who moved my chees?


who moved my chees?
من حرّك قطعة الجبن الخاصة بى

كتاب عبارة عن قصة بسيطة ولكنها روعة بمعنى الكلمة وتغير كثير من المفاهيم لدينا المتمثله فى معنى "التغيير" وخوفنا دئما ومقاومتنا لأى تغيير جديد يحدث فى حياتنا ، فلو كنا انتبهنا لمقدمات هذا التغيير لما شعرنا بهذه المقاومة وبدل من ذلك لابد ان نسير مع هذا التغيير المتمثل فى قطعة الجبن عندما تحركت فالأفضل أن أتحرك معاها بدلاُ من أظل أقف مكانى وابكى على اللبن المسكوب

بجد بجد هتستمتعو بقراءة هذه القصة خصوصا عندما تتخيل نفسك فى أحد التجارب التى مررت بها وتصرفت كما فى الكتاب

عندما تغير نصرفاتك تغير معتقداتك
لو كنت توقعت التغيير لما قاومته
ملاحظة التغييرات البسيطة تجعلك تتأقلم مع التغييرات الجذرية التى قد تصادفك
مستقبلاُ

أسرع طريق للتغيير أن يسخر الإنسان من حماقته وساعتها سينسى مافعل وسوف يواصل المسير
أخذ الأمور ببساطة , وأن تكون مرناُ وسريع التصرف
لا تبالغ فى تعقيد الأمور وألا ستقع فريسة لمعتقدات مفزعة
الأمور لا تتحسن الأ بعد أن تتغير أنت

باختصار التغيير المفروض هو التغيير المفروض




24 comments:

  1. أنا قرأتها يا هنودة و بردو عجبتنى قوي
    فعلا احنا محتاجين نتعلم ان التغيير في حد ذاته شئ كويس لأنه معناه الحركة و الحركة فيها فوائد كتير حتى لو غلطنا هنتعلم اننا مانغلطش تاني

    شكرا على اللينكات انا فعلا كنت محتاجاهم

    ReplyDelete
  2. عندي الكتاب ومقرئتوش :)
    هقرئه إن شاء الله

    ReplyDelete
  3. ألف شكر يا هوندا على الكتاب القيم ده
    جزاك الله خيرا

    ReplyDelete
  4. العفو :)

    بجد لازم تقرأو الكتاب بجد هيفرق معاكم
    وهو بسيط ومجدى

    ReplyDelete
  5. ربنا يعزك يا هوندا
    بجد من التدوينات اللي بستفيد منها جداً
    وبتحفزني كمان ... يعني عامل حفااااز
    صحيح انا الكبير بس بتعلم منك كتير ... كبير سناً بس
    ربنا يوفقكم ف حياتكم ويسعدكم ... ووصلوا سلامنا لأمير مملكتك
    ربنا يجمع بينكم في طاعته وبركاته دائماً
    دمتي بخير

    ReplyDelete
  6. جزاكي خير يا هوندا
    تم تحميل الكتاب و حقراه قريب ان شاء الله

    ReplyDelete
  7. أحسن حاجه في الكتاب انه بسيط وبيوصل الفكره بطريقه مختلفه ... قرأته من كام شهر وفرق معايا وفي تفكيري
    ربنا يكرمك ياهوندا

    ReplyDelete
  8. قرأت الكتاب ده فعلا من فترة وكان من الكتب اللي عجبتني جدا
    نسيتي تقولي برضه من أمثلة التغيير تغيير مكان السكن والمدينة والبلد وما إلى ذلك
    ده مجرد ملحوظة
    ;) :D

    ReplyDelete
  9. انا لسه قاري الكتاب النهاردة والله
    بجد بجد كتاب جااااامد جداااا جداااا
    والف الف مليون شكر
    :D

    ReplyDelete
  10. thanks a lot for reminding me to read it :)

    ReplyDelete
  11. كتاب رائع جدا
    وجونسن سبنسر عامل كتاب تاني اسمة
    The Present
    او الهديه
    وقصه برضو على ضغوط العمل رائع جدا
    حطيه في اللسته
    :)
    تحياتي

    ReplyDelete
  12. هوندا حبيبتى وحشانى خاااااااااالص

    متهئلى الكتاب ده يكون حلو ليا ... اصلى من هواة عدم التغير بتاتا

    يارب يجيب نتيجه بقى
    شكرا يا جميله

    ReplyDelete
  13. انا قرأت الكتاب ده قبل كده
    وفعلا جامد جدااا

    شكراا هوندا

    ReplyDelete
  14. على فكره الكتاب موجود في مكتبه مبارك ,
    انا قريت منه هناك بس مخلصتوش كله
    فعلا جميل جدا

    ReplyDelete
  15. أرجو بس ألا تساهمي في نشر السرقة

    الكتاب له حقوق ملكية ولم يسمح مؤلفه أو دار نشره بتوزيعه على الإنترنت بشكل مجاني وإن كان موجود على النت بطريقة غير شرعية فلا يجب الإشاره إليه

    فقط لكِ حق النصح للقراء بشراء الكتاب أو البحث عنه في المكتبات العامة

    يكفيكِ أوزارك فلا تحملي أوزار غيرك :)

    ReplyDelete
  16. فى اختلاف فتاوى فى الموضوع ده
    فى ناس بتقول انه لو مش مسلم مش حرام

    ده الكتاب اليتيم الى حطيته عندى فى المدونة

    وبعدين انت خفت تكتب اسمك ولا ايه
    :D

    ReplyDelete
  17. لا .. بس محستش أنه هيضيف ليا شيء :D

    لا علم لي باختلاف الفتاوى ولكن لي سؤال لكِ:

    هل سرقة نقود رجل أمريكي حرام؟

    أعتقد السرقة سرقة ومش بينا حالة حرب معلنة بين دولة ما عشان نستحل نقود مواطنيه ..

    والكتاب أيضًا نقود يعني بيتقوم وبتقدر قيمته بالنقود وهذا يكفي

    ReplyDelete
  18. طب مافى حاجة بتقول ان طلب العلم المفرض مكنش ليه نقود
    وانا بصراحة لو اخدت بالمعتقدات الشخصية كل واحد هيطلع تحليلات مقنعه

    يعنى لازم لى جهة شرعيه ثقة تفتى بده وانا فعلا بسأل ع الموضوع من فترة ومش قادرة الاقى حل
    !

    ReplyDelete
  19. حسنًا وآسف على التدخل وهذا أخر رد لي في هذا الموضوع فقط للاستفهام حول هذه النقطة :

    طب مافى حاجة بتقول ان طلب العلم المفرض مكنش ليه نقود

    ---

    أولا لا أعلم ما الشاهد في استنتاجك هذا!
    العلم المفروض اللي ممكن أفهمه من عبارتك هو علوم الدين الإسلامي، وأغلب الكتب الخاصة به تراثية ومتاحة على الشبكة مجانًا وفي الواقع بأسعار متدنية جدا

    وإن كنتِ تقصدين أيام زمان، فمعلوماتك خاطئة جدًا لأن زمان كان فيه برضه حاجة أسمها (الوراقين) يعني اللي بيبعوا الكتب وبيتخذوها مهنة ليهم، ومكنوش بيوزعوها على الناس مجانًا

    حتى أن كان في هذه الأزمان مزادات تقام خصيصا لبيع الكتب

    أتكلم عن زمان الشافعي مثلا على سبيل المثال، طالعي سيرته لتعرفي أنه كان بيشتري الكتب برضه بصعوبة

    أما حلقات الدين والذكر فهي وإن كانت مجانية فليس سرقة، لأن الذي يدرس في هذه الحلقة هو نفسه صاحب الكلام الذي يقوله ولم يمنع أحد من الاقتراب والاستماع منه

    بصراحة أخرى لا أحتاج لفتوى لتبرر لي أن سرقة حقوق دار النشر التي هي شركة قائمة ومؤسسة ربحية تجارية تهدف للربح .. شيء مباح!

    ستكون هذه الفتوى من أعاجيب هذا الزمان بصراحة

    للمرة الأخيرة .. مدام الكتاب يعتبر سلعة فأخذه بدون إذن أو شراء من أماكنه المعروفه يعتبر سرقة وهذا وفوق كل ذي علم عليم

    وقلت في أول رد لي :
    تريدين أن تمارسي هذه السرقة اخل نطاق نفسك .. فهذا لكِ وبينك وبين ربك

    ولكن لا تنشريها بين الناس

    نقطة أخيرة : أغلب الكتب التي تُسرق حقوقها مترجمة بواسطة مترجم مسلم في الغالب أو من أهل الكتاب له علينا حقوق ومن دور نشر عربية، والعام الأغلب في بقية الكتب التي تُسرق هي لمؤلفين عرب :)

    ReplyDelete
  20. أولا لا داعى للأسف انا مش معارضة لكلامك بالعكس انا مشتته ليس إلا وبحاول أفهم من كذا اتجاه لان وارد انه تكون نقط غاية عن ذهنى

    بالنسبة للوراقين فعلا كان موجود وكان ينقسم لجزءين جزء لشراء الكتب وجزء كمكتبه يتقرأ فيها الكتب فهل الى يدخل يقرأ الكتاب من غير مايشتريه يبقا كده عادى وحلال؟

    وعموماً الحل الأسلم انى هشيل اللينكات ومش هنشرها بين الناس وانا اخدت القرار فعلا من اول مرة نبهتنى للموضوع لكن كان فى بعض النقط متناقضة أمامى ليس إلا لحد ماتتضح اتجنب النشر وخلاص

    ReplyDelete
  21. ازيك يا هوندا بصراحه اول مره اسمع عن الكتاب بس من كلامك شكله حلو ان شاء الله اقرأه قريب

    ReplyDelete
  22. انا قرأت الكتاب منذ سنة تقريبا

    ولازلت متأثر به حتي الآن

    فعلا قصة رمزية رائعة

    تحمل معان كثيرة

    ReplyDelete
  23. حقيقه انا اول مره اكتب تعليق في مدونتك وبصراحه انا عرفت مدونتك من خلال تصفحي لمدونه مغربي موضوعاتك شيقه جدا تستحق المتابعه

    ReplyDelete
  24. جزاك الله خيرا ياسارة :)

    ReplyDelete

 
لـلـرغـى فـنــون - Blogger Templates, Wordpress Templates Free - by Templates para novo blogger HD TV Watch Entourage Online. Featured on Local Business Singapore