شاركونى بالكتب



ايه الكتب الى أثرت فيك وغيرت جواك مفهوم أو مبدأ أو اكسبتك خبرات او معلومات مهمة اتحفرت فى عقلك؟


ايه الكتب الى هتشتريها اليومين الجايين خصوصا لو هتزور معرض الكتاب؟

أفيدونى وشاركونى وسأشاركم بما لدى بعد الاستماع لكم

لا تبخلو بالمعلومة
:D

هوندا

18 comments:

  1. 1- قوة عقلك الباطن
    2- كيف تكسب الأصدقاء وتؤثر فى الناس
    3- مائة طريقة لتحفيز نفسك
    #####################################

    ReplyDelete
  2. اكتر كتب اثرت فييه واتعلمت منهم كتير
    القرأن
    كيف تسيطر على الاخرين
    المفاتيح العشره للنجاح
    ---------------------
    كتب الاجازه بقى وهاتكون من المكتبه بتاعه مبارك ان شاء الله
    fundamental of computer science using java
    قوه عقلك الباطن

    ReplyDelete
  3. السلام عليكم

    أنا متابع المدونة دي من زمان بس ماجتليش فرصة أعلق قبل كدة
    مدونة رائعة بجد أحييكي عليها و استفدت منها و من "عالمي الالكتروني" في أكتر من حاجة
    حتى موقع
    goodreads
    عرفته من هنا و بشكرك عليه جدا

    بالنسبة للكتب اللي أثرت فيا
    كلهم قريتهم و انا صغير.. ممكن كتب و ممكن مجموعة مقالات قرأتهم في أماكن متفرقة لكن عن موضوع واحد

    أنا بحذر من دلوقتي اني حطول أوي!
    عشان بس اوضح أثر الكتاب و الظروف وقت قراءة الكتاب، أعتقد دة حيفيد اللي بيقرأ الرد دة يعرف أهمية الكتاب من عدمها


    في كتاب اسمه: النظرية الحديثة للمكان و الزمان
    المؤلف: ب. س. ديفيس
    عمري ماكملته لأنه كان معقد جدا على واحد عنده 11 سنة!
    فهمت منه القليل لكن القليل دة علمني ان العلم مفتوح أوي و الحقائق المؤكدة فيه نادرة أوي.. و الموضوع دة حيتسع بعد كدة

    كتاب: آينشتين و النسبية
    المؤلف: مصطفى محمود
    تأثيره كان كبير لأني كنت صغير برضة وقتها.. حوالي 12 - 13 سنة
    نفس تأثير الكتاب اللي فاات لكن بشكل أقل

    نتكلم في الجد بقى..
    كتاب: :كــفــاحــي
    المؤلف: أدولف هـتـلـر
    في سن 14 سنة قرأت ذلك الكتاب و كان له أثر كبير
    لأن انا أصلا كنت معجب بهتلر جدا منذ طفولتي.. من و انا عندي 6 - 7 سنين مثلا!
    ماهتمتش في الكتاب بالعنصرية و العداء لليهود (لأني وقتها كنت اتعلمت الفرق بين اليهودية و الصهيونية)
    لكن اللي أثر فيا كان السياسة في الكتاب
    يعني فعلا.. أقدر اقول انه بعيدا عن العنصرية.. النازية كسياسة فعلا تستحق الدراسة.. و الدليل على كدة انها بنت المانيا بعد الحرب الأولى و خلتها أقوى دولة في العالم بما يؤهلها تدخل حرب عالمية تانية تظل منتصرة فيها أربع سنوات

    كتاب: في صالون العقاد
    المؤلف: أنيس منصور
    كان عندي وقتها برضة حوالي 15 - 16 سنة
    مش حقدر احدد بالظبط اية هو تأثيره.. لكن فعلا أثر فيا كتير.. جايز عشان كنت صغير وقتها

    كتاب: نيتشه
    المؤلف: مش فاكر اسمه
    سني وقتها كان حوالي 17 سنة
    الكتاب دة + مقالات متفرقة كنت قريتها عن نيتشه + قراءاتي القديمة عن الفلسفة
    أثروا فيا في حاجات كتير صعب شرحها
    لكن على كل حال أنا لا أنصح أحدا بقراءة نيتشه أو ما يتعلق به

    كتاب: الوجودية
    المؤلف أنيس منصور
    كتاب: الوجود و العدم
    المؤلف: مصطفى محمود

    حوالي 18 سنة لما قريتهم
    ماغيروش فيا حاجة لكن أضافوا للي عندي

    رواية: المقامر + مجموعة قصص قصيرة تانية
    المؤلف: فيودور دوستويفسكي
    19 سنة وقتها
    مش حقدر اوصف تأثيرها
    لكنها رائعة بشكل غير آدمي
    ماكنتش أتصور ان في مؤلف ممكن يكون عبقري للدرجة دي

    سلسلة: ما وراء الطبيعة + فانتازيا
    المؤلف: د. أحمد خالد توفيق
    السلسلة بدأت أقرأها في سن 10 سنين و حتى الآن
    على مدار السنين تأثرت كتير بأسلوب المؤلف في الكتابة
    و حاجات تانية برضة ماتتشرحش لكن يعرفها اللي اتربى على رفعت إسماعيل
    :D

    دول باختصار مجموعة كتب بيتهيألي أثروا فيا الى حد ما
    مفيش كتاب فيهم غيرني بشكل فجائي مثلا أو ان حياتي بعد الكتاب لم تعد كما كانت قبله
    لكن تأثيراتهم كانت بالاندماج مع قراءاتي التانية و مع افكاري الخاصة وقتها

    الكتب اللي عايز اشتريها لو رحت معرض الكتاب
    ممممم
    كتب لنيتشه: مولد المأساة - إنساني، إنساني إلى أقصى حد - العلم المرح - هكذا تكلم زرادشت - بمعزل عن الخير و الشر

    روايات لدوستويفسكي: الإخوة كارامازوف - الجريمة و العقاب و أي حاجة تانية أقدر اجيبهاله

    و أي كتب في الرياضيات و الفيزياء و الفلسفة تعجبني

    أنا طولت جدا مع ان مش من عادتي الرغي
    لكن اسم المدونة شجعني
    :D
    لا في الحقيقة انا عارف ان اللي بيحب يقرأ بيحب يسمع كتير عن الكتب
    فانا افترضت اني كدة مش حخنق حد و ربنا يستر
    :D

    آسف على الإطالة و شكرا لصبرك
    و أحييكي مرة تانية ع البلوج الرائع

    السلام عليكم

    ReplyDelete
  4. الكتب اللي أثرت فيا بشكل كبير جدا وكانت نقاط تحول في حياتي بالترتيب الزمني من الماضي للحاضر هي
    1- منطلقات طالب العلم للشيخ محمد حسين يعقوب
    2- علو الهمة للشيخ محمد إسماعيل مقدم
    3- قدرات غير محدودة لأنتوني روبينز

    السر في الكتاب الأول إنه فيه منهج في العبادة وده شيء أنا كنت تايه عنه تماما والشيخ هنا نبه بشكل ممتاز على النقطة دي

    الكتاب التاني علو الهمة مليان قصص في علو الهمة عن السلف وحاجات فعلا تخللي الواحد يغلي من النشاط والهمة

    الكتاب التالت أول كتاب أقراه في البرمجة اللغوية العصبية ومنه انطلقت إلى إني أكون ممارس برمجة
    والصراحة استفدت منه كتيييير جدا في التخلص من مشاكل نفسية كتير والحمد لله أولا وآخرا واتعلمت طريقة عمل العقل والتحكم فيه وده شيء الصراحة لا يقاس بثمن

    ReplyDelete
  5. انا شخصيا ان شاء الله ناوي اقتحم جناح ميريت واشتري كل كتب الادباء الشباب اللي الدار بتتبنى موهبتهم
    حقيقي بتكون روايات غاية في المتعة

    ReplyDelete
  6. The kite runner - khalid el husseiny
    ثقوب في الضمير- أحمد عكاشة
    عاشوا في خيالي - عبد الوهاب مطاوع
    for one more day - mitch albom

    ReplyDelete
  7. جميل اوي الموضوع ده .. بس كده هكتب كتير .. بس هذكر نبذه

    في مجال التنمية البشريه
    ---------------------
    الكتاب الاكثر تأثيرا في حياتي
    الرجال من المريخ .. النساء من الزهرة**
    وكتاب
    المريخ والزهرة للأبد برضو ده كتاب لجون جراي **

    دع القلق وابدأ الحياه
    (ديل كارنيجي)
    وده الكتاب الي اخرج اروع كتب الغزالي بعد ما قراه وقرر يكتب النسخه العربيه الاسلامية الصحيحة على الفطرة

    جدد حياتك ..**

    وكمان كتاب
    كيف تكسب الاصدقاء وتؤثر في الناس
    لكارنيجي برضو

    **Who moved my cheese
    **the Present
    كتابين لجون سينسر

    اما توني بوزان فقريت ليه كتييير اوي كتب
    اهمها
    **العقل القوي
    **
    وافضل ما يمكن الحصول عليه للخرائط الذهنيه

    --------------------
    كتب في مجال تنمية المال

    أغنى رجل في بابل

    الاب الغني الاب الفقير
    دليل الاستثمار للاب الغني
    كوتلر يتحدث عن التسويق

    ---------------------
    اما الريس الكبير ستيفن كوفي
    فطبعا غاني عن التعريف كتابيه الشهيرين

    العادات السبع للناس الاكثر فاعليه

    اداره الاولويات الاهم أولا

    ------------------------

    بعض الروايات
    يوتوبيا
    كليله ودمنه
    اوليفر تويست
    سلسله ما وراء الطبيعه
    وغيرهم كتير اوي
    .........etc

    --------------------
    السياسه
    حرب الثلانون عاما لهيكل
    --------------
    الدين
    القران الكريم
    رياض الصالحين
    من ترك شيئا لله عوضه الله خيرا منه
    خرافه السر
    ............etc

    في مجال العمل
    ---------------
    OOP in c++(Robert Lafore)
    Operating system concepts
    Turbo c++
    learn C#
    JAVA Complete Ref.
    Database Fundamentals(Ramez el Masry)
    Data Structure in C++
    software Engineering 6
    Computer Networks and comm.
    ........etc
    كفايه كده اوي .. الكتب كلها ما عدا بتاعه الشغل والبرمجة والمذاكرة للأسف علشان كنت محتاجها في الكليه ومفيش فلوس وحاليا برضو بستخدمهم في ال
    ITI
    ..الباقي 90 في الميه عندي نسخ اصليه بحوش وبجبهم على فترات علشان موضوع اني اسرق ده

    وتحياتي

    ReplyDelete
  8. kotb h2raha this vacation isa
    ay 7aga le baha2 taher w awlha isa ktabالحب في المنفى,
    3mory ma2rtlo bs sm3a eno kwis :)
    kman she3r amal donkol
    who moved my cheese
    الوابل الصيب
    القاهرة
    مذكرات فتاه في
    ‎الغربة
    akml seven habits
    java java java :)

    thanx honda 4 ur useful post :)

    ReplyDelete
  9. قوة عقلك الباطن
    حول العالم فى 200 يوم لأنيس منصور
    أعجب الرحلات فى التاريخ لأنيس منصور
    مذكرات سائح مصرى فى مصر لحسين قدرى

    ويارينت انتى كمان تقوليلنا على الكتب الحلوة اللى انتى قريتيها

    ReplyDelete
  10. أكتر كتاب بصراحة أثر فيا
    وهو لأنيس منصور بردو كان كتاب (أرواح و أشباح) وهو كتاب قيم و ثري بتراث غريب من الحكايات المكتوبة بكشل أدبي أكتر من رائع.واكتر قصة عجبتني فيهم قصة بنت باردة قال عنها انيس منصور" لم تبكي على أحد فلما ماتت لم يبكي عليها أحد" و صراحة من وقتها وانا اخاف انني اتجاهل مشاعر الأخرين حتى لا يتجاهل الاخرين مشاعري
    الكتاب التاني هو كتاب (أحب و اكره)لأنيس منصور بردو اتعلمت مننو ازاي احب و اكره.. اتعلمت مننو حاجات فعلا ضافتلي اكتر من اربعين سنة خبرة

    ReplyDelete
  11. فكره جميلة مشاركة الكتب دى

    الكتب اللى أثرت فى حقا

    1- مزكرات الدعوة و الداعية للاستاذ حسن البنا
    2- الرسائل -حسن البنا
    3- أفراح الروح-سيد قطب
    4- التصوير الفنى فى القرآن -سيد قطب
    5- الذوق سلوك الروح= ا عباس السيسى
    6- العوائق و الرقائق و المنطلق و المسار - للاستاذ محمد أحمد الراشد
    7- رحلتى من الشك الى الايمان - د مصطفى محمود
    8- المفاوضات السرية بين العرب و اسرائيل 4 اجزاء - محمد حسنين هيكل
    9- أوقات عصيبة -تشارلز ديكنز

    وبس

    ReplyDelete
  12. رياض الصالحين.. بالذات الأبواب الأولى المتعلقة بالعبادات القلبية
    قصة قصيرة لكاتب أيرلندي اسمه جيمس جويس اسمها كلاي clay
    من مجموعته القصصية Dubliners.. هدور على المجموعة السنة دي في المعرض تاني إن شاء الله مع إني اشتريتها السنة اللي فاتت من سور الأزبكية و نسيتها في الباص :D
    رواية اسمها زمن البراءة أو Age of innocence لكاتبة امريكية اسمها Edith wharton
    دي لقيتها بصعوبة في المعرض السنة اللي فاتت و نفس النسخة اللي كنت بحلم بيها.. كنت فرحانة بشكل مش عادي .. الجميل فيها إنها بتعرض معنى في اخر الرواية معظمنا ممكن يكون غافل عنه

    بحب كتاب اسمه الحجاب لمحمد اسماعيل المقدم قرأته قبل كده و هحاول أجيبه السنة دي إن شاء الله.. كمية معلومات عن تاريخ حركة تحرير المرأة و معركة الحجاب في مصر مش طبيعية.. الجميل إن المؤلف موثق كلامه و الكتاب ليه مرجعيه

    بحب مسرحية اسمها Look Back in Anger لكاتب انجليزي اسمه John Osborne
    هحاول أجيب نسخة منها إن شاء الله.. أكتر حاجة أثرت فيا في المسرحية دي.. كمية الغضب اللي حاسس بيها بطل المسرحية.. تصدقي إن تعبيره عن غضبه بيأثر فيا بشكل مش عادي.. رغم إن معظم النقد اللي ع المسرحية دي بيقول إنها مسرحية مينفعش تتقرأ إلا في وقت ما اتكتبت

    من الكتب اللي إثرت فيا بردو بس لسه مقرأتهاش Anna Karenina هحاول أجيبها إن شاء الله السنة دي.. أكتر حاجة بتشدني و تخليني أفكر.. هل أنا كانت تستاهل ترمي نفسها تحت القطر عشان اتخلت عن ابنها.. نفس الكتاب بيفكرني بمسرحية اسمها Hedda Gabler بتضرب فيها البطلة نفسها بالنار في الآخر.. من اليأس.. تسألي نفسك.. هل هي غلطانة فعلا؟؟ للدرجة دي؟..

    من الحاجات اللي أثرت فيا بردو.. مسرحيات كاتب اسمه Henrik Ibsen.. لأنهاواقعية و بسيطة جدا.. في وقت كانت الواقعية أصلا مش خيار مطروح

    ممكن تضحكي عليا لو قلتلك ان مسرحية Othello لشكسبير أثرت فيا بردو.. لأنها مرتبطة عندي بمعنى الحقيقة و الوهم.. أو ان المعرفة هي نفسها الرؤية او العكس

    السنة دي هحاول اشتري كتاب Our Iceberg is Melting اللي بيكلم عن كيفية احداث التغيير إن شاء الله
    و هعمل بحث كويس في الكتب العربية الحديثة.. و هختار كتب بشكل عشوائي.. عشان بصدق أنا اكتشفت إني عندي أزمة ثقة مع الكتب العربية الحديثة هحاول أتخطاها.. و بيني و بينك هستعين بترشيحاتك يا هوندا على جود ريدز و ترشيحات أصحابي كمان
    هكمل سلسلة عن تاريخ المسيحية للأب يوحنا جرجس الخضري باقيلي فيها الجزء التاني
    هحاول اطلع على الكتب في مجال الديزاين
    من الكتب اللي بفكر اشتريها بردو Reading Lolita in Tehran لأني حاليا بقرأه على الجهاز و هيبقى شيء جميل لو عندي هارد كوبي منه
    و احتمال اشتري memoir of a Giesha

    ReplyDelete
  13. جميل قوي الحوار دا
    يا سلام يا هوندا لو تلخصي كلام
    الناس دا قبل ما المعرض يقفل علشان الناس كلها تستفيد
    و انا اولهم :)
    خصوصا انا مش عايز ازور معرض الكتاب الي اشوف اراء الناس علشان اجلب اكبر عدد من الافادة
    :)

    ReplyDelete
  14. اقصد تلخصيه في تدوينه يعني
    :)

    ReplyDelete
  15. أشكركم يا أصدقائى بالنسبة للتلخيص بيتهىء الأفضل ان الناس تقرأ
    :D

    ReplyDelete
  16. انتي يا بنتي مش قلتي هتعلقي و تقولي هتجيبي ايه و بترشحي ايه؟ أنا بدخل كل يوم اشوف و مش بلاقيكي علقتي.. انتي خلتينا نكتب و مش ناوية تعليقي و للا ايه؟

    ReplyDelete
  17. فكرة رائعة هاستأذنك اعملها في المدونة بتاعتي ؟؟

    وبالنسبة لكتبي اللى أثرت فيا فهي

    * رياض الصالحين

    * لا تحزن .. عائض القرني

    * استمتع بحياتك .. محمد العريفي

    * الدموع الخرساء ( مجموعة قصصية ) .. محمد عبد الحليم عبد الله

    * العنكبوت ( رواية ) .. مصطفي محمود

    * رجل تحت الصفر ( رواية خيال علمي ) ... مصطفي محمود

    * من الذي حرك قطعة الجبن الخاصة بي

    * رسالة إلى أي شاب .. صلاح منتصر

    * يوم بيوم .. أنيس منصور

    * لو جاء نوح .. أنيس منصور

    * الذين ضحكوا حتي البكاء ( مجموعة قصصية ) .. مصطفي محمود

    * صيد الخاطر .. الامام ابن الجوزي

    * الفوائد .. ابن القيم

    * نور الدين محمود ، شخصيته وعصره .. علي محمد الصلابي

    * الفراسة طريقك إلى النجاح .. عز الدين نجيب

    ReplyDelete
  18. أحمد بن أبي السعود الشافعي
    أولا بأرحب بكل من شاركوا في هذا الحوار ولكن تبقى ملحوظة يجب أن أستدعيها للمثول بين أيديكم ألا وهي:التباين في الأفكار والموضوعات والمناهج لا يبني شخصية علمية مثقفة قادرة على الخوض في غمار الحياة والفوز بأينع ثمارها. فبين الوجودية،والشيوعية،والنازية،والبرجوازية،والبرناسية،والرومانتيكية والكلاسيكية،وغيرها من مناهج الفكر والأدب والنقد من جهة، وبين الدين عموما والإسلامي خصوصا تباينا كبيرا لا يجمع قلب ولا عقل بينهما إذ لا اجتماع بين ما أراد الله تعالى،وبين ما أراد هؤلاء الماديين العالمانيين الخبثاء فإياكم يا إخواني من التلون فلا سبيل للجمع بين هذه وتلك وبالتالي من تغافل تلك الملحوظة وقع مشتت الفكر في مدارات الغزو القادم من بلاد أوروبا وأمريكا والاتحاد السوفيتي الهالك وغيرها من بلدان اللادينية حيث لا دين ولا أمان ولا علم ولا ثقافة ويكفي في الدلالة علي ما أبرهن عليه مقولة أينشتاين: لقد بحثت عن العلم حتى وجدت ألا فارق بين العلم والجهل.وذلك من ضلال القوم فإن كل علم لم يدل على الله تعالى فهو جهل ولا أكثر من الصراع الذي قال به ماركس وإنجلز، والمكيافليه البرجماتية الفاسدة،والحداثة والتي خان بها الإنسان إنسانيته،وتنكر بها لوجوده، عياذا بالله تعالى من ذلك ...
    الكتب التي أثرت في كتاب الله تعالى،وصحيح البخاري ومسلم ،والسنن للترمذي،وكذا للبيهقي،وأبو داوود،وابن ماجة،وكتب الأئمة أمثال من سبق ذكرهم وكذا ابن القيم وابن تيمية وابن رجب وبن مفلح وبن الجوزي رحمهم الله تعالى..آسف على الإطالة والسلام عليكم ورحمة الله وبركاته

    ReplyDelete

 
لـلـرغـى فـنــون - Blogger Templates, Wordpress Templates Free - by Templates para novo blogger HD TV Watch Entourage Online. Featured on Local Business Singapore