مساعدة مركز أورام المنصورة



السلام عليكم


فى رمضان الى فات جالى فلوس من بعض الأصدقاء تطلع صدقة بشرط انها تروح مركز الأورام وانا مكنش ليا تجارب مع التبرع هناك خالص
سبحان الله فى نفس اليوم كنت راحة لناس بيعملو عمل خير اوديلهم تبرعات تانية لأيتام وكانو بيكلمونى على الأنشطة بتاعتهم من ضمنها مركز الأورام قلت الحمدلله وسلمتلهم الفلوس عشان تبقا وصلت بشكل مضمون

وهما بييسردولولى احتياجات المركز بالأسعار بصراحة حسيت ان المركز ده محتاج جامد خصوصا انى أسمع انه قايم على التبرعات أساساُ.

الأطفال بيحتاجو بشكل دورى كل أسبوع تقريبا عسل لأنه بيعوض كرات الدم البيضاء بتاعتهم وبرطمان العسل من 17-25 جنيه عشان يجيبو حاجة نظفه ده للطفل الواحد

وبيحتاجو حقن غاليه اوى ساعات بتوصل ل 250 جنيه

ده غير اللاستكايه دى الى بتتركب فى ايديهم عشان الحقهم غاليه بردو بنسى اسمها ديما والأدوية الأخرى وووووووو

ومنهم أيتام أوقات نحب نجيبلهم لعب وملابس وأدوات تعليمية ونفسنا نجيب لهم مراجيح ولا حاجة تبسطهم

كمان كلهم أطفال أكبرهم 15 سنة تقريبا ً وفى أطفال من شهرين

واحدة صحبتى بتقولى ليه مهتمين بالأطفال أكتر من الكبار مكنتش اعرف وقتها ان المركز مقسوم قلتلها دول أطفال ممكن يموتو فى لحظة لو متلحقوش وكمان الموضوع أصعب عليهم من الكبار انهم مبيقدروش يعيشو طفولتهم زى أمثالهم

المهم أنا نفسى كل أصحابى الى حواليا يساعدونى بتبرعات فلوس أو ملابس أو لعب أى حاجة بسيطة أحسن من العدم
أى حد يحب يتبرع ومش عايز يروح أو ميقدرش يكلمنى وانا هاخد التبرعات منه
واى حد من بلد تانية غير المنصورة هيلاقى مركز زى ده يحاول يتبرعله بردو بجدالناس دى بتحتاج تبرعات ياما
المهم توصلها لناس تثق فيهم

ده الإيفنت على الفيس بوك

هوندا

2 comments:

  1. جزاكي الله الف خير وربنا معاهم يارب ويشفيهم

    ReplyDelete
  2. وجزاكى مثله ربنا يشفيهم يارب
    بس انا محتاجة ان الناس كلها تشارك
    !!

    ReplyDelete

 
لـلـرغـى فـنــون - Blogger Templates, Wordpress Templates Free - by Templates para novo blogger HD TV Watch Entourage Online. Featured on Local Business Singapore