتنا ، إن الطعام الذى نقدمه يكفى لضعف المدعوين ، فإذا دعونا خمسة قدمنا طعاما يكفى لعشرين ، وهذا سفه وإسراف .. ولكنه مظهر سخيف من مظاهر الكرم أو الثراء .. فماذا يحدث عادة؟ يتبقى أكثر الطعام ويفسد معظمه.
ثم إننا بعد ذلك نصف أنفسنا بالعبط وضوفنا أيضا !


وسوف يجىء شهر رمضان المبارك - كما جاء قبل ذلك - دليلا على أنه ليس شهرا للصيام ، وإنما هو شهر للتخمة والاستدانة والارتباك المعوى ، لأننا نجمع بين الساخن والبارد والحلو والحادق ، والشوربة والكنافة ، والنوم والسهر .. وليس من الدين فى شىء ، لأنه ليس من العقل ولا من الاقتصاد ولا من مبادىء علم الحساب !

*.*هوندا*.*

6 comments:

  1. كمية الأطعمة التي يتم التخلص منها مخيفة !!
    سواء في مصر أو في المملكة كمية الطعام المتبقي والذي يكون مصيره القمامة يكفي لإطعام مدن كاملة في بلاد أخرى أقصى أماني الفرد بها رغيف واحد من الخبز
    !!!
    كنت بستغرب وأنا صغير لما أشوف في فيلم أجنبي حد يشتري فاكهة وخضار بالقطعة الواحدة ! لكن بعد كدة تأكدت إن ده قمة الصح والصحة
    سبحان الله الرسول لما لقى سيدنا أبو بكر وسيدنا عمر في قمة الجوع وبياكلوا القليل من التمر .. قالهم وتسألون يوم إذ عن النعيم !!! يا ترى الوضع معانا كان هايكون إزاي؟

    ReplyDelete
  2. ومين يسمع

    شكرا على النقل عزيزتي :)

    ReplyDelete
  3. العاقل هيقول:
    والله يا بنتي بتتكلمي صح .. ومش عمليه بخل .. لكن الاقتصاد مهم كمبدأ من جميع النواحي بما فيها الانعكاس النفسي على الشخص .. ناهيك انه بيوفر الموازد جدا..

    في رمضان الي هوا المفروض شهر الصيام الواحد المفروض يقلل من الاكل .. والعكس لعجبي بيحصل ..
    احنا فعلا بنعرف نحور ..
    وعلى فكره الاقتصاد بيجيب البركه في الحياه
    الشخص المصري العادي غالبا هيقول:
    يعني هما شويه ميه الي وقفوا حال البلد .. دا ايه البخل ده .. واحنا عندنا نهر النيل كله ..
    وبعدان انتوا كمان عايزين تنكدوا علينا رمضان



    وفي النهايه

    وعجبي

    ReplyDelete
  4. احنا اساتذه في تضييع واهدار كل حاجه , الواد يجي يغسل ايده او يحلق دقنه يسيب الحنفيه شغاله عادي ومفيش اي مشاكل لو جبت جردل وشوفت كم المايه الي انت بتسيبه ده ممكن يعمل قد ايه
    حاجه تانيه بالنسبه للأكل , دي من عادات الشعب العربي مش المصري فقط , انا اعرف ناس في ابو ظبي بيرموا الاكل كامل وبحاله من غير ما يتمس !
    في اليابان كان الدكتور بيقولنا ان اليابان دوله من الدول الي معندهاش عجز في المايه , وعلي الرغم من كدا بيستخدموا ماية الصرف الصحي المعالج عشان يستخدموها في السيفون بدل ما يستخدموا مايه جديده - طبعاً يجوا يتفرجوا علينا ويتعلموا :D - ,
    اخر حاجه بقي الأكل : الدكتور كان في امريكا ودخل السوبر ماركت فشايف كل واحد بياخد خياره او طماطمايه او موزه اتنين وبيحاسب عليهم , فجاي يقول للراجل عاوز واحد موز , الراجل بيقولوا واحد ايه قاله واحد كيلو , الراجل اتخض :D
    هيا في الأول والاخر الفرق بين التقدم والتخلف

    ReplyDelete
  5. الاصراف في كل حاجه وحش ياريت نكون معتدلين

    ReplyDelete
  6. ده بقى سلوك مصرى عام
    واحيانا بنشوف ناس بتهدر الموارد كنوع من الإستخسار مش اكتر
    زى اللى بيقطع كرسى هو قاعد عليه فى اتوبيس

    لكن بالمناسبة حديث الماء موضوع
    http://arabic.islamicweb.com/books/albani.asp?id=3476

    لكن اهى تنفع على انها حكمة وربنا يهدينا ونبطل تبذير

    ReplyDelete

 
لـلـرغـى فـنــون - Blogger Templates, Wordpress Templates Free - by Templates para novo blogger HD TV Watch Entourage Online. Featured on Local Business Singapore