يمين لا لا شمال

المعروف عندنا أن الخطوبة الدبلة بتتلبس فى اليمين
وفى الجواز تنتقل للشمال

بعد كتب الكتاب بقا لقيت فى تعدد فى الاقاويل ماين يمين وشمال عندنا فى بلدنا يمين وفى القاهرة شمال وكنت أول مرة اخد بالى م الموضوع ده بعد كده اكتشفت انها أماكن أماكن وعائلات عائلات عندى ميرضوش غير يمين
:D

بصراحة الموضوع ده بفكر فيه كتير يمكن بعض الناس تحسه حاجة عادية بس فى حاجة معينة الى فكرت فيها

ان المفروض فى حدود فى الخطوبة لا تجوز شرعا زى مثلا انهم يخرجو لوحدهم يسافرو لوحدهم لما هييجو يركبو فى مواصلات مثلا وهيكونو جمب بعض
يبقا المفروض انى البسها شمال عشان محدش يبصلى بصه معينه وكمان فى حالة لا قدر الله ميحصلش نصيب الناس متقعدش تتكلم ع البنت وتقول دى مبكنتش بتبطل خروج معاه مثلا لوحدها او حتى مسكة الأيد ماهى حرام بردو لو مفيش كتب كتاب

فى اخر مرة خرجت مع كريم كان اقترح عليا انى ابقا البسها فى الشمال لما ننزل المنصورة مع بعض يعنى لاننا بنركب مواصلات وكده بس للأسف الاقتراح كان متأخر اوى لأنه سافر بعدها،لكن لما ييجى ونخرج هلبسها شمال
:D

بس فعلا فعلا لازم يكون فى حاجة تميز اذا كانت الواحدة مخطوبة بس ولا مكتوب كتابها عشان الشبهوات

فى حد عنده شمال تانى؟
:]

17 comments:

  1. لما يتكتب كتابى هبقى اقولك ههههههههه

    ReplyDelete
  2. بس بيتهيالى تخليها فاليمين احسن

    ReplyDelete
  3. بتقولي لو ما حصل نصيب !

    كدا حيقولوا عليها مطلقة ومهما تحلف لهم دي خطوبة بس محدش حيسمعها

    =))

    حلو كدا ؟

    أنا رأيي تلبسها يمين على طول، سواء كان خطوبة أو زواج، ليس فقط للتيامن

    ولكن لأن فعلا اليد اليمنى لا يدخل في خواتمها الصابون أيضًا

    هل لاحظتِ ذلك ؟

    لأ أنا عن جد مقتنعة إنه يمين دائمًا في كل الأحوال

    تحياتي لك :)

    ReplyDelete
  4. لا مخدتش بالى من موضوع الصابون ده
    :D

    بس انا شايفه ان الدبله اصلا اخترعنها عشان نميز المتربطة من غير المرتبطة
    لكن يمين فى كل الأحوال وجهة نظرة تالته جديدة

    :D

    ReplyDelete
  5. بالمناسبة اقصد ان ممكن ناس متعرفش انها كان مكتوب كتابها فيحاسبوها ع أنها خطوبة فقط

    ReplyDelete
  6. loooooooool
    يا رايقة :D
    بس واللهي فكرة برضه, بس أنا شايفه انها تفضل يمين,,,
    لأن الشمال دي معناها انها مراته و في بيته و لو لا قدر الله محصلش نصيب بيتقال انها مطلقه فعلا....

    لأن الناس بيبصوا للي مكتوب كتابها انها برضه "مخطوبه", و مش متجوزه, صحيح في حاجات محلله ليها مش محلله للمخطوبه بس, لكن صدقيني مبتفرقش قد كده مع الناس

    لكن المتجوزه بس اللي تبقي شمال

    ولو جيتي للحق مش فارقة... منا ساعات الدبلة تعميللي حساسية وأقلبها يمين وانا متجوزه أو حتى أقلعها خالص
    و بخرج مع جوزي من غيرها... كده بقى مش هخلص
    ههه

    هو بس لو الناس يسيبوا بعضهم في حالهم و مايدقوش على الكبيرة والصغيرة أو يمين ولا شمال هنرتاح كلنا :D

    وفي الأول والاخر الدبله ما هي الا رمز
    مع عرف موجود

    ReplyDelete
  7. هو في كل الحالات الناس بتتكلم
    ..
    والله بيبقى يعيني الخاطب وكاتب كتابه او متجوز جديد
    بيحطوا الدبلة في الشمال وبيبقى نفسه يعلق يافطة
    ويكتب عليها دي مرااااتي يا جدعاااااااان
    :D
    ربنا يهنيكم ببعض ياااااااارب
    سلااااااااام

    ReplyDelete
  8. @ Nano

    ماهو كده كده لما واحدة بيتكتب كتابها ويتفشكل بتكون مطلقه !!

    بالنسبة بقا لموضوع الحساسية فانا عارفه بتيجى منين ها
    ;)

    وانا معاكى انها رمز بس بيتاخد بيه

    ReplyDelete
  9. elahlawy

    ههههههههههههههه اه والله فعلا او نلبس تى تشيرتات نكتب عليها الحالة الاجتماعية
    :D

    ReplyDelete
  10. انا لما كان متكوب كتابي كنت بلبسها في الشمال ... مش عشان كلام الناس بس عشان كنت فرحانة بالحالة الإجتماعية الجديدة وعايشة الدور :)

    ReplyDelete
  11. ههههههههههههه غريبه
    اول مره اعرف ان موقع الدبله بتختلف بإختلاف المحافظات :D
    بس اللي اعرفه واللي عندنا بيحصل خطبه = دبله يمين
    كتب كتاب = دبله شمال

    ReplyDelete
  12. احنا عنا في غزة -وباقي فلسطين غالبا- اصلا معنى الخطوبة هو كتب الكتاب :D

    يعني مفيش عندنا نظام قراءة الفاتحة وبس

    خطوبة = كتب كتاب
    وبعدها ممكن تتلبس الدبلة في اليمين

    ثم تنقل الى اليد الشمال في حالة الزفاف

    وادام الله بيوتكم عامرة بالافراح والمسرات
    :D

    ReplyDelete
  13. احنا عندنا يمين في كتب الكتاب

    خلاص ممكن نعمل صابع مختلف تتلبس فيه الدبله في كتب الكتاب
    ايه رأيك
    (:

    ReplyDelete
  14. عندنا برضو لو كتب كتاب بس يبقى يمين لسه

    ربنا يوفقكم يارب وتبقى شمال على طول الخط

    ReplyDelete
  15. حد عارف هنا اصلن الموضوع اصلو ايه..
    مين اللى اخترع الدبلة دى
    طيب رسول الله صلى الله عليه و سلم كان بيلبسها فى انهم ؟

    انا بعمل بحث فى الموضوع
    http://www.islam-qa.com/ar/ref/113758
    http://www.islamqa.com/ar/ref/21441

    ReplyDelete
  16. يا هوندا الحكاية مش صعبة ولا حاجة
    بالعقل كده انتى لما كتبتى كتابك ، قدام ربنا بقيتوا متجوزين ..و ده الللا شرعلكوا انك تخرجوا مع بعض و كل اللى قلتيه فوق ده

    يبقى الدبلة تتحط فى المكان اللى المتجوزين بيحوطوها فيه .... فى الشمال
    بس كده :]]

    ReplyDelete
  17. I recently came accross your blog and have been reading along. I thought I would leave my first comment. I dont know what to say except that I have enjoyed reading. Nice blog. I will keep visiting this blog very often.

    Kate
    http://educationonline-101.com

    ReplyDelete

 
لـلـرغـى فـنــون - Blogger Templates, Wordpress Templates Free - by Templates para novo blogger HD TV Watch Entourage Online. Featured on Local Business Singapore