ومن أحياها فكأنما أحيا الناس جميعاُ

من أيام انهيت جلسات معالجة لأسنانى عشان كان فيها جير كتير ولازم يتنضف المهم وانا خلاص ماشية الدكتور بيقولى الكورس ده بعمله فى المنصورة ب750 جنيه بس احنا هنا فى بلقاس!! ، هو الكورس كلفنى تقريبا 130 ،وهو بيقولى البقين دول بصتله كده ومعرفتش ارد عليه كأنه مستخسر انه مكلفنيش زيادة
وبيقولها وهو مغلول اوى قلتله ياسيدى ربنا يكرمك الدكاتره ربنا مخلقهمش عشان كده !

انهردة كنت بفكر فى الكلمه دى وان فى دكاترة كتير عندنا فى بلقاس ليهم عيادات وبيكون ليهم عيادات تانيه فى المنصورة أو القاهرة وطبعا تكلفة العلاج بتختلف فرق شاسع يعنى دكتور تانى كشفه بعشرة عندنا وفى القاهرة ب150 باين حاجة كده فكنت بسأل ليه؟
ليه الأسعار الكبير
ة دى هما كل المرضى أغنياء؟
بالعكس دول أكتر طبقه منتشر فيها المرض هما الفقراء
طيب أنا وربنا أعانى مثلا انى ادفع حق مرضى او عملية لى
الناس التانيه دى الى مبتقدرش تجيب علاج ليها بخمسين جنيه أو خمستاشر
تفتكرو المفروض نسلم إنه قضاء وقدر؟
قضاء وقدر ان الدكاترة تبالغ فى أسعار العلاج والدولة تذل أنفاس المواطنين عشان يتعالجو على نفقتها
؟؟

عندنا فى مركز الأورام فيهم أطفال أيتام وممكن طفل يكون عنده شهور لو متلحقش بيموت وهيتلحق ازاى لو مفيش تبرعات ليه ولا حد يتكفل بيه أو دكتور محترم يتكلف بيه تفتكرو ده هينقص من مرتبه بالعكس أنا مقتنعه تماما إن ربنا هيكرمه

من شوية قرأت قصة بجد أبكتنى قصة حقيقية نتيجة للأسباب الى اتكلمت فيها
بعد ماتقرأوها متعيطوش بس ولا تقولو حسبى الله ونعم الوكيل بس ،لازم نساعد الناس دىقدر استطاعتنا، نحاول نتصدق ننشر فكرة

طفلة مصرية تحلم بالآيس كريم فأكلها السرطان



والحمدلل
ه الذى عافانا
ولاحول ولا قوة الا بالله
وحسبى الله ونعم الوكيل

هوندا



6 comments:

  1. .......

    بجد البنت ارتاحت،

    كان الله بعون الأحياء

    :(

    ReplyDelete
  2. ربنا يرحمها يارب
    //استطاعتنا، نحاول نتصدق ننشر فكرة//
    اللى هاقدر اعمله هاعمله ان شاء الله
    ربنا يقدرنا جميعا على فعل الخير

    ReplyDelete
  3. اولا الحمد لله الذ عافانا مما ابتلى به كثير من خلقه

    انا ساعات بحس انى شايلة هم انى هبقى دكتورة دا اوى ان شاء الله

    وبقعد احلم انى هعمل كل اللى اقدر عليه عشان اللى زى سارة واللى اقل واللى اكتر منها
    ونفسي اخدم كل الناس مش بمعرفتى بس ولا خدمة طبية
    بس

    على الاقل عندنا في بلقاس او في مجال قريتى الصغيرة "الشوامى"

    طبعا انا مش بقول ان الدكاترة ملايكة كلهم في منهم مستغلين
    وفي اى مكان المستغلين
    كل دا مش مهم
    المهم على الاقل انا هغير من نفسي ان شاء الله
    واغير بقدر ما اقدر اللى حواليا

    انا بكيت في القصة دى
    جيتى على الجرح يا هوندا

    ربنا يشفى كل مريض
    اللهم آمين

    dr_dina

    ReplyDelete
  4. المرض والفقر والحروب وكل الكوارث في الدنيا علامات اخبار بقيمة الحياة الحقيقية ..

    انت قلت ان كشفه هنا عشرة وهناك مية .. يعني عامل حساب ان في قفرا وغير قادرين .. بالمقابل في الخدمة الطبية وي اي خدمة تانية اللي معاه يدفع .. مش غلط .. وتحديدا في التخصصات اللي فيها زوايد ( او تجميليات

    اشعر احيانا اانا نحن المبتلون اكثر من المرضى .. كما اشعر ايضا ان الرض لم يكن ابدا لاستجلاب الشفقة .. ربما هو في الدنيا لأجل ان تلين القلوب .. لكن قيمته اعلى من ذلك .

    ReplyDelete
  5. وجعتي قلبي يا هوندا وماعنديش تعليق غير كده

    ReplyDelete
  6. عموما الله يرحمها ويكتب لها الجنة ان شاء الله ولكن فعلا كلامك مظبوط ومش على قد البنت دى لا فى غيرها كل يوم بيموتوا من عدم وجود امكانيات سواء فى مستشفى بلقاس
    او فى غيرها او عدم وجود امكانيات مادية لدى الاهل وانا عندى اقتراح نحاول نقدم الحالات دى لاصحاب القلوب الرحيمة المقتدرين ماديا يمكن نقدر نغير الواقع والناس يصبح فى قلوبها رحمة وربنا يجزينا خير عن ده
    وائل العدوى

    ReplyDelete

 
لـلـرغـى فـنــون - Blogger Templates, Wordpress Templates Free - by Templates para novo blogger HD TV Watch Entourage Online. Featured on Local Business Singapore