القوة الربانية



امبارح لما شفت كذا صورة لشهداء فلسطنيين وهما رافعين صابع التوحيد لله والشهادة

قلت سبحان الله الى خلاهم يقدرو يقولو كده او يعملو كده ، ناس كتير مفكرة انه سهل يشيرو بصابعهم لله ويقولو الشهادة
لكن الحقيقة غير كده لحظة الموت مش اى حد يقدر يقولها ومش بالساهل الا إذا أمده الله بالقوة الى تخليه يتذكر الشهادة ويقدر يقولها قبل مايلفظ آخر أنفاسه وإلا مكنش فى ناس بيقفو جمب بعض الأشخاص يحولو يلقنوهم الشهادة وفى ناس مقدرتش تنطقها لقبح ذنوبها
عشان كده ديما ندعى
"للهم أجعل آخر كلامنا شهادة ان لاإله إلاالله وان محمد رسول الله"

الجملة البسيطة دى عشان نقدر نقولها قبل مانموت محتاجة اننا نقدر الله حق قدره فى دنيتنا ونحاول نعبده على الوجه الذى يرضاه منا والى بنحاول طول حياتنا نوصله كل مانقع
عشان نحظى بحديث الرسول
قال رسول الله صلى الله عليه وسلم :"من كان آخر كلامه من الدنيا لا إله إلا الله دخل الجنة"
مش بالسهولة الى انت متخيلها لازم قوة ربانية تعينك فى لحظة موتك زى ماكانت بتعينك طول حياتك
عارفين ايه الى حسسنى بقوة الموقف ده؟
امبارح وانا نايمه جالى كابوس من حاجة معينه بخاف منها فى اللحظة الى كانت بتهجم عليا صحيت مفزوعه ونبضات قلبى سريعه جداُ وعشان اشيل جو الرهبة حاولت أقول الدعاء الى بقوله ديما لما أخاف
"أعوذ بكلمات الله التامات من شر ماخلق"
تصدقو مكنتش قادرة اقولها؟مكنتش قادرة افتكرها أصلا وحسيت ان لسانى وقف ومش قادرة اجمع خالص بعدها بدقيقه كده لما ارتحت شوةي افتكرت الدعاء وقلته وكملت نوم

وجه فى ذهنى وقتها ان ده كابوس هل ياترى لو كانت دى لحظة موتى زى الشهداء الى بيموتو فجأة هل من الفزع الى بيحصلهم مرة واحدة ده لو أنا مكانهم هقدر أقول الشهادة؟
إلا إذا ربنا أمدنى بقوة ربنية تحلل عقدة من لسانى وأقدر أنطقها

وافتكرت جملة من احد امشايخ انه عشان اموت ع حاجة لازم أكون بعملها فى الدنيا كتير
من عاش على شىء مات عليه ومن مات على شىء بٌعث عليه

6 comments:

  1. ربنا يصبرنا ويحيينا على لا إله إلا الله

    ويقبضنا عليها ويجعلها آخر كلامنا في الدنيا

    ربنا يجازيكي كل خير يا هوندا ع البوست ده

    فعلا

    من عاش على شىء مات عليه ومن مات على شىء بٌعث عليه

    ReplyDelete
  2. شوف انتي ما بالكي بكابوس ودول ربنا معاهم في كوابيس حيه كل يوم وهما صاحين ونايمين وممكن واحد يموت وهوا نايم
    لا اله الا الله , اللهم امتنا عليها جميعاً آمين يا رب العالمين

    ReplyDelete
  3. اللهم اجعل اخر كلامنا من الدنيا
    شهادة ان لا اله الا الله وان سيدنا محمد رسول الله

    ReplyDelete
  4. كلامك صح فعلا يا هوندا
    ربنا يرزقنا حسن الخاتمة ويجعل آخر كلامنا لا إله إلا الله
    وربنا يرحم أهل غزة ويعافينا كلنا من العار اللي لحقنا ده ويمكّن لنا في الأرض

    ReplyDelete
  5. http://loveurlife000.blogspot.com/

    ReplyDelete
  6. من المدونات اللي وقفتني شوية

    فيها حاجة ليها وزن

    ربنا يبارك ويبارك لك في كريم

    ولي عودة في قراءاتي للمدونة

    ReplyDelete

 
لـلـرغـى فـنــون - Blogger Templates, Wordpress Templates Free - by Templates para novo blogger HD TV Watch Entourage Online. Featured on Local Business Singapore